عالم الحياة الزوجية - منتدى

عذبة الروح1 · 18-03-2009, 23:27

السلام عليكم ورحمة الله وبركاته

بدخل بالموضوع

بصراحه احس ان ربيعتي مو فرحانتلي لان انكتب كتابي

ماريد اضلمها واظن ظن السوء بس

هي قبل لما كنت اقولها متردده اوافق ولا لا واقولها مو مرتاحه

ماحسيتها تشجعني عالزواج

تقولي اتكلمي كانت تبيني ارفض وانا بيني وبين نفسي فكرت ان نسبة العنوسه مررره زايده صح ان انا العمر قدامي ومو كبيره وايد بس حتى ولو ربيعاتي الي من كبري كلهم اتزوجو وانا اتحجج بالدراسه الحين باقيلي سنه ومو مشكله بتزوج بالصيف وباذن الله بوفق بين الدراسه والزواج

بس تقهرني هي تضحك مرات لان ريلي اقصر عني ولما اشتكي لها ماحس ان همي هو همها مااخذ منها لا حق ولا باطل حتى اتندم اني اشكيلها

انا بقولكم ليش احسها غيرانه

لان مره وحده من ربيعاتنا اتزوجت من كمن شهر وحملت انا عرفت وخبرت ربيعتي الثانيه اتخيلو لما قلتلها مافرحت ماتت قهر هي بتموووت وتبي تتزوج وفي اثنين من قرايبينها يبونها بس هي رافضه ماتبي من الاهل تبي تعيش قصة حب حتى تستهبل علي لان انا ززواجي تقليدي ومن الاهل

مرات بيني وبين نفسي اقول مثل هالربيعه مفروظ ماقولها كل شي صح

حتى لو ريلي اوك معاي ويحبني وحنون ماقولها

مع اني والله دوم ادعيلها بالخير

روانـ · 19-03-2009, 00:07

الله يهديها
لا بالطبع غيرتها غير طبيعيه لان اللي يحبك بيفرح لك

*دهن العود · 19-03-2009, 00:27

اهلا بك اختي
بصراحه صديقتك غيرانه غيره مو طبيبعيه وهذا هو الي واضح لان لو هي صديقتك بجد كان ماضحكت على ان خطيبك انتي اطول منه انا ماقول ان المزاح مايصير بس اهي حالتها غير احسها طالعه من قلب وبعض الاشياء ماينمزح فيها انا من رايي انك ماتحكي لها عن الاشيااء الحلوه الي تصير بينك وبينه لانها حسوده وشكلها ماتحب لك الخير وفي نفس الوقت اذا لا سمح الله صارت مشاكل بينكم ولو بسيطه لا تحكي لها ترى بتفرح ...... اذا سألتك شخبارك مع خطيبك قولي لها الحمدلله بخير وبس من غير تفاصيل والله يوفقك اختي ويسهل امورك مع زوجك ويارب حياتك كلها فرح بفرح والله يسهل عليك زواجك ودراستك لاتنسي تحصني نفسك بارقيه الشرعيه من حسد الناس الي من بينهم صديقتك الي ماعرف وشفيها مع ان في من اهلها خاطبينها بس اظن مخيلتها كبيره في الزواج اخاف تنصدم من الواقع وغير كذا وشفيه الزواج التقليدي ترى الحب الي يتكون فيه هو في الاغلب الي يدوم ويكون اقوى.

-تحياتي-

عذبة الروح1 · 19-03-2009, 01:07

يسلملي مروركم خواتي

ومثل مانتي قلتي ماراح اقولها التفاصيل سواء كانت حلوه او لا

مع اني انا مشكلتي ماعندي خوات

وماعندي ربع وايد

هي الوحيده الي قريبه منها

ولا شعوريا ماحس بعمري الا اقول كل شي عندي

مع انه في اشياء ماتنقال

تصدقون مرات اتمنى لو في مثب جات كتابي لاعضاء المنتدى نسولف فيه اقصد نحن طبعا البنات

لان بخاطري اتعرف على بنات نفسي بسن زواج او مقبلات على زواج او متزوجات

نتبادل الخبرات

الحين لو ابي اخذ ايميل اي وحده فيكن حتى ماقدر ادزلها رساله خاصه لازو توصل مشاركاتي 100

ارجع اختم احبكم في الله

ومنتدى قمه في الرووووعه

*دهن العود · 19-03-2009, 02:20

اختي عادي طرحي موضوع تكون في سوالفنا احنا البنات لتبادل الخبرات للي مخطوبه او مملكه او متزوجه او منفصله مثلي انا وانتظر نصيبي =) اكيد راح نستفيييييييييد كثييييييير من بعض صدقيني موضوع جميل ومفيد واطلبي ان يتثبت وراح يتثبت بإذن الله لانه مفيد ..... وقصة الرسايل الخاصه ان شاء الله لما توصلي للميه راح تقدري عاد هذي يبيلها صبر و تفاعل وان شاء الله خير

-تحياتي-

قحطاااني ماااركه · 19-03-2009, 02:43

هههههههههههههه والله الغيره خطيره

لا تقولين لربيعتك شيء عشان ما تحسدك وتروحين فيها

تحياااااااااااااااتي

عذبة الروح1 · 19-03-2009, 02:53

ناقصين حسن ماصدقنا المعرس جانا

روانـ · 19-03-2009, 02:58

تصدقون مرات اتمنى لو في مثب جات كتابي لاعضاء المنتدى نسولف فيه اقصد نحن طبعا البنات
لان بخاطري اتعرف على بنات نفسي بسن زواج او مقبلات على زواج او متزوجات
نتبادل الخبرات

في شات فوق تعالي

كريم الخلق · 19-03-2009, 05:10

أختى

لو كنتى تحسى بضيق من صديقتك
حتى لو كانت تتكلم بحسن نيه
ليه تظلى تحكى لها

الإنسان ما يتكلم إلا مع إللى يكون مرتاح له

اما إنك تضايقى من كونها تقول خطيبك أقصر منك
أو هذا الكلام

طالما إنتى راضيه عن أختيارك وموافقه عليه
يبقى ما يضايقك كلام أى احد مهما كان

لكن لو كنتى وافقتى عليه بسبب العنوسه
والخوف من السن والكلام هذا

فهذا كلام ثانى ويكون خطأ منك إنك تنظرى للزواج من النظره هاذى

لكن نصيحتى فى النهايه
إنك تنهى علاقتك فورا بهذه الحقوده على سعادتك
وإنك تتحصنى وأيضا خطيبك
وطالما هو يحبك
فثقى إن سعادتك معه ولازم تحافظى عليه
وما فى أحد كامل فالكمال لله وحده

بالتوفيق إن شاء الله

%انسه زحلطه% · 19-03-2009, 08:27

هذي بتموووت من الغيره

لا تقولين له شي ثاني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

غيره طبيعيه او لا