عالم الحياة الزوجية - منتدى

كحلها سايل · 14-03-2009, 19:56

اقتباس:

المشاركة الأصلية كتبت بواسطة mlok

حرف .. ربي يخلي لك فيصل .. ويتربى بعزك .. وإن شاء الله يصير احسن منك .. هع
البنت جاهزة .. بس تراها بتطلّع عيون ولدك

انا حااااااااااااااااااجزة فصوووووووووووووووووولي ئبلك لبنت أخوي ..................

{ شفرت الاسم هههههه

ههههه و ربي لتطلع مصارينه مو بس اعنونه العسسلى ههههههههههههههههههههههه { خقت البنت
ههههه

حرف مشتعل · 14-03-2009, 20:21

.
.
يتبع
اجابات على اسئلة ام كحل سايل
.

3/في يوم من الايام تحوب انه يكون عندك موقع خاص فيك ؟

لا

بس قبل سنتين سويت موقع خاص للبزنس حقي لكن مافعلته للحين
جالس ادخل تعديلات من وقت لوقت وللحين متعيجز خخخ

و اذا جات لك دعوة من عضو لمنتداه الخآص هل تلبيه ؟
جتني دعاوي من منتديات خاصة من أصحابها يعني
منتدايين ولبيتهم

أغششك؟ ادخلي قوقل واكتبي حرف مشتعل
وبتعرفين اني مسجل بمنتدياتهم بس مجاملة

4/تحوب طلعات البر و كشتات و التطعيس ؟ مع التعليل ههههه

سؤال محيّر فعلا
امممممممم

البحر

لأني مغرم أكثر بالنشاطات البحرية
احب الجربعة وصيد الضبان والتنقيب عن الفقع خخ
بس احب الجت سكي والسباحة والسمر قدام الموج أكثر

أعتقد عللت

انتي مدرسة لغة عربية يابنت؟؟

متى آخر ماره طلعت فيها للبر ؟ وتفضلها بالغالب مع الأهل والأ مع أصدقائك ؟
منتي ملاحظة انك تدسين أسئلة بوسط أسئلة من غير ترقيم؟؟

يعني اجمالي الأسئلة يوصل 35 مو 20

قبل سنتين

أحب النوعين
كلهم حلوين وكلٍ له طعم مميز << يقصد الجرابيع خخخ

5/ اذكر لنا بيت شعر قرأته و تعلق بذهنك ؟؟
ماكل من يبعد به الوقت ناسيك
بعض البشر قدام عينك وينساك

6/متى تفكر بالأرتباط بشكل جدي ..؟

الآن

واذا قدر الله و ارتبطت بأمرأة فيها كل المواصفات اللي تتمناها .. ولكن لا تنجب ؟
هل تكمل معاها مشوار حياااااتك .. والا تفضل الأنفصال ؟

اذا كنت أعرف مسبقاً فأعتقد لن أرتبط بها حتى وان كانت تجتمع فيها المواصفات
(المال والبنون زينة الحياة الدنيا)

أما اذا ما كنت أعرف ولا حتى هي تعرف وشاءت الأقدار..
أسلم بالأمر ولله حكمته في ذلك
(لعلها خيرة)

7/عندك بالماصنجر اضآفة لأعضاء فيذا ..؟ مع التصريح طبعن { كف ترى ههههه
وهل قابلت احدهم وجها لوجه و شخصياا ؟
ايه عندي
من غير تصريح
أصرح بحالة وحدة .. اذا قبلتي بالكف خخخ

ايه قابلت سكون رجل (حالياً غيث)
واكثر من مرة بعد
عندك اعتراض؟ ههههههههههههه

8/ كام بالعادة تعااااااااااايد البزارين بالعيد السعيد بالفرنصي ؟ كام ماني تعطيهم{ اعترف ابسرعه ههههه
انتي من وين تخترعين هالأسلة؟؟
قصم منتي طبيعية خخ

والله اعيدهم على حسب
مرات 100 ومرات 50
الأقارب على 100 وأحيانا 200 اذا كانت بنوتة غنج خخخ

