عالم الحياة الزوجية - منتدى

حلاوه بنعومتها · 06-03-2009, 02:27

السلام عليكم ........إشحاـــكم يالحــلوين؟؟

يبت لكم قصة غريبة
واسألكم بعد ما تقرونها
هل يمكن ايتها الزوجه ان يفعلها زوجك؟؟
وهل يمكن ايها الزوج انك تفعل مثل ما فعل هذا الزوج؟؟؟

لاتخافون ................................

اترككم مع القصة

قالت الزوجة : بعد مضي 18 عاما من الزواج وطهي الطعام , أعددت أخيرا أسوأ عشاء في حياتي

كانت الخضر قد نضجت اكثر مما يجب , واللحم قد أحترق , والسلطة كثيرة الملح , وظل زوجي صامتا طوال

تناول الطعام , ولكني ما كدت أبدأ في غسل الأطباق حتى وجدته يحتضنني بين ذراعيه ويطبع قبلة على

جبيني , فـ سألته :

لماذا هذه القبلة ؟

فـ قال : لقد كان طهيك الليلة اشبه بطهي العروس الجديدة , ومن ثم رأيت أن أعاملك معاملة العروس الجديدة

بصراحة ...

هي يمكن أن يفعلها الزوج الخليجي لو أخطأت زوجته في إعداد وجبة

ما تتوقعون الكلمة التي سيقولها لو حصل له مثل هذا الموقف .. ؟

وهل الزوجة بحاجة الى مثل هذه اللمسة الرومانسية لتصحيح أخطائها أكثر من((لسب أو السخرية ..))
???????????????????????

لانه في أزواااج لا يعجبهم العجب ....ويتشرطون من غير داعي!!!!!

ولا يقولون تسلم يدج او مشكــــوره تعبتي عمرج حبيبتي.....إلا بترس بطنه وخلاص....واذا ماعجبه...!!!!!!!!
يا إنه يجاملها ..............او يعصب ........او اييب اكل له من برع......خخخخ

بشوف آرائكم يالحلوين

بلا لقافه · 06-03-2009, 02:33

لا خليجي ولا غيره

ما تعرفي المثل اللي يقول عند البطون غابت الذهون شكله شبعان وفرح لما لقاه محترق حتى ماياكل

إنهاأنا · 06-03-2009, 02:36

ليه لا ؟
الرومنسي رومنسي سواء خليجي أو شامي
والله يسونها رجالنا ونص
أنا ماصارلي كثير متزوجه لكن تفاءلوا بالخير تجدوه

بطه سوداء · 06-03-2009, 02:38

اما عاد يسونها ربعنى كثري منها؟؟
راح يقول يالرفله والله ماوراك الا الخساير قومي سوي واحد جديد
قامت عليك طوفه

ويتعكر المزاج عندهم طوال اليوم

فراشه بلون واحد · 06-03-2009, 02:49

مابي احلف واحط بذمتي ؟؟؟؟؟؟بس بقولها لالالالالالالالالالالالالالالالالالالالالالالا طبعا ولاواحد بيسويها......احسن واحد بيسكت والشرار يتطاير من عيونه.

جنوني في حناني · 06-03-2009, 04:07

هههههههههههههههههههههههههههههه
اموت واعرف اشفيكم علينا
وبعدين لو بعد 18 سنه زواج وتغلط زوجتي في تسوية الاكل او تنسى شي عادي ماراح اسوي لها شي وارح اذا كان وقت غداء راح اخذها في الليل واوديها احسن مطعم واعشيها احلا عشاء يمكن نفسيتها شويه تعبانه وراح اسوي معها ليله اذكرها باول ليله تزوجنها فيها علشان تستعيد نشاطها هذي عشره ولازم يكون لها تقديرها واحترامها في كل شي
وسلامتكم وياليت لاتحشين في ازواجكم الخليجين احسن من غيرنا بالف مره بس انتو مايملى عينكهم الا التراب
هذي حقيقه

عاشق انثى · 06-03-2009, 04:23

هههههههههههه والله يمكن اقولها يالبى والله خشمك نسيتي الطبخ يا حلوه يا الله قومي سوي واحد جديد وان عتيها راح امصع خدودك يالببببببببببببببببببببببببببببببببببببببببببببببب ببببى والله خدودها الحمراء قطوتي

