عالم الحياة الزوجية - منتدى

الجيداء · 14-03-2009, 11:45

السلام عليكم ورحمة الله وبركاته
بدون مقدمات راح أطرح عليكم مشكلتي.
تم عقد قراني على من اخترت ليكون شريك لحياتي
والحين صار لي شهرين ممتلكه
وكل واحد يحب الثاني
بس ما أدري ليش المشاكل دوم تلازم حياتنا.
أنا أعترف إني حساسه أكثر من اللازم
ودمعتي على طول تنزل!!
آخر مشكله صارت أمس
قلت له أريد أروح السوق وهو ما قصر
دخلت محل أشتري مستحضرات تجميل وهو دخل معي
شاورته فملمع للشفايف وكنت محتاره بين لونين
وقلت له أي لون أحلى؟؟
قال لي ما أعرف .. قلت له إنت قول رأيك لا أكثر
رد مره 2 ما أعرف وحتى ما طالعني!!!!
أنا تضايقت واللي زاد ضيقي إنه رفع صوته علي قدام البنت اللي تبيع وقال
أنا شو دراني بسوالف البنات؟؟
أنا عصبت وكنت أبي أدفع القيمه بروحي بس هو أخذ الأغراض مني بقوة ودفع قيمتهم
أنا تقدمته السيارة وهو يحاول يهديني بس أنا طنشته وطول الطريق ساكته وهو يحاول يتناقش معي ويبرر موقفه.
وصلنا لمطعم وبأمانه كنت ميته من الجوع وقال لي نزلي نتعشى
قلت له مابنزل لو تنطبق السما ع الأرض
وحاول معي بس أصريت على رأيي
في الآخر طلب من الجرسون يجيب العشا بارسل
وبعدها وصلني البيت وقال لي أخذي العشا معك
وانا حلفت إني ما آخذه.
دخلت البيت .. وبعد ربع ساعه طليت على النافذه أشوفه موجود أو لأ
حصلته واقف وما تحرك من مكانه
طلعت له وقلت له لا توقف بهالطريقه وروح البيت
حاول يعتذر ويتأسف بس أنا عاندت
وللحين هو يحاول يراضيني بس أنا مو معطتنه فرصه.
من وجهة نظركم .. شو هو الحل؟؟ وكيف أمنع المشاكل من حياتنا؟
أفيدوووني أكرمكم الله بعظيم رحمته

استرونق · 14-03-2009, 11:54

هذه ليست مشاكل وهذا شئ طبيعى ، وزوجك عنده حق ويش دراه باغراض الحريم يعنى لاتكونين ساذجة واحترمى عقله وانتى احرجته قدام البنت ولازم تفهمى إيش يحب ويش يكره وهو باين عليه ما يحب الاسئلة الفاضية التى لامعنى لها ، وشئ ثانى لاتكابرين اكثر من كدا لان هذا سوف يرجع لك بعد الزواج لان ذاكرته لن تنسى حركاتك هذه واحسن تبطليها وتصيرى عدلة افيد لك وافيد له وخلى عنك السوالف والخرابيط هذا وتعاملى مع عقله تنالى قلبه بعكس المرأة تعامل مع قلبها تملك عقلها

الجيداء · 14-03-2009, 11:59

يسلموووو عزيزتي على الرد الطيب ..

أنا قصدي يشاركني فحياتي فكل كبيره وصغيره

ولما سألته مو قدام البنت كان واقف في الجهه الثانيه

وحتى سألته بصوت واطئ يعني ما أحرجته هو اللي أحرجني <<<<<< للعلم أختي

لحضة عشق · 14-03-2009, 12:27

صراحه زوجك عليه حق من البداية المفروض يعطي رايه حتى لو مايعرف يعني مجرد مشاركه ونتي ماقلطتي يام زعلتي بس صراحه وعذريني على هل كلام انتي زودتيها مره يعني مادام الرجال بين لك انه ندمان وحاول يعتذر لك باكثر من طريقه المفروض انتي ماتطنشيه بس صراحه انا معك اهو زوده وخاصه انه صرخ عليك قدام البنت يعني صراحه انا ماشوف له داعي انه يعصب عشان حمره وثاني شي اهو ليش تزوج مو عشان يشارك حبيبته يعني زوجته في المره والحلوه والمفروض يعرف انه في الزواج لازم يصير في تبادل للآراء واخذ وعطى والله يصلحم مابينكم بس ارد واقولك لازم تنسين زعلك هذا لانك زودتيها صراحه والله يوفقكم

المعانق · 14-03-2009, 12:43

طيب اختي...

