عالم الحياة الزوجية - منتدى

drar · 08-06-2009, 08:52

مررت بموضوعكي واحببت ان افيدكي انا ابني عمره 5 سنين و8 شهور من وهو صغير كان يبكي كلما اراد شي هذا دلع اسمو وبيعرف انو ما حدا بيقدر يرفض له طلب لان اهله ما بيحبو يشوفوه بيبكي انتي مدلعه بنتك كتير كتير اذا رحتي على المول ما لازم تشتري لبنتك كل شي هي تريده لو انتي تقدري بس البنت ما لازم تتعود على هالشي مثلا اذا شفتي انو هاللعبة مش ملائمة لها او انتي ما تبغي تجيبيها احكيلها انو هاي اللعبة ما بدنا نجيبها وحاولي تلهيها بشي تاني يلى نروح هناك او يلى نشوف شي تاني اذا صارت تبكي احكيلها المرة الجاية او اقنعيها اذا ظلت تبكي احكيلها انا ثاني مرة ما باخذك معي على اي مكان اذا بتظلي تبكي هيك انا الي خفف من بكاء ابني ما بحقق له كل شي بيطلبه يعني احيانا بجيبله الي بيطلبه واحيانا لا المهم في البيت لازم تتفقي انتي وابوها انو ما تلبو لها طلبها وخصوصا وقت ما تبكي قولي لها اول شي لا تبكي ومسحي دموعك بعدين بنسمع شو بدك استنيها لتسكت وبعدين قلي لها شوفي ما احلاكي وانتي ما بتبكي عيونك بيصيرو يوجعوكي بس تكبري وبيبطلو يصيرو حلوين من كتر البكاء.
اذا كانت تبكي بصوت عالي احكيلها انتي او ابوها روح لغرفتك وسكري الباب او انتي حطيها بالغرفة وسكري الباب واحكيلها انو صوتها مزعج وانو انتي ما بتقدري تتحملي صوتها وبس تسكت بتقدر تطلع من الغرفة .
بس تبكي خليها تتطلع بالمرياة وتشوف حالها احكيليها شوفي كيف بتصيري مو حلوة بس تبكي اذا بدك تظلي حلوة لا تبكي وشوفي دموعك بعدين بيخلصو ومن هالحكي
اهم شي انو الولد ما يتعود انو تلبي له كل طلباته اذا انتي اليوم متحملتها بكرا عريسها او الناس الي برا ما بيتحملو هالدلع يمكن اليوم وضعك المادي منيح تقدري تلبي لها كل طلباتها لكن بعد فترة ما بتعرفي شو بيصير يمكن ما تقدري تلبي لها كل طلباتها بتصير تلجأ لطرق تانية متل السرقة لتلبي رغبتها والعياذ بالله
انا بعاني حاليا مع ابني نفس هالحالة بس مو لهالدرجة يعني بس يتنرفز من شي بيصير يبكي او حدا يضايقو او بدو شي بس مو كل الوقت احيانا بيصير معو هيك وانا بشوف انو وقت ما اكون مصرة على الموضوع ويشوفني ما غيرت موقفي بيسكت وبيرجع يعمل الي حكيت له عنه والحمدلله شوي شوي بيتحسن بس اهم ششي ما تخلي الولد او تعوديه انو يمشي اللي براسو عليكي وخلي كلمتك انتي وابوها تكون هي الي بتمشي بالبيت متلا وقت ما قالتلك بدي الكوفي لا تعطيها وخليكي مصرة على الموضوع لا تتنازلي الولد بيمتحن اهلو بكم موقف ويشوف اذا بيقدر يلبي رغبتو ولا تخلي البكاء وسيلة تعبر فيها بنتك عن مشاعرها لانها طريقة مو حلوة بالمرة
وربنا يوفقك ويخليلك بنتك وان شاء الله بنتك بتتحسن لانو كلو بايدك انتي وربنا يقومك بالسلامة

ام حنوفة · 09-06-2009, 06:08

في دكتور مصري يا اميرة بدنيتي رائع اتابع معة ادخلي علي موقعة او شاهدي بامجة علي قناة الحياة مع دعاء عامر بجد هيفيدك ان شاء اللة كتير وقولي لي عملتي اية

ام حنوفة · 09-06-2009, 06:10

نسيت اقولك اسمة دكتور هشام حتاتة

& دلع جوري & · 10-06-2009, 01:48

يا جماعه والله خفت من مستقبل بنتي بس تصير في هالعمر

الكل يقول هالسن صعب التعامل معه

الله يعينكم خواتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

والله تعبت ماني عارفة اتعامل مع بنتي