الخمسميات محجوزة حصرياً لآل البيت هههههه

9/ كام ماره حجيت / عمـرت ؟
حجيت مرتين
بس ياحسرة مامنهم فايدة
كنت صغير بالثنتين
مو محسوبات

كم مرة اعتمرت؟ اممممممم
ما اذكر

كحلها.. عليك أسئلة غريبة
خخخخخخخ

10/ لو طلب منك ترشيح مدينة داخلية .. غير الدمام لنيل لقب أجمل مدينة سعودية ؟
فـ من تختار ؟

جـــدة

حرف مشتعل · 14-03-2009, 20:32

.
.
يتبع
.

11/اسمع هالحتوته ..
في يوم من الأيام تم محاصرة البيت اللي ساكن فيه .. وبعد البحث عن الأسباب مع الجهات المختصه؟
عرفت انهم مكتشفين بوه بير نفط؟ بالله ساعتها تتنازل لهم والا تتمسك ببيتك ؟ { فيهاا مؤبد ههههههه

ههههههههههههههههه

انتي شاربة شي؟؟

مو طبيعية هالبنية

ياعالم شيلوها من قدامي لأرتكب فيها جريمة
خخخخخخخ

بترول؟؟

طااايب

اهج من البيت كله واقولهم خذوا الجمل بما حمل
فكوني بس

/ الأذاعه اللي تفضل الأستماع لها بسيارتك دائما شنهي ؟
والله يعتمد على المزاج
مافيه شي ثابت

13/فيه ماره تم توقيفك من قبل المرور ؟ اذكر لناا العله { ياحوبها للفزايح ههههه

ههههههههههه

هذا سؤال كيف اجاوبه بالذمة؟؟
500 ألف مرة وقفني المرور

أذكر مرة كانت رجلي مجبسة << مكسورة ومجبسها

قطعت اشارة بشارع الملك عبدالعزيز بالخبر
<< شوفوا الدلاخة بس منقي أكبر شارع بالخبر

الموهيم
قرادة حظي خلت الدورية تشوفني
وطبعا مثل جمس الهئية طيران وراي

نزلت من السيارة ومعي العكاز
نازل واتمسكن كذا هههههههههه
عساني أكسر خاطر هالقنزع
هههههههههههههههه
<<< آمال وهمية خخخخ

طبعا مالك أمل
العكسري ابوشريطة ونص صكني الموخالفة سلام سلام

اقوله يابن الحلال مانتبهت شارد بألم رجلي ههههه
يقولي ان زودت كلام باخذك للتوقيف خخخخخ

يومها حقدت مليون
مسوي تمثيلية على العكسري وفشلت
ههههههههههههه

14/بين فترة و فترة تقام ندوات خيرية او ترفيهية للشباب ؟ وفي مخيمات بالدمام ..
هل انت من مرتاديها ؟

اقول

هي مرة وحدة حاولت
لاحظي حاولت
أحضر محاضرة للشيخ العريفي
وربي كني رايح أحج خخخ
طبعا عجزت اوقف السيارة خخخ
ورجعت من غير ما احضر لا محاضرة ولا هم يحزنون
ومن وقتها عملت اضراب خخ

.
.
يتبع

الله يهدك هديتي حيلي

حرف مشتعل · 14-03-2009, 20:40

اقتباس:

المشاركة الأصلية كتبت بواسطة ~*¤*ورد طايفي*¤*~

متابعة بعصبية

طبعا عندي اسئلة بس والله اقوى من اسئلة اللي ذاك تعرفه

ومتأكدة لو احطها بتشوتني الادارة

هع هع

اقوووول

ماعاد يضر السلخ بعد الذبح

اسدحي وانا اخوك

اسدحي وتراك محصنة دبلوماسياً من قبل رقة

وانا الكفيل

حرف مشتعل · 14-03-2009, 20:54

.
.
يتبع

كحلهاااااااا

يالييييييييييييييييييييييييييل ما اطولك
.
.

