عالم الحياة الزوجية - منتدى

يستاهل البرد من ضيعك · 04-03-2009, 10:16

السلام عليكم
بختصار هذا ولد خالي ولد عمره 28 وشاب خجول ومحترم لابعد حد والولد وسيم ماشاء الله عليه وحالته الماديه ممتازه يعنى مو ناقصه شى
طبعا بعد الحاح اهله عليه بزواج
راحوا وخطبوا له بنت خاله الولد راح وشاف البنت ورجع على اساس انه موافق يعنى هذا الي افهموا اهله من سكوته ولاكن لما سئلته بحكم انى اقرب الناس له من يوم حنا صغر وحنا اخويا مو قرايب بس
الولد قالانه متردد ونه يوم شاف البنت حاس انها صغيره عمرها 17 سنه ونفس الوقت يقول يوم شفتها ما حسيت باى شعور تجاهها يعنى احسها مثل اختىفاهمين قصدى طبعا
المشكله ابو البنت الى هو خالى وخاله بنفس الوقت مستعجل ويبى ولد اخته لبنته وحتى اهله مستعجلين
والولد متردد وشاورنى قلت اذا انت متردد ونت فى بدايتها شفت البنت ياعنى ما دخلت مزاجك هى
قال مو كذا بس مدرى ما حسيت باى شعور تجاهها يعنى البنت دخلت عليه وشافها ويشوفها زيها زى اخوها يقول لى حتى ما ارتبكت ولا حسيت باى شعور
انا صراحه نصحته انه يروح ثانيه لبيتهم يحاول يسولف معها ياخذ رقمها مثلاا يمكن يغير رايه
ويا اخوان هل لازم الواحد يحس بشعور معين وقت الشوفه يعنى اذا شاف البنت اول مره فى الخطبه
وشكرا

الــمــســافــر · 04-03-2009, 10:30

اولا عليه بصلاة الاستخاره

ثانيا خله ياخذ وقته بالتفكير خصوصا انه ماحس بشي تجاة البنت

ثالثا الفرق بينهم اعتبره كبير نوعا ما 28-17

والله يوفق الجميع يارب

all_love · 04-03-2009, 10:37

شلون مثل اخته؟
يقول ماعجبتني معقول
النصيحه نصيحتك

مسؤول غررررررررررررم · 04-03-2009, 10:41

شعور عادي واحلا شعور وهو صح هذا الزواج الصح بلا حب بلا خربيط

الحب بعد الزواج اهم شي انة ما يشوفها زي اختة هذي مشكلة بس بنسبة لي الشعووووووووور بيحبون بعض

بعد الزواج حب ماله مثيل

بس اهم شي يستخير الله ويصلي ركعتين مرة واثنين وعشرة

والله يوفقة

P.S. Peole ,You should see it!

sec requirements car insurance disclosure at secreen-saver4u.info

%انسه زحلطه% · 04-03-2009, 14:49

يستخير والله يكتب الي فيه الخير %انسه زحلطه%

مدري احبه ؟؟ · 04-03-2009, 15:54

والله صعبه لان الواضح من كلامه انه مو مقتنع بعمرها وثانيا ماحس باي احساس تجاهها الا الاخوه

لكن هو ماستخار ؟؟

الاستخاره بتيسر اموره وربي بيختار له الصالح ...لكن ليش يخطبها وهو ينظر لها كأنه اخته كان من البدايه

قال لاهله عن احساسه تجاهها ""صعبه يظلم البنت اذا ما يبيها ولا ارتاح لها ينهي الموضوع حتى لو صار

زعل بين الاهل فتره وترجع الامور لكن الزواج لا لازم يكون فيه توافق عقلي ونفسي

واما سؤالك عن الشعور وقت النظره ايه يحدد اذا انت مرتاح او لا ""

آسفه انا بنت وسؤالك للشباب لكن الشعور مايختلف بين الاثنين

رومنسية المملكة · 04-03-2009, 16:40

من رايي زواج الاقارب مرفوض تماما اول شي بسبب الامراض الوراثيه وثانيا بعد الزواج لابد من المشاكل فراح ينجم عنها حساسيات بين الاهالي حتى لو ماقدر الله بينهم عشره وتطلقوا راح تتفكك العوائل وراح يتقاطعون ..اشوف انه كبير عليها ونسبة نجاح الزواج ضعيفه لاختلاف التفكير وفارق السن ..ولا زم يستخييير واذا ماارتاح يكلم امه ويفهمها وهي بتحل الموضوع ان شاء الله ..ولساتهم عا البر يعني مشكلته بسيطه ان شاء الله .

