عالم الحياة الزوجية - منتدى

العنـــــــوود · 06-03-2009, 23:15

السسلام علاكم ومسساكم الله بالخار يالربع

ششدوا الاحزمه وتولموا وكل واحد ياخذ معه قارورة ماء وترانا نبي نجمع الظهر مع العصر لاننا مسسافرين مسسافتن طويله ،،

مآ‘علينآ‘

كان ياماكان منذو مبطي الزمان قبل مئات السنين وبالتحديد والله مدري متى وفي احد الغابات الجميله اللتي تحيط بها الجبال من جميع النواحي كأنها تبي تهج واللتي كانت ممتلئه بالاشجار والزهور والانهار والطيور والحيوانات اللطيفه واللتي كانت تعيشش مع بعضها البعض في سسلام وامن وامان وتعرفون الحكومه ماقصرت الله يجزاها خير ...

وكان في هذه الغابه قلعه تسسكن فيها فتاه تدعى الاميره سنوايت وهي بطلة قصتنا ،،،

كانت الاميره سنوايت فتاة في غاية الجمال اطلدزز من نورمان اسسعد فقد وهبها الله قدرا من الجمال وجاذبيتن اخاذه بل انها كانت تخقق الذي لم يخق في حياته من قبل ،،

ولذلك حينما تدخل وسط الغابه وتناظر على الاششجار والصخور سسوف تجد عبارات تغزل بالاميره سسنوايت
مثل (( ياوٍيلي ياسسنوايت )) أو (( لبى قلبتسس )) او (( يعيش القناص )) أو (( حرب 911 )) او (( عتبان ياتعبان 511)) أو (( نمشي على كف القدر ولاندري عن المكتوب )) ....<< اتحداكم اذ1 مافيه جدار بالسعوديه مهو مكتوب عليه هالبيت

بل وكان جميع الفرسسان يأتون للغابه لكي يظفروا بنظره او بكلمه ولو جبر خاطر على حد قولهم من الاميره سنوايت فتجدهم يلمعون خيولهم عند اقرب مغسسله ههههههههه ويركبون نور زنون ويرفعون صوت المسسجل على اخر شي ثم يسستعرضون استعراضا ليسس بصاحي بالعربي ملعون والدين فأحياننا يأتي واحدا منهم على حصان اسسود والاخر على حصان بني والاخر على حصان بنفسسجي وبعضهم على عربة فاخره تقودها الخيول وبعضهم على رنج روفر،،،

وكان كل هذ1 من اجل الاميره سسنوايت والذي كان فعلا جمالها اخاذ وباهر وفريد شوقي من نوعه
وقد تغنى به اي بجمالها كبار الششعرا وعلى راسهم ناصر الفراعنه ومحمد ابن فطيس ههههههههههههه

وفوق كل ذ1لك خرجت اششاعتن تقول ان الفنان خالد عبدالرحمن في اغنيته (( مقبله تمشي ويدفعها الفظول )) كان يقصد الاميره سنوايت ،،،،

ولكن حينما سسأل احد الصحفيين الفنان خالد عبدالرحمن عن هذا الامر رد قائلا : تهبا انت وسنوايت ،، هههههههههه

ولكن مع هذ1 كله لم تكن الاميره سنوايت تهتم لكل تلك الامور لانها كانت تعششق اميرا وفارسسا مغوارا يبادلها الحب والغرام مثل ماتحبه

وهو الامير وليام الثلاث ميه واربع وعشرين < مشوار صح

وكان الامير وليام اميرا ولاكل الامراء فقد كان شهما وشجاعا مثل داي الشجاع وكان وسسيما بالحيل فقد كان خششمه كانه خششم جابرالكاسروسماره مثل سمار خالد عبدالرحمن وصوته مثل صوت راشد الماجد وششعر كانه شعر جواد العلي .. .. .. << شريط منوعات صار

وكان ايضا بنفسس الوقت ششاعر فكان ينششر قصائده بمجلة فواصل ويهديها لها بل انه اششترك لها بمجلة فواصل لكي تقرى اهدائاته وقصائده دائماا وخرجت اششاعه في ذلك الوقت بانه اي الاميروليام كان يييشحن لها ايضا واحياننا تقوله اششحلي ويكون الوقت متاخر ويظطر انه يحولها رصيد ،،،، ولذلك كانت تحبه الاميره سسنوايت من بين الفرسسان بذلك الوقت وهي في الحقيقه كانت خاقتن مع البانوراما اللي كانت معه سيارته ولذلك كانت تخرج معه ييروحون سسوا ويجوون موبايلي ،،،،،

وفي يوم من الايام مدري متى كان بسس الظاهر انه يوم من ايام الاسسبوع وفي الصباح الباكر كانت الاميره سسنوايت جالستن في قلعتها وتتابع اعادة صدى الملاعب ولالها من الشيطان الطاري
وبينما هي منسسجمتن مع البرنامج واذ1 بتلك الحصاة اللتي لم يردها إلا زجاج القصر ططررررررررطططخخخ واذ1 بزجاج النافذه تحطم ،،،

خرجت الاميره لترى مالسالفه واذ1 بالامير وليام تحت ششرفة القصر ويبتسسم (( اثره هو اللي حذف الحصاة مسوي يبيها تطلع مثل الافلام )) ،،،

انزعجت الاميره وقالت : خير خير انشالله وش فيك وش هالحركات ؟

قال الامير وليام : ليس بي حاجه ولكن هيا هيا انزلي بس ولايكثر ابيتسس اشتقتلتس

الاميره سنوايت وهي متنرفزه : يارجال سقها بس والله اللي فاضي هالحين جايني على هالصبح ومكسرن زجاج القصر وتقول اشتقتلس ؟
انت شكلك تتابع افلام عمرالشريف وفاتن حمامه بقوه وتسمع بالرومنسيه ؟!!

