عالم الحياة الزوجية - منتدى

daisy · 17-03-2009, 23:10

اولا لا حدا يقول ..اعياد حرام و ما بعرف شو... هدون مو اعياد و انما يوم للاحتفال بالمعلم و الأم...

الخميس عنا هو عيد المعلم و الأم كالعادة هو 21 مارس (آذار) .........

أنا معلمة و لست أم........

كل عام و انا بخير.. ههههههههههه

كلماااات معلمة و ام... كل عام و انت بألف خير بالعيدين........

من منكم يحتفل معنا بهذين العيدين؟؟؟؟

و ماذا فكرتم بهدايا لأمهاتكم؟؟؟؟

انا بفكر بشي غرض للبيت لانه هي ما بدها شي لبس او شخصي ..قال مكتفية من الأغراض الشخصية..

(المهاجر) · 18-03-2009, 11:49

هلا أختنا ديزي........
لو أخذنا الموضوع من منظور إنساني......مو ديني....
المفروض الاحتفال بهم والاحتفاء طيلة السنين....
مو يوم واحد في السنة....
هذه ربتني جسدا.......وذاك رباني عقلا.....
فلكليهما الحب والتقدير في كل لحظة.....
شكرا لكِ....

كلماات · 18-03-2009, 15:21

تسلميلي ياااااااااا ديدوووووووووووووو
كل سنة وأنت سالمة أيضا وان شاء الله بعد العطلة نسمع أخبار حلوة

اقتباس:

هذه ربتني جسدا.......وذاك رباني عقلا.....

اقتباس:

فلكليهما الحب والتقدير في كل لحظة.....

المهاجر ياعيني عليك هيدا الكلام الصح

كل سنة والامهات والمعلمات والمعلمين بعقلاتهم كاملة قصدي
بخيرررررررررر

بالنسبة للهدية
صاير بصراحة سولداات كتيرة
أنا اخدت للبيت مممممممممم
اقولك شو
زي صحون البايركس ماما بتحب كتير أغراض المطبخ
المجموعة من خمس قطع
وبقية العيلة يلي براااااااااا
عملوا شراكة
وجابولها كورل ببراد ومكنسة كهربا بدل القديمة وشواية ومسجلة طراز حديث بدل القديمة
يعني أربع قطع ومش غالية كانت يعني بحدود12000-15000 ل.س

ameer alnajjar · 18-03-2009, 22:40

[QUOTE=(المهاجر);4536454][B][CENTER][FONT="Arial Black"][SIZE="4"][COLOR="Blue"]هلا أختنا ديزي........
لو أخذنا الموضوع من منظور إنساني......مو ديني....
المفروض الاحتفال بهم والاحتفاء طيلة السنين....
مو يوم واحد في السنة....
هذه ربتني جسدا.......وذاك رباني عقلا.....
فلكليهما الحب والتقدير في كل لحظة.....
]
نعم هذا هو الكلام الصحيح حتى لاتتحول الأم والمعلم الى مجرد أيام في السنه.

وشكرا

شـــــــــــذا · 19-03-2009, 12:10

كل عام وأنتما بخير ياجميلتان

بياآدر · 19-03-2009, 13:21

أنا عني ما أعترف فيهم الايام هذي وأذكر أمي كانت تنكرها علينا لين تعودنا ....
وأيضا كل فتره أهديها أو نطلع سوا نتعشاا ..
أمي هي صديقتي وأقرب شخص هي كل شي
والمعلم بهالزمن مايعترفوا فيه الطلاب كويس ان عطوه خبطه *ـ* تمردوا الطلاب
ولا حتى يوم الميلاد .. يمكن نذكر مجرد ذكر أما الهدايا بهذا اليوم ممنوعه من السلطه العليا من الماما ههههه
بس طبعا ما أحرج أحد إن أهداني بالجامعه .. ههههه غيرت الموضوع ليوم الميلااد

بصراحه مابعد كلام المهاجر كلام وانا معه 100 %

ديــزي يسلم بؤؤك وألف شكر يامعلم

NOSTALGIA · 19-03-2009, 22:36

هنيـــــــــــــــئا بالعيدين

daisy · 20-03-2009, 13:13

لك يسلمووووووووووووووو لكل اللي كان هون........ المهاجر كلامك روعة.. يعطيك العافية.........