زعلك مررره كبير .. اللي بيشوفك يقول ان زوجك مسوي مصيبه... المفروض بعد ماركبتوا السياره وكلمك لاتكبيرنها وتزعلين قولي انت زوجي وحبيبي و و و ... بغيت رايك في الشي هذا لوه غيرك ماطلبت منه... وزووجك بين عليه قلبه طيب والله لو غيره مايرضيك ويترجاك كان يقول بالطقاق يطقها...

وانتم يا البنات لكم طريقتكم...

الجيداء · 14-03-2009, 12:52

اقتباس:

المشاركة الأصلية كتبت بواسطة لحضة عشق

صراحه زوجك عليه حق من البداية المفروض يعطي رايه حتى لو مايعرف يعني مجرد مشاركه ونتي ماقلطتي يام زعلتي بس صراحه وعذريني على هل كلام انتي زودتيها مره يعني مادام الرجال بين لك انه ندمان وحاول يعتذر لك باكثر من طريقه المفروض انتي ماتطنشيه بس صراحه انا معك اهو زوده وخاصه انه صرخ عليك قدام البنت يعني صراحه انا ماشوف له داعي انه يعصب عشان حمره وثاني شي اهو ليش تزوج مو عشان يشارك حبيبته يعني زوجته في المره والحلوه والمفروض يعرف انه في الزواج لازم يصير في تبادل للآراء واخذ وعطى والله يصلحم مابينكم بس ارد واقولك لازم تنسين زعلك هذا لانك زودتيها صراحه والله يوفقكم

ربي يخليك أخوي ..

ردك الطيب أسعدني ..

ورفع من معنوياتي ..

والله يسعدك دووووووووووم

ويفتح لك أبواااب الخير

الجيداء · 14-03-2009, 12:57

اقتباس:

المشاركة الأصلية كتبت بواسطة المعانق

طيب اختي...
زعلك مررره كبير .. اللي بيشوفك يقول ان زوجك مسوي مصيبه... المفروض بعد ماركبتوا السياره وكلمك لاتكبيرنها وتزعلين قولي انت زوجي وحبيبي و و و ... بغيت رايك في الشي هذا لوه غيرك ماطلبت منه... وزووجك بين عليه قلبه طيب والله لو غيره مايرضيك ويترجاك كان يقول بالطقاق يطقها...
وانتم يا البنات لكم طريقتكم...

كلامك منطقي ..

ربي يوفقك فحياتك ..

لك جزيل الشكر على المشاركه الطيبه.

دمت بكل خير

عمدة المدينة · 14-03-2009, 15:29

أختي الفضلة
أولاً السلام عليكم ورحمة الله وبركاته

أختي لا تخلقي لنفسك مشكله من لا مشكله ولا تعودي نفسك على الزعل على كل شيء أنا أعتقد إنك خلقتي لنفسك مشكله وهي أساساً ماهي مشكله كان المفروض بدل ما تسوي نفسك زعلانه هالزعل كله وقت ما ركبت السيارة سألتيه إيش اللي زعلك ولا يكون أني سببت لك إحراج وإنه كان قصدك مشاركته لك ممكن أنحرج من شيء

عموماً أبعدي عن الزعل والمشاكل ولا تنسي أنكم في أول الطريق يعني في أحلى أيامكم

الله يسعدكم ويبعد عنكم المشاكل

мόόη Ļίģħт · 14-03-2009, 15:58

يحق لك تبينين زعلك لما رفع صوته عليك ..

لكن طول الزعل مو لصالحكم ابدا ..

