عالم الحياة الزوجية - منتدى

RaNsI · 21-03-2009, 01:27

السلام عليكم

بصراحه انا حاسه اني تعبت مرة

انا ليا 4 شهور تقريبا ممكله وزواجي في بداية شهر 6....بصراحه عشت احلى ايام عمري في اول شهرين والكل كان يحسدني على زوجي وعلى حبو ليا وعلى الدلع اللي كنت عايشه فيه

لكن الشهرين الاخير صارت المشاكل بيننا كثييير لأتفه الاسباب مع العلم اني انا دمي حار واعصب بسرعه وماتحمل اي احد يتفلسف على راسي ...وهو اوقات يتغاضى عني واوقات مايتحمل بس والله قلبو طيب

وقسما بالله يموووت فيني والكل يشهد عليه وانا والله مرا احبو

بس احيانا احس اني اكرهو وماطيقو ولا ابغا اشوفو....بس لمن اجي افكر انو يحبني احن عليه

والله...ثم والله...ثم والله...ان لو واحد ثاني ماكان اتحملني ولا كان طوول معايا

بس هوا متفهم ....(مع العلم ان انا عمري 18 و8 شهوور وهو 25 )

اكتر من مرة فكرت اني اطلب منو الطلاق بس اهلي وصحباتي يقولولي والله ماراح تلاقي واحد زي.....

وانا لمن اجي افكر اقول من جد ماعتقد اني الاقي واحد يحبني ويدلعني ويسوي اللي ابغاه زي......

والله والله والله العظيم خلاني اختار القاعه اللي تعجبني ونزلت اخترت الاثاث .....وكل شي يخص القاعه انا اخترتوو
لو واحد تاني ماعتقد يرضى على كل شي

بس انا اللي متعب قلبي ان مشاكلنا كثرت شويه هذي الايام وانا تعبت مرة لدرجة اني ابغا اقولو بالاحساس اللي يجيني

الله يخليكم .................ساعدووووني....اعطوني حل....ايش تتوقعو اسباب المشاكل

الله يعطيكم العافيه

almajbor · 21-03-2009, 01:35

اسباب المشاكل انتي قلتيها وواضحه جدا
الاول حرارة راسك ... يعني عصبيتك
والثاني برضو حرارة راسك ... يمكن عشان توك صغيره ودلوعه حبتين
اقول احمد الله فالنعم تدوم بالحمد ... وين البنت اللي يجيها واحد بمواصفات زوجك خصوصا في هالوقت
الله يتمم لكم وتعوذي من الشيطان

جروحي حبيب روحي · 21-03-2009, 01:45

حبيبتي الاسباب انتي صغيرة بعدك وطبيعتك تعصبين بسرعه وهذا خطا ثم خطا

ثاني شي مثل ما كلتي يحسدوني حبيبتي حصني نفسك من الحسد ترة انتي صغيرة وزوجك بعد مثلك والحساد كثير اعوذ بالله

وثالث شي وهو الشيطان حبيبتي لا تخلي الشيطان يلع براسج ويفرق بين الاحباب يبي الناس ما ترتاح

حسب كلامك فهمت انو زوجك ماافي مثلو فيا بنت الحلال حافظي على نفسج وعلى زوجك ولتتوقعين بعدك صغيرة وحلوة ترة الشباب فترة ويعدي وبعدين تتحسرين على الماضي

ياربي يسعدج ويرزقج ذريه صالحه اميييييييييييييييين رب العالمين لاتنسيني بالدعاء

RaNsI · 21-03-2009, 01:58

اقتباس:

المشاركة الأصلية كتبت بواسطة almajbor

اسباب المشاكل انتي قلتيها وواضحه جدا
الاول حرارة راسك ... يعني عصبيتك
والثاني برضو حرارة راسك ... يمكن عشان توك صغيره ودلوعه حبتين
اقول احمد الله فالنعم تدوم بالحمد ... وين البنت اللي يجيها واحد بمواصفات زوجك خصوصا في هالوقت
الله يتمم لكم وتعوذي من الشيطان

