عالم الحياة الزوجية - منتدى

saly85 · 23-03-2009, 23:13

انا ليا اخت عمرها 20 سنة ومطلقة بقالهاسنة يعني كان عمرها 19 سنة لما اتطلقت بس صعبانة عليها اوي وعايزة احكيلكم قصة زواجها وطلاقها ويارب تدعولها ان ربنا يرزقها بزوج كويس ويعرف ربنا
هي اول ماتخطبت لطليقها كان عمرها 15 سنة وطبعا هتستغربو وتقولو ليه استعجلنا وبابا جوزها بدري بس هو النصيب اللي اتقدملها واحد قيبنا وخالي هو اللي كلم بابا في الموضوع واقنعة انه شخص كويس ومحترم وخصوصا ان اختي كانت بحب شخص تاني اوي وجة اتقدم لبابا بس بابا رفضة وقال دة مش من مستوانا دة حتي ع الاقل مش معاه الا دبلوم فمينفعش والحكاية دي خلت بابا يصر ع جوازها من طليقها بسرعة عشان تقطع علاقتها باللي بتحبة وهو بردة قريب لينا وتمت الخطوبة واستمرت لمدة سنة وهي طبعا مكنتش مرتحالة بس طبعا حاولت تحبة وفعلا بدات تحبة وكان ليه 3 اخوات بنات واحدة فيهم متجوزة عمرها 35 سنة والتانيين لسه واحدة عمرها 21 والتانيه 14 سنة وللاسف التلاته كانو بيغيرو منها اوي وكل لما يجي يورها او يخرج معاها لازم يكون اخواته اللي مش متجوزين معاه وبعديها بسنة اتجوزوا وفي الفترة اللي قبل الجواز باسبوع رحنا نفرش ليها الشقة وهي ساكنة في نفس العمارة اللي فيها حماتها عملو مشكلة قاللو كل ده جاي يفرش الشقه المفروض مامتها بس هي اللي تفرش مش مامتها واخواتها ومرات خالها وطبعا كبرو المشكلة وشتيمة وتهزيق وقله ادب من نحيتهم بس للاسف بابا قال مش مشكلة عدوها ممكن بعد الجواز يبقو كويسين وانا مش هطلق بنتي وهي لسه مدخلتش ولسه صغيرة عمرها 16 وطبعا عدت الحكاية واتجوزت ومن يوم ماتجوزت مش سايبنها في حالها حتي يوم الدخلة ندهو عليه لما روحو شقتهم وخلوة يطلعلهم ومنزلش الا بعديها بساعتين وطبعا لما حد يجي يزورها لازم امه تكون موجودة وممنوع حد يزورهم الا امه لازم تنزل اولو مقدرتش تنزل لازم نطلع نسلم عليها ياما يعملوها مشكله وفي شهر العسل سافروا اسبوع يقضو شهر العسل واخواته البنتين صممو انهم يروحو معاهم وطبعا حكاية الغيرة اشتغلت وبداوا يقولوله كلام غلط عن اختي وانها عملت وسوت وهي معملتش حاجة خالص وكانت كل لما تطلع تقعد معاهم يدخلو الاوضة ويسيبوها قاعدة في الصالة لواحدها وفي اليوم اللي تتعزم عندهم ع الغدا يخلوها تدخل تغسل المواعين لواحدها ومفيش واحدة منهم تقف معاها وتساعدها والمشكلة انها تفوجا انهن لمين ليها مواعين الاسبوع كلها تغسلها مش الاطباق اللي اكلو فيها بس واختي تقول مش مشكلة بس ياريت يقدروا حتي الست الكبيرة بتغير منها وحلي وقت عندها لما تقدر تعمل بينهم مشكلة وتخليه يتشاكل معاها لدرجة ان حماتها لما تعرف انهم اتشاكلو تروحلها وتطلعلها لسانها شوفتو عقل حماتها وهو للاسف انسان ملوش شخصية ومش بيسمع الا كلام مامتة حتي بيحكيلها كل حاجة بتحصل بينهم حتي اللي بيحصل في اوضة النوم واختي استحملت قالت مش مشكلة وعاشت معاه سنتين بس في الفترة دي كنا نحس انها كبرت فيهم 20 سنة وللعلم هي اكتشفت انه مش بيخلف ومقلتش لحد حتي لينا ومتكلمتش الا بعد الطلاق والمشكلة اللي خلتها تتطلق تافهة جدا وعارفين هي ايه
عندهم يوم الجمعة لازم السلم يتكنس ويتمسح ويوم المشكلة كان اختي تعبانه اوي وواخدة دور برد شديد ومش قادرة تقوم فهو قالها قومي امسحي السلم قلتله مش قادرة فهو قام ومسح السلم بنفسة وطبعا امة شافتة فزعقتله وخلته يطلعلها مع العلم هما كانو جايبين سمك للبيت كه وقال لاختي اطبخي الرز وماما هتنزل السمك عشان نتغدي وهو طلع يكلم امه كانت الساعة 1 الضهر واختي طبخت الرز وقاعدة مستنية ينزل لها وفضلت مستنية لقته نازل الساعة 10 بالليل من عندهم وفجئت بي يضربها بالقلم وبرجلية ويقول ليها امشي مش عايزك وكلم بابا (مع العلم بابا مسافر مكنش موجود)قالو بنتك قليلة الادب ومش عايزها وقام طاردها من الشقة وفوجئنا بيها جاية عندنا الساعة 11 بالليل لواحدها حتي مهنش علية يوصلها ربنا يخدة وطبعا المنطقة اللي ساكنة فيها مقطوعة وربنا سترها معاها
للحديث بقية

