عالم الحياة الزوجية - منتدى

أبو فيصل · 23-03-2009, 22:18

السلام عليكم
بالله بسألكم سؤال وش رأيكم بالخطابة والخطاب التي يزوجون العالم وبالفلوس وهل هم أصحاب ذمة وضمّير
ومن يلجأ لهم في نظركم هل البنت العانس والي ماجا لها نصيب ولا البنت الي فيها عيب وتبي تلجأ للخطابات والخطابين ونفس الحكاية للرجل هل الرجل يلجأ للخطابة والخطاب علساس عيب فيه أو أنة صاحب ملف مشوّه بالقضايا والمشاكل والإجرام رائيكم يهمني أكيد واتمنى تشاركونا الأراء وراح اٌقولكم رأيي أنا بموضوع مستقل
تحيتي للكل

الثعلب20 · 23-03-2009, 23:18

ان شاء الله الاعضاء يفيدونك

رومنسية المملكة · 23-03-2009, 23:39

ماانصحك .. في نظري الزواج بها الطريقه فاشل ..

قحطاااني ماااركه · 24-03-2009, 00:55

والله شوف اخوي هذي مجرد وسائل (خطابه +نت+مواقع زواج+قنوات زواج) تلاقي فيها الطيب والخبيث وحتى الزواج التقليدي ما صار مضمون
أقول لك كيف

أهلك حضروا زواج شافوا بنت لأول مره اعجبهم شكلها واخلاقها زينه ومعروف البنات بالزواجات يتصنعون الأخلاق ويهتمون بالشكل رحت وخطبتها وتزوجتها وسألت كم سؤال قالوا الناس ما فيها شيء هم ع الظاهر بذمتك قعدت اهلك معها بالزواج لمدة ساعتين أو أكثر كافيه تعرف أخلاق البنت !!

أنا مره سجلت بقناه فضائيه للزواج مشرف عليها احد الشيوخ المعروفين المهم بحثت ولقيت وحده حافظه القرآن ومن قبيلة معتبره تفاهمت معها على كل شيء وبلغت الشيخ بالموافقه طبعا ما نقدر نرسل ارقام او اميلات يحذفون اشتراكك وعقب ما بلغت الشيخ عطاني رقم ولي امرها صرت أفكر بالطريقه البايخه يمكن البنت ما أحد قبل فيها ومن هالقبيل بس وقتها كنت صغير بالسن وطايش والله اني متندم .. بالأخير هي توافيق من الله (ومن يتق الله يجعل له مخرجا ويرزقه من حيث لا يحتسب)

تحيااااااااااااااتي

أبو فيصل · 24-03-2009, 01:42

اقتباس:

المشاركة الأصلية كتبت بواسطة الثعلب20

ان شاء الله الاعضاء يفيدونك

شكرا بس تمنيت ردك على الموضوع ورائيك فيه

أبو فيصل · 24-03-2009, 01:43

اقتباس:

المشاركة الأصلية كتبت بواسطة رومنسية المملكة

ماانصحك .. في نظري الزواج بها الطريقه فاشل ..

أهلين رومنسية المملكة

ممكن تقولين الأسباب ليش فاشل ,,؟

وحياك الله

أبو فيصل · 24-03-2009, 01:45

اقتباس:

المشاركة الأصلية كتبت بواسطة قحطاااني ماااركه

والله شوف اخوي هذي مجرد وسائل (خطابه +نت+مواقع زواج+قنوات زواج) تلاقي فيها الطيب والخبيث وحتى الزواج التقليدي ما صار مضمون
أقول لك كيف

أهلك حضروا زواج شافوا بنت لأول مره اعجبهم شكلها واخلاقها زينه ومعروف البنات بالزواجات يتصنعون الأخلاق ويهتمون بالشكل رحت وخطبتها وتزوجتها وسألت كم سؤال قالوا الناس ما فيها شيء هم ع الظاهر بذمتك قعدت اهلك معها بالزواج لمدة ساعتين أو أكثر كافيه تعرف أخلاق البنت !!

