عالم الحياة الزوجية - منتدى

شادن قطر · 17-02-2009, 12:00

السلام عليكم ورحمة الله وبركاته
أخباركم إن شالله طيبين...
اليوم جاتني فكره اني احط قصايد لي أنا (شادن قطر) ولصديقتي اللي تكتب تحت لقب(هواويه)
بيني وبينها كثير من الرديات وقلت احط ردياتنا بواقع واحده كل شهر واتمنى تفاعلكم
ببدى بقصيده كتبتها الغاليه هواويه واعجبتني او استفزتني لدرجة اني تقمصت دور الحبيب (الرجل) وكتبت
الرد....طبعا في كثير من الاحيان تاخذنا الحماسه وتصير قصيده ورد ورد ....
أتمنى ان الموضوع يعجبكم وهذي أول رديه.

شادن قطر · 17-02-2009, 12:16

غرام رجال

حبيبي كل هذا فيك حقيقه ماهقيتك شال
في قلبك من سنين تشيل تزيد ويزيد غربالك

هدرت الدمع أنا لجلك ولا اظن الدموع إذلال
ولاحسبة قوي وضعيف ولا أي شي من بالك

وانا يوم ن هدرت الدمع لأنك يالغلى مثقال
واذا عندك دموعي ضعف صعب ماأضعف إقبالك

غزير الدمع مايفضح ولكن شهقة الهمّال
أحاول اخفي إدموعي ويبان بصوتي الهالك

جفاي وجاك متعمد لاصدفه ولا إهمال
تعمدت الجفا ويّاك غصب عنّي من أفعالك

صراحه اظنيت لي حالي مرضت وجبت لي السلال
تظن للحين ساكتلك ! أنا بعدين بفضالك

ولمّا انته تعذبني تظن هذي فعول إرجال؟؟
ولو ظنك كذا بالحب خساره الحب لأشكالك

16/11/2002
هواويه

شادن قطر · 17-02-2009, 12:27

بنسى لك

أنا أحب الهوى مر وحالن مر ثمن حال
كذا أحلى كذا أدفى عشان أذوب بوصالك

حلاة الحب في عيني إلا مني بعدت أميال
وانته تحتري طيفك وعمد أخيب آمالك

وأرجع بعدها واله أجفف دمعك اللي سال
أطمن قلبك الملهوف وأهدّي رجفة أوصالك

أناني حيل في حبي وعذابي لك أدري طال
ولكن من كثر مااغليك أبي مااغيب عن بالك

كثيره هي طروق الحب حبيبي والغرام أشكال
وانا طبعي عنيفن صلب كذا وان كان يحلالك

حبيبي انت تحسب الحب غزل وغنوه وموّال!
وتبيني مبتسم رايق ودوم أنشد عن أحوالك

كذا ولاّ آنا مااحبك كذا ولاّ مني برجال
ياليت تراجعه هرجك وتثمّن يالغلى أقولك

عشان الحب بعدّيها وكأن ذا الهرج أبد ماانقال
بعلمك إن أنا رجّال بطوّفها وبنسى لك

21/11/2002
شادن قطر

شادن قطر · 17-02-2009, 12:30

انتظر تفاعلكم

شادن قطر · 17-02-2009, 18:53

بْقَاٌيَاٌ҉ذِكْرَيَاٌتِ · 18-02-2009, 11:50

حلاة الحب في عيني إلا مني بعدت أميال
وانته تحتري طيفك وعمد أخيب آمالك
وأرجع بعدها واله أجفف دمعك اللي سال
أطمن قلبك الملهوف وأهدّي رجفة أوصالك

روووووووعه رووووووووووعه روووووووعه يا شادن كملي لاتنامي .. خخخخ

صح لسانك .. سلملنا هالذووووق .. وهالابداع .. والفن الشعري الي تملكينه
واصلي .. وننتظر جديدك يا شاعرتنا ...

شادن قطر · 19-02-2009, 09:49

اقتباس:

المشاركة الأصلية كتبت بواسطة نوسه13

حلاة الحب في عيني إلا مني بعدت أميال
وانته تحتري طيفك وعمد أخيب آمالك
وأرجع بعدها واله أجفف دمعك اللي سال
أطمن قلبك الملهوف وأهدّي رجفة أوصالك

روووووووعه رووووووووووعه روووووووعه يا شادن كملي لاتنامي .. خخخخ

صح لسانك .. سلملنا هالذووووق .. وهالابداع .. والفن الشعري الي تملكينه
واصلي .. وننتظر جديدك يا شاعرتنا ...

نوسه والله تحرجيني....
صح ابدنج يالغاليه
ودي اواصل بس انتظر تفاعل الاعضاء والعضوات مازال في جعبتي الكثير
اتشرف انج تكونين من المتابعات لي يانوووووسه

شادن قطر · 19-02-2009, 23:16

احلام وردية · 20-02-2009, 01:11

وعليكم السلااام ورحمة الله وبركاااتة

هلا بك يالغالية وبصديقتك هواويه

ابيااات ورد رائعييييين يا شادن ..فأنتي دوووماً رمز الابداع والتميز

وصح الله لسااانك ملااااين ياشاعرتنا الرااائعة

نحن في انتظار ابداعك بكل حب وشوق غاليتي..

