عالم الحياة الزوجية - منتدى

bodybuilder99 · 23-03-2009, 11:06

يا بنات انا مركز عليكم لانكم بنات وتفهموا نفسيات بعض,,,,,,عشان كذا انا اخصكم بالاستشارة اكثر بكثير من الشباب في معرفة نفسية الكائن الي ربي قضى عليا الارتباط به.

في اول الملكة كانت زوجتي هذه متعبتني لابعد الحدود ببرودها العاطفي لدرجة مميتة وكنت اعذرها بحجة الحياء وبحجة كونها بنت صغيرة في المرحلة الثانوية لاكني الان تجاوزت مرحلة البرود العاطفي بالرضا بقضاء الله عز وجل بهذا الكائن العجيب,,,,,,,, لاكن الان انا اواجه معاها مشكلة واتمنا منكم ماتحرموني من ارائكم خصوصا الي تلمس في نفسها المقدرة على فهم نفسيتها عشان اعرف كيف اتصرف,,,,,,,,

قبل كم يوم صارتلنا مشكلة صغيرة واتزاعلنا 3 ايام ماتصلت فيها عليها وهي كمان طنشت وماتصلت,,,,,,,بعد ال 3 ايام رجعت زوجتي وارسلتلي رسالة تعتذر فيها بشدة وندم وانا قابلت رجعتها بكل ترحيب وفرحة وكلام طيب وقمت اعتذرلها انا كمان ووعدتها اني ماعاد اقاطعها مهما حصل,,,,,,,,,,لكني تفاجأت انها تقول انها هي ماغلطت ابدا؟؟؟؟؟؟؟؟؟؟ قولنا طيب مو مشكلة خليها تتدلع شوية

جلست بعدها يومين اكلمها عادي وهي تكلمني من طرف خشمها وزعلانة وانا احاول اسمعها كلام حب وغزل وطيب ووالله اني قولت كل شي طيب ممكن ينقال فيها وصرت احاول اضحكها ماتضحك احاول افتح مواضيع عشان اخليها تتكلم ما تتجاوب؟

الين امس اخر شي بذلت كل اللي اقدر عليه عشان تقولي كلمة طيبة لاكن مافي امل واكلمها برضو تكلمني بدون نفس قمت قلبت عليها وقولتلها انو انا ماني مرتاح معاها في حياتي وانو اسلوبها يصد النفس واني تسامحت معاها اول مارجعت لاكن مانفع فيها لانو قلبها مليان وطنشتها وقولتها مع السلامة

وانا الان ناوي اتخذ معاها اسلوب جديد,,,,,,,,,,,,,,,,,,,,,,,اسلوب السؤال يوميا عن اي شي تحتاجه او تبغاه واقفل بدون كثرة كلام وبدون رسايل وبدون اي كلام طيب,,,,,,,,,يعني بتصل اقولها سلام عليكم كيف حالك تحتاجي شي؟ مع السلامة الين تغير اسلوبها او يقضي الله امرا كان مفعولا

واللي عنده اي حل بالله لا يبخل عليا لاني والله كرهت اليوم الي فكرت اتزوج فيه لاني كنت باني امالي على زوجة عاطفية تحبني واحبها وانصدمت صدمة والله العظيم ماني متحملها

نسيت اقولكم اني قولتلها لو الوضع مو عاجبك وتفضلي الانفصال قوليلي,,,,,,,,,,,زعلت واتجننت وتقولي كيف اقول هذا الكلام؟

بالله يا مسلمين فهموني والله كنت ادعي لنفسي الذكاء والحكمة الين ارتبطت بهذا المخلوق العجيب الي قلبلي حياتي نكد وجحيم