بصراحة كثير قالوللي راسك يابس وخلقك ضيق

كلامك ع العين والراس
الله يريح بالك ويسعدك يارب

*دهن العود · 21-03-2009, 02:02

اهلا بك اختي

اولا نشوف المشكله عشان نلقى لها حل

اول حاجه العصبيه : اختي الله يخليكي ويوفقك لازم تعودي نفسك على انك ماتعصبي على اتفه الامور ترى الحمدلله رب العالمين عند زوج يحبك وموصفاته ماشاء الله تبارك الله عاليه لا تخسريه انتو بس 4 شهور مملكين وانتي قلتي ان اول شهرين عسل اما ثاني شهرين بدأت المشاكل يمكن لانه طفش اختي ترى المده هذي قصيره وطفش فيها لا تخليه يبتدي يتضايق اكثر واكثر ترى انتي بين ايديك نعمه وحافطي عليها لااااااازم تغيري من نفسك لازم لازم ولا ترى اخاف يصير لك شي لاسمح الله تندمي عليه طول عمرك والعصبيه هذي لازم تشيليها وماتطلع الا لما يكون الموضوع حااااااااااااد ولازم يصير طبعك هادي طول العمر وإذا طفشتي طلعي حرتك بشي ثاني مثلا ادخلي غرفتك لوحدك واضربي مخدتك الا ان تطلع كل مافيك من اعصاب وتهدي ههههههههه مافي غير هل حل

ثانيا: صغر سنك يمكن مخليكي مش مقدره خطورة تصرفك فأرجووووووووك حبيبتي لا تعملي كذا في نفسك

اخيرا ابغى اقولك قدري الحب الي يعطيك اياه زوجك وبادليه هذا الشعور حسسيه بحبك له وحسسيه بأنك تقدري كل مايفعله لك

والله يوفقك ويسهل امورك

-تحياتي-

RaNsI · 21-03-2009, 02:04

اقتباس:

المشاركة الأصلية كتبت بواسطة جروحي حبيب روحي

حبيبتي الاسباب انتي صغيرة بعدك وطبيعتك تعصبين بسرعه وهذا خطا ثم خطا
ثاني شي مثل ما كلتي يحسدوني حبيبتي حصني نفسك من الحسد ترة انتي صغيرة وزوجك بعد مثلك والحساد كثير اعوذ بالله
وثالث شي وهو الشيطان حبيبتي لا تخلي الشيطان يلع براسج ويفرق بين الاحباب يبي الناس ما ترتاح
حسب كلامك فهمت انو زوجك ماافي مثلو فيا بنت الحلال حافظي على نفسج وعلى زوجك ولتتوقعين بعدك صغيرة وحلوة ترة الشباب فترة ويعدي وبعدين تتحسرين على الماضي
ياربي يسعدج ويرزقج ذريه صالحه اميييييييييييييييين رب العالمين لاتنسيني بالدعاء

يعلم الله اني احصن نفسي من بعد صلاة الفجر وبعد صلاة المغرب ووقت ماخرج من البيت وهوا كمان والله يحصنني ويحصن نفسوو

ايوا والله صادقه الشيطان شاطر بس مشكلتي اشيل في قلبي واسكت ومرررة اتعب وهو مايحب هذا الوضع اني اشيل في قلبي

والله اني مابغا اخسرو بس مو عارفه ايش الاحساس الغريب اللي جاني فجأه

تسلمي والله على ردك اللي يرد الروح

الله يخليكي ويسعدك يارب ويبعد عنك كل شر

M!ss c!ut · 21-03-2009, 02:23

** أنا أشوف حبيبتى إنك تـتـحصنين إنتى وياه .. والله يوفقكم ..
تحياااااتى ...

RaNsI · 21-03-2009, 03:04

اقتباس:

المشاركة الأصلية كتبت بواسطة كشوخة

اهلا بك اختي
اولا نشوف المشكله عشان نلقى لها حل
اول حاجه العصبيه : اختي الله يخليكي ويوفقك لازم تعودي نفسك على انك ماتعصبي على اتفه الامور ترى الحمدلله رب العالمين عند زوج يحبك وموصفاته ماشاء الله تبارك الله عاليه لا تخسريه انتو بس 4 شهور مملكين وانتي قلتي ان اول شهرين عسل اما ثاني شهرين بدأت المشاكل يمكن لانه طفش اختي ترى المده هذي قصيره وطفش فيها لا تخليه يبتدي يتضايق اكثر واكثر ترى انتي بين ايديك نعمه وحافطي عليها لااااااازم تغيري من نفسك لازم لازم ولا ترى اخاف يصير لك شي لاسمح الله تندمي عليه طول عمرك والعصبيه هذي لازم تشيليها وماتطلع الا لما يكون الموضوع حااااااااااااد ولازم يصير طبعك هادي طول العمر وإذا طفشتي طلعي حرتك بشي ثاني مثلا ادخلي غرفتك لوحدك واضربي مخدتك الا ان تطلع كل مافيك من اعصاب وتهدي ههههههههه مافي غير هل حل
ثانيا: صغر سنك يمكن مخليكي مش مقدره خطورة تصرفك فأرجووووووووك حبيبتي لا تعملي كذا في نفسك
اخيرا ابغى اقولك قدري الحب الي يعطيك اياه زوجك وبادليه هذا الشعور حسسيه بحبك له وحسسيه بأنك تقدري كل مايفعله لك
والله يوفقك ويسهل امورك
-تحياتي-

