عالم الحياة الزوجية - منتدى

غودندا · 25-02-2009, 01:18

الســـلام عليكم

شوفوا ترى هالموضوع باط جبدي شالسوات والله بتشوفون هالخبر العاجل عن جريب يالربع؟؟؟؟شوفوا بنت عمكم شنو صاير وياها؟؟؟
انا عندي عقده من وحده يمي بنفس الدوام

يعني صارلي فتره اعاني
بس الحين خلاص طفح الكيل وياينه الصيف ماني مجبورة احط كمام بعز الرطـــوبه

في بنت الله يستر عليها حبوبه وشقرديه
ادري بتقولون بسج يا بنت من طيوبه وحبوبه وعقب طبوب وسحور ومحور
لا جد هذي عالاقل صارلها 6 اشهر تشتغل ماضرت احد ولا تعرف احد الا انا >>> من قرادة حظي

من اول يوم دخلت فيه بالدوااام واهي يا حلوج يازينج
يعني من باب ولهت عليج وتدشين القلب والذي منوووووو

فيها عيب واحد ؟؟..
صج يعني انا وياها مو صحبه حيل حيل حيل
بس اهي محد ملقيها ويه الا انا
الكل قااااااب من ريحتها

والله انا مو قاعده اذمها مو بعدين تدش وحده وتقولي حرام عليج ما حرام عليج ترى اعصب

وانا ان عصبت اضرب بالملياااان وافرقع

جد جد عليها ريحة ,,,,,,, يااااااااااااااو .. بزوون دايس فار

شي مو طبيعي
يعني مو ملابسها وصخه او مدهنه لا
اهي ريحه بجسمها

تبخ تبخ اي مكتب تدشه وتطلع منه تترك اثر واعليا
الكل ملاحظ بالدوام
واشكره البنات عندنا اول ما تدش ويوهم تتعفس وبس تطلع يقولون اوالله ياالريحه
بس انا ولاااااا كلمة ما اعلق توبه ما اشاركهم لا بحش ولا بمدح اسمع واسكت
بتقولون شنو المشكله؟
مالج شغل فيها
اشلون مالي شغل اذا محد معبرها الا انا حرام تكسر خاطري
النظافه من الايمان واحس من واجبي اقولها بس مادري اشلون ولا ادري برد فعلها ولا اثق باي بنيه بلدوام يعني نسوي خطه مثلا ونتكلم عن ريحه خايسه عشان تهتم ما اثق بالبنات اخاف يجرحونها او يحرجونها

بتقولون خلاص سكتي
مااااا اقدر
تصير الغر فه رطووووبه منها جم مره تدش اقول حق الهندي حطلي فحم وارقع جدامها اقول امي شاريه بخور بجربه وتقول صج يالله خل نشم وتاخذ المبخر وترفع ايدها تبخر تحت ابطها
نوووووووووووو نو ويييييييي تكفين حرام عليج شوي وابجي
تخيلي فوق ريحتها تحط بخور شيصير الوضع؟ كلب ميت

بنات تكفون نصيحتكم فاض فيني ما اقداااااااااااار تبون تقولون لي حرام عليج بتقولون مسكينه بتقولون ما يصير اللي تقولينه قولو اللي تقولون بس شوفولي حل اول شي وانا راضيه ومستعده اسمع كل شي

واي لا تخيلو اكون منزله راسي قاعده اكتب تنط فجاه بويهي تسويلي بووووووه يعني تخرعني وتنفخ بويهي ويدش البخار بحلجي ياااااااااابوي

لا جد ياربي شمسويه انا بدوام العاهات هذا

مره قلت لها تصدقين امس رحت معرض وحده تبيع مسك يننننننن حق ........ وريحة الجسم مو طبيعي شريت منها كميه
قالت ليش ؟؟قلت اي مرات بالحر الواحد تفوح ريحته شسوي امري لله مضطره اقولها جذي يمكن تقول ابي رقمها حقي حق اختي شي
تخيلو قالت وي انتي نوعج بالحر تعرقين انا اشوه لا صيف ولا شتا عمري ما طلع بجسمي ريحه ان شاءالله اسبوع ما اسبح جسمي جاف !!
الله يلعن ابليس الحين انا لصقت التهمه فيني عشان بلفت انتباها ترد علي هالرد اللي يعني كلش الاخت ما تمشي وترش كيماوي

جد بنات الحين بتكلم جد
عاد اقوووووووولكم
البنت حليوة وتحبني وانا احبها وابي اساعدها وابي اقولها بس مادري صح او غلط مالي خلق انكره باجر ويرجع موال السحر بحر