قحطاااني ماااركه · 23-03-2009, 12:00

الله يعينك لا بد تستخدم الترغيب والترهيب

بالتوفيق

لاجئ عاطفي · 23-03-2009, 14:04

اتوقع انك تسرررررررررررررررررررررررررررررعت كثير

لو انك كنت تملك شي من التطنيش والصبر كان تغير وضعك

لاتستعجل صدقني البنت تبي تثبت وجودها بطريقه خاطئه وانت قمت وزدت الطين بله

صدقني البنت تتاثر باي كلمه منك او من غيرك تلقى في احد طالب منها تسوي هالشي وياك

بس انت لوتفهمها ن هالطريقه مستحيل تجلب لكم السعاده

وعندي لك اقتراح حاول انك تفاجئها بهديه صدقني كل ماحاولت تتقرب منها

راح يكون افضل ولاتحسب انه ذل لك وصدقني فايدته راح يرجع لك بعدين

حاول تضبط اعصابك وتصبر ولاتتسرع

وعلى فكرة تراك جرحتها بكلمة ننفصل

ادعي الله وحاولو تبعدون عما يغضب الله واكثر من الاستغفار وخلك قريب منها ولاتحاول تفتح هالموضوع ثاني مره

الله يوفقك ويهدي سركم ويكتب لك الخير

bodybuilder99 · 23-03-2009, 14:36

اقتباس:

المشاركة الأصلية كتبت بواسطة قحطاااني ماااركه

الله يعينك لا بد تستخدم الترغيب والترهيب
بالتوفيق

يعطيك العافية اخوي

bodybuilder99 · 23-03-2009, 14:37

اقتباس:

المشاركة الأصلية كتبت بواسطة لاجئ عاطفي

اتوقع انك تسرررررررررررررررررررررررررررررعت كثير
لو انك كنت تملك شي من التطنيش والصبر كان تغير وضعك
لاتستعجل صدقني البنت تبي تثبت وجودها بطريقه خاطئه وانت قمت وزدت الطين بله
صدقني البنت تتاثر باي كلمه منك او من غيرك تلقى في احد طالب منها تسوي هالشي وياك
بس انت لوتفهمها ن هالطريقه مستحيل تجلب لكم السعاده
وعندي لك اقتراح حاول انك تفاجئها بهديه صدقني كل ماحاولت تتقرب منها
راح يكون افضل ولاتحسب انه ذل لك وصدقني فايدته راح يرجع لك بعدين
حاول تضبط اعصابك وتصبر ولاتتسرع
وعلى فكرة تراك جرحتها بكلمة ننفصل
ادعي الله وحاولو تبعدون عما يغضب الله واكثر من الاستغفار وخلك قريب منها ولاتحاول تفتح هالموضوع ثاني مره
الله يوفقك ويهدي سركم ويكتب لك الخير

اعجبني ردك جزاك الله خير على الدعا الطيب

احساس حب · 23-03-2009, 14:59

قطعت قلبي

شوف بقولك شي عن البنات

بالذات في الثانوي تلاقيها تزعل بسررررررررررررررررررررررررررررررررعه

بس مو معناه انها زعلانه بالدرجه اللي أنت شايفها

/

طيب كيف تسوي معاها :

خلي اسلوب الرسايل :

أكتب لها أحنا كلنا نغلط وحياتنا بيكون فيها أغلاط

وفيها سعاده وكل المتزوجين كذه

بس مو معناه اني ما أحبك

أنا بمووووت فيك و كل الناس تغلط بس كمان بنسامح !!

والله بيعفو عن الكافر و يسامح

بعد كذه خليك على طبيعتك القديمه

يعني سوي كأنه ماصار شي

أرسلها رسايل حب بالذات في وقت هي ماتتوقعه .. يعني فاجأه

أهديها و هدايا بسيطه بس المهم كثيره

.

.

صدقني الحب يلين قلبها بشكل ماتتخيل

وأنا واثقه كل البنات تتجنن من الحب

وجرب بيوم أغرقها رسايل .. و يوم أرسلها بس مره وحده آخر اليوم

صدقني راح تفقدك حتى لو ماقالت لك

قول لها / أنا تعجبني الحروف اللي تكتبيها لي برساله كل يوم أرسلي لي أي شي

بس عشان أحس انك جنبي حتى لو رساله فاضيه

.

.

لا تشيل هم خيوووو صدقني مع الوقت راح تجننك برسايلها وحبها

وع فكره أنا مخطوبه و خطيبي زي خطيبتك يعني بارد المشاعر

وربي أبكي و أبكي بس انا صابره انو راح يتغير

الله يسعدك و ييسر ما بينكم ويملا حياتكم حب وحنان

وأي استفسار اعتبرني مثل اختك

.

