عالم الحياة الزوجية - منتدى

بنت أبوي وافتخر · 13-03-2009, 22:04

هلاااا وغلااااااااا ...
بصراحه بقول لكم اللي في قلبي لاني ما قدرت اتحمل اكثر عن كذا
في يوم من الايام جاني مسج يبارك لي بالعيد انا فكرت انها صديقتي سالتها قالت هذا مب رقمي
طرشت لصاحب الرقم مسج ابارك له واسال منو معي ردت وقالت انها فلانه وانها حبت تتطمن علي
كان عندي فضول ان اعرفها وتعرفون "الفضول يقتل"
كنت احاول اتصل فيها عشان اعرف منو معاي لكن كل ما اتصل تسكر بوجهي او تحط اغاني

قطعتها فترة ...
ردت وطرشت توصفلي اوصافها وقالت اوصفها نفسي طبعا استغربت !!!؟؟
قلت عيل هذي ما تعرفني صارحتني وقالت انا ما اعرفج ولا انتي تعرفيني..

وسمعتني صوتها بصراااحه خفت وتميت مسكرها تلفوني يومين اهلي استغربوا ليش انا مسكره فوني
اضطريت افتحه ومسجاته طبعا متواصله ..
وفي الاخير استسلمت وكلمته بقولكم بصرااحه شو حسيت اول مرة اكلمه حسيت برجفه عمري ما حسيت مثلها.
بس بعدين تعودت وللحين ما اقدر اعيش من غير ما اسمع صوته فكرت اغير رقمي وغيرته بس هذي الشريحه ما قدرت ارميها بصرااااحه ...
والمصيبه اني على وشك خطبه وش نصيحتكم لي

حتى امايه حست ان في حيااتي شي ما قمت اكل عدل ولا انااام وسبب هذا الشخص ولي جو يخطبوني
بصرااحه اللي تبا تضعف تعيش حيااتي وتعرف معاناتي

مع تحياااااااااااااتي لكم

قحطاااني ماااركه · 13-03-2009, 22:10

ما في جديد متعلقه بواحد متعرف عليها بطريقه سخيفه على اي اساس تحبيه !! ومو قادره تستغني عنه

لا حول ولا قوة إلا بالله

khalid-s · 13-03-2009, 22:28

كذذذذذذذذذابة

بنت أبوي وافتخر · 13-03-2009, 22:43

الله يسامحك يا أخوي خالد ريعل ربي ياخذني اذا كل اللي قلته كذب وشو مصلحتي انا مو مؤلفه عشان ألف
المهم هذا رايك
وانا احترمه .....

ايميل · 13-03-2009, 22:48

أختي اسأل الله أن يفرج همك و غمك
حب الله في قلوبنا أعظم حب
فلأجل الله أعظم حبيب اتركيه ووالله سيعوضك خيرا منه
الآن بدون تردد اذهبي واكسري شريحتك
وعيشي حياتك مع خطيبك الجديد بالحلال
لا وزر عليك ولا ذنب إذا كنت تكلمين خطيبك -بعد العقد - وتتغزلين فيه ويتغزل فيك
بل تكسبين أجرا
ارجوك ارجوك اتركيه هو يريد أن يأخذ منك أعز ما تملكين ثم يرميك أو يجعلك عنده كالعبد يتحكم فيك كما يشاء
انفضي عنك غبار الذل والمذلة وابدئي حياتك الجديدة بالتوبة و الاستغفار
تخيلي أمك و أبوك و أخوانك و أخواتك لو علم بهذه العلاقة ماذا سيحصل لهم ؟
اسأل الله أن يفرج همومك