كلمات حبيبة قلبي........ اليوم حتى رجعت بعد غياب يومين و ليلتين قضيتهم برا البيت بالمشاوير و التسلية.....

الان وصلتي عالبيت........بس دخلت اقول اني رجعت و راجعة احكيلكن شو عملنا بيوم عيد المعلم امبارح........

انبسطنااا كتيييييييييييييييييييييييير .........

و راجعة اشكركن فرد فرد و فردة فردة..

كلماات · 22-03-2009, 15:07

اقتباس:

فردة فردة..

يخرب عقلك شو هالكلمة
ههههههههههههههههه
ضحكت من قلبي والله وأنا أقرأهااااا

daisy · 22-03-2009, 18:52

اقتباس:

المشاركة الأصلية كتبت بواسطة كلماات

يخرب عقلك شو هالكلمة
ههههههههههههههههه
ضحكت من قلبي والله وأنا أقرأهااااا

يا ميت أهلا و سهلا فيكي يا أحلى كلمات...
انا عم قول ليش الدنيا أشرقت فجأة ..أتاري انتي مبسوطة و عم تضحكي... ان شا الله دايما مبسوطة و تضحكي من قلبك ....
كمان عندك شخصا شخصا و شخصة شخصة.... لكن شو مفكرة ..مو نحنا من عنا طلعت الأبجدية ؟
و لسه الإبداع مستمر....
على فكرة توقيعك رائع جدا جدا....... فعلا من دونه الموت أجمل....... و كنت أتساءل ..ماذا نفعل طالما أن الموت غير متاح متى اردنا...
أجد أننا مجبرون ان نعيش....... و بما أننا سنعيش فإنه من المؤسف أن نقضي حياتنا فاشلين منتحبين ..
لذلك يجب أن نتأقلم و نبذل اقصى جهودنا لنحقق سوية مناسبة من الراحة النفسية.....
هنا السؤال الخطير..... بقية حياتنا هل نقضيها بدونه تماما ؟؟؟؟ أم سيكون من الجميل ان نبقى على اتصال و لو بسيط مع بعض؟
هذا يحدده شيئان.. طبيعتنا نحن و صفة الشخص الغائب.....
الله يكون في عوننا جميعا....
كلمات مشتاقتلك جدا .و لكن انتي عم تحكي بالقطارة هالأيام ..... اي صح تعرفت على شاب من عندكم و ذكرتله اني عندي صديقة عزيزة جارته .........
أما وين رحنا يوم الخميس ... هاد يا ستي كنا منظمين رحلة بالكلية عنا للكل ما عدا الطلاب...
لكن كان عددنا قليل و لكن انبسطنا كتيييييير .. رحنا تغدينا بمطعم مع حفل فني...
رحنا على صافيتا .... و كان المطعم واسع جدا و مليان عالآخر ...و كلهم معلمين و معلمات...
كان جو فعلا حلو.....
و تصورنا صورة حلوة جماعية مع الدكاترة .......
بس شايفة هاليومين ؟؟ صار برد من جديد .. و برد قاسي فعلا.... اليوم تجمدنا بالمحاضرة...
كنا مخففين تياب على اساس الشموسة برا طالعة ..
جنا فعلا جاي على بالي احكي و مع حدا سوري يفهم علي و افهم عليه........
ادخلي احكي اي شي ..حتى لو بدون معنى .......متل النسوان لما يعملوا صبحية على فنجان القهوة...
و جاي على بالي احكيلك عن جو الوظيفة و الصديقات و كتير شغلات ... بس بتعرفي هي صار بدها مسنجر.....
شايفة شو اني ثرثارة ..هههههههههههههه
بدي افتح المسنجر و حاول شوفك و نحكي.......
عنك فكرة شو السبب انه طلع عندي كم حبة على جبيني و دقني؟
متضايقة منهم جدا.. هن ناعمين و لكن متعودة على بشرة بدون حبوب و فقع قلبي....
رح اسكت قبل لا يسكروا الموضوع ..لانه تحول لدردشة ....
بس ان شا الله نحكي قريبا..

حبيبة روحيم · 24-03-2009, 03:20

كل عام وانتي بخير ميمو وعقبال ما اشوفك احلى عروس وام يا قمر

كل عام وكل امهاتنا بخير يا رب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عيد المعلم ..عيد الأم...