ترى جد هذي مشكله عويصه والاعوص انها مو حاسه والاعوص مو الاعوص الا الحظ المصخم والملطم ان انا الضحيه انا اللي تنفخ بويهي وتحط ايدها على جتفي وتتلزق فيني ايام البرد تقول جاكيتج دافي برررررردانه دفيني وانا لا تكفين دخيل اللي يابوج وخري شنو يوخر الريحه من الفرو عاد ما ينغسل

تكفون انجدوووووووني قبل لا تسمعون بحاله اختناق شديده ادت الى الوفاة بخيسه مو معروف شنو نوعها والا قبل لا اتهور واقولها واحتمال تقتلني انتقاما لفعلتي الشمطاء او بتجوفوني على قناة العربيه باجر ذابحه روحي
طالبتكم
اليوم اجازه وارتحت اني ماشفتها...

غلاااوي · 25-02-2009, 01:29

غوندا حياك الله كانت عندنا معلمة الكل ينفر منها مو علشان ريحة جسمها إلا يا كافي من ريحة فمها لو متر تشمين ريحتها كانت حبوبة ومحترمة لأبعد حد لكن ننفر من ريحة فمها وقررنا أن تتولى وحدة من الزميلا ت أنها تقولها عن هذا الشي وفعلآ جاء اليوم اللي قالت لها بروحهم طبعآ ومن بعدها راحت لدكتور أسنان وعالج له المشكلة بما أنك صديقتها قولي سمعت البنات يقولون كذا وحاولي تبينين هذا الشي وأنصحيها والله يعينك على هالمهمة

خبير المنتدى · 25-02-2009, 01:33

ههههههههههههههههه طيب شنسوي لك خخخخخخخخ وربي حاس الابتوب طلعت منه ريحه خايسه ههههههههههههه الله يعينك غيري دوامك العمر يا شامان ...... ولا اننا نشوفك بالعربيه مختنقه .... خخخخخخخخخ

افهميني · 25-02-2009, 01:41

ههههههه

بس والله انك طيبة لحد الان ما عطيتها ذاك الكلام

وش الحل بعد ..الحل انك تصارحيها باسلوب حلو وتقولي لها ترى يابنت الحلال ودي اشم فيك ريحة حلوة

لانه في هذا الجو الحار اذا مافي طيب وعطر ..على طول ريحة العرق تبان

بس اما اسبوع ما تسبح هذي خاست وجيفت من زمان خخخخخ

مشكلة والله جد وبعض الناس اجسامهم تعرف وتزيت الله يقرفهم يوم ما يسبحوا ويتروشوا كانهم شهر ماعرفوا الماي

قولي لها انتوا وش فيكم ماحد ضارب على صدره وقول انا اقول ..ا وش بتسوي يعني قولوا لها بشكل حلو انتي كذا وكذا وكذا لكن فيك كذا ولاني ما ابي اتضايق منك ولا ابي احد يتكلم عليك قلت لك ..

وساعتها جيبي لها هدية عرض من الي يجوا عطر ومزيل العرق وكريم وحتى لو فيه بعد لوشن بعد الحلاقة يمشي هههه انا هذا الي اعرفه هع

تحياتي

غودندا · 25-02-2009, 02:06

لا شوفو موضوع المصارحه هذا انسو يعني شقولها انزين اقولها فلانه بقولج شي ترى ريحتج مو حلوة
بتقولون لا باسلوب عاد مو جذي
مره دشت وقالت استغفر الله مدري شفيهم البنات علي كل ما قعدت يم وحده قامت هم سامعين عني شي اكو غلط بدر مني
قمت مالت علي قلت لها لا حبيبتي انتي خوش بنيه ميخالف كل واحد وظروفه ساعات الواحد مزاجه متعكر ويبي يقعد بروحه
ومره مرت بالممر وكان في شباب بالممر يبوون يصعدون عند الاصنصير فوق لما شافوها طق واحد جتف الثاني وقاله خل الاصنصير ينزل لا اصعد له قالت شفيني شكلي اليوم غلط؟ جنه الشباب اخترعو من شافوني الظاهر لازم اغير العبايه هذي تخليني قصيرة ومتينه جني كره ثلج
قلت بقلبي الا الواهي اللي تحت العبايه يخلي الاوادم جنهم دعايه فليت ترشين عالزهيوي ينقلب على ظهره و
كل ما تدش عندي وتطلع ارش لها من عطوري اسبحها وبعدين الى متى بعلف عليها والله اغرقها تغريق بالعطر ابي ارتاح واريح القصبه الهوائيه عندي بس ماكو فايده..
يااااربي شالسوات

شـمــوخ · 25-02-2009, 02:12

الله يستـر عليها ويعينها ويعينك على هالوضـع ..
.