سيده من نجد · 06-03-2009, 04:29

اما يقولها كذاااا ماظن الإ بيقول يامال العش وشذا الغشاء ماتعرفين تطبخين خلاص بتزوج وحده ثانيه تعرف تطبخ زين

الرجال على طول يفرح بأي عذر عشان يتزوج

سيده من نجد · 06-03-2009, 04:30

هههههههههههههههههههههههههههههههههههههههههههه

الله يكثر من امثالك ياعاشق انثى

د.ن.ي.ا. ج.د.ي.د.ه · 06-03-2009, 08:50

اسمحلي
اخ جنوني

اللي مايملي عينكم الا التراب
اهو انتم
وترى دور الحبوب مو لايق عليك
انا متاكده لو انت في هالموقف راح يكون ردت فعلك غييييييييييييير عن اللي قلتها
اقل شي بتسويه
بتديها كم كلمه
وتختمها ب (((مايملي عينك الا التراب))))

$الوجد$ · 06-03-2009, 10:55

ايه هين يقولها الرجل الخليجي

امـــــــــــــــــــــــــــــــــــــحق

بيقول: الله يكرم النعمه وراك مسويته من غير نفس يالرفله؟؟؟؟؟؟؟؟؟؟؟؟
مالت عليهم................طبعاً مو كلهم لكن الاغلبيه

$الوجد$ · 06-03-2009, 10:57

اقتباس:

المشاركة الأصلية كتبت بواسطة عاشق انثى

هههههههههههه والله يمكن اقولها يالبى والله خشمك نسيتي الطبخ يا حلوه يا الله قومي سوي واحد جديد وان عتيها راح امصع خدودك يالببببببببببببببببببببببببببببببببببببببببببببببب ببببى والله خدودها الحمراء قطوتي

إنحش انا بنت ابوي بنته...........اما تقول لها كذا قويه والله
ايه هين تقول كذا ماعندكم الا الحتسي الفاضي واذا جا الجد هاه طلعت علومكم الصدزيه

شجوون العين · 06-03-2009, 12:54

هههههههههههههههههه ماتوقع يقوله هههههه خلوني بلول انخطب عشان اعرف بعد 18 سنه هع

حلاوه بنعومتها · 06-03-2009, 14:20

مشــــكورين حبايبي على المرور ....

وعلى الردود الحلوه هذي

نورتوا صفحتي...............

وكل واااحد له راااي مختلف..

أشكركـــم

حلاوه بنعومتها · 06-03-2009, 14:29

اقتباس:

المشاركة الأصلية كتبت بواسطة جنوني في حناني

هههههههههههههههههههههههههههههه
اموت واعرف اشفيكم علينا
وبعدين لو بعد 18 سنه زواج وتغلط زوجتي في تسوية الاكل او تنسى شي عادي ماراح اسوي لها شي وارح اذا كان وقت غداء راح اخذها في الليل واوديها احسن مطعم واعشيها احلا عشاء يمكن نفسيتها شويه تعبانه وراح اسوي معها ليله اذكرها باول ليله تزوجنها فيها علشان تستعيد نشاطها هذي عشره ولازم يكون لها تقديرها واحترامها في كل شي
وسلامتكم وياليت لاتحشين في ازواجكم الخليجين احسن من غيرنا بالف مره بس انتو مايملى عينكهم الا التراب
هذي حقيقه

اشكر مرورك إخويه جنوني.....ونتقبل كل رأي بصدر رحب...

لكن ...انا برد عليك ع أساس شفت انك تتمصخر علينا .!!!!

ليش ؟؟؟؟
نحن مافينا شي عليكم .....ولا يالسين أنحش ولا شي.....
ونحن ماعندنا أغلى منهم!!!!!

وانا كتبت هالقصه من باب أنه ف رياييل مايرضون ع حريمهم لو شو سوو؟؟؟!!

وانا بغيت اشوف آرائكم بس ....
لكن ماتتهجم علينا واتقول (ماتملي عينكم إلا التراب)!!!وهذي لاحقيقه ولا يبت عليها ادله إخويه!!!!!

أعتقد ....كلنا بالأخير مابيملي عينا غير التراب!!!!!!!!!!!!!!!!

وإبليز لكل الاعضاء لاتعممون ...بردودكم....!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل يفعلها الزوج الخليجي؟؟؟؟