الاميروليام ووجهه بارد : هههه هههههههه الله يقطع ابليستسس يالكلبه تعرفين تنكتين طيب انزلي انزلي ولاترى بنشرر رقمتسس بششات الود

الاميره سسنوايت وهي تزارط من الخوف : هاه ! شات الود ههه ههه انت هالحين ماتعرف المزح يادافع البلا بسس يعني الواحد مايمززح بهالغابه طيب هالحين اغير ملابسي واجيك ياكلبي اااقصد ياقلبي

هبات النسيم · 06-03-2009, 23:23

ههههههههههههههههههههههههههه

هههههههههههههههههه ياويلج من سنو وايت

الله يسعد قلبج ريم الغلا على هالفرفشه الحلوه

العنـــــــوود · 06-03-2009, 23:29

نزلت الاميره سنوايت وركبت مع الاميروليام على البانوراما حقته وقام يتجول فيها بالغابه وهم في قمة السسعاد وفي قمة الرومنسيه وفي قمة ايفرسست وكان الجو عليل ورائع وصافي ومراعي وفي اثناء جولتهم اخرجت سنوايت شريطا من جيبها

وقالت : بالله شغل هالشريط عطتني اياه سسندرلا البارح

اخذ الاميروليام الشريط من يد سنوايت ورماه مع الشباك حقه

وقال : لايابنت الحلال والله ياعنديلتسس شريط فيه اغنيه عاجبتني واحب اهديها لتسس ولاتنسين ترى السياره سيارتي واششغل اللي ابي ،، ،، ،، ،، << ذلها بموتره المسيكينه

ششغل الامير الشريط واذ1 هو شريط كسرات ابوفيصل التحليه جيتها مره ،،،، والقلب من عقبها مسروق ،،،<--< ماشش شكله بزرنجي هالامير

سنوايت : ووووع الله يهديك ياوليام بسسس وش هالشريط هالحين انت مركبن معك حبيبتك ولا الواد حقك وشش هالذوق

الاميروليام مهو بيمها داخلن جو مع الاغنيه وقعد يفكر ومسك خط ثم التفت على حبيبته

وقال : سنوايت تحبيني ؟

سنوايت على طول وبدون تردد : لاوالله بسس وش اسوي غصبن علي لان اللي كتب القصه خلاني احبك لكن يالله كل شي يهون لعيون البانوراما ،،،

الوكاد في الجانب الاخر كانت هناك امرررأه شريررره وووجهها كانه سسفتي دوريه كانت بشششعه بششاعه ابششع من البششاعه كان عليها خششم تششوفه تحسسب انه قير شاص ،،

وكانت حينما تضحك وتششاهد اسسنانها تششاهد مكتوب بين كل سن وسن من سنونها اكمل الفراغ التالي ههههههههههههه
وكان كل من يراها يعتنق الاسسلام على باله المسسيح الدجال ،،

اصلا تدرون ان خششمها كانو يسستخدمونه كمقياسس للزلازل حتى فمها من كثر ماهو مغبر تلقون عليه عشش عنكبوت ،،،

ماعلينا منها هي وفمها الاكيد انها كانت شريررره وساحره وزي ماقلت ماتحب ان احد يكون اطلدزز منها جمالا لذلك كانت تمتلك مررأآآآه سحريه بنت كلب ولم تكن بنت كلب فقط !! لابل كانت ايضا ملعونت جدف (( لا عاد صدق ؟ )) فقد كانت المرأآآه تخبرها بكل شيييي فقد كانت تخبرها بنتائج دوري ابطال اوروبا وبالدوري السسعودي وبششاعرالمليون وببرامج رمضان وكانت تعيدلها الحلقات اللي تفوتها من مسلسل باب الحاره

،، لاحد يقولي صارت ام بي سي ذي مالي ششغل مهو انا اللي مسويها ،،

وكانت المرأآآه السساحره دائما تكون متواجده عند المرأآه تسسسالها هل هناك منهو اجمل منها لكي تطمأن ويهدأ بالهها خوفا من ان تظهر فتاه اجمل منها ثم توهق لاعررسان ولاشي ،،

السساحره : مرأآتي يآ‘مرأآتي ياراس مالي بالحياة وغناتي ،،

المرأآآه : ياليل ماطوولك انتي هالحين مسستانسسه انك ساحره كل شوي ناطتن عندي سببتيلي قلق زوجي بدا يششك فيني حتى نور فاتتني يقولون ان مهند انتحر هو صدز ؟
<< زاحفه هالمرايه مهي ببسيطه

السساحره : اقول اها بسس كبي الخبال عنتسس مرأآتي يامرأآتي ياراس مالي بالحياة وغناتي ،،

المرأآه : اهلا بكي ياسسيدتي ،،

السساحره : سيدتي ولا زهرة الخليج ههههههههههه ،، ،، ،،

المرأااه : اللي تبينه طال عمرتسس بس اخلصي ،،

السساحره : قوليلي بالله عليكي هل يوجد من هو اجمل مني على وجه الارض ؟!