انا عندي إقتراح ان شاء الله تفيد معاها ..
.
خذي لها هديـه متواضعه على قد إمكانيات يعني مثلا سله وفيها عطر وصابون وجل إستحمام وبودره معطره ومن هالأشياء .. وغلفيها وقولي لها شفتها في المحل وشريت ثنتين وحده لي وحده لك ابيك تجربينها بكره وتعطيني رأيك ..
..
دايم في تواجدكم مع البنات تكلموا عن النظافه .. والعنايه بالجسم .. والأسنان لأن احتمال الريحه من فمها او خشمها لأن الأسنان واللثه واللوز والجيوب الأنفيه لها دور في هالشيء وممكن حتى المعده .. يعني يمكن يكون عندها مرض مسكينه او شيء ..
..
إذا شفتي الأخت مطنشه .. خذي معتس بخاخ معطر للجو وكل مادخلت بخ بخـي منه قدامها .. يمكن تحـس ..
,,
إذا مره مره مافاد .. ( المسلم مرآه اخيـه المسلم .. صارحيها .. وقولي لها لولا معزتك عندي ماقلت لك ونفرت منك حالي حال الغير بس انا اعتبرك اخت لي ولا ابي يكون فيتس شيء غلط .. ومن هالكلام )

نـــــــــوســــه · 25-02-2009, 02:36

هههههههههههههههههههههههههههههههههههه
على قد ماحزنت عليها على قد ماضحكت
بصراحه اسلوبك في طرح المشكله رئع جدا ودمه خفيف

والله مافي حل غير انك تكلميها بينك وبينها
باسلوب حلو ولبق وبدون مايزعلها منك وقوليلها انا احبك في الله واتمنالك الخير
اما حكاية انك تاخدي لها هديه عطورات وكريمات ماينفع لا انه اساسا يبغالها نظافه داخليه

وبالتوفيق انتظرك على قناة العربيه
خخخخخخخخخخخخخخخخخخخخخ

هاديه بطبعي · 25-02-2009, 02:57

عندي لك حل بعد ماااااااعصرت مخي مضبوط
لابتنحرجين ولا شي
ابيك تكتبي لها رساااااااله بوريقه طبعا بخط كمبيوتر عشان لاتعرف خطك وباسلوب حلو توضحين لها المشكله

التوقيع من مجهول ... يهمه امرك

ودوامي قبلها وحطيه فوق مكتبها او بشنطتها او اي شي عشان لاانتي تنحرجي ولاهي ترا احتمال مرض جلدي وربي

ويارب خير

تقبلي مروري

غودندا · 25-02-2009, 03:08

لا انا بكتب لها رساله الحين الحين الحين
بخليها باسلوب وابي امخمخ عدل
وبالمره هديه عباره عن مسك وشب وهالسوالف اللي تسحب الريحه
وبقولها انا وحده تحبج وتعزج
طبعا راح تدري ان انا لان محد زين معاها بالدوام واهي بنفسها ما تدري ليش يعاملونها جذي البنات
اما اني اسلولف معاها مع البنات عن كل وحده جم مره تسبح وجذي لا نو وي
البنات اللي عندنا خبث ما يصدقون يتطنزون وينغزون حرام فقيره البنت بس غنيه بالروائح اللي تلسع
اللي على طاري العيون
اشوف كل يوم ارجع من الدوام عيوني حساسيه امبيه صج من الريحه؟
لا نو وي هذي دوامت عندنا نص 10 كان الجو زوين شبتسوي فيني بشهر ثمانيه لا ورمضان بعد والناس صيام؟
من الحين لاعت جبدي حسيت الريحه بغرفتي
اتوقع مو من قلة النظافه سمعت اكو جسم غدد يمكن او شغله تنفرز تسبب هالريحه عند ناس اذا كان هرمون عالي او نازل ما اتذكر
قلت لها مره أني بشرب حلبه باشوف اهي تشرب او لا؟؟؟
قلت لها بشرب حلبه عندي ألم في بطني
قالت الله يخليج ان شربتي اخذي اجازة لا تصرعينه بريحتج ريحتها تصير بجسمج ما تروح
قلت ولييييي هذا وانا بصيدها يعني مصره عالنكران

