عالم الحياة الزوجية - منتدى

أنين الماضي · 19-03-2009, 02:04

اهلين حبايبي

من اعز واقرب صديقاتي اتصلت فيني امس وهي تبكي وعرضت علي مصيبتها
وبصراحه ماعرفت وش اقولها قلتلها اتركك تهدين واكلمك مدري وش اقولها

فقلت اني بعرض عليكم قصتها يمكن نلقى لها حل ولي انا وش اقولها؟؟؟؟؟؟؟

عالعموم هي صار لها سنتين متزوجه وما عندها عيال
وساكنها في عماره كلهم جارات وفي نفس العمر تقريبا وكلهم متعرفين على بعض
وصايرين زي الاخوات كل عصر او باي وقت يتجمعون مع بعض

هي اسمها نوال

ومعروف عنها انها مستحيل مستحيل مستحيل تطلع من بيتها وزوجها موجود ان طلع طلعت
تعودوا عليها جاراتها وصاروا يعرفون طبعها ويعذرونها اذا ما اجتمعت معاهم

المهم
في يوم دقت عليها جارتها اللي فوقها قالت لها تعالي البنات عندي
ردت نوال قالت زوجي موجود ان كان بيطلع جيت وان بيقعد اعذروني
قعدت شوي مع زوجها وقالها انا رايح تبين تطلعين لهم روحي

لبست عباتها وهو لبس وطلعوا مع بعض

دخلت عالجارت وسلمت وقعدت

قامت ام احمد صرخت قالت بنات نسيت القدر على النار بروح اطفيه وارجع لكم

وراحت

دخلت ام خالد بعد ربع ساعه تقريبا وشافت نوال
قالت لها نوال!!!!
غريبه طلعتي وزوجك فيه

قالت لا حبيبتي زوجي طلع معاي
قالت والله شايفته داخل بيتك
قبل عشر دقايق

خافت نوال وقالت يمكن ناسي شي بروح اشوف وش فيه عسى ماشر

دخلت الشقه حقتها
ولقت جزمة ام احمد عند الباب انهبلت وتدخل وتلقاهم بمنظر يعور القلب

تصدقون يوم سألتها وش سويتي وش قالت؟؟

تقول ما سويت شي رجعت لجاراتي ابكي مصدومه

قلت لها وش سويتي لزوجك

قالت الى الحين قافله على نفسي واصيح
لانها لو كبرتها ووصلتها لاهلها يمكن يطلقونها منه وهي تحبه

بصراحه ما عرفت وش اقولها؟

اللي عنده حل يساعدها والله مسكينه
ادق عليها من اليوم وما ترد علي قلقانه

لهيب الحرف · 19-03-2009, 02:10

والله هذي كارثة

انا مدري وش اقول لكن هذي خيانه زوجية عيني عينك

لاحول ولاقوة الإ بالله

أبو لين عبدالله · 19-03-2009, 02:28

انا لله وانا اليه راجعون

يقول النبي صلى الله عليه وسلم
حين سأل: أي الذنب أعظم ؟ قال : أن تجعل لله ندا وهو خلقك . قال : قلت : ثم أي ؟ قال : أن تقتل ولدك مخافة أن يطعم معك . قال : قلت : ثم أي ؟ قال : أن تزني بحليلة جارك )

الصراحة يجب ان تقاطعه لفترة حتى يعرف مقدار الجرم
الذي فعله..ولاترجع له الا ان تشترط عليه بعد التوبه
ان ينقل من هذه العمارة..

واما الجارة فلااجد بد من الاغلاظ عليها بالكلام
وتهديدها بزوجها ان لم تكف شرها عن زوجة نوال

م-سيف · 19-03-2009, 06:43

هذي مشكلة اذا السوالف بين النساء زادت عن حدها !

تلاقينها المسكينه كانت تتكلم للجارات عن زوجها وفعايله معها
وقامت تهيضت قلوبهم .... وكانت هذي مخربتها ... وكونت علاقة من زوج امسكينه من ماتسمع من هذه الزوجه

على العموم ... المحضور ووقع
تكتم الموضوع الحين
تروح لزوجها وتقوله ... تصدق ان البنات يقولون ان فيه واحد يخون زوجته مع جارتهم !!
وان زوجته مسكينه شايلته فوق راسها وماتدري !!
وان كل الجارات في عمارتهم يدرون ..!!
وشوي وشي .... كل يوم تزيد السالفه .... وتطلب رأيه ...
بمعنى تلعب على محاربته نفسياً
هو من نفسه بينهبل .... وبيقطع العلاقه .....
وبعد فترة تطلب تغيير المنزل .... لانها غير مرتاحه لهم .... ولانهم ينقلون اسرار الناس وخباياهم ... وتشك في تصرفاتهم