شادن قطر · 20-02-2009, 11:53

اقتباس:

المشاركة الأصلية كتبت بواسطة احلام وردية

وعليكم السلااام ورحمة الله وبركاااتة
هلا بك يالغالية وبصديقتك هواويه
ابيااات ورد رائعييييين يا شادن ..فأنتي دوووماً رمز الابداع والتميز
وصح الله لسااانك ملااااين ياشاعرتنا الرااائعة
نحن في انتظار ابداعك بكل حب وشوق غاليتي..

هلابج اكثر اختي احلام ورديه
سلمتي وسلم ذوقج كلام كبير يارب اكون استاهله تابعينا وانشالله بتلاقين اللي يسرج ويرضي ذوقج فما زالت هناك كثير من الرديات سواء نبطي او نثري...داااااائما اسعد بمتابعتج ok

14

دافي^احساس · 21-02-2009, 00:25

تذكرني الهواويه وشادن قصة الترحال....وقلبي فز للماضي وقسوة ليله الحالك

وطاحت دمعة حمرااا تقول ان الوصال امحال...مادام ان الحبيب أقفى والحرمان يبرالك.

وصرخ في داخلي صوت الحزن يبكي على الاّمال...واذا مات الأمل ماينفعك عمـّك ولا خالك

قصايدكم حلوه والله يعطيج العافيه شادن.

شادن قطر · 21-02-2009, 00:44

اقتباس:

المشاركة الأصلية كتبت بواسطة دافي^احساس

تذكرني الهواويه وشادن قصة الترحال....وقلبي فز للماضي وقسوة ليله الحالك
وطاحت دمعة حمرااا تقول ان الوصال امحال...مادام ان الحبيب أقفى والحرمان يبرالك.
وصرخ في داخلي صوت الحزن يبكي على الاّمال...واذا مات الأمل ماينفعك عمـّك ولا خالك
قصايدكم حلوه والله يعطيج العافيه شادن.

الله الله الله الله مرورك المختلف اروع يعافيك ربي يا دفي احساس

رومانسي غير · 21-02-2009, 01:40

....

شكرا شاادن

بصراحة ردك كان في قسوة على طبيعة الرجل في الحب

ابدا الرجل ماهو كيذا ان كان صادق في حبه

الرجل حين يحب فانه يشحذ الوصاال ولا يفكر في انه هذا الشي يقلل من قيمته كرجل

فالحب يلغي الكثير من مبادئ الرجولة العصبية ويستسلم تمااماا لكل ما يحس به من مشاعر .

ومثل ما قال الامير الشاعر خالد الفيصل

ياللي تعرفون الهوى لا تلومون .. يلومني من لا دري ويش حالي
الحب يودع عاقل الناس مجنون .. ويودع كبير السن مثل العيالي
واهل الكرم والجود لاجله يذلون .. ويشحذ عزيز النفس فيه الوصالي

هذا هو الحب الحقيقي بالنسبة للرجل وان كان غير ذلك فهو ليس حب وانما مجرد

تمثيل او محاولة للاعتذار من المحبوبة بشكل لبق وغير مبااشر .

كان هذا يخص المضمون اما القصاائد فانها غااية في الروعة وفيها من الابداع الشعري الكثير

وصح لساانك ولساان الهواوية .

شادن قطر · 21-02-2009, 11:20

اقتباس:

المشاركة الأصلية كتبت بواسطة رومانسي غير

....
شكرا شاادن
بصراحة ردك كان في قسوة على طبيعة الرجل في الحب
ابدا الرجل ماهو كيذا ان كان صادق في حبه
الرجل حين يحب فانه يشحذ الوصاال ولا يفكر في انه هذا الشي يقلل من قيمته كرجل
فالحب يلغي الكثير من مبادئ الرجولة العصبية ويستسلم تمااماا لكل ما يحس به من مشاعر .
ومثل ما قال الامير الشاعر خالد الفيصل
ياللي تعرفون الهوى لا تلومون .. يلومني من لا دري ويش حالي
الحب يودع عاقل الناس مجنون .. ويودع كبير السن مثل العيالي
واهل الكرم والجود لاجله يذلون .. ويشحذ عزيز النفس فيه الوصالي
هذا هو الحب الحقيقي بالنسبة للرجل وان كان غير ذلك فهو ليس حب وانما مجرد
تمثيل او محاولة للاعتذار من المحبوبة بشكل لبق وغير مبااشر .
كان هذا يخص

هلا اخوي رومانسي غير
العفو
امممم اعتقد ان الرجال تماما كالنساء ردود افعالهم تختلف ...ولن اجادلك لانك رجل وادرى فمهما تقمصت دور الرجل أضل في النهايه انثى...عجبني تعليقك جدا اخوي ومنكم نستفيد.

اقتباس:

المضمون اما القصاائد فانها غااية في الروعة وفيها من الابداع الشعري الكثير
وصح لساانك ولساان الهواوية .

صح ابدنك تسلم اخوي رومانسي الرائع ردك بصراحه اتمنى ان تقبل دعوتي بالمرور على محاولاتي الشعريه اذا سنح وقتك ..تهمني ملاحظتك وسعدت بتواجدك

شادن قطر · 22-02-2009, 09:23

اقتباس:

حلاة الحب في عيني إلا مني بعدت أميال
وانته تحتري طيفك وعمد أخيب آمالك

ترى البيت وانته تحتري طيفي اسموحلي على الخطا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

رديّات