المرأآه : على وجه الارض ؟ ياكبرها عند ربك لوقلتيلي فيه اجمل مني بهالقصر بقول ايه هالفار اللي تحت رجلتسس فما بالتسس على وجه الارض ههههههه والله حاله ،،

السساحره ووجهها صار كنه اشارة مرور كل ششوي لون : مرأآتي بلااسستهبال فيه اللي اجمل مني ولا لا ؟

المرأآه : وانتي على بالتسس انتسس الاميره ديانا ايه فيه ليشش التسسذب يامولاتي ،،،

السساحره وهي خلاص صارت مهي اشارة مرور الاقووس قززح : وشووووووووو لعنت الله عليتسس من بدة المراياا ووسساكته ماعلمتيني انتي ووجهتسس اللي كنه غترة عبد ،،

المرأآه : ماذ1 افعل يامولاتي دقيت على جوالتسس مارديتي اررسلت فاكسس مارديتي دخلت على الماسن مالقيتسس الظاهر انتسس مسطحه وحاطتن ظهور دون اتصال وشش اسوي يعني اشقق هدومي ،، ،، ،، ( ملكعه بقوه هالمرايه )

السساحره : لاماكنت حاطتن ظهور دون اتصال انا اصلا صاكتسس بلووك مير علميني من هي اللي اجمل مني ؟

المرأآه : حمدلله بسس لوبعددلتسس اللي اجمل منتس يامولاتي ماخلصنا لكن بقولتسس الاجمل والاجملل انها فتاة ذ1ت جمال وسمير وعصام فتاة خرافيه فتاه سكبه وكشخه فتاه مواصفاتها كامله والكامل الله ..

قاطعتها السساحره قائلتا : هذي وش فتاه ولا لكزسس ؟ ،،

المرأآه : هه هه الله يرجتسس يامولاتي عليتسس سماجه ههه ههه
انهها فتاة يامولاتي تسسكن بقلعة كبيره وهي اميره وتدعى الاميرره سسسنوايت وهذه صورتها ( صورة سنوايت وهي مطلعتن لسسانها )

ششاهدت الساحره الشريره الصوره وغضبت غضبا شديدا لانها لم تكن تتوقع ان يكون هناك من هو اجمل منها على وجه الارض ،،،

واخذت تصارخ وتصارخ وتكسررر اغراض البيت وتقوول لا لا لا وشش ذ1 غشش غشش

لامايصير مايصير تكون هنالك فتاتن اجمل مني انا التي يضرب المثل بجمالي انا اللتي تغزل الشعار بجمالي انا الذي نظر الاعمى الى ادبي لايمكن لكائنن كان ان يكون احلى مني

فعلا كانت الصدمه ششديده على السساحره وقامت تفترو بالقصررر تحاول ايجاد طريقه وحل لهذه المششكله وفجأأأه !!! توٍقفت السساحره ثم التفتت على مرأآتها

وقالت : مرأآتي يامرأآتي قصصمن عضمن ان ماعطيتيني حل لهذه امششكله اني لا حوستسس هنيا ،،،

المرأآه وهي تششاهق : يامولاتي انا اقول دام انها هالحين تمشى مع الاميروليام بالغابه وش رايتسس تبلغين عنهم الهيئه ؟

السساحره ووكأن الفكره ماجازتلها : لاوشش هيئته ياكافي حمدلله لادوري فكره غير ،،

(( طبعا الساحره ماتحب الهيئه لانها من قبل مسسكوها الهيئه باحد الاسستراحات مع سساحر ثاني لقووهم جالسسين وهو يعززف عود وهي ترقص ))

قالت المرأآه : خلاص يامولاتي هماتسس ساحره ؟ ورى ماتسسحرينها وتفكينا ؟

أعجبت السساحره بذكاء المرأآه وابتسسمت ابتسسامة خبيثه وبشعه

وقالت : والله انتسس ملعونه وشش هالفكره الجهنميه ؟ ،، ،، ،، ،، . < .. قالولها تمدحها هالحين

وولكن بعد تردد تراجعت السساحره عن فكرة السسحر تقول انه خساير ومدري وشو فقررت انها ترررسل احد الجنود لكي يلعن والدينها ويقتلها ،،

وبالفعل نادت السساحره على احد جنودها القناصين وكان اسسمه عيسى

وقالتله : اسسمع ياعيسى وانا عمتك هناك فيي الغابه تووجد فتاة تدعى سنوايت اريدك ان تقتلها لي وتحظرلي قلبها كهديه متواضعه وترى هديتتك عندي ..

العنـــــــوود · 06-03-2009, 23:41

وفي هذه الاثناء الامير وليام ترك الاميره سسنوايت بالغابه وحدها وذهب راجعا الى المنزل ،،
(( ماشالله من الصبح الى المغرب وين الهيئه عنكم )) ،، .

