عالم الحياة الزوجية - منتدى

shehri88 · 14-03-2009, 04:07

السلام عليكم

اصدقائي انا توني مملك جديد (قبل شهرين)

مشكلتي انني اثناء المكالمات مع زوجتي لا اجد مواضيع للحديث

احس ان كل شي تكلمنا عنه(حسب نظرتي)

يتخلل مكالمتنا الكثير من لحظات الصمت

وبرضه احس ان البنت مسوية مو فاهمة حاجة لدرجة انها ماتعرف معنى نشوة او شهوة

او احتلام او عادة سرية

معقولة في بنت زي كذا

في احد مايعرف ايش يصير بين الزوجين يوم الدخلة او انها تبي توضح لي شيء ثاني

ارجو اللي بيرد يرد بالتفصيل

دمتم بود

عسل دافي · 14-03-2009, 05:18

مبروك

وبالنسبه لسؤالك في بنات ماتعرف اي شي
وفي بنات تعرف وتخاف ان زوجها ياخذ عنها فكره غلط
فانت ماتحرجها كون لها معلم
وعلمها الامور اللي انت تحبها
وبالنسبه للحوارات حاول انك ما تتكلم معها وااااااايد عالاقل يوم اييي ويوم لا
وبحواراتكم اسالها عن اهتمامات تخصها
وتكلم معها عن يومها شلون قضته عادي البنات يحبون يتكلمون كل يوم عن اللي سويته بيومها عن نفسها
عن تجهيزاتها
وهم انت كلمها عن نفسك من يوم ماتقوم لين ترد البيت من الدوام
يعني تفاصيل حياتك
وموفق

ورد التوليب · 14-03-2009, 05:49

ألف مبروك الملكه وعقبال الزواج يارب ..

وترى عاادي وضعك لازم تمر عليكم لحضات تحسون فيها مافي كلام بينكم ولا سواليف
بس إنت حاول قد ما تقدر تسولف وتسألها عن اي شي يخصك ويخصها بحياتكم اللحين
فترة الملكه وبعد الزواج إن شاءالله يعني مثلا" سولفو في ( عيالكم إن شاءالله وش بتسمونهم
أو بيتكم كيف تحبون يكون شكله أو حياتكم كيف حابين تكون وعلاقتكم مع بعض اهم شي يكون فيها الصراحه .. الخ ..)
ويعني شغلات زي كذا ..
وترى البنت باقي ما تجرأت عليك يعني شهرين والله
مو كافيه إنها تاخذ عليك وتسولف معك براحتها أكيد مهما سولفت معك ماراح تكون سواليفها
بكل شي بحياتها لأنها هي باقي تلاقيها مو عارفه طبعك بالضبط وخايفه من أي شي تسويه
ويزعلك أو تاخذ فكره مو زينه عنها وأصلا" زوجتك الشي اللي تسويه هو الطبيعي إنها مثلا"
تبين لك إنها ما تعرف شي تخيل عاد واحد ماتعرفه أبد وفجأه صار زوجها وبالذات إن وقت الملكه
معروفه إنها عند البعض تعتبر فترة إختبار بين الأثنين فمستحييييييييل تقولك هي تعرف عن كذا أو كذا
عن العلاقه بين الزوجين .. إنت أهم شي لا تحرجها وحاول تعلمها يمكن هي بعد جد من النوع اللي
ماتحب تتعلم قبل الزواج وحابه تتعلم من زوجها بعدين أنا احس أحلى لما الزوج هو اللي يعلم زوجته
كل اللي يحب إنها تتعلمه في هالشغلات ..

بْقَاٌيَاٌ҉ذِكْرَيَاٌتِ · 14-03-2009, 07:42

شهري
ألف مبرووووووووكـ الزواج والله يتمم على خير ..
ووضعك طبيعي وهذي حاجه تحصل كثير بين المخطوبين ..
حاول تخفف من المكالمات .. عشان تجيك علوووووووم جديده وتهرجون فيها لين ماتملون هههههههههههههه
عادي لاتقلق ..
بالنسبه للموضوع الثاني ..
انت ماقلت كم عمرها ؟؟
مااتوقع في بنت بالوقت هذا جاهله .. يمكن بتثقل عليك وتسوي فيها مااعرف عشان تتعلم منك أكثر
او انها خايفه انك بتشك فيها وتسألها من فين جبتي هالمعلومات ؟!!!
يمكن ويمكن ....
ويمكن فعلا تكووووووون جااهله بالامور هذي ..
الله يسعدكم يارب ويجمع بينكم على خير

shehri88 · 14-03-2009, 13:05

مشكورين الله يعطيكم العافية

كلامكم منطقي واقنعني

الجيداء · 14-03-2009, 13:19

ربي يوفقك أخوي ..

أنا بعد ممتكله من شهرين بس.

ومشكلتي إني حساسه كثير

ولله الحمد زوجي مقدر شعوري بس عنادي يكابرني.

