عالم الحياة الزوجية - منتدى

تمساح له ذيل · 25-02-2009, 00:02

السلام عليكم

كيف الحال .... بغيت استشارتكم في موضوعي!

انا مملك من 5 شهور تقريبا والعرس انشالله بعد 4 شهور .... بحكم العادات والتقاليد ممنوع علي اني اشوف او اكلم زوجتي (عادات غبيه جدا) لكن الله يخلي "جيمس بوند" اللي جاب لي رقم التلفون وصرت اقدر اكلم زوجتي (صوت بدون صوره مع الاسف بس احسن من لاشيء) المهم انا لي حاليا مايقارب الـ 4 شهور اكلمها بالتلفون وارسل مسجات يوميا وسوالف وضحك (ولو انه في الدايه كانت الامور صعبه بس الحمدلله) إلا الان مافيه سوالف "جنسيه" لاني من النوع اللي يشوفها مش حلوه مرررره بالتلفون!!! واحب اطبقها في الواقع لانه لها طعم احلى ومن القلب للقلب مب وايرلس

اغلب سوالفنا حلوه وفيها ضحك ووناسه ,,,, اوكيه

من اسلوبها وطريقة كلامها فهمت انها من النوع الخجول جدا جدا وانها تحبني بس بتردد وانا من النوع اللي مايحب يستعجل في الامور علشان كذا مب ضاغط عليها (مع اني قلت لها بس ما أصيرت) وابغاها تستجيب معي بطبيعتها مش بالالحاح والضغط ....

المشكله بحطها لكم في عدة نقاط!

1- من يوم ملكنا إلى اليوم انا اللي بس يتصل (طبعا هي ترد علي إذا مافيه حولها احد من اهلها)
2- من يوم ملكنا الى اليوم انا اللي يوميا يرسل مسجات سواء رومانسيه/حب او اسأئل عن احوالها ... اما هي فرسائلها عاديه جدا كانها تكلم (زميله في العمل ,,,, يعني بدون مشاعر؟؟)
3- خجلها طوووول .... يعني 4 شهور من المكالمات والتعارف اعتقد انها كافيه انها تزيل الخجل وتسأل عني وترسلي كلام حلو او تقولي كلام حلو!

انا ساعات اقول في نفسي اطنش كم يوم او كم اسبوع علشان تحس , بس اقول في نفسي يعني ماتستحق اني اسوي فيها كذا لاني ادري انها تحبني بس اللي مانعها الخجل الزايد عن الحد .....

الهدف من الموضوع هو اني ابغي اعرف من الشباب والشابات اللي مملكين هل فيهم من مر بنفس الحاله؟؟
ادري انه كثير كسروا حاجز الخجل من اول شهر بس اكيد فيه حالات اخذت وقت اكثر

][*الحياة حلوة*][ · 25-02-2009, 01:13

اذا مافيها ازعاج مع التوقيع نقدر نرد!؟؟

طبيعي بحكم خجل البنت( الطبيعي )

والله يوفق الجميييييع

sally1426 · 25-02-2009, 02:07

شيء طبيعي انها بتكووووون خجلانه ومن بنت لبنت تفرق مدة خجلها
انتم مع احترامي لك
عجيبين لو كانت جريئة ماعجبت ولو كانت خجولة ماعجبتكم كمان

sally1426 · 25-02-2009, 02:08

وتقدر تسألها وش السبب واذا مستحيه ترد عليك برساله
تقول انا خجلانه منك وانتهينا

تمساح له ذيل · 25-02-2009, 02:18

فلت لها وادري انها خجلانه بس إلى متى؟؟

THE SKY COLORS · 25-02-2009, 02:30

والله ثم والله بتحس بقيمه خجلها هذا لاصارت قدامك قدام عيونك
حلو البنت الخجوله والهاديه
اذا سالفه المسجات والمكالمات اسالها قول لها ماتشتاقين لي كلميني تراني اشتاق لك بس استحي ادق عليك
مافيها شيء صارحها
والخجل حلو بالبنت مو مثل وسيعه الوجه
بتحس بقيمه هالخجل لاصارت جمبك وعجزت ترفع عيونها بعيونك

miss moon · 25-02-2009, 02:33

ياخوي أصبر عليها لاتستعجل لان الخجل شي طبيعي في البنت

واذا مضايقك انها ماتتصل عليك اسألها قل ليش ماتتصلين علي

ويمكن بعدين تتعود عليك وبتتصل

الله يوفقك ان شاء الله ويخف خجل خطيبتك

المروج الخضراء · 25-02-2009, 02:36

يااخي البنت خجوله ولما تتكلم معاها قولها على شكل عتاب خفيف انتي ليش ما تعبرين لي عن حبج ابعثيلي رسائل اشوف فيها مدى حبج واعجابج فيه دقي عليه في يوم من الايام وانشالله راح يزول الخجل الي فيها شويه شويه وشايفين كل الخير بعون الله تعالى . تقبل تحياتي

إنهاأنا · 25-02-2009, 02:46

أول مااتزوجت زوجي قالي نفس كلامك
بس احمد ربك انها ترسلك

عااااااااااااادي جدا واتمنى لكما حياة جميلة

روانـ · 25-02-2009, 07:03

انا تملكت لي 6 شهور
بصراحه ما اتصل عليه
هو يتصل
وما ارد قدام اهلي <<اذا كنت لحالي بس
وما ارسل كثير <<ما احب الرسايل

ماجد 99 · 25-02-2009, 08:29

انا اشوف انها عاديه والبنت من طبيعتها خجوله

موفقين يارب

حلوة قلباً وقالباً · 25-02-2009, 08:40

ما في احلى من البنت الخجولة
ويا حظك قدرت تكلم زوجتك في غيرك ولهانين ع بعض بس ما عساهم ان يفعلوا لا حول ولا قوة الا بالله
وهانت اخوي ما باقي غير شوي

ميمي مجروحه · 25-02-2009, 09:09

يازين البنت بخجلها والله مافي احلى من كذا
طول بالك اهم شي هي تحبك

nada91sh · 25-02-2009, 10:07

اصبر عليها
هي مجرد مكالمات ومسجات ماراح ينكسر الخجل بسهولة .

azzam44 · 25-02-2009, 10:47

مؤشر طيب اخي الكريم انه البنت تكون تستحي والحياء صفة مطلوبة بالذات للبنت

فيه شي جيد وقد يعطيك انتعاش اصبر عنها كم يوم او اسبوع وشوف راح تتصل عليك لكن انت قدر انها تكلمك بحيث اهلها مايدرون فلازم تقدر ضروفها بعطيك نصيحة خبير بالامور هذي
" اي علاقة حب هي في الحقيقة حبل مشدود بين الطرفين قد تشد انت ومره هي تشد اذا شعرت انك ارخيت قليلا"

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل اللي يصير معي عادي؟؟ ((للمتملكين فقط))