عالم الحياة الزوجية - منتدى

مشاعل123 · 15-03-2009, 00:26

يمكن قصتي ماتفرق عن قصص كثير من بنات الجيل هذا
قصتي متعبتني من صدق تعبانه اللي مهون علي اصراري في دعائي واستجابة ربي لي في كثير من المحن اكتب ودموعي موراضيه توقف من قهر يحوي حياتي يمكن قصتي ماتحمسكم ولا تعطى اهتمام قوي بس للي تعايش نفس حالتي بيحس فيني مشكلتي او العفو مشاكل راح اعددها لكم وبعدها اشرح لكم مشكله مشكله اتمنى من قلبي احد يعطيني حل حل ياناس حل حل اوقف فيه تفكير
اعيش مثل أي انسانه اشوفها تروح وتجي وماشيه حياتها اودلوني على طبيب نفسي يمكن البلاء مني او شيخ اشكي له همي
كخ عليش يادنيا مافيها احد صافي

دفى همسه · 15-03-2009, 00:47

اشبك ياقلبي ايش صاير ؟

مشاكلنا وحده يمكن واغلبها القلب والحساسيه والوحده والفراغ

احنا هنا اخوانك

قولي شصاير حبه حبه واحنا معاك

ربي يهون عليك ويريح قلبك

لهيب الحرف · 15-03-2009, 00:51

مشاعل سلامات ان شاءلله

اطرحي المشكلة .. ممكن اننا نفيدك او ندلك على الي بيحل مشكلتك بعد ألله سبحانه

الله يوفقك ويستر عليك

مشاعل123 · 15-03-2009, 00:52

مشكلتي الاولى اللي منها صارت كل المشاكل اني تزوجت من رجل الحمد لله وظيفه محترمه وسيم يفوقني بصفات جماليه بحكم امه سوريه متزوجه من ابوه سعودي

وانا عاديه املك مواصفات عاديه ولا اعترض على شكلي لاني املك مواصفات حلوه الحمد لله مواصفات بنات السعوديه لون قمحي
تتمركز مشكلتي بان امه تعيرني بطريقه غير مباشره ان ماخذنا وحده حلوه فمقياس الجمال عندها بياااااااااااااااض فاقع وهي ماتهمني بس احراجها لي يكسر بخاطري يحطمني قلة احترامها لي نازله من عينها والله اقسم لكم بشهادة الجميع انا افوقهم مواصفات بس يفوقوني هم بياض تعبت
احرجتني امس اسألها عن بنت زوجها مزوجه ولدها الكبير وخذت له وحده عاديه جدا اقولها عساها حلوه ترد تقول تشبهك يعني قرده قي نفس اليوم حماتي الكبيره تقول لي رحنا والعروس مش حلوه وانزل المغرب وتقول تشبهك يعني مش حلوهالصراحه انفجعت من جراءتها وشقدانها محتقرتنيوكل تقول لحماتي الكبيره انتي ماتعرفين تخطبين عشانها خاطبتني ليعشر سنوات متزوجه ولدها ومازال هذا تفكيرها

مشاعل123 · 15-03-2009, 00:55

مشكوريين كل من دفئ همس ولهيب الحرف

مشاعل123 · 15-03-2009, 01:01

مشكلتي الثانيه اني ساكنه معاهم بشقه مستقله بس مش مستقله اطلع حرمتك كل تطلع
ادخل حرمتك دخلت
عيالك ليه مالبستهم ليه ماسوت لهم
فار ولدي فر مثل الخاتم
مشيته على كيفها
عيال حمواتي يرقون عندي ويبهدلوني يبهدلوني اصيح لمتى وانا عندهم لين اموت تعبت ابي بيت ابي حريه مثل غيري يروحون ويجون ماحد يدري عنهم يبوني يوميا البس عيالي كاني بروح عزومه ملكيه يبوني الاحظ عيالي انزل ماسولف بس اطالع عيالي وش ياكلون وش يشربون والله غثى ياخواني ابي احد يحس بمأساتي ماحد

