عالم الحياة الزوجية - منتدى

شاب سعودي · 20-03-2009, 14:46

السلام عليكم ورحمة الله وبركاته

انا صديقي جاء يحكي قصته ليه وحبيت اكتبها بالمنتدى واعطيته رابط المنتدى علشان يتابع الموضوع

هو متكلم على بنت عمه يببيها يعني حاجزها وبالعطله رايح يملك عليها

المهم الولد دخل في علاقات غير شريعه كثيره عن طريق الشات والماسنجر

مشكلتي يقول انه كل البنات اللي اتعرف عليهم يطفشون مني ويسحبون عليه

يقولون انت طيب بس ماتنفع حق حب

عكس خويه الثاني البنات عليه زي الرز واللي تعرفه ماتتخلى عنه يمكن شخصيته تحبها البنات

الولد انا اقنعته وترك الحركات ذيه وناوي يخطب بنت عمه بالعطله

بس يقول اخاااااااف نفس المشكله تتكرر والبنت تطفش مني وتروح تدور لها بديل

انا جاوبته

انه البنت جدا محترمه يمكن تطفش بس تدور بديل هذا الشي مستحيل

هو يسال خطيبته راح تطفش منه ولا هينا الوضع يختلف لانها علاقه حلال

والشي الثاني ايش الشخصيه اللي تحبها البنت علشان تتعلق بالولد

انا من وجهة نظري يمسك الشخص العصى من النص لانه هو حبها مرررررررره راح تسحب فيه

واذ سحب عليها راح تكره

هو خايف انه يخسر خطيبته خاصا في فترة الخطوبه بسبب عدم قدرة على التعامل الجيد مع البنات

انتظر ردكم

مدري احبه ؟؟ · 20-03-2009, 15:15

اهم شي لا يهملها وفي نفس الوقت لا يثقل عليها الوسط حلو ""

ويبيها تحبه يدلعها ويناديها باسم دلع هو يختاره لها ويمسج لها مسجات حلوه ""

مافهمت الجمله ذي (انت طيب بس ما تنفع حق حب )؟؟؟؟كيف ؟؟

يعني مايعرف يقول كلام حب ودلع ورومانسيه ؟؟اذا كذا ايه بتطفش منه ومن تعامله اما تروح لغيره اذا متربيه اكييييد لا

اخوي لازم يعدل نفسه ويخلي كلامه حلو معها ""واما علاقاته السابقه وعدم استمراريتها فهذا من فضل الله عليه عشان

مايستمر بالغلط ""رغم انه غلطان من البدايه يوم دخل في هالعلاقات شوف وش جابت له عدم الثقه بالنفس ""

اتمنى اكون افدتك برأي من أراء البنات

لاجئ عاطفي · 20-03-2009, 16:01

صعبه انك تقارن الخطوبه بحركات المراهقين والترقيم والعلاقات الغير شرعيه

لازم يفرق بين الاثنين

ويقرا كثير في سيرة الرسول وفي المواقع اللي تفيده

ويترك عنه الخرابيط وشغل المراهقين

شاب سعودي · 20-03-2009, 16:04

مدري احبه اختي والله كلامك حكم
هو انا اقصد بطيب انه على اخلاق عاليه يعني مايطلب من البنت اي شي ولايخوض معها بسوالف بطاله

يعني حق سوالف كانه يسولف مع واحد من العيال ههههههههههه

ومشكوره

بس انا اعتقد اذا الولد كثر غزل بالبنت راح ستخف فيه وانه ميته عليه وراح تسحب فيه

ومشكوره على الرد

شاب سعودي · 20-03-2009, 16:06

لاجى عاطفي هو تركها

بس تفكير البنات واحد وانا اخوك سوى علاقه شرعيه او غير تبحث عن الحب والحنون والدلع

ولاكلامك عسل ياعسل

مدري احبه ؟؟ · 20-03-2009, 16:16

اخوي لااااااااااااااااا مافيه بنت تستخف بمشاعر حبيبها ابدا ابدا (حبيبها بالحلال طبعا )خذها مني والله لو يخلي المكالمه كلها حب ماتستخف فيه

ولا تسحب عليه لأنها اذا حبته بتحب كل شي منه ابعد هالفكره من راسك والله مايخليها تسحب عليه الا الكلام الجاف

والثقل اللي ماله داعي والله اقول هالكلام عن تجربه عمري ماحسيت ان خطيبي مزودها في كلام الحب وانه احيانا

كلامه كله غزل وحب وبينهبل لأني استحيييييييييييي ويزيد عاجبه الحيا اللي فيني ""وهذا مخليه يستمر

و هذا خلاني اتعلق فيه اكثر مو اسحب عليه ""وصديقك اذا كلم خطيبته قوله يخلي اسلوبه اللي مع الشباب على جنب ويرفق على البنيه ""