كــ السجايا ــريم · 23-03-2009, 23:19

لا تعليق

رومنسي محروم · 23-03-2009, 23:48

الله يرزقها الزوج الصالح

الميهـــــــــاف · 23-03-2009, 23:55

الله يعوضها خير

saly85 · 24-03-2009, 00:11

ربنا يخليكو وقريب هكملكو بقيت حكايتها

قحطاااني ماااركه · 24-03-2009, 10:31

ربي يعوضها خير ويرزقها من فضله

حنين الفؤاد · 24-03-2009, 10:38

الله المستعان الله يعوضهاااااااا

saly85 · 24-03-2009, 13:29

السلام عليكم اخباركم ايه
النهاردة هكملكو حكايتها
هي جت عندنا يوم الجمعة بالليل وهي كان معاها مفتاح للبوابة وشقتها ويوم الاحد حبت تروح تجيب هدومها من هناك واكتشفت انهم غيروا كالون البوابة فطبعا كان شكلهم ناوي ع الغدر وكانوا طمعانين في العفش فاختي رجعت تاني لما لقت البوابة مفتحتش واتصلنا ع عمتة حكينايها وهي قالت لينا خلاص انا هروح عندهم واتصل عليكو تبعتوها ومعاها خالها قولنالها ماشي وفعلا راحت بس فوجئنا انها اتصلت وتقولنا انهم بيقولو ان هي ملهاش حاجة عندهم ونخبط راسنا في الحيط ولكن احنا صممنا قلنا لا ده حقنا ولازم نخدة وخلاص احنا معدناش عايزينة واتصلنا ع خالي وقلناله روح هناك وشوف فيه اية فخالي راح واتكلم معاهم قالو خلاص ابعتوها تيجي تاخد هدومها فاختي راحت وماما معاها ولكن فوجئت بالعيلة كلها هناك وشتيمة وتهزيق فبابا كلم ماما وقالها متخرجيش من الشقة وانمو فيها وبكرة انا جاي ومعايا محامي ونشوف هيحصل ايه ونطلقها وناخد عفشها وفعلا ماما نامت هي واختي في الشقة لحد الصبح وبابا راحلهم تاني يوم فوجأ انهم عايزين يتصالحو وانه عايز يرجع لاختي فبابا قاله خلاص مفيش مشاكل بس طليقها قالو خدها بس معاك دلوقت وانا هعدي بالليل اخدها فبابا قالو مفيش مشاكل واختي نزلت مع بابا وجت ع البيت وجة الليل وبابا مستنيه يعدي ياخدها وفعلا الساعة بالليل اتصل ع بابا وقالة هاتها وقابلوني ع اول الشارع لاني مش عايز اجي البيت عندكم والسبب ان ستي ساكنة في نفس العمارة وهو خايف منها لانها عمتة وعارف انها هتهزاة فبابا اخد اختي ونزل يقابلة ولقاه جاي هو وخاله ولقي خالي واقف معاهم بيتكلمو وبابا لقاه بيقولو انا مش عايزها ولو حد فيكو قرب من البيت هنقطعو احنا جايبين ناس بسكاكين واقفين تحت البيت ولو حد فيكم قرب هنموته بابا قال يعني انت بتعمل كدة خلاص انا هوريك وفعلا رفعنا عليهم قضية عند اكبر محامي والمحامي راحلهم واتكلم معاهم وقلهم طلقوها بالذوق وهاتو حاجتها وفعلا خافوا جابو الحاجة بس بعد 4 شهور معاناة ولكن طبعا الحاجة جت ناقصة والعفش مكسرينة بس قولنا الله ينتقم منهم مع العلم اننا اكتشفنا اول ماطرد اختي انه راح خطب واحدة تانيه وجابها هي واهلها يتفرجو ع الشقة والعفش وكان ناوي يتجوزها علية وطبعا لما خدنا الحاجة معدش معاه فلوس يقدر يتجوزها في الوقت الحالي وطبعا فسخ الخطوبة منها
وخلاص اتطلقت اختي ولكن اختي اكتشفت ان هدوما ريحتها غريبة فقولنا نجيب شيخ يقرا ع الهدوم قران ويقرا عليها وجه الشيخ وقرا ع اختي وكتشفنا ان حماتها عملة ليها اكتر من عمل وهو عمل بالمرض والتوهان والنسيان وكرة جوزها ليها ورشه ع الهدوم حاجات تخليها لو لبستها يجيلها مرض والعفش برضة رشة علية الله ينتقم منها حماتها مش عارفين هي عملت ليه كدة مع ان اختي طيبة اوي كانت بتعاملها كويس ومش مقصرة نحيتهم بحاجة
ودلوقت اختي بقالها سنة مطلقة وقاعدة في البيت وكل لما تفتكر اللي حصلها تعيط وتقول انا عملت فيهم ايه عشان يعملو فيا كدة وكل اللي اقدر اقولة عليهم رنا ينتقم منهم
ياريت تدعولها ان ربنا يرزقها بزوج صالح يعوضها خير

رشاا · 25-03-2009, 23:40

الله ينتقم من الظالم و المفتري و يعوض اختك خير يارب
و كل البنات
آمين

امواج البحار · 26-03-2009, 00:57

الله ينتقم من كل ظالم ومعتدي

الله يعوضها خير ويرزقها الزوج الصالح

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعالو احكيلكو قصة طلاق اختي ريارب تدعولها