فداك العين · 04-03-2009, 17:06

يقول لابوه ويحاول انه ينسحب بطريقه لطيفه وحلوه بدون اي تجريح

لان لو من البدايه تعذر بعمرها وانها مثل اخته وشكله مو مبسوط فكيف بعد الزواج؟؟

نصيحه لايجامل احد على حساب حياته هذا عمر مو يوم او يومين

تقبل مروري

متزوج فاقد حنان · 04-03-2009, 17:08

قال صغيره قال
ياخوي عندنا شايب عمره 70 تزوج بنت عمرها 14سنه بالله هذا مو ظلم اه يالقهر

كان هو مو مقتنع في البنت لايتزوجها
خله بروح يدوور غيرها افضل

روانـ · 04-03-2009, 18:32

دامه قال يحس انها زي اخته
خلاااااااااااااااااااااااص من وجهة نظري انتهى الموضوع

مررررره ماراح يتغير هالاحساس

دلوعة سلطاني · 04-03-2009, 19:01

ياريت يوضح من دحين انه مايبغاها ودي حياه مو يوم ولا يومين لابعدين الله لايقدر يتزوجها ومايقدرو يستمرو
ربي يختار ليه اللي فيه الخير

حزن الدموع · 04-03-2009, 19:08

نفس حالتي في خطبتي الاولى

الله يعينه اذا ماتخذ قرار الان راح يتورط بعدين

عسوله2 · 04-03-2009, 19:52

اذا هو اساسا يشوفها مثل اخته ولا حس بأي شعور من الأفضل في البداية يصلي استخاره

بعدين اذا هو مو مقتنع خليه يفكر انو هذا زواج وحياة وعشرة عمر لا يستعجل اذا من بدايتها مو راضي خلاص يوضح لأهله واهلها افضل من انه يتورط بعدين اهم شي حياته وهو الي بيتزوج وله حرية الرأي وله القرار الأول والأخير احسن من بعدين يندم...والله يوفقه

ملوكة دحوم · 05-03-2009, 04:02

مريت بنفس الوضع وهو اسوا شعور لما تحس ان اللي حترتبط فيه يماثل قريب لك كاخ او اخت ...لكن استخرت وماانكر الايام الاولى بعلاقتنا كانت جدا سطحيه من قبلي كوني ماتقبلت هالواقع وهالشخص لانه بيننا عمر فارق ... بس مع الايام اكتشفت انه هذا حلمي الضايع وعرفت انه اي شخص بالكون مهما اختلفت معاه حتى بالشعور فمجرد القرب الوجداني لهذا الشخص كفيل بتغيير نمط العلاقه ككل ...
انت باسلوبك ومدى قربك لها الشخص خليه يستخير كذا مره واذا حس براحه فلايتردد حتى لو لازمه الشعور هذا بانه هالبنت مثل اخته ..
ولو نلاحظ فارق السن هالايام صار شي عادي وممكن تداركه لكن بحنكه ..
ارجوا الاستفاده ومعليش عالاطاله ..
دمتم بود ..

تمنيتك وناديتك · 05-03-2009, 04:25

اولا استخيييييييير والله بيكتب في الخير ودام تحس زي اخت فكر قبل تاخذ اي قرار لان هذا زواج مو يوم او يومين هذا طول الدهر والله بيكتب فيه الخيروبعدين العمر مايهم اهم شي تكون الراحه منها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الولد محتـــــــــار