جلسست الاميره سنوايت بين الزهور تتمشى وتغني مسستانسسه لان الاميروليام ششحنلها ب100وتماززح الحيوانات الذين كانو يحبونها وهي تحبهم وفي اثنااء طريق عودتها للقصر وعندما حل المسساء وغطى الظلام الغابه باكملها سسمعت سنوايت صوت غريب بالبدايه ظنت انه الاميروليام يمازحها وكانت ناويه تهفه بقووطي ببسي معها

ولكن الصووت كان غرريب لم تسسمعه من قبل صووت مخييف ولحد يقولي جورج سسوف بل كان ابششع وابششع ،،

خافت سسنوايت وكملت طريقها واذ1 بذ1ك الررجل مفتوول العضلات والذي كان يحمل فيه يده كاس العالم آعفوا عفوا كان يحمل في يده فأس لكي يقتل سسسنوايت

سسنوايت وهي تصررخ : ياااووويلييي وييلاااااه ماذ1 تريدو مني ايها الرجل ؟

الرجل : لا أبد جاين ألعب انا وياتسس بلستيشن تو اقوول لايكثر خلي الدلع عنتس وتعالي خليني اقتلتسس !!

وسسنوايت تحطط ررجلها والرجل يحط رجله وراها وهات ياطررردي ولكنها الملعوونه كانت اسسبق منه وللمعلوميه سنوايت ششاركت باولمبياد بكين واخذت الميداليه الذهبيه بالجري ،،

واصببحت تجري وتجرري وهييي خائفه وتناادي وتصيييح لاااااااا لاااااااااا سساعدوني النجده النجددده الدفاع المدني انقذوووووني منه اين انت ياوووووليام ،، (( عاد وليام كان وقتها يرقم بالفيصليه )) ،،

وفيييي اثناااااء المطارررده سسقطت سنوووايتت من ششدة التعب واسستسسلمت للامر الووواقع ،،

وحيينما اقترررب الرررجل وشهرررر فأسه لكي يقتلها توووقف فجاه واصبح يناظرررر اليها بكل دهششه

واسستغراب وكان يقول : هل هذ1 يعقل هل انا مجنون هل كنت احاوول ان اقتتتل هذا الملاااك لااصصصدق ياللهول ياللهوووووول ،،

لقد ررررئى الجمال الحقيقي هذ1 الملاك الطاهررررر نعم لقد خق معها خقتن بنت كلب واششفق عليهها وللم يسسستطع ان يقتلها اوووو يؤؤؤذها ،،

تعاططف معها عيسى واخبرها ان السساحره تررريد ان تقتلها وقال لها لقد امرتني ان اهديها قلبتسس ولكن لاتخافي سووف اذهب هالحين لماكدونالدز وااحظررلها وجبها واقول ان هذ1 قلبتسس وانا سويته لتسس هبرجر والان اهرررررررربي اهررررربي ياسسنوايت اهرررربي اهرررربي الان وسنووووووايت خائفه وتهررررب وتهرررب وتهررررررررب ،،، .

في هذه الاثثثناءء وفي احد القرى البعيييده والصغيرررره كان هنالك سسسبعة اقززززززام مكاافحييين يحبووون العمل مخفات الواحد فيهم ماييسوى التاليه من الغنم ،،

وهم :

جووعان ،، ذيبان ،، حسسران ،، خررمان ،، نعسسان ،، زعلان ،، مفلح ....... << مفلح ذ1 كم قطته ؟

ووووكانو يذذهبوووون كل صباح الى العمل ولايعووودون الاعند مغيب الششمس فقد كانو يخرجون يوميا الى الغاببه يلقطون فقع وفي اخر الششهر يبسسطون فيه

،، وكنت حياتتتهم بسسيطه ومتووواضعه فكانو لايهتمون بانفسسهم ولابمنززلهم ولانظافتهم ولااكللهم مرره مخربين والدينها اطقع مايشووفون الششعب ،،

وفي احدد الايام وكالعاده خررررج الاقزام في الصبااح لكي يمارسسون عملهم المعتاد وكالعادة ايضا استمرووو في العمل الى نهاييية النهاررررررر ثم عادوووووو الى منزززلهم وهم منهمكيين ،،

دررقن درررقن دررقن دررقن درررقن ،،،، .. << صووت العرربه حقتهم

( وصل الاقزام الى المنزل )

مفلح : ياعييييييييييال صبر صبر انتم تشوفون اللي انا اشوووف ولاهذ1 من تاثير السهر ؟

ذيبان : إي بالله نششووف .. نششوف ان انوار البيت مششتغله وحنا مطفينها قبل نروح ونششوف ان الباب مفتووح وحنا مقفلينه قبل مانروح بسس كل هذ1 مهو مهم انتم تشوووفون ان البيييت منظظظفففف وصايرن يلق تقل جبهة مصري ؟

حسسران : ياووولد اقووول دخلنا بسس انا معاد اشووف ابي الحمااااااااام (وانتم بكرامه )

طبعا تفاجؤووو الاقززام لانهم لم يتعودوو بان يصبح منزلهم هكذ1 وطبعا كلكم يعرف من الذي قام بهذه الاعمال ؟ نعم نعم يااعزائي كما قلتم انها بطلتنا الاميره سسنوايت يالهذه الاميرره لله دررك ايتها السسنواييت ياصاحببة القلب الحنوون (( شكل المؤلف خق ))

ددددخل الاقزززام الى المنزززل وهم خائفوووووون مرتعبووووووون شوووي الاويترركون المنزل ويروحون يبنوون منزل ثاني بسس حاشررهم المؤلف ،،،

ولكن مع كل هذ1 الخووووووف دخل الاقززام وصصصعدوا الى الاعلى وكما تعلمون فقد كانت الاميرره سسنوايت نائئمه هناااك في غررفت النوم على سريررهم الصغيررر الذي بالكاد كان يتسسع لها ،،

زعلان : ششفتتم قايلكم ان هالبيت مسسكون مير ماششش علم ماتفهمون ،،

خررمان : اقول معك حشيش بس ؟ ،،.........<< ذ1 منتهي امره من زمان ..