كحلها سايل · 13-03-2009, 22:50

الحين بنت والا ولد ؟
تراكي حيرتينا ؟تسردين لنا ماره بصيغة مؤنث وماره بضيغة مذكر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

pinkygirl · 13-03-2009, 23:10

ما ادري شنو اقولج بس انتي تعرفين عنه كل شي ولا لأ
وفي شغله تعب ان اهلج يحسون فيج والله انا نفس المعانات خصوصا الاكل لاني من عرفة ما اكل ولا انام لاني احس بالندم لاني اكلمه بس ما اقدر اهده بس علشان ما تفهمون غلط والله اني لا شفته ولا شافني بس نكلم بعض بالتلفون ومسجات
بس اتمني انج تقدرين تكونين قويه وتوافقين على اللى يخطبونج وتشيلين هذا من راسج ( انا انصحج بس انا ما اسوي جذي هههههههههه)

هذا حظي · 13-03-2009, 23:15

هي حياتك بعدها ما تخرب

بيدك تخربيها ولا لا

اتركيه ولا تتعلقي اكثر واكثر وانتي عارفه ايش نهايه الخربوطه الي انتي فيها

بنت أبوي وافتخر · 13-03-2009, 23:15

اختي كحلها سايل آخر شي طلع ولد مع انه كان يطرش لي رسايل ياكد لي بانه بنت مثلا ساعات يقول انا متحنيه
وساعات ....
وفي الاخير اكتشف انه ولد هذي صدمه بالنسبة لي ...

بنت أبوي وافتخر · 13-03-2009, 23:17

أختي Pinky Girl
حتى انا ما أعرفه ولا عمري شفته ولا شافني ......
تحيااتي لج

كحلها سايل · 13-03-2009, 23:28

انتي محتاجه أرادة و عزيمة ..
ايش فايدة ندمك و حسرتك وانتي منتي قادرة تساعدين نفسك ..!!
هذا يتسلى فيك وفي مشاعرك .. ولو صدق نيته طيبه .. كان طلبك للزواج ..
بس ماخذ الموضوع تسلية و تقضية فراغ يشبع فيه عاطفته ..
انا انصحك ..
فكري بالخطاطيب اللي يجوك بجــديه ..
و اتركي عنك هالعلاقة ..
لان الطريق اللي تمشين فيه واضح .. بالنهاية راح يتركك و بتندمين ع السنين اللي ضيعتيها
وانتي ترفضين الخطاب ..
علاقتك بربك أولـى انك تعيدين النظر من جديد بخصوص هالعلاقه لانك تعصينـه ..!!!!!
وفوق هذا انتي جالسه تستغفلين اهلك اللي عاطينك الثقه .. و صورتك راح تكون مهزوزه لو اكتشفوا أمرك ..
ببساطه ذا الحين ..
اكسري شريحتك القديمة .. و عيشي حياتك بلا تأنيب ضمير و براااااااااااااااااااااحه ..
وصدقيني ربك راح يعوضك باللي احسن منه ..
الله يستر عليك .. و يرزقك باللي يسعدك ..
موفقه ..

%انسه زحلطه% · 14-03-2009, 00:10

يارووووووووووووحي ـ الشريحه الللي بيدك اكسريها اوك عمري

لانك تمرين بمرحله انتي متعطشه للحب ـ وهذي فتره وتعدي عشان كذا تشوفينه هو الحب

خلكـ عاقله ـ واكسريها ـ قبل لا تتدمر حياتكـ

يكفي مصايب كل يوم واضحايا هالطيش تتعدى الفضيحه... واكثر الا مر خطير

فوق الزين · 14-03-2009, 00:32

استغفر الله

اعتذر عن الرد لاني احس عقلك صغير مهما تكلمت
يناس اكبرو استغرب من يحط مشكلته ويبي لها حل واهي علاقه محرمه

~~دنـــ القوووي فيها حكم ـــيا~~ · 14-03-2009, 00:43

الله يعينك

بحر وغروب · 14-03-2009, 01:20

الله يهديك

بيدك الحل

احنا تعبنا من كثر هالمشاكل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مسج واااحد خرب حيااتي