15/اذكر لنا اسماء المشايخ اللي تحوب الأستماع لـ محاضراتهم ؟

العريفي - سلمان العودة - القرني - عمر عبدالكافي

16/ بصناحه ؟ لو كنت واقف عند اشارة وجات لك متسوله تطق المرايه ؟ هل تسجيب لها والا ؟ { كرهي لهم

(وأما السائل فلا تنهر)

القرآن ماحدد اذا كان السائل نصاب أو صادق
لذلك انتي تاخذين الأجر والباقي بينه وبين ربه

انا بصراحة أعطي وأحتسب
ومالي شغل وأترك احتيالهم ونصبهم لربهم

17/ نبي نكسر الروتين المعتاد بالاسعله راح احط رمووووووووووووووووز وانت علق عليها ..

اللي اعرفه ان هذي

على راسك خخخخخخخ

والباقي بعدين

18/ .. تعتبر نفسك محضوض لآنك وصلت للكرسي ؟
و ايش ممكن توصف لنا شعورك لما تشوف المتواجدين فيذا و متابعتهم لك بلا ملل ولا أرق ..
هههههههههههههه
ليييييييه؟ واصل لنهائي الكاس يعني؟؟ خخخخ

بالنسبة للمتواجدين
مافيه شك يسعدني ويشرفني أشوفهم متابعين ومشاركين

شعور جميل فعلا

19/ آخر سوعال ..{ يلا خلصينا هههه
بعد مايمضي ع استضافتك تقريبا أسبوع ..
هل راح تحـن الى الأيام اللي قضيتها وانت ع هالروتين ؟
؟ امممم بمعنى ثآني ..
بتفتقد هالموضوع و زواره .. اذا تم أغلاقه ؟

بالتأكيد
خصوصا أسئلتك الخفيفة

حرف مشتعل · 14-03-2009, 20:56

اقتباس:

المشاركة الأصلية كتبت بواسطة حنييــــــــــن

حرف أفتني بأمرأه .......؟؟؟>>> السؤال مشفر بس الا مااسئله بيوم

عن جد حرف جلستك على الكرسي ونستنا
تغيير جو .. وضحكت من قلب وانا اقرأ .. حتى كحلتي سالت خخخخ
بالذات اسئلة الموهيكان كنت انتظر اجوبتها صراحه توووووحفه
تصبحون على خير اللى تحت خخخ

حنين

يسعد أيامك ربي

تسلمين والله

بالنسبة لسؤالك
اسدحيه

اسدحيه انا كبيت العفش واللي صار صار
خخخخخخخ

ماعاد تفرق.. اسدحي يختي

أصلا وش بقى شي مانقال
ههههههههههههههههه

بانتظارك

amalsa · 14-03-2009, 20:57

ههههههههه حرف الله يعينك عالتحقيق

ياحلوين البرائه يسعده ربنا ويخليه لكم

حرف مشتعل · 14-03-2009, 20:58

اقتباس:

المشاركة الأصلية كتبت بواسطة كحلها سايل

وحده بوحده دامك ما علمتنا منهي اللي شاك فيها انها بنت جيرانكم مدري عمتك فيذا؟ { تراها تبي تلم الشمل هههههههههههههههههههههههههههههههههههههههه
ماراح افصح عن القرابة اللي بيني و بين فرااااااااااااااوله

يلا موت قههههههههههههر ههههه

خخخخخخخخخخ

يسعد قلبك

حرف مشتعل · 14-03-2009, 20:59

اقتباس:

المشاركة الأصلية كتبت بواسطة ~*¤*ورد طايفي*¤*~

مايكفي تقول عني قديييييييييييييييييييمة يامغبر انت
لاااااااااااااااااااااااااااااااااع

يخرب بيتك

وش مشفر

جعلك بشفرة موس تجدع لسانك

حرااام عليك
انا بس شفتها اقوى اسئلة وابغى اشوف وش بتسوي

وكمان بدي اعرف وش تفكير هالبزارين اللي عندي <<< موسوسة
ظلمتني
المفروض اصلا
اني مااتوقع منك الا اكثر
من يوم كتبت موقفك اللي بالشقة ( ربي كما خلقتني) المفروض اعرف انك بايعها
موهي وحرف خذو