نعسسان وهويتثاووب : ااااااااااوووه ياليل النوٍم اجل تقولي مسكوون يعني الزبده فيه نوم ولا لا ؟

قعدوووووو سساعه يتششاورووون الاقزززام ويخططون من اللي يدددخل للغرفه يشششوف من اللي منسسسدحن على سريرهم ،، وبينما هم يتكلموون ويخططون قاطعهم مفلح اللي هو زعيمهم

وقال : خلاص ياقززم انت وياه انا حطييت خطه ماتخررش الميا على قولة اخواننا في مصر الخطه كالاتي 2/4/4 يعني انت ياخررمان حارس وزعلان ونعسان وسسط وجووعان ظهير وذيبان هجووم وانا احتياط

وعلى هالحال اسستمرو الاقززام يمكن سساعه الى ماقررو يبيعونها بترراب ويدخلووون مع بعض ،، وفعلا دخلوووو وقربو بشويشش بشويششش ورفعووووو الغطاء عنها وششافو اللي عمرهم ماشفوووه ،،

شافووووو سنوايت الطخما وهي نايمه ياعززي عنها تعبانه مهو منها والله من السساحره اللي خوفتها ولعوزتها وعقب ذ1 تجي تنظف بيتهم اخ بس ليتني قزم ،،

لم يصدقوو الاقززام مارؤوووه لم يصدقو ولم يتوقعو ان هنالك احدن بهذ1 الجمال وهذه النعووومه لكن لماذ1 يسستغربوون ؟ مع سسنوايت مش حتئدر تغمض عينيك ،،،

ذيباان : يالبييه بسسس وشش ذ1 ياششيخ ولا ششيما علي ،،،

مفللح : اندززلع بسس قال شيما علي نعنبووك قل جولياروبرتسس كيت ونسلووت مهو شيماء ،،

خررمان : اقوول توقعوون معها حششيشش ؟ ،،،،،، ......<< قايلكم منتهي امره من زمان

قااامت سسسنواييت وعررفت الاقززززززام بنفسسسها وعلمتهمممم بسسسالفتها من سلسل للطقاق عليكم (( يعني من طقطق لسسلام عليكم )) وحبوووها الاقززام ورحبووووفيها وصاروو يشحنوووون لها بعددد واصببحت هيا تهتمو بهم وفي المنزززل وتحظررر الطعام لهم وتغسسل ملابسسسهم دائما وتروح تقضى لهم من هايبر بنده ،،وتغيررت حالت الاقززام الى الاحسسن وكل الفضل بعد الله يعوود الى الاميررره سسسسنوايييت ،،

العنـــــــوود · 06-03-2009, 23:54

وبينما كانننننت سسنوايتتت سسعيده مع الاقززام كانت السساحره في قصرررها سعيدتن هي الاخررى ظنن منها انها قتلت سسنوايت وانها هي الاجممل وكانت كالعاده ررازتن خششتها قدام المرأآه وتسسألها ،، وذ1ت ليله أتت السساحره الى المرررأآه وقالت : ناقتي ياناقتي لارباع ولاسسديسس يامررأتي يامرأآتي ياراس مالي بالحياة وغناتي ،، ،،

المرٍرٍأآه : الله يلعن اللي يصيرلتسس مرأآه مرتن ثانيه انا لو اني ممثلتن مع سسندرلا كان اصررفلي من مقابل وجهتسسس اللي كنه تجوري ،،

السساحره : لاياقلللليلة الادب هذ1 جزاي اني مخليتسسس مرأآه سحرييه وتكلمين وانتي من اول جماد يجوون يتفلوون عليك ماتقوولين شييي ،،

المرأآه : خلاص الله يهديتسس وانتي ماتعرفين المززح امرري ياموولاتي وش تبين ؟

السساحره : مرأآتي يامرأآتي ياراس مالي بالحياة وغناتي بالله عليكي اخبريني هل هناك من هو اجمل مني على وجه الارض ؟

المرأآه : على وجه الارض مافيه بسس على كتفها يمكن فيه ،، ... << تنفع تسجل بالمنتدى هالمرايه

إيه ياموووولاتي يووووجد من هو اجمل منك ويطققع علييك باصصبع ،،،

السساحرره والمره هذي وجهها قلب كنه كراسة ورع باولى ابتدائي : ووووووووت أقين أقين تقووولين فيه اللي اجمممل مني طيب من تكوووون ؟

المررأآه : بصررراحه يامولاتي انها سسسنوايت فهي يوما عن يوما تزدادو جمالا ودلعا فهي مازالت على قيد الحياة لان الصياد عيسسى ضحك عليتسس يالمخفه وجابلتسس وجبه من كنتاكي لااسستغفرالله نسيت من ماكدوونالدززز ،،،...........<< يعني فرقت بالله

وهذي صورررتها يامولاتي كي تتاكدي انها مازالت على قيد الحياة (( صورة سسنوايت وهي مطلعتن لسسانها وتققوول وااحد صفر ))