موفقين انت وصديقك ""

زعيم المحللين · 20-03-2009, 18:08

اقتباس:

المشاركة الأصلية كتبت بواسطة لاجئ عاطفي

صعبه انك تقارن الخطوبه بحركات المراهقين والترقيم والعلاقات الغير شرعيه
لازم يفرق بين الاثنين
ويقرا كثير في سيرة الرسول وفي المواقع اللي تفيده
ويترك عنه الخرابيط وشغل المراهقين

الاخ لاجئ عاطفي عطاك الزبدة ...
اخوي قل لصاحبك ... يختلف الامر ... كثيرا ...
بين الزوجة .... والعشيقة ... المبتذلة ..
ولا يحاول ابدا مجرد محاولة انه يعامل الاثنين نفس الشي ...
فرق كبير بين الحلال والحرام ...
فرق كبير في المعاملة ... فالزوجة هدفها الحب الطاهر .... والزوج المخلص المحب ....
هدفها ... اسرة وحياة جديدة ... عامره بشرع الله اولا ... والعواطف والحنان الاسري ...
واخر همومها ... ان تحب ان يكون زوجها دنجوانا ... يثير اعجابها في امر ..
ويخييب رجائها في امور اكبر ...
لذا فالفرق كبير ... في التعامل والمكانة ....
دمـــــــــــــــــــــتـــــــــــــــــــــم

][*الحياة حلوة*][ · 20-03-2009, 19:57

هاذي ((((((زوووووجه))))

وبتتعامل معاه على اساس انه زوجها,..

البنت تحب الشاااب المؤدب غير كذا مانسمية حب واعجاب انما تسلية)))) ,,,

بينما خويه

لأنه (.....) فطبيعي ينسجم مع (.....اللي تشبهه) ,,,

أما الزوجه ارقى من كذا

شاب سعودي · 20-03-2009, 20:12

كلامك حكم والله حياااااااااااااتي كلها لله

الجليد الساخن · 20-03-2009, 20:48

لايكذب ابدا عليها ولايذكر لها اي شي عن الماضي

يكون حنون وفي
يدلعها يهتم فيها
يكلمها اوكي
بس لايطول معاها بالساعات عشان لاتمل
وترا البنت تحب الرجل اللي يخاف الله
اللي مواضب عالصلاة والعبادة

الله يوفقه

الزواج غير العلاقات العابرة

قحطاااني ماااركه · 20-03-2009, 21:46

بحكم انه صاحب علاقات مفروض يكون خبره غريب !!

زين هو كم عمره

تحيااااااااااااتي

*دهن العود · 20-03-2009, 22:29

اهلا بك اخي ان شاء الله ماراح نفشلك قدام صديقك

اول حاجه لايقارن العلاقات المحرمه والي كلها لعب بلعب بعلاقة زوجين
في اختلاف اكيد في الاولى يلعب ام الثانيه لا

قول لصديقك ان يكون رومانسي معاها عن طريق المسجات ... مرونته معاها ... طيبته ... يعني مثلا يحكي لها عن حبه لها واعجابه وكيف متصور حياته معها وشلون راح يبني نفسه ويطور من نفسه لانها هي واقفه جمبه ولانها شريكة حياته الي كان يتمناها ويمدح فيها وفي اطباعها وفي اي شي تعمله لها عشان تتشجع ...... الهدايا هالله هالله بيها ..... الورود طبعاا .... بشاشة الوجه والمزاح لكن لايثقل عليها بلمزاح بعديها تزعل

ومسألة العصا من النص ترى يا اخي إذا البنت طيبه واصيله واخلاقها عاليه فهي تستاهل كل الرومانسية والدلع لان راح يبين ذا في عيونها وتصرفاتها وماراح تنسى كل شي جميل عمله لها

لازم يترك هل علاقات الي ماتودي ولا تجيب ماراح يحصد منها غير الآثام وربي ماراح يتوفق لازم لازم ضروري يتركهااا

الله يوفقك ويوفقه وتتيسر اموركم

-تحياتي-

%انسه زحلطه% · 20-03-2009, 22:40

العصا = سلامات

ومن الجهل انه يحكم العلاقات الشرعيه بعلاقات غير شرعيه

اصلن مافـ وجه مقارنه

لو انه طيب زوجته بتحبه خله مثل ماهووو

تحياتي

to0ota · 20-03-2009, 22:49

قول لخويك لايقارن الحلال بالحرام ...

والله يوفقه مع بنت عمه

المعانق · 20-03-2009, 23:33

الاخوااااان ماقصروا

وخله يخلي العلاقات عنه

وخله يسجل معنا هنا

وخله يشووف النت ويبحث عن الكلام الرومنسي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

صديقي سالني وانا لجأت لكم تكفوووون يبنات وشباب المنتدى لاتفشلوني