عالم الحياة الزوجية - منتدى

سرحــ بغلاهم ــانه · 08-03-2009, 02:23

السلام عليكم ورحمة الله وبركاته

اتمنى من كل من يدخل ويقرا موضوعي يرد علي ولو بدعوه من القلب

انا تقريبا متزوجه من سنه وثماني شهور

والحمد لله زوجي طيب وحنوون وكريم معي

بس يا اخواني زوجي من النوع اللي يحب يتكلم كثييير

ايش سوا في عمله

وايش سوا مع ربعه

ووش قال فلان

بس

اذا انا تكلمت ينقلب لشخص صاااامت كانه جماد

تخيلوا اذا بدات اسولف معاه يطالع بالتلفزيون او بالجريده ولا يرد على الموضوع اللي اقوله ولا ينتبه اصلا وش اقول

مع اني والله لست من النوع المتطلب اللي ترهق زوجها بالطلبات

حتى قبل ما اتزوج عندي صديقات كثيرات دائما اجتمع معهم واسولف كثييير ويسمعوون لي بس زوجي الله يهديه لما اسولف احسه يا يسرح او يقرا الجريده او يمسك الجوال فجأه ويتصل على واحد من ربعه

احيانا اكون متحمسه في موضوع ويسمع لي بس فجأه يقولي اسكتي اسكتي ابغى اسمع وش يقولون ويطول على صوت التلفزيون واذا سمع وخلص ما يقولي كملي السالفه
دائما يكسحني

مع انه سبحان الله مع الاخرين سواء اهله او اهلي او اصدقائه يسمع لهم لاخر شي
جتني ردة فعل منه
صرت اذا قعدت معاه اتردد جدا جدا في مناقشة اي موضوع معه
واخاف اقول اي موضوع عادي ويكسحني
فاظل طول الوقت صامته
اليوم واحنا نتقهوا قالي وشفيك يالغاليه ماعاد تسولفين وساكته
فررررررررررحت واخيرا انتبه

قلت له بكل فرح يالله خلنا نسولف
وقالي سالفه
ولما جيت اسولف قالي لحظه اسكتي خليني اسمع وش يقولون وطول على صوت التلفزيون
وبعد ماخلص مارجع وقالي كملي السالفه
آآآآآآآآآآآآه قهرني جدا

عالعموم انا بالنسبه لي الحمد لله ما قد كسحته في اي سالفه يقولها

بالعكس دائما اتفاعل معاه واستمع له حتى لو كنت تعبانه جدا او مشغووووووله

مدلعته ومخليته فوق راسي في كل شي
واقدمه على نفسي في اشياء كثيييره
ومراعيته ماديا حتى مع طلعاته مع ربعه ما عمري عارضته بالعكس افرح اذا شفته مستانس
الله يهديه لي وينتبه لوجودي معه

وفوق كذا انا لما تزوجت سكنت في مدينه ثانيه وبعدت عن صديقاتي واهلي صرت ما عاد اشوف الناس الا نادرا يمكن مره في الاسبوع اروح لخالتي واجلس معاها كم ساعه وارجع للبيت وبعدها ما عاد ازور احد وهو الحمد لله ما يقصر معي من ناحية الطلعات والتمشيات

تصدقون حتى سجلت في هالمنتدى علشان اسولف وارد على مواضيعكم وتردون علي واقضي وقت فراغي

لا تنسوني من ردودكم يا اخواني واخواتي ابغى اعرف كيف اخليه يسمع لي ويهتم بكلامي مع العلم باني متحدثه لبقه وعمري مانقدته او تكلمت في مشاكل او00 او -- الخ من المواضيع اللي مايحب الازواج انه زوجاتهم تناقشهم فيها

مع تحياااتي لكم

عذب الدموع · 08-03-2009, 03:30

انا سعيده لاني اول من يرد عليكي .. واول من يدعي الك
حسيتك انا طيوووبه ومدلعه زوجها عالاخر ... بس قلبي عورني عليك لان فن الاصغاء مهم بين الزوجين..
انا الحمدلله زوجي يسمعني .. واذا كان مشغول مش منتبه اسكت انا واتضايق بس يرجع يقولي كملي سالفتك!!
لان مهم انه يسمعك هو اكثر من غيره .. ماحد يغني عن الزوج .. حتى الصديقات!
بس الي فهمته من كلامك حبيبتي انك ما قد كلمتيه عن هالنقطه .. انها تضايقك .. اتوقع دام انه يحبك
بيحاول يغيرها انشاء الله.