هذا المشفر تبعكم يامال الـــ.............مشفر هههههههههههههههههههههههههه

ههههههههههههههههههههههههههه
هههههههههههههههههههه

اعصابك لا يطق لك عرق نبتلش فيك

حرف مشتعل · 14-03-2009, 21:01

اقتباس:

المشاركة الأصلية كتبت بواسطة Bata_fooshy

الله يعينك ويعطيك العافيه

دخت وانا اقرا الاسئله

بس ماشاء الله عليك صريح بقوووووووووه

الله يرزقك ببنت الحلال الي تسعدك وتعوضك

هع هع

بطة انتي دختي من القراءة

وش أقول أنا !!

سندريلا زماني · 14-03-2009, 21:32

ماشاء الله تبارك الله حرف (فيصل ) يجنن وخاصه اول واخر صورة

الله يخليه لك ويرزقك بره ..

بس هالصورة موتتني ضحك ودي ادري من رجله اللي وراء فيصل وخاصه سروال السنه <<<<

بس بدون تشفير

رقة مشاعر · 14-03-2009, 21:58

اقتباس:

المشاركة الأصلية كتبت بواسطة سندريلا زماني

ماشاء الله تبارك الله حرف (فيصل ) يجنن وخاصه اول واخر صورة
الله يخليه لك ويرزقك بره ..
بس هالصورة موتتني ضحك ودي ادري من رجله اللي وراء فيصل وخاصه سروال السنه <<<<

بس بدون تشفير

ههههههههههههههههههههه
كفشو رجلك ياحرف ... مشاء الله عليك ساندي
انت قزقزي بها القمر ماشاء الله تبارك الرحمن يجنن
ماعليك من هالرجل الشهبااا هع

حرف مشتعل · 14-03-2009, 22:07

اقتباس:

المشاركة الأصلية كتبت بواسطة Think Pink

هلا بك حرف منور الكرسي ....

ماشاء الله عليك تكلمت ببساطة وصراحة ...وبدون تردد
وعشان كذا دايم تحت زحمة... اعضاء وزوار..
هذي أسألتي ...منوعه وعساها خفيفه عليك
******

هلا وغلا Think Pink

منورة المعتقل وصالة الاستجواب هع

وحياك الله

شروقها

شروقها يداعب أمواج الأمل في بحوري
ويعزف على أوتار التفاؤل من جديد

بينما غروبها
يقلّب صفحات الأسى في حياتي
ويشعرني بالخيبة واليأس ومزيداً من البؤس

ورغم ذلك.. أحب الغروب
ولكن أحتاج الشروق أكثر
لذلك هو أقرب الى قلبي

-حرف ...هل يطرق الندم بابك ؟؟
للأسف.. نعم

-وحينما يطرقه عادة ...الأنك تراجعت عن الاقدام ؟؟ أم لأنك أقدمت بالفعل ؟؟

لأني تراجعت عن الإقدام

سؤال في غاية البلاغة

-حرف ...هل تتمنى لو يعود بك الزمان الى الخلف ؟ولو عاد بك الزمان ماذا ستغير ؟؟

نعم أتمنى.. ومن منا لا يتمنى!

لو عاد بي الزمن..
سأغير بعض اختياراتي

-أجمل مرحله تتمنى لو تعود ؟؟
مرحلة الدراسة الجامعية

-شخص تتمنى الجلوس معه ؟؟

الشيخ محمد العريفي

-على فكرة ....هل ترى دائما ان هناك خيارات امامك أم ان اغلب القرارات لايوجد بها الا طريق واحد لا ثاني له؟؟

في أغلب الأحيان أجد تعدد للخيارات

نترك الماضي قليلاً...
ونلتفت الى المستقبل
- هل تتخيل شكل حياتك في المستقبل هناك
أم انك تكتفي بأن تعيش اللحظة ؟؟