أهم نقطه بين الزوجين .. إنهم يفهمون طبائع بعض ويحاولوا يتجنبوا أي زله أو كلمه تخلق لهم مشكله هم في غنى عنها.

الله يوفقكم يااااااارب

سعدونة · 14-03-2009, 17:45

["]مبررررررررررررروك
عادي انا عني ما كنت اعرف شي عن هالموضيع الا شي لا يذكر يعني اعرف انة في شي زي كداااا لكن ما اعرف ايش هو بالضبط لاني بطبعي خجول لما اسمع هالكلام اخجل واقوم حتى قرائه ما اقراااا يعني اخاف منة واتجاهلة الله يعين واتقبل والله خايفة

اما انك حاول تخفف من المكالمات
لا لاتحاول لانة بعدين حتعمل فجوة كبيرة بينك وبين زوجتك لان لمااا تقلل مكالماتك على طول حيجي على بال زوجتك انك مليت منهاااا ولا ما تحبهاااا ولا خلاص مل مني وتزعل منك وبعدين ما تتجاوب معك زي الاول والله اعرف وحدة هيك زوجهااا صار ما يتصل في الليل زي ما هم متعودين ولا ينام وهوااا ما كلمهاااا بالبداية خافت علية وبعدين تعذرلهااا ويقلهااا والله كنت تعبان ونمت وبعدين زي هيك صار ما يكلمهااا ولا كلمتين وخلاص صارت عادي ما يفرق معاهاا كلمهاا ولا لا وصارت تشك بكلمة لمااا يقول احبك ولا وحشتيني

تكلمني وهي تبكي وتقلي خلاص ماصار يفرق معايااا وانا ابي احبة بجنون لكن هو كل مالة يبعد ولا اعرف شو عمل وهل هو زعلان او فرحان او مرتاح الله يعينهااا عن جد شي ينرفز

ترى البعد يسـبب برود بين الزوجين وبرود العاطفة من المشاكل الي يواجهااا المتزوجين فلا تعمل مشكلة انت بغنااا عنهااا
نصيحتي لك خليك قريب منهااا والكلام حيجي ولا مرة اذا كنت رومنسـي غنيلهااا ولا جيب موضوع ناقشوة

تقبل مروري

حآآآيرة · 14-03-2009, 22:45

انا توني مملكة

و خطيبي ما يكلمني الا عند اللزوم

و لا في اي كلام رومانسي

و ما عنده فكره عن التعامل مع الحريم

مره جا بيضيفني قال تغي مويه !! يوم قلت له لا شكرا .. قال عصير .. قلت شكرا .. قال احسن حرمتي نفسك !!!!

ايش حرمتي نفسك ,, المفروض يجيب لو مويه و يعطيني اياها مو يسألني لو يسألني طبيعي بقول لا لأنه اول مره نكون مع بعض

مدري شقول المكالمات مهمة جدا تقرب العرسان من بعض ,, انا الحين احس انه اجنبي عني و بعيييد جدا عني

و يمكن زوجتك تستحي ما تبغى تتكلم في هذي الأمور الحين ..

اسفه على الاطاله تقبل مرووري

%انسه زحلطه% · 14-03-2009, 23:02

الا خوان ماقصرور

عيش الزمن بظروفه.. · 14-03-2009, 23:16

تعامل مع البنت بمسايرة طبيعتها
تكلم عن الحياه اليومية عن همومك ....عن بعض المشاكل
ابرز جوانب الخير الي تحبها ....لا تتكلم عن المبادىء والقيم والواجبات والجنس بشكل مباشر
دع اسلوب المحاضرات والندوات واهتم بالعاطفة والعلاقة
اسأل عن/ ايش سويتي في المدرسة ..الكلية...البيت...كيف الجو...انت مرتاحة...متى تنام
استمع اليها وانصت وتفاعل اذاتكلمت.......لاتقاطع وتوجه وتنقد..<<<اذا اردت ان تتعامل مع المرأة كمرأة
اهتم بتوطيد العلاقة بينك وبينها
...
.
.

مدري احبه ؟؟ · 15-03-2009, 00:01

اخوي انت تقول لك شهرين مملك تراها قليله جدا البنت ماامداها تتعود عليك وانت الله يصلحك فجعتها بهالامور حتى لو تعرف عنها اي شي بتقول ماعرف لانها خجلانه ""

واماالسكوت والصمت بتلحق خير اصبر وتجي السوالف من حالها وانا مع الاخت سعدونه كلامهاسليم 100%

وانا اقولها عن تجربه البعد يسبب النفور والحقد والله ماصار يفرق معي اتصل اوترك عااااادي

وكلام الحب ماصار يأثر فيني مثل اول واحيانا مااصدقه وين يحبني ويتركني بالأيام مادخلت مزاجي ""

لا تهمل خطيبتك والمواضيع المحرجه حاول تبعد عنها حتى تتعود عليك وتفهم تفكيرها زين

موفق اخوي "

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلة مملك جديد