اتمنى لك حياه سعيده .. تغير ملموس يجعلك اسعد بأذن الله
ودمتي بخير

سرحــ بغلاهم ــانه · 08-03-2009, 03:34

[SIZE="5"][COLOR="Red"]ليش محد رد

خلاااااص انا زعلانه حتى انتم ما تبغون تسولفون

سرحــ بغلاهم ــانه · 08-03-2009, 03:39

يسلمووو عذب الدموع

وعطرتي الصفحه بوجودك يالغاليه

وبالنسبه للموضوع بالعكس انا مره قعدت معاه وفهمته انه هالشي يضايقني

بس لا حياة لمن تنادي

سمع لي يومين ورجعت حليمه لعادتها القديمه

بس الحمد لله انه هالشي ما اثر في حبي له

الله يخليه لي ويهديه

الهـاشميه · 08-03-2009, 03:41

: ( ماعنده سالفه
طيب تبين حل
1-كلميه وقولي له انت دايم تكسحني وماتسمعني على انه عمري ما كسحتك
2- انتظري يوم ولا اسبوع واعملي له اختبار وشوفي تغير ولا لا فاد ولا لاء
3- اذا مافاد اقلبي السالفه عليه وذوقيه اللي تذوقينه
يعني لاسولف , اقطعي سالفته باي شي ,ابي الحمام ابي مويه
نفظي غبار عن الطاوله اي شي واياكي تقولي كمل

سرحــ بغلاهم ــانه · 08-03-2009, 03:51

هلا وغلا بمضاوي

نورتي الصفحه بوجودك

راح اسوي اللي قلتيه

بس ياويل قلبي

احس قليبي ماراح يطاوعني اني اقطع سالفته ولا بعد ما اقوله يكملبس حااان وقت الشدة والعين الحمرةعالعموم مشكووووره

عذب الدموع · 08-03-2009, 04:20

هلا وغلا
نصيحه اختي مضاوي حلوه جربيها ..
انا فكرتك ماقلتي له من قبل بس اذا قلتي اله وطنش فيك ...
طنشي فيه .. ماعليش لازم تكوني جاده وشديده معاه واذا حس وسألك قولي اله ابغي اوريك ان
اسلوبك معاي مو حلو ويضايق ... واتوقع مابتحس بالوضع الي انا فيه الا بهالطريقه .,,,,

وانشاء الله ياخذ باله منك
ولا يتعودها .

**الملـــــكـــــة** · 08-03-2009, 04:28

حبيبتي سرحانه احمدي ربك انتي في نعمة عظيمة ... غيرك زوجها لا يرى لا يسمع لايتكلم وكثير من الأزواج كذا للأسف ...

يعني أكثر مشاكل الحريم تلاقينهم يشتكون ان ازواجهم ساكتين في البيت وتلاقين الحرمة ياعيني تسحب الكلمة منه سحب ...

مادامت مشكلتك فقط في انه ما يسمع لك فمن الواضح ان زوجك من النوع البصري أكثر من انه سمعي وهذي الدراسة انا استفدت منها في طريقة تعاملي مع زوجي ...

يعني الزوج البصري مايصلح انك تتكلمين معاه بهدوء ويكون فيه شي بصري قدامه زي التلفزيون مثلا ...

لا لازم تتكلمين معاه بصوت مسموع نوعا ما وجاد في نفس الوقت وحاولي تكونين قدامه عينك في عينه ... واذا التفت وبغى ينشغل بشي قولي له شوف بأقول لك شي خخخخخخخخخخخخخخخخ لأن كلمةشوف تثير اهتمام البصريين ...

والله يعينك ياقلبي ويسعدك مع زوجك ..

سرحــ بغلاهم ــانه · 08-03-2009, 04:34

غـــــــــــــــــــــــــــــاليــــــــــــــتي

المـــــــــــــــــــــــــــــــــــــــــــلكــ ــــــــة

نـــــــــــــــــــــــــــــــــورتـــــــــــــ ــــي

الله يعطيك العافيه عالمعلومات الحلوه

والف شكر لك يارب

انا الحمد لله ماخليت هالمشكله تسيطر علي

بس تعرفين الوحده منا نفسها زوجها يشاركها في كل شي

سرحــ بغلاهم ــانه · 08-03-2009, 04:36

نورتييييييني للمره الثانيه عذب الدموع

يعطيك الف عافية

الهـاشميه · 08-03-2009, 05:29

<<<<<استانست احد يطيعها
>>>>عساني مااعميهااا
بس جربي مايضر وشكرا لسعة صدرك

^^^^تشجع ^^^^

الباحث عن الإستقرار · 08-03-2009, 06:31

عندي لك مجموعه من الأفكار وإن شاء الله تنفع معك

1- حاولي تبدين الكلام بموضوع يثير إهتمامه ويلفت إنتباهه يعني لاتبدين بكلام وش سويتي بيومك