.

موفق و معليش طولت عليك

دلوعة سلطاني · 23-03-2009, 15:45

ربي يوفقكم ويهدي سركم

jewaher · 23-03-2009, 16:12

اخي اسلوب الرومانسية هو الأسلوب المفيد خاصة للبنات اللي عمرهم صغير

jewaher · 23-03-2009, 16:12

افضل شي اسلوب الهدوء والمعاملة بلطف

++صدق المشاعر++ · 23-03-2009, 16:17

الله يكون بعون الرجال بعض البنات معقدينيييييين وماتدري هي شتبي !!

صاحبة السمو*منـــاوي · 23-03-2009, 17:01

أخي الكريم***

كوني بنـــــــــــــــــت أحس اني فهمت خطيبتك وش وضعها!!!!

شوف اخوي البنت بهالعمر كلمه تجيبها وكلمه توديها!!!
شلون يعني؟

يعني من خلال ردة فعلها لما ارسلتلك تعتذر فهذا تصرف نابع من ذاتها لأنها تحبك وتبيك

لكن لما رجعت قلبت وزعلت فهذي مؤثرات خارجيه تلاقي أحد ناصحها بالثقل
ولا تخليه يتجرأعليك وخليك قويه و و و ................الخ

وأنا والله شفت نماذج كثييير من هالنوع وبهالعمر خصوصا

البنت للآن ماتشكلت لها شخصيه مستقله هي الآن تتأثر بأي مؤثر خارجي

((((((((((((دورك انـــــــــــت)))))))))!!!

اعتبرها طفلتك .... شكلها انت بالطريقه اللي تبي
كون قريب منها أكثر
احتويها
حسسها انه مافي انسان ممكن يوريها الصح ويخاف عليها كثرك
بإختصــــــــــــــــــــــار
كون المحرك والمتحكم فتفكيرها...

وطول بالك صدقني بيجي اليوم اللي تعيشها مثل ماانت تتمنى

واذا شايف انه طريقة القرب منها غير مجديه
اتخذ اسلوب الحرمان
يعني اسلوبك صح لما تكون جاف وتشوف اذا تبي شي وتقفل
بهالاسلوب بتحسسها بالفقد والفرق
عشان تحس بقيمـــــــــــــة عطائك وتصير معاك اوكي

وحبذا اخوي المكالمات ماتكون بشكل يومي
صدقني هالشي يخلق البروود من العدم يعني زي مايقولون لذة الحب فالشي القليل

عذرا عالاطاله...واتمنى اكون افدتك

0جنى0 · 23-03-2009, 18:11

تغلى عليك تسوي نفسها ثقيله وتبيك تعتذر لها أكثر فأنت داريها بماانها صغيره

مدري احبه ؟؟ · 23-03-2009, 19:28

شوف اخوي الاخوان ماقصروا وانا بنت وباقولك وجهة نظري ""

خطيبتك صغيره وتعتبر مراهقه وتصرفاتها من باب الدلع لكن انت وصلت الى حد الانفجار ( و الكبت يولد الانفجار )

انت تقول من البدايه وهي بارده و انا متأكده مو برود خوف انك تحتقرها لو تجاوبت معك أأأو انها تعطي اذنها للناس

وكل ينصح نصايح تهدم البيوت ولانها صغيره تراها متذبذبه عقليا وماتدري وش الصح ""

انت صبرت عليها وآخر شي انفجرت وقلت لها كلام قووووووووي وجارح ادري بتقول هي استفزتني صادق اسلوبها

ينرفز لكن كلمتك من غير نفس او من طرف خشمها لكن ماجرحتك

<<ياخوي كلمة انا مو مرتاح معك بحياتي والله تقتل واقوى من كلمة تبين ننفصل <<

لو اتبعت اسلوب القساوه والتطنيش من غير تجريح كان افضل ""البنت صغيره صغيره وودها ترضيك وماعرفت كيف

