عالم الحياة الزوجية - منتدى

أنين الماضي · 18-03-2009, 01:36

سبحان الله سبب دخولي واشتراكي بهالمنتدى

دخلت وقريت مواضيع الاعضاء وانصدمت لمن قريت موضوع الاخت فوق تحت

بخصوص انها تنام هي بغرفه وزوجها بغرفه

انصدمت بقوه لانها نفس نفس نفس قصتي

اخواني واخواتي واحبابي

انا متزوجه من 7 سنوات وعندي ثلاث بنات متوفين وولد واحد والله يكتب له العمر الطويل يارب

قسم بالله وبدون مبالغه اول السنين كان زوجي ماينام حتى لو كان مواصل ماتغمض عيونه وانا مو جنبه حتى لو كان عندي شغل اخلصه والقاه لسى صاحي
ولمن اساله وش فيك؟ يقولي ما اعرف انام وانتي مو حاظنتني
قسم بالله ياعالم ما ابالغ

والحين يتهرب مني بشكل فظيع ويبي ينام لحاله وصار لي على هالحال 5 شهور تقريبا حاولت جميع الحلول ماجابت نتيجه

صرت اروح اسحب فراشي وادخل عليه وانام جنبه غصب القاه يتأفف ويتقلب مايبيني معاه
وانا بصراحه كرامتي فوق كل شي دامه مايبيني وش ابي فيه
لاني اكثر من مره نقزت جنبه وبقولها لكم بصراحه
تخيلوا يقولي خلاص تبين ذيك الشغله بسويها لك وانقلعي من جنبي
وااااااااااااااااااو اكتب لكم الحين وانا بموت من الصياح

تخيلوا يفكرني اني ابيه وانا والله ما ابي الا احافظ على حياتنا قبل الضياع

مع العلم انه كان يصلي ويخاف ربه
اما الحين مابقى بنت بهالوجود الا ويكلمها والانترنت فاقع عيونه يسهر عليه
حسبي الله عاللي خربه علي

وش اسوي ياعالم ما عاد اقدر اتحمل بليز عطوني حل بس لاتقولولي اروح انام معاه غصب لانوا مايبيني بالعربي

بكرى أحلى · 18-03-2009, 02:46

مو المشكلة من الانترنت ..

فكري بسبب آخر قد يكون هناك تقصير من جانبك ؟
أو قد يكون هناك مشكلة عين وحسد وهالطقة ذي .. ترى منتشرة اعوذ بالله منهن

فالحل استشارة شرعية من شيخ فاضل

غامضه كالبحر · 18-03-2009, 03:08

والله ماودي ازود همك هم بس اسألي ناس اهل ثقه ويخافون الله الاستشارات واااجد وانااختك

كيان انسانة · 18-03-2009, 03:09

شغلي الرقية في بيتك

دفى همسه · 18-03-2009, 03:38

اولا ابتعدي عن اي حرام واولهم الصورة الفاتنه الي تحت عضويتك
ثانيا داومي على قراءه سورة البقره بلا كسل راح تشوفين نتيجتها على طول وتجين تحبين خشتي
ثالثا .. البسي وتعطري وخليك اخر اناقه ولاتجينه هالفتره اثبتي انك كاملة للنفسك
رابعا ربي يعوض عليك الذريه الصالحة ويجعلهم طيور بالجنه يشفعون لك
خامسا يابنات المنتدى تبون تصيعون صيعو يخرب بيتكم بس خلو المتزوجين شوفو نسوانهم كيف تتعب
يارب ارحم حالي وسامحني واياهم
ربي يوفقك ويعينك

مشاعل123 · 18-03-2009, 03:38

ادعي له عليك بالدعاء والله ثم والله ان مايصلح حالا في امورنا الا اللجؤ لله سبحانه انا عن تجربه مداومه على الدعاء وياختي مو من مره ولا من مرتين ربي يحب يسمع صوت عبده وهو يناديه ويناجيه ويلجأ له الله يسخره لك ويسخر لنا ازواجنا

ألماس يبرق · 18-03-2009, 14:23

حياك اختي انين الماضي
يمكن بسبب الظروف اللي مريتي فيهااا صرتي دايم مكشره ومضايقه وشايله هم وماعاد اهتميتي فيه ولا اهتميتي بشكلك زي قبل ......

حاولي تراجعين احساباتك وتشوفين

قلبي كله حنان · 18-03-2009, 15:06

اختي في الله السلام عليكم ورحمة الله وبركاته

اختي اول شي انصحك باخذ من كل اخت او اخ كتب في موضوعك خذي منه نصيحه لانهم يبغوا ليك الخير

وثاني شي اختي القران عليك بسورة البقره شغليها في البيت بصوت منخفض

وثالث شي في موضوع كتبته الاخت ام سدوم عن مشكلة ام وليد بالله اقري القصه وراح تشوفي الحلول في القصه والموضوع باسم عاد زوجي بعد مافقدته

ورابع شي لاتيسي ولا تبكي قد يكون والله اعلم انكي اخبرتي احد زميلاتك انو زوجك مايحب ينام إلا في حضنك واصابتكم عين وحسد
فصار يتأفف منك ومن كل شي فيك مثل ريحتك شكلك وجسمك وكل شي فيك بس الحل اقري عليه قران وهو نايم يعني سوي رقيه عليه بصوت منخفض واقري على نفسك

والله يعوضك في بناتك لانهم سوف يكونو حجاب ليك عن النار بأذن الله كما ورد في الحديث الشريف والله يوفقك ويرعاكي

تقبلي مروري اخوك قلبي كله حنان

أنين الماضي · 18-03-2009, 15:29

جزى الله الجميع عني كل خير
واتمنى لكم الحياه السعيده يارب

وارجو الدعاء لي من كل قلب

هــــنوووف · 18-03-2009, 15:37

اقتباس:

المشاركة الأصلية كتبت بواسطة دفى همسه

يابنات المنتدى تبون تصيعون صيعو يخرب بيتكم بس خلو المتزوجين شوفو نسوانهم كيف تتعب

أنامو فاهمة وش دخل هاالنقطة في مشكلة الأخت ماقالت أنو زوجها مشترك في المنتدى وتعرف على بنات عن طريقة

تقول يجلس على النت كثير ممكن شاتينق او مسن او ,,,,,

هههههههه بصراحة no comment ◕‿◕

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

نداء عاجل للجميع بليييييييز