2- إذا تكلمتي معاه كوني مقابلته وناظري عيونه وخليه يناظر عيونك هالنقطه مهمه جداً وإذا ماناظر فيه امسكي وجهه وقولي له ناظر عيوني حبيي وأنا أتكلم معاك تحسسني بالراحه عيونك ونظرتك انتبهي تقولين له علشان تسمعني وتنتبه وش أقول

3- إذا مانفع معه كلميه بصراحه وقولي له بكل حب عن هالأمور اللي تضايقك فيه بس قبها أذكر الأمور الإيجابيه فيه
قولي أنا أحبك ويعجبني فيك كذا وكذا ولأني أحبك بقول لك بصراحه عن اللي مايعجبني فيك علشان مابي بينا خجل وحواجز لأن مابين الزوجين حواجز ولاخجل وقولي له اللي في خاطرك

4- إذا مافاد كل هذا حتى بعد المصارحه عامليه بالمثل حتى يحس بأسلوبه الغلط إذا يتكلم معه سوي مثل مايسوي بالضبط انشغلي بشيء ثاني ولا كأنك تسمعينه ورفعي على صوت التلفزيون وقولي له أسكت دقيقه بسمع سوي مثله بالضبط بس لا تحسسينه أنك تعاندينه أو متعمده خلك طبيعيه وإذا قال لك شيء وتضايق قولي شفت كيف وش اقول أنا الي كل ماأكلمك تسوي معي كذا

بنوته حاره · 08-03-2009, 06:58

هلا قلبي كيفك والله يوفقك مع زوجك بكل سعاده وهناء يارب قولي امين شوفي ياقلبي انا كنت اعاني من نفس الموضوع بس انا سويت شي واحد بس انه كل ما يحكي معي او يسولف معي عن خويانه واو اي احد اسوي نفس حركاته مره علي مره سائلني انتي ليش تسوين كيده قلت مثلك اكون متحمسه وانتظر جيتك البيت عشان اقولك بحساسي والي يصيري معي بكل احساس تكسحني واحيان تبدي التلفزيون الطلعات وعن سوليف خويانك بعمل وخارج العمل اسمعك وقلبي معك بس انا لا فابيك تحس بالي احس انا لما اكون متحمسه والحين الحمد الله والله صاره يتمنه انه يسكت عشان يسمع سواليفي الطيب او مو طيبه والحمد الله صاره الموضوع حلو احب اقول علي مثل ابنك علي حسب ما تربي وزوجك حسب ما تعوديه بالتوفيق يارب

& دلع جوري & · 08-03-2009, 09:48

الله يعينك يا اختي

والله انا نفسك بس انا ما يسولف معي ولا يتكلم

ايووه يسمع لي للاخر ويتناقش مع كلامي اما انو يجي اهو يتكلم

من نفسه مسسستحيل

وبيوم من الايام سألني قال لي انا مقصر عليك بحاجه او اي شي

قلت له يشهد عليك ربي انك موب مقصر باي حاجه وانك حاطني في عيونك

بس الشغله اللي مضايقتني انك ما تسولف وتتكلم معاي

قال لي هذا طبع فيني بس ابشري مالك الا اللي يرضيك بس ابغى فترة وان شاء الله

اتغيـر

وجد خليته براحته وما ضغطت عليه وفجـأه صـآر يتكلم ويناقشني ويسولف

جربي طريقتي وانشـآء الله ربي يوفقك ويسعدك

سرحــ بغلاهم ــانه · 08-03-2009, 17:43

اقتباس:

المشاركة الأصلية كتبت بواسطة مـضـاوي

<<<<<استانست احد يطيعها
>>>>عساني مااعميهااا
بس جربي مايضر وشكرا لسعة صدرك

^^^^تشجع ^^^^

اهلين مضاوي

كلامك مثل العسل ليش ما اطيعك

ربي يوفقك ويسعدك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

!!زوجي يجيد التحدث ولا يجيد الاستماع!!