حاول وبقوه انه يعتذر منكـ .. اقبلي اعتذاره وخذي وعد منه مايتكرر ..

اليوم اعتذرلك .. بكرا يمكن تزعلين مايهتم ولا يعتذر اذا ماشاف منك تجاوب

وانتي قدري موقفه .. اغلب الرجال مايحبون الاسواق ولا اغراض البنات

تخيلي نفسك معه بقسم العدة وادوات السياره خخخخخخخخخ <<< وربي طفششششش

تعوذي من ابليس .. وردي عليه واقبلي اعتذاره .. ووفري الزعل لشئ أكبر

ربي يوفقكم

بيبــg · 14-03-2009, 21:01

الله الله وش هالعناد هذا كله
صحيح ازعلي
ابس ازعلي بحيث انك تعطينه درس انه مايصارخ عليك قدام الناس
ولا يطول الزعل حبيبتي
ترى مو من صالحك

ولا تكونين حساسه بقوه
ترى الكل رح ينفر منك ويصير مايتكلم معك الا بجد

<<< هذي نصيحتي
من أختك بيبــg

ايميل · 17-06-2009, 15:01

أختي يمكن زوجك كان متضايق من حاجة أو شيء أو فيه شيء مشغل باله ، صح هو غلط برفع صوته >>>غلطة
لكن دفع عنك >>>وهذا واجب وحسنة من حسناته لأنك انتي بغيتي تدفعي ورفض لأنه يحبك
جاب العشاء لك>>>حسنة
حلف تأخذي العشاء>>>حسنة
انتظرك ترجعي تاخذينه>>>حسنة
أعتذرمنك >>> حسنة
تكراره للإعتذار>>>حسنة
أما أنتي اختي ...
حبيتي يشاركك في اختيارك >>>حسنة
عصبتي عليه>>>سيئة
ترفضي تتعشي معه>>>سيئة
تعندي وما تتعشي لما لزم>>>سيئة
ترفضين اعتذاره>>>سيئة
تطنشينه>>>سيئة

أختي أنا ما قلت كذا إلا علشان أبين لك كم هو يحبك ، و أنتي كذلك تحبينه ، اصبري عليه و هو يصبر عليك ، لا تكوني حساسة فوق اللازم ،،،

و أعتذر لو كان ردي فيه نوع من القسوة

اسأل الله أن يسعدكم في الدنيا و الآخرة.

(( رامي )) · 17-06-2009, 15:10

الله يستر شهرين وحصل الي حصل
كيف بعد سنتين ؟؟؟؟؟؟؟؟
اختي معروف الواحد في هذي الفتره يكتشف الطرف الأخر وبعدين راح تتعودي عليه وهو يتعود عليكي
وراح تتأقلمي معاه, وبعدين مادامك استخرتي ووكلتي امرك لله فماخاب من استخار وماراح تندمي
وسلاااااااااااااام

**ورد** · 17-06-2009, 15:13

ترا مو اي رجال يعتذر بشكل مباشر خطوة جريئة باين عليه ولد ناس ومتربي

أنصحك تفكي العناد لأنه أخر مو زين

أعرف وحدة تعاند خطيبها على إنه يتزوج عليها

وهي حرمة ماينقصها شي روووووووعة وكل شي فيها روعة متعلمة ومتوظفة وبنت عيلة

تعرف مسؤليات رجالها بس عاندته في موضوع الزواج بالثانية كان الأمر مجرد مزحة

إلا راح وخطب عليها وملك بس كيد فيها مو علشان شي بس وده يوريها اخر العناد اش

أختي الرجاجيل مالهم بسولف الحريم خصوصا المكياج يعني لو فستان كان ممكن

لاكن إلا المكياج

ثالث شي إذا زعلتي منه بيني له بطريقة لطيفة إلى سويتيه مو زين

اتمنى ما كون زعلتك يشهد الله اني كلمتك زي ما اكلم اخواتي وابغا لهم المصلحة

ربي يهدي سركم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لو سمحتوا ساعدوني ربي يخليكم