السساحره : الله يقطعه هالصياد طيب ليه ماخلى الوجبه ساده بدون مايونيز وخسس ،،

غضضبت الساحره غضضبا شششديدا وقامت واخذت الرشاش ونادت عيسى وقالت تعال تعال انت هالحين يالسسرمادي يومنك تضحك علي وتجيبلي ووجبة ماكدونالدز وتقولي قلب سسنوايت ليه هاه ؟ لاعاد وانا مصدقه واقووول امششش والله ياعليها قلب هين انا اورريك سسنعك اصبر بسس (( الساحره تلقم الرششاش ))

وددددددررررررررررررررررررردددددببب رمته رميتن بنت كلب ولاتسديدات روبرتوكارلوسس ياششييخ فطسس على طوول تقول تسسلب (( صورة تسسلب فاطس وجنبه عظمه ))

من الغضضب السساحره لم تعد تعرف ماذ1 تفعل فقامت تدرج في قصرها وتدرج وتدرج ثم ألتفتت على مرأآتها

وقالت : مرأآتي يامرأآتي ياراس مالي بالحياة وغناتي بالله عليكي قوليلي ماهو الحل هالحين وشش نسوي ؟

المرأآه : ولايهمتسس يامولاتي دامني معتس لايهمتس اطلق ششنب ماعليتسس انا مانيب من ياتي ولايدرابه الحل عندي وانا ام هندي مع اني قلته لتسس من قبل بسس انتتي الله يهديتسس ماتفقهين (( اخسس حتى تفقهين تعرفها )) الحل مثل ماقلتلك مبطي تسسسحرينها .. انا ودي اعرف انتي هالحين ليه متعلمه السسحر بسس علششان تزعجيني كل شوي مرأآتي يامرأآتي ؟

المهم اخذت السساحره بكلام المرأآه وقررت انها تسسحر سسسنوايت ولكن بطرريقه درامتيكيه ودبلوماسسيه وخطه خطيره ومحبكه يبيلها مخمخه وتفكير على قولها مع اني مدري هي تبي تخطط تسحر سنوايت ولاتبي تحط تششكيلة منتخب ايطاليا ؟

واخذت تحووص وتحووص بهالاشيياء اللي عندها ووووووووقامت وغيرت شششكلها الى الاسسسواء فاصصبحت على هيئة شششغاله اندنويسيه وسسسوتلها سمبووسه وحطت فيها سسم (( يعني لازم تفاحه نغير ششوي )) وبعد ماظظبطت امورها هالساحره سسووتلها اقامه وطلعت طبعا احتسسابا للجوازات يطبون عليها فجاه ثم تخررب الخطه كل ابوها ،،

وبهاللحظه كانوووو الاقزام يسستعدوون للخروج من المنزل لكي يذهبون يلقطون الفقع كعادتهم وكانوووو حريصين على سسلامت سسنوايت واصبح كل واحدن فيهم يعطيها نصائح من عنده خوفا عليها ،،

مفلح: سسنوايت ششوفي لاتفتحين لاحد لويطق الباب ويقولتسس انا الجده ناظري من تحت الباب وشوفي رجليه ترى احتمال يكون الذيب ،،،، ..... << هذ1 مضيع يحسسبنها قصة ليلى والذيب

ذيبان : اي والله ياسسنوايت تكفين خذي بالتسسس ترى الاشرار واجد وانتي ماشالله عليتسس مزيونه وكلن يتمناتسس علشان تسسذ1 انا وصيت اهلي يجون الليله يخطبونتس لي

جوعان : اقول سوسو الله الله بالغدا الززين رجاءا غدا من مطعم وحركات بايخه مانبي ،،

حسسران : والله مانيب فاضيلك بروح للحمام واجي ،،

نعسسان : اااااااااااااوووووووه يالله ياسنووايت انتبهي على حالتس وخليتسس شنب ،،

خرمان :

اقول سنوايت معتس حشيشش ؟ ،، ،، ،، ،، << أندزززلع بسس يالمنتهي ههههههههه

المهم خرررج الاقزززام من منززلهم ذاهبين الى عملهم وبقييت سسنوايت وحيدتن بالبييت تنظفه وترتبه وتجهزز الغداء للاقززام لكي اذ1 عادووو يكون كل شيئن جاهززز وبينما سسنوايت تقوووم بالتنظييف واذ1 بالباب يطررق !!

طق طق .. طق طق .. طق طق

سسنوايت : طييب ياللي بتخببط انا قاييه ..... << منى زكي مهي سنوايت

السساحره : ماما انا مسكيين انا جوعان اانا ابغى اكل هرام ماما انا يبغى موت ،،

سسنوايت تتجه الى الباب بكل ما اوتيت من قووووه وتفتتتحه بسرررعه وتدخل السساحره طبعا اللتي كانت على هيئة ششغاله وتدخلها للبيت وتجلسها على الأريكه ( اسستر يالأريكه )

سسنوايت تذذهب مسسرعتا الى المطبخ وتأتي بكوووب ماء وتمده لها ،،،

السساحره : لاء ماما انا مايبغى مويا انا يبغى نسسكويك ،،،
ذذهبت سسنوايت على نياتها واحظرررت لها نسسكويك واسسقتها بكل رقتن وحنيه تخلييك تذوووب وتبكي ولكن السساحره كانت عكسس ذلك لانها اسستغلت طيبت سسنوايت اسستغلالا شريررا لكي تقضييي عليها لان الشررر الذي بها اعماها عن طرريق الملك فهد ااعفوا عن طريق الحق ،،،