أنا مره سجلت بقناه فضائيه للزواج مشرف عليها احد الشيوخ المعروفين المهم بحثت ولقيت وحده حافظه القرآن ومن قبيلة معتبره تفاهمت معها على كل شيء وبلغت الشيخ بالموافقه طبعا ما نقدر نرسل ارقام او اميلات يحذفون اشتراكك وعقب ما بلغت الشيخ عطاني رقم ولي امرها صرت أفكر بالطريقه البايخه يمكن البنت ما أحد قبل فيها ومن هالقبيل بس وقتها كنت صغير بالسن وطايش والله اني متندم .. بالأخير هي توافيق من الله (ومن يتق الله يجعل له مخرجا ويرزقه من حيث لا يحتسب)

تحيااااااااااااااتي

وهل تزوجت الفتاة من القناة الفضائية أو لا أخوي ماركة

وبنظرك ليش زواج الخطابين والخطابات فاشل وهل يوجد لديهم عوائل محترمة

يارب وفقني · 24-03-2009, 02:03

أنا ما أشوف انه فاشل ولا احكم على احد بأنه ناقص عشان تزوج عن طريق خطابه
هم مثل مكاتب العقار
وانت مثلما تروح تشوف وتعاين البيت بنفسك
بالضبط راح تروح وتشوف البنت وتسأل عنها وعن اهلها بنفسك من دون ما تعتمد على رأي الخطابه أو حتى رأي أمك
ونفس الشيء بالنسبه للبنت هو بيدق الباب سواء عن طريق خطابه أو صديقه أو شافوها في مناسبه
لكن بالنهايه الاهل لازم يحرصون على السؤال عن الخاطب ينبشونه نبش

اعتقد الخطابه تختلف ومافي مجال مقارنه بينها وبين النت أو القنوات الفضائيه

*دهن العود · 24-03-2009, 02:21

ماعندي اي خبره بالموضوع

وان شاء الله يفيدوك الاعضاء

مدري احبه ؟؟ · 24-03-2009, 03:15

والله سؤالك صعب يمكن المجربين يفيدونك ""لكن مثل ماقال قحطاني ماركه فيه الخبيث والطيب في كل مكان

الحكم صعب يكون مضمون

ضيم السنين · 24-03-2009, 07:05

الله لايعنسنا

ياحبذا لو غيرت لفظ عانس بـ آنسه

لان مافي شي اسمو عانس

سالفة الخطابات ماحبذها لسبب ماتلقى عند الخطابه الا المترديه والنطيحه

ماينحدون على الخطابه الا اللي بهم عله

وحتى وان كان في تعامل من البنات بخصوص الخطابه بمجرد مايتعاملون مع الخطابات تتغير هالايجابيه

لان يكتشفون مافي اي مصداقيه بالتعامل معها تجيب لهم السكير خريج السجون المريض الفاقد و و

وتمدح وهي ماتعرف عنهم غير الاسم فقط مايهمها غير الفلوس اللي تأخذها وتوهق غيرها

بإختصار نصابات

اما مواقع الزوج يمكن فيها مصداقيه شوي بما انو البعض تزوج عن هالطريقه

بس مايمنع ان في تلاعب ونصب واحتيال بس بعد في نسبة صادقين

بس انت ورا ماتزوج اللي بتتزوجها ولكن؟

وحده تعرفها ابرك من شختك بختك

قحطاااني ماااركه · 24-03-2009, 11:41

اقتباس:

المشاركة الأصلية كتبت بواسطة ابي اتزوجها ولكن

وهل تزوجت الفتاة من القناة الفضائية أو لا أخوي ماركة

وبنظرك ليش زواج الخطابين والخطابات فاشل وهل يوجد لديهم عوائل محترمة

للأسف ما تزوجتها من ردى حظي

مو مقياس للنجاح والفشل زواج الخطابات يعني لا بد من السؤال الخطابه توقف مهمتها على تعريفكم ببعض وهنا يبدأ دورك في التحري عن البنت وأهلها وإحتمال يوجد عندهم عوائل محترمه وبنفس الوقت سيئه ...

صحيح بعض الخطابات يكون عندهم بنات كبار بالسن أو ايتام أوعندهم ظروف خاصه مثل بعض العاهات البسيطه اومستوى الجمال متدني ... الله يوفق الجميع

اتمنى وضحت الرؤيه

تحياااااااااااااتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بليز أبي جواب صريح وشرايكم بالخطابة والخطاب