أتخيل شكل حياتي مستقبلاً
وأزينها.. وأهيء نفسي لها رغم أنها لم تأتي بعد
وأنا عموماً بانتظارها

-طيب مم يخاف حرف مستقبلاً؟
من لحظة ندم

- وهل يشكل الزمن هاجسا لديك ؟؟هل تفكر ماذا انجزت و ماتريد تحقيقه ؟؟

لا.. فالزمن ماضٍ في طريقه شئنا أم أبينا

بالتأكيد أفكر باستمرار بما أنجزته
وما أريد تحقيقه

- طيب بعد أن تتقاعد حرف ...ماذ تنوي ان تفعل ؟؟
نغير الموجة ...

ههههههه

ليس لدى أي خطط لإكمال الخدمة الوظيفية
تطلعاتي تبدو أكبر من مجرد أداء مهمة وظيفية

تغيير الموجة مدرج في الأجندة حالياً
وبانتظار التوقيت المثالي

جوالاتي + سماعة البلوتوث
سجادة الصلاة
بنادول أو سابوفين
بطاقاتي الائتمانية

.
.
يتبع

حرف مشتعل · 14-03-2009, 22:08

.
.
-ميزة تتمنى لو كانت موجودة فيك ؟؟

الحلم.. (طولة البال)

وشئ ((مادي )) لديك يستحيل ان تتنازل عنه؟؟

ليس لدى ماهو أغلى من الإحساس

-قرأت انك تكتب الشعر ...هل تذكر اول بيت كتبته؟؟

للأسف لا
كنت صغير جداً وكان غير موزون
.
اللحظة.. تجوب خاطرة في صدري
كتبتها قبل أكثر من عشرة أعوام
.
تسأليني وش انتي بحياتي..!
أنا حياتي كلها بيدك..
وبيدك الثانية مماتي..

تسأليني وش انتي بحياتي..
انتي السما للطير..
انتي المطر للشجر..
وانتي مركاي والسند لامن انكسرت عصاتي..

(مشفر)
.
(مشفر)
.
ولا تسأليني يادنيتي..
انتي هفواتي وزلاتي
وانتي أشواقي وآهاتي
انتي حزني ومسراتي
وانتي كل شي بحياتي

**

-وهل هناك جو معين أو طقوس للكتابه ؟؟أم ان المسألة انسيابيه؟؟
بالنسبة لي.. أغلبها مرهونة بالمواقف
ولا يخلى الأمر من هذا وذاك

إلى اي انواع الشعر تميل..؟؟

تعجبني كل أنواع الشعر القوي والبليغ
في الغزل والرثاء
الفصيح والنبطي

وهل تكتب الشعر الوجداني ؟؟

بالتأكيد

- لمن تقرأ من الشعراء قديماً...وحديثاً؟؟

امروء القيس
حسان بن ثابت
طرفة

الحديث:

عمر ابوريشة
أحمد شوقي
خالد الفيصل

يعطيك العافيه ...

ماقصرت ...
واسمح لك بسؤال واحد تتركه بلا اجابه..
وراح نعتبره سقط سهواً ولم تنتبه له

الله يعافيك

تشرفت وسعدت جدا بالاجابة على أسئلتك

أشكرك على اطلاتك الرائعة
وكذلك على كرمك في اسقاط سؤال << توه يدري خخ

عموما لم أحتاج اللجوء الى اسقاط أي سؤال

أسئلة كانت في غاية الروعة والجمال

تقبلي خالص تحياتي

ودمتِ بود

حرف مشتعل · 14-03-2009, 22:11

الذين يشاهدون محتوى الموضوع الآن : 7 ( الأعضاء 6 والزوار 1) ‏حرف مشتعل, ‏*سحر الشرق*, ‏amalsa, ‏الدبلوماسي, ‏mlok, ‏سندريلا زماني

ام الفواطم.. اظهر وبان عليك الأمان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

(أ)ادب...(ب) بساطة ... (ت) تلقائية... حرف مشتعل... ابو الحرووووف كلها على الكورسي