مشاعل123 · 15-03-2009, 01:13

مشكلتي الثالثه زوجي يحب امه ومعلق نفسه فيها مايبي يطلع من البيت ويخليها وهي عندها خمسه غيره و3مابعد تزوجوا وينتين ماتزوجوا يعني ادفن نفسي بشقه ثالث دور اغلبية بنيانها شينكو ولدي كبر عمره 8 سنوات ينام مع خواته لمتى اثاث عادي شقه غير مرتبة البنيان لو يجي مطر نزل علينا لو يلعبون عيالي بالسطح اتصلوا علي جلسيهم لمبات دمار مافي مجلس ولا مغلط لو لو ولو ولو ولو ولولولولولولولولو ااااااههه مايحس بالنارا لاواطيها الله لا يذوقكم ماذقت ولا من شافنى وسمع عنا ممتلكاتي تعتبر ممتلكات لعيالها ولقلت لها هذا شريته ترد من وين لك الفلوس من ولدي اقول في نفسي وش مصبرني ارد على نفسي مصبرني زوجي يحبني ومابي اكسر بخاطره ساكته لدرجة اني صرت ماقدر ادعي على نفسي بالموت ساعات من القهر

دفى همسه · 15-03-2009, 01:16

بقول لك حاجة
الجمال غالبا يعتمد على نفسية الشخص
لو تفكرن بين نفسك بنات واجد مو جمليات بس جذابات والسبب شنو ؟ ثقتهم بانفسهم او لبسهم واناقتهم او طريقه ذوقهم بالكلام او غيرها من الامور
عمر الجمال مايكون سبب لاحترامنا او حبنا للشخص
حبي نفسك لاجل يحبونك وكوني واثقه من عمرك
انتي تقولين انك مقبووله الشكل او جميلة الى حد ما طيب الحمد لله على هالنعمة
الان الوقت غير عن اول
صار في صبغات وفي مكياج وفي كريمات وغيرها
عمر البياض مايكون هو مقياس الجمال
انا مثلا لا اتتمنى ان اكون بيضا ابدا
ابدا ابدا
في اشياء تكون جميله فقط لنا احنا وماتطلع على البيض حلوه ويمكن العكس
السمار يعني القمحي زي ماتقولين هو يعطي جاذبيه
ياختي على فرض انك شينه والله مو مهم
خلك واثقه وافرضي احترامهم عليك فرض
ثقتك بنفسك راح تخليهم غصب يحترمونك
توقعي الاسوء كي لايجرحك السي
انتي تعودتي على اسلوبهم عفو المتدني لان اعتبر هالامور دنيئ التفكير فيها واعتبارها مقياس
للذلك لاتزعلين منهم ابدا بل بلعكس كوني جاهزه لها لاجل لاتكون ردة فعل ردة فعل الضعفاء
يختي انتي مارحتي وبوستي رجولهم تكفون تعالي تزوجوني
هم الي جوك وجلسو طول الليل يفكرون بتوافق على والدنا والا لا
وحتى لو انتي خطبيته نقول
جاك بموافقته مو اغتصبتيه للزواج
خلك واثقه من عمرك وخلي علاقتك بهم طيبه واحسني فيهم النيه
وربي يوفقك

دفى همسه · 15-03-2009, 01:17

اقتباس:

المشاركة الأصلية كتبت بواسطة مشاعل123

مشكلتي الثانيه اني ساكنه معاهم بشقه مستقله بس مش مستقله اطلع حرمتك كل تطلع
ادخل حرمتك دخلت
عيالك ليه مالبستهم ليه ماسوت لهم
فار ولدي فر مثل الخاتم
مشيته على كيفها
عيال حمواتي يرقون عندي ويبهدلوني يبهدلوني اصيح لمتى وانا عندهم لين اموت تعبت ابي بيت ابي حريه مثل غيري يروحون ويجون ماحد يدري عنهم يبوني يوميا البس عيالي كاني بروح عزومه ملكيه يبوني الاحظ عيالي انزل ماسولف بس اطالع عيالي وش ياكلون وش يشربون والله غثى ياخواني ابي احد يحس بمأساتي ماحد

نفس مشكله اختي واسمها زيك فديتها

لايكون انتي بس

سؤال انتي ساكنة بالشقه ملك والا ايجار ؟

غفرانك ياالله · 15-03-2009, 01:30

السلام عليكم ورحمة الله
الله يفرج همك ويدخل عليك البهجة والسعادة اختي مشاعل لك اجمل تحية