سسسنوايت : انتي ايسس في سسديق ليسس كذ1 تئبان ؟ ........ << خطيره سنوايت لغات

السساحره : ماما انا تئبان هازا كفيل مال انا يبغى بوس انا لكن انا ماما مافي بيع سررف انا بعدين انا مافي بيع سررف هوا كلام يالله رووهي ،،،

سسنوايت : ايه خلي الششرف ينفعتسس ،،،

السساحره : ماما انتي كتير كويسس انا يبغى يعطي انتي هديه واحد حبه سمبووسه انا سسوي من رمضان قبل سسنه وهالحين ابغى نتي ذووق ............<< يمديكم عاللغه

فررحت سسسنواييت فررحا كبيرا ليسس له مثيل لانها حسست بانها عملت عملا رائعا وسساعدت تلك المسسكينه فقررت انها تاخذ السمببوسسه التي قدمتها تلك السساحره لها وبالفعل قبلتها سسسنوايت واكلتها على طوول وبدون تردد ............<< الجوع له دور

اكلتها سسنوايت نعم اكلتها واذ1 بها سمبووستن مسمومه ياللهوووول سسنوايت تترنح كانها واحد سسكران والعجووز السساحره تضحك وتكهكه نننيييييييهههههههههآآآآي ،، العن والدينها ساحره بنت كلب اخخخ تفووووو عليتسس ياملعونت الجدف ....... << تحمسس المؤولف ششوي

العنـــــــوود · 07-03-2009, 00:11

سسسسقطت سسنوايت على الارررض مغمييا عليها جررراء السسم الذي في داخل تلك السسمبوسسه ،،
خرررجت السساحره من منززل الاقززام وهي في قممة السسعاده لانها اصبحت اجمل امرأه على الارض على حد قوولها لان سسنوايت هي الوحيده اللي كانت تحجرلها وتقعدلها بنصص ركبه ،،،

الوكاااد الاقززام في وققتها كانو على وششششك الانتهاءء من تلقيط الفقعععع والسسعاده تغمررهم يتبادلووون النكات على بعضهم والتعلييقات ،،،

مفلللح : يالله ياخووي ترى ماصاررت ياعييال سسنوووايت تحتررينا بالبيت ..... << بلاك ماتدري

جوووعان : مفلللح لاتسسوي فيها زعييم لافقع خششتك اللي كنها ركبة محمد نور ،،
ذيبان : الله ياخذ نص وجهك ياجووعان يالقززم تصدق عاد انك اسسمج قزم ششفته بحياتي وشش اللي محمد نور هالحين انت يومك تذب على مفلح ماششفت وجهك بالله ؟
نعنبو حيك انت من كثررر وصصاختك صار جسسمك طبقه ضد الرصااص ههههههه ،،

نعسسان : أااااااااووووووه اقوول كل ابوكم وجهكم كنه كندرة الكابتن ماجد ،،

حسسران : (( للاسف كان رايحن ورى ششجره يقضي حاجته كالعاده )) ،،

خرمان : اقول انا اللي وجهي مال امه داعي بسس معكم حششيش ؟ << هذ1 بعالم ثاني ،، .

انتهوووو الششباب ذب على بعضضهم وحملووو اغراضضهم وركبووووو عربتهم ورجعووو للبييت ،، دررررقن درررقن دررررقن دررررقن ،،

مفلح : تتوقعوون ياششباب سسنوايت ووش سوتلنا على العششاء ؟ ....<< مادرى انها فاطسسه

ووووصلو الاقززام للمنززززل واذ1 بهم يرووون سسنوايت ملقيييتن على الارررض وقد فارررقت الحياه كما ظنوووووو نعم انها صصصصدمعه ولييست اي صدمه انها سسسنواييت مسستلقيتن علىى فراااش الموووت ،، لم يصدقوووو الاقزززام ماذذ1 حدددددث هل هم في حلم او علم ؟!!

ذذذيبان وهو يصارخ ويبكي : سسسسنوايت لالا مهي معقوووله مانييي مصدق حنا السسبب حنا السسبب

مفللح : لاتعقب يالنصاب مهو حنا السبب لاتنكبنا انت ووجهك اللي تقل بلكونه ،،

جووعان وعيناه تغارقت بالدموع : ياااالللللله ووووششش اللي صار من اللي جا بغيابنا للمنززززل من تتوقعوون ؟

حسسران : (( رايح لدورة المياه الله يكرمككم ))

نعسسان والددموع تسيل على خده : أأأأأأأأأأأأوووووه انا اتووووقع انها السساحره الملعونه هي السسبب لانها ماتحب الخيررر لاحد مششينا نتوطى ببطنها ..