بيوافق على طول عشان ماينفضح

الله يعينها

دمشقية بالسعودية · 19-03-2009, 06:52

اصعب شي الخياااااااااانة
احسن حل لا تتسرع وتكشف الموضوع لاهلها والناس مازال هي بتحبه تستر على زوجها الله يهديه
وانا راي المحاااربة النفسية متل ما قال م.سيف

em tala · 19-03-2009, 08:37

لاحول ولاقوة الإ بالله

*دهن العود · 19-03-2009, 11:38

هلا بك اختي

والله ان قلبي يعتصر وانا اقرى قصة صديقتك معرف وش اقولك بس هل شي مررره كبير وماينسكت عنه حرام عليه الي عمله فيها وحسبي الله عليها جارتها حسبي الله عليها حسبي الله عليها

اميره بلا فارس · 19-03-2009, 14:50

هذي قصة الساكنات في قلوبنا ماصدقت ان في ناس زي كذا لين شفت القصه حقتك
اعوذ بالله ولا حول ولا قوة الا بالله

انا نصيحتي اتطلق والله مااقعد ولا دقيقه مع واحد خاني

جوهرة فريدة · 19-03-2009, 18:04

انا من رأيي انها تقطع العلافة مع جارتها اللي لقيتها مع زوجها وتطلب من زوجها تغيير الشقة والحي بعد وتسكن في حي بعيد وطبعا ماراح يرفض لأنه موقفه مايسمح له. والله يكون بعونها

الحائره (فاتن) · 19-03-2009, 18:23

اختي ابي تفاصيل

لوسمحتي

المفروض سوت لهم فضيحه لابوهم الاثنين

قال تبي تطفي قدورها قال

انتظر منك التفاصيل

هل واجهته هل قالت لجارتها يوم جتهن

والا بس جلست تبكي بضعف

هــــنوووف · 19-03-2009, 18:29

خـــــــيــ ر

معقولة في رجال كذاا

وجارتها الي ماتخاف الله تاركة زوجها وتطالع بزوج صاحبتها

وش هالزمن الي ماعاد أحد يقنع بالي عندة

وربي لو أنا من صاحبتكــ لأطلع رقم زوجها الي ماتخاف ربها وأفضحها عندة

هذي ماخافت من ربها ماتستاهل من يستر عليها

أنا أشوف أحسن حل أنها تترك هالدموع عنها و تواجهه زوجها بكل ثقة ترى هي بموقف قوي الحين

وتمسح فية البلاط وتخلية يغير العمارة ويقطع علاقتة بالي ماتتسمى وتفضحها عند زوجها عشان تتأدب

هذي مو مالي عينها زوجها بكرة تلف على زوج وحدة ثانية

حسبي الله عليها

عقبال مايخونها زوجها قدام عيونها ان شاء الله

أنا أنحرق دمي وأنا مالي دخل بالسالفة ولا أعرف صاحبتك الله يعينها والله قلبي معها

عنيدة وبكيفي · 19-03-2009, 18:38

بصراحة ماأجلس معاه

ليس للخيانه اي مبرر

وماراح يكون في قلبي اي مشاعر حب

فـــارس الشرقية · 19-03-2009, 18:58

هذا الامر يحتاج حسم لانه اي تساهل ممكن الزوج يكرر فعلته .. يعني ممكن تروح بيت اهلها بدون ما تعطيهم تفاصيل يعني زعل وبس ولا بترجع الا في بيت ملك .. واذا مايقدر يشتري بيت يجيب لها رضوى او رضوه يعني هدية بس يكون سعرها يكسر الظهر عشان يتعلم الادب .

والله مصيبة

كيان انسانة · 19-03-2009, 19:11

توصل خبر لزوج الخاينه ان زوجته لها علاقه بفلان بس شرط لا يعرف من هي اللي وصلت له الخبر وتسوي نفسها ما تعرف شي

وراح يجي الزوج ويبهذل الزوج الخاين وتطلع فضيحته قدامها ووقتها تعلمممه ان الله حق و تمسكها عليه

طول العمر

ادري الكل بيعارض هالفكره

بس وربي تراها خيانه مو سهله تلقينه متعرف على كم وحده قبلها

ومو بعيده يجيب لها الامراض الله يستر

غموض العيون · 19-03-2009, 19:12

انا بصراحة اقرا الموضوع وقلبي يتقطع الله يعينها انا لوكنت مكانها اقوي قلبي واتعامل معاه عادي ولكأنه حصل شي البي كل طلباته وانا ساكتة مااقول ولا شي اخليه يموت مية مرة وانا مطنشتوه ويحس بخطأه احس هذا افضل اسلوب للتعامل مع الزوج الخاين يحس انه منبوذ وتصرفه تافه زيو واذا ماتقدر تعمل كدا الافضل تسيبه وتريح قلبها بما انه ماعندها عيال منه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن تساعدون صديقتي مسكينه؟؟