راح اكتب رساله
وامري لله هالمعاش بدخلها بحسبتي وبييب لها تيزاب جود يلمعها والا عاد بحجز لها حمام قبازرد واخلي الايرانييييين تفرييييييييييييييك

كحلها سايل · 25-02-2009, 03:34

غوندا ؟
من طول الغيبااااااااااات جاب الغنايم من زماااااااااااااااااان عنااا ..
امنورتنا وقسسسم ..
واذا ع مشكلة البنت ..
ذكرتيني بمشكلتنا لما كنا بالمطرسه اللعام ..
كان فصلناا منبوذ من الآبلات انواع الذم .. والسبب ريحة فصلناا ..
حتى الفصول الباقيه سوو عليناااا اضراب ..يعني لما يكون عندنا درس في معمل نطر نخرج من فصلنا
و نمر ع ممر يطل ع باقي الفصول ..
تدرين الوقاحه من يعرفون ان طالبات الفصل الفلاني
يقطون حكي ما هو حلو ..
وبعدها زودوها حبتين من يشوفونا ؟ يغطون اخشموهم ..
لين طفح الكيييل .. وآبله من الآبلات تدخلت بالموضوع لين ماا شافت صرفه معاهم ..
والشيء ماهو موجود نهائيا .. وانتي تعرفين كم نفس بالفصل تقريبا 56 بالله وين ما تصير كتمه
حتى اوكسجين مافيه .. يعني طيب غصب الابله تفطس من الريحه ههههه
الموهيم يائلبوه ..
زميلتك برايي لازم تصاريحنهاا .. وبعدين انتي لولا محبتك لها .. كان ماا فكرتي تصارحينهاا ..
يمكن البنت مريضه وعندها مشكله بالآفرازات ؟ و ممكن اتكون غير مهتمه بنظافتها الشخصيه
عاد انتي قوولي لهاا و اهي تدور وين الخلل ؟
وبالعكس الكلمة الحلوة ما تزعل .. بتكبرين بعنونها اكثر ..
احسن من انها السمع الكلام من بنت ثآنيه و تنجرح مشاعرها ..
يلااااااااا ..
خبرينا ايش يصير معاك ..
موفئه ياابعدي ..

بلا لقافه · 25-02-2009, 03:36

الله يعينك

بس الموضوع سهل جدا

قوليلها الوضع كله

يا ما بنات متان وقلنا لهم سبب عدم الزواج مصارحه في الوجه

وسوو رجيم

انت بس مكبره السالفه شوي صارحيها

او فكره الورقه مع اني اشك انها بتنجح

المصارحه افضل

بسك ثقل دم · 25-02-2009, 05:40

افضل حل انك تكتبين رساله وبأخرها .. فاعلة خير
بس قوليلها يمكن انتي مو حاسه بنفسك وطبيعي جداً
الواحد مايقدر يشم ريحة نفسه .. الاخرين هم اللي يشمونها .

وان شاء الله عاد تفهمها وتشوف لنفسها صرفه .. ان كانت مريضه تتعالج
وان كانت ماتتنظف تبدأ تهتم بجسمها

عاد تصدقين .. ذكرتيني بواحد من الشباب قد سافرت وياه كذا مره
ريحة فمه تصرررررررررررررررررررع .. وعليه شخير وهو نايم موب طبيعي ابداً

والله لما اشوفه اقول الله يعين زوجته عليه .. من جد رحمتها

اداوي جروحي بروحي · 25-02-2009, 05:55

السلام عليكم والرحمه
اسمعي منعا للأحراج لك ولها كلميها بينك وبينها وباسلوب لطيف وقولي لها وجزاكم الله الف خير
وانفعنا وياكم لفعل الخير لنا ولكم وللمسلمين
مع تحياااااااااااااااتي

muneera · 25-02-2009, 06:22

اهديها مجموعة عطور ولوشنات وبخور.

بيـ مسافات ـننا · 25-02-2009, 06:30

(( غودندا )) هههههههه أسلوبك والله ضحكني ..

بنت خالتي كانت معاها وحده بالجامعه ريحتها قاتله .. قاموا كتبوا ورقة البنات وسجلوا لها أسماء لمعطرات

وحطوها بشنطتها .. بعدها صارت تهتم اكثر ..

والله وش نسوي هذا الحل الوحيد ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

طلعت على قناة العربيه والسبب الــ؟؟؟