خرمان : ياخوووي اننا السسببب بسسس معكم حشيشششش ؟ .......<< ياولد القزم ذ1 بايعها بتراب اهم شي يسستانس

تجمععععع الاقزززززززام وجمييع حيوانات الغابببببببه والاشجار والطيور لكيي يوودعوو سنوايت ويلقوا عليها النظرره الاخيرررره وكاني بهم يقولون بصوتن واحد : قف وناظر دمعتي يوم درجت ... يوم ششفتك ناوين ترحل بعيد

عاد الاميرررولياام بعدما علم بالامرررر وكان يملئه الحزززن وكاني اسمعه وهو يقول بينه وبين نفسسه : ياخسسارة البطاقات بسس على الاقل لومششيناها بوس وطلعت حق البطاقات ،،

حمل الاقزززام والاميررر وليام جثثمان الاميررره سسسنوايت وهم مجهششون بالبكاءء وفي اثناء حملهم للاميرره سنوايت حسس الاميروليام انه وده يتفل مدري ليه بسس جاه احساس انه لازم لازم يتفل وبالفعل تفللل يسساره واذ1 ببعضض سعابيله سسقطت على سسسنوايت ،،

واذ بها تتحرك ياللمفااااجااااه نعم انها تتحررررك الاقززام لايصدقووووووووووووووون والاميررر وليام ااااصبح يغني طررربا لقد عادت سسنوايت انها لم تمت نعم لم تمت لانها انسساتن محبتن للخير الله فكها وررحمها ،، لقد عاد والفضل بعد الله لسسعايل الاميروليام ماششالله ماشالله مهي سعابيل ذي مررهم فولتارين ،،،

نهضضضت سسنوايت وهي في قمة السسعاده والاقززام كذ1لك وخرمان يقول : زين اجل انها ماماتت اجل هاه نقول بهالمناسسبه فيه حشيش ؟

وفي اثناء االاحتفال بعوودت سسنوايت وششفائها قام الاميررررر ولييام ودقق سسلف على البانووراما وللللحق السساحرره يبي يدعسسها ولكن للاسف يوم انه جا بيدعسسها ومامداه يدعسس للموتر الاوهاك اللترريله اللي محملتن شعيرررررر على خط الرياض الشرقيه ودعسسستها الى ماغغغغدت ووووطي وماعاد تششوووووف منها شيييييييي ....

طبعا بما ان الاميرروليام يعني طاح وجهه لانه ضررب مششوار على الفاضي ومادعسسها راح وحط حرررته بالاقززام ودعسسسهم ،،،

وووبعد وووفات السساحررره الملعووونه عاشششش الجميع في رخاء وامن وامان واززدهارر واصبحت الغابببه خاليتن من الشرور واصبح الكل يششعر بالسسعاده لان الامن والحب والطمأنينه قد عادو للغابه وللجميع ،، وبعد مضي السسسنين اصبح الوووضع كالاتي :

سسنوايت تززوجت الاميرولييام وحطوووو زواجهم بقاعة اليخت بالرياض

اما الاقززام طبعا ماجاهم ششي يوم الاميروليام دعسسهم لانه كان يمززح

مفلح : صار يبيع ببقالة ميد ،،

ذيبان : تووووضف بالحررس رقيب اول

نعسسان : أأأأأأأأأأووووووووه لاعب بنادي النصر ،،

حسسران : سسباك

جوووعان : اششترى مطعم البييك بجده

زززعلان : ... ... << ساحبين عليه من بدايت القصصه ماله داعي

خررمان : بسسجن الحايررر من كثر مايقول : عندكم حشيششش ؟

المرايه : مسسسكوها الهيئه

مايسستفاد من القصه :

اولا / سسنوايت اطللق من لميسسسس

ثآ‘نيا / اني رهييب

ثالثا / جووالي ان95 المطور

رابعا / انتبهو من السمبوسسه قبل تاكلونها يمكن فيها سم ولا شي

خامسا / احيننا التفال له دورر سسبحان الله ههههههههههه

مشكوررين على تحملكم عناءء السفررررر والتعب اللي بذلتوه لكي تقرؤون هالموضوع ومع السسلامه دام مابه سسلامه ،،، ( الفراغ له دور )

للامااااااااااااااااااااااااااانه منقول

اموله 2009 · 07-03-2009, 00:48

هههههههههههههههههههههههههههههههههههههههههههه ريم

رووووووووووووعه من جد

خاصه اسماء الاقزام ههههههههههههههههههههه

يعطيك العافية ريومة ...........من جد وسعتي صدري

ههههههههههههههه

يسلمووووووووو يا قمررر

قدرات · 07-03-2009, 01:01

ههههههههههههههههههههههههه
سبحان الله
ربي يسعدك ريم

حرف مشتعل · 07-03-2009, 01:13

حلو : )

مجهود رائع اختنا ريم الغلا

مشكورة على النقل الموفق

دلوعة نايف · 07-03-2009, 01:13

هههههههههههههههههههه
ريم
طوووووووووووووووووووويلة
بس تهبل
بروح اخذ فاصل
وبرجع
ههههههههههههه

~ تَـــــــــرَف ~ · 07-03-2009, 15:14

ههههههههههههههههههههههههههه
رووووووووووعه ريومه والله انتس فطستيني ضحك الله يوسع صديرتس بالعافيه<<<<خخخخخخخخخخخ اقلدهم

يعطيك العافيه

~ الجسمي ~ · 07-03-2009, 23:57

ههههههههههههههه

يسلموووووو على الموضوع

تحيتي

*همس الليل* · 08-03-2009, 10:39

هههههههههههههههههه حلوه يا ريم

بس طويله يعطيك العافية

مــجـ فكـــرة ـــرد · 08-03-2009, 17:57

هههههههههههههههههههههههههههههه

حلووووووووووه ريم الغلا

العنـــــــوود · 08-03-2009, 21:07

تسلمووون جميعا شاكره مروركم بمتصفحي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سنوايت لا تفوتكم هههههههههههههه