مشاعل123 · 15-03-2009, 01:35

مشكوره دفى همس كلامك يريحني وارتحت يوم تكلمت انا معاهم بنفس البيت بس فوقهم بالعلالي ومن دون اجار زوجي يصرف عليهم ماكل ومشرب وغيره الله يجزاه خير
وين الثقه تجي وهي محطمتني وقت اللي تشوفني تحطيم في تحطيم يزرع فيني عدم ثقه
والمشكله حياتي مافيها صديقات ماشكي همي الا لخواتي وامي ويلموني على طيبتي الزايده وسكوتي لهم
صدقيني من دون مبالغه انا احسن منهم شياكه لبس شكل ملامح بس اني مو بياضهم هذا عيبي عندهم

قــ القلوب ــوت · 15-03-2009, 01:38

أختي مشاعل ..
أولاً أسأل الله أن يفرج همك عاجلاً غير آجل ..
أختي والله لو أحكي لكِ كيف كانت حياتي كان قُلتي الحمد لله أنا أحسن من غيري ..
لكن لظروف خاصة بي أحتفظ بها لنفسي .. وراح أقترح لك حل لكل مشكلة من مشاكلك على حده ..
الأول : الجمال جمال الروح .. وأنتي احمدي الله إن زوجك يحبك وهذا الأهم ..
وألحين المكياج والقصات والصبغات ما خلت أحد شين .. لكن خلي عند ثقة ..
الثاني : لا تفكرين كثير بأم زوجك ولا بطريقة تعاملها معك .. احترميها وعامليها بالحسنى لوجه الله تعالى أولاً ثم لكسب رضا زوجك ثانياً ..
وحاولي كل ما بدأت بحديث تستفزك فيه اصرفي الكلام لشيء ثاني ..
إذا كانت هذي معاملتك لها لوجه الله ربي بيساعدك ..
الثالث : حاولي تقنعين زوجك إنكم تحاولون تشترون أرض وتبنون لكم مسكن خاص بكم .. أو إذا ظروفه المادية سيئة اطلب منه تطلعون تستأجرون وقولي له .. في نفس الحارة عشان نكون قريبين من أهلك .. حتى ما تصعب عليه فكرة النقل ..
أختي .. لا تحاولين تشغلين نفسك بالدنيا ؛ لأنه" لا يُدرك النعيم بالنعيم "
واجعلي قلبك معلق بالله وأن الدنيا دار ممر لا دار مقر ..
نفعني الله وإياك بما نسمع وبما نقول .. وفرج همنا .. ولا حرمنا أجر الصبر
دمتِ بخير غاليتي
قـــ القلوب ــــوت

مشاعل123 · 15-03-2009, 01:40

غفرانك بالله اسعدني مرورك الله يوفقك ويريحك

دفى همسه · 15-03-2009, 01:41

بيتك ملك طيب قولي الحمد لله

خلي لهم حدود لايتدخلون بكل شي وماعليك منهم

غيرك ناس ماعندهم بيت يلمهم والي عنده ايجار يكسر الظهر

طالعي الاسعار وين وصلت عندنا

خلي علاقتك رسميه فيهم وخليهم يعرفون حدودهم ولاتقصرن بعيالك وزوجك باي قصور

كشختك ماتنفعك دام مافي ثقه بالنفس لان حتى لو ماتلبسين زين الثقه بالنفس تزينك

كنت بقول شي نسيته

؟

ارجع لو افتكرته

مشاعل123 · 15-03-2009, 01:47

قوت القلوب احسك انا الثانيه كل اللي قلتيه سويته بعت الذهب حقي وشريت ارض باسمه
اقنعته بطريقه غير مباشره ان نطلع ونسكن بشقه قريبه مايرد علي بحق ولا باطل
شعري انواع القصات اقصها ويهاوشني يقول ابي شعرك يطول واقص ماخذ بكلامه مش عصيان له اقنعه بالقص ويقول قصي على طول شعرك اما الصبغات اووووه تعب شعري لدرجة هو قال لي ارحمي شعرك واهل زوجي يقلدني بالصبغات واللبس يعطوني فلوس اشتري لنا نفس اللي عليك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كخ عليش يادنيا كئيبه