ودها تكون كبيره بنظرك وانها مو بسهوله ترضى عشان ماتزعلها مره ثانيه ""والله حركاتها بريئه لازم تحتويها

وانت الحين اللي لازم تعلمها وتشكلها زي ماتبي "ارسل لها مسج وقول لها كل شي ضايقك منها (الثقل الزايد ،،

المكالمه من غير نفس ،،الزعل وعدم التناقش بهدوء ،،عدم تفاعلها معاك وتجاوبها )قول هذي الاشياء تحسسني انك

ماتبيني عشان كذا قلت ننفصل وما اضلمك معي))

ماراح تفهم الرساله على طول لكن بتقراها يوميا وبتفهمها تمام وصدقني بتراضيك لانها تبيك وبتتغير لازم توضح لها اللي

تبي واللي ماتبي ولا تفكر بالانفصال وحاول معها لانها تحبك وتبيك ولو ماتحبك كان مازعلتها كلمة الانفصال ""

سؤال الفرق بينكم كبير في العمر ؟؟

آسفه على الاطاله لكن حاولت احلل لك نفسية خطيبتك الله ييسر امرك ويسخركم لبعض

بنت أبوي وافتخر · 23-03-2009, 19:47

شوف اخوي البنت بهالعمر كلمه تجيبها وكلمه توديها!!!
شلون يعني؟
يعني من خلال ردة فعلها لما ارسلتلك تعتذر فهذا تصرف نابع من ذاتها لأنها تحبك وتبيك
لكن لما رجعت قلبت وزعلت فهذي مؤثرات خارجيه تلاقي أحد ناصحها بالثقل
ولا تخليه يتجرأعليك وخليك قويه و و و ................الخ
وأنا والله شفت نماذج كثييير من هالنوع وبهالعمر خصوصا
البنت للآن ماتشكلت لها شخصيه مستقله هي الآن تتأثر بأي مؤثر خارجي

هذا الصدق اخوي مع احترااامي للباقين
أنا مخطوووبه من الثانويه وبصرااحه كنت مثل زوجتك ويمكن اخس يوم يتصل اسكر في وجهه
لما عصب وقال ما بنعرس الا بعد ما يصير عمري 22 عشان اكون اوعى بصرااحه يوم اتذكر ايام الخطبه اضحك واما احينه الحمد الله صارت اللي كلمه وأحس عادي صرت اكلمه واشوفه
مسكين عباله ان بعده عني هو اللي غيرني وما درى اني كنت في صراع والله ادرى فيه ...
في النهايه اصبر زين
السموووووحه ....

لسعة شقآوه بدلع · 27-03-2009, 08:29

ماشاء الله اللي قبلي ماقصروا...
لكن حبيت أقولك فيه كثير بنات نفس خطيبتك..يعني خطيبتك الحين أكيد تحبك..لكن توها صغيره وممكن ماتعرف تعبر عن مشاعرها..أو الخجل يمنعها..أو كمان بعض نصائح اللي حولها تأثر عليها..
الموووهيييييم رآح أقولك بكذا طريقه إن شاء الله تفيدك..أولاً: طريقة المصارحه سواءً بالمكالمه أو حتى بمسج...يعني صارحها بالوضع اللي مو عاجبك<<طبعاً قبلها أمدحها وأعطيها كلمتين حلووووه..عشان تتقبل منك...مثلاً: تقول أنا أحبك ومحظوظ فيك لكن فيه شيء بسيط يضايقني..........>>وتقولها اللي يضايقك...
أو ترسلها مسج بالمواصفات اللي إنت تبغاها بشريكة حيآتك..وتكتب من ضمن المواصفات تكون رومنسيه وتبادلك الحب...وبآخر المسج تكتب ( الحمد لله موجوده فيك )..<<لما تشوف هالمسج رآح تحاول ترضيك أكثر وأكثر..وتكون مثل المواصفات بالضبط ويمكن تزيد بعد..
وممكن كمان تهديها كتب أو أشرطه عن الحب بين الزوجين..
^^
دعوآآآآتي لكم بالتوووووفيييييييييق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

استشارة نسائية؟؟؟؟؟؟؟؟