هذي هيا مشكلتي اني اعصب من اي شي وماتحمل والله ماني عارفه ايش اعمل

الله يقدرني وابعد العصبيه عني

بس من ناحية اني اطلع حرتي في شي تاني ......اسويهااا كثير .....حتى فيه هو المسكين والله اني احزن عليه وارجع اعتذر لو

والله اني مقدرة كل شي ...

الله يعطيكي العافيه على نصيحتك ليا والله يجعلها في موازين حسناتك يارب

RaNsI · 21-03-2009, 03:09

اقتباس:

المشاركة الأصلية كتبت بواسطة M!ss c!ut

** أنا أشوف حبيبتى إنك تـتـحصنين إنتى وياه .. والله يوفقكم ..
تحياااااتى ...

الحمدلله مانسى التحصين لا انا ولا هو

ربي يعطيكي الف عافيه

ام وليدو · 21-03-2009, 03:12

حبيبتي واضح ان عصبيتك هي سبب كثرة المشاكل بينكم

ماقصروا الاخوات كفوا ووفوا

حاولي تخففين من العصبيه وحاولي تكسبيه اكثر واكثر

لو تشوفين بلاوي البنات مع ازواجهم صدقيني راح تسوين اي شئ بس اهم شئ ماتفقدينه

لان زوجك ماشاء الله يحبك ومحترمك ومدلعك وش تبين اكثر من كذا

الله يحفظكم لبعض يارب من عيوووون الحساد

ĦoЯ àląỄň · 21-03-2009, 03:18

السلام عليكم

حبيبتي الله يوفقكم ويتمم زواجكم على خير

المشكله فيك ولازم انك تتحملي وتصبري لانك والله ماراح تلاقي رجل بهالمواصفات في هالزمن

RaNsI · 21-03-2009, 03:20

اقتباس:

المشاركة الأصلية كتبت بواسطة ام وليدو

حبيبتي واضح ان عصبيتك هي سبب كثرة المشاكل بينكم
ماقصروا الاخوات كفوا ووفوا
حاولي تخففين من العصبيه وحاولي تكسبيه اكثر واكثر
لو تشوفين بلاوي البنات مع ازواجهم صدقيني راح تسوين اي شئ بس اهم شئ ماتفقدينه
لان زوجك ماشاء الله يحبك ومحترمك ومدلعك وش تبين اكثر من كذا
الله يحفظكم لبعض يارب من عيوووون الحساد

ايوا والله صادقه كنت شاكه بس اتأكدت والله

جزاهم الله خير اخوتنا من جد ماقصرو الله يخليهم

والله اني احمد ربي انو رزقني فيه مع العلم انو اقسملك بالله انو اتقدم قبل كذا 3 مرات اول مرتين اهلي رفضو عشان صغر سني ولمن شافوووه مصررر قالو هذا شاري والمرة الثاله انا رفضتو ..لكن لمن شفتو من جد مصر وافقت عليه

الله يسعدك يارب

عبد العزيـز · 21-03-2009, 05:07

اختي والله ما قصروا الاخوان
عني انا ما اقول الا الله يوفقكم يارب ويجمع بينك في الخير ويخليكم لبعض ..
.. [ لا تنسوا من الدعاء ولكم بالمثل ] ..

RaNsI · 22-03-2009, 04:34

اقتباس:

المشاركة الأصلية كتبت بواسطة ĦoЯ àląỄň

السلام عليكم

حبيبتي الله يوفقكم ويتمم زواجكم على خير

المشكله فيك ولازم انك تتحملي وتصبري لانك والله ماراح تلاقي رجل بهالمواصفات في هالزمن

عليكم السلام

تسلمي على المساعده
الله يخليكي ان شالله ....ويسعدك ويوفقك لما يحب ويرضى

RaNsI · 22-03-2009, 04:36

اقتباس:

المشاركة الأصلية كتبت بواسطة عبد العزيـز

اختي والله ما قصروا الاخوان
عني انا ما اقول الا الله يوفقكم يارب ويجمع بينك في الخير ويخليكم لبعض ..
.. [ لا تنسوا من الدعاء ولكم بالمثل ] ..

الله يخليك ويحميك من كل شر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدونــــــــي...الله يسعدكـــم