عالم الحياة الزوجية - منتدى

Mr Philosoph · 28-06-2005, 10:13

تعالوا أيها الأحبة.. ندخل أحد البيوت ونشوف كيف تصير المشاكل الكبيرة من أشياء تمر بسلام لو تصرفنا بعقلانية واهتمينا بإحساس الناس اللي عايشة معنا.. إليكم هذا الموقف. نورة: لا تنسين اليوم زواج خويتنا هدى، الشلة كلها اليوم بتجي وبأحسن شياكة.
الجوهرة: لا تخافين أنا مستعدة ولي يومين ما نيب انكد على صالح حتى إذا جاء يوم الزواج يعطيني فلوس ويودّيني للمشغل من غير ما اتتطلبه واترجاه.
نورة: يا الله أجل.. مع السلامة.. الباب يطق.. والله أعلم هذا أبونا جاء.
*تم الغاء هذه الكلمة من قبل الأدارة تحذير اخير بعدم تكرار ذالك* الجوهرة: حي الله أبو مساعد.. وشلونك.. ويش اخبار شغلك اليوم.. عسى كلش زين.
أبو مساعد.. ((مستغرب)) الحمد لله أخلصي وش عندك اليوم.
الجوهرة... الله يسامحك يا صالح أبتطمن عليك زوجي الغالي فيها شيء.. أبو مساعد.. لا.. أبد عساه دوم.. يالله حطي الغداء..
*تم الغاء هذه الكلمة من قبل الأدارة تحذير اخير بعدم تكرار ذالك* وفي المساء انتهزت أول فرصة الجوهرة وأخبرت زوجها أن اليوم زواج زميلتهم هدى سوف يأتون ولا بد أن تكون أحلاهن..
*تم الغاء هذه الكلمة من قبل الأدارة تحذير اخير بعدم تكرار ذالك* إيه هين قالها أبو مساعد عرفت اللسان الحلو متى يطلع، والزينة والملابس اللي أشتريها لمين.. لكن هين الوعد عندي ونا بو مساعد، ثم دس يده في جيبه وأعطاها ما تريد وطمرت من الفرحة وراحت تقضي لوازمها ثم رجعت ودار بينها وبين زوجها هذا الحوار:
أبو مساعد: يا زينك اليوم.. ليه هالزينه ما تطلع ولا نشوفها إلا عند الخروج وها الأثواب السنعة وأدوات هالزينة اللي أنت متزينة فيها طلعت هلحين.
قالت أم مساعد: تعرف أنها ملابس رسمية وما تصلح ألبسها في البيت والزينة والمكياج تخرب بشرتي إذا حطيتها على وجهي كل يوم.. يالله عاد أترك عنك كلام هالمراهقين وقم ودني.. قالها أبو مساعد والله ما فيه روحه اليوم، هالزينة من حقي ونا صالح. الزوجه توقعت أنه يمزح يا لله عاد قم ودني تراني تأخرت لا يسيح مكياجي وتخرب تسريحتي. رد عليها أبو مساعد بلهجة شديدة وقال اسمعي بروح أجيب عشاء ونستأنس أنا ونتي بلا عرس بلا هم.. وراح أبو مساعد ورجع ومعه عشاء يمني نفسه بسهرة عاطفية مع زوجته بزينتها الكاملة.. وعندما دخل وجد زوجته أعدت له مفاجأة إذ فسخت ملابس العرس ولبست خلق من قمصانها ومسحت الماكياج وجلست تنتظره.. وعندما شافها أبو مساعد على هالحال.. استغفر الله وتمالك نفسه من الغضب من أن يمسها بسوء، وأخذ العشاء معه إلى ربعه في الاستراحة، وقال لها الشرهه مهيب عليك علىّ أنا اللي بغيت أسوي معك سهرة حلوه مثل ليالي شهر العسل.. لكن منتيب كفو .

الله يستر

دمعة القمر · 29-06-2005, 17:49

والله بيني و بينك كلهم غلطانين .........
اولا الزوجة لازم تحط فبالها انه زوجها اهم من هالدنيا كلها يعني الكشخة ماهي للطلعات وبس هو بعد له حق انه يشوفها في احلى و كامل زينتها لكن ما نقول الا الله يهدي بعض النسوان تهمل نفسها و اذا شافت زوجها يطالع بوحده متكشخة في التلفزيون زعلت طيب لو انتي من الاساس مهتمة بعمرك ما كان طالع بغيرك...........
ثانيا: الزوج كان بامكانه يأجل موضوع الليلة الرومنسية في ليلة ثانية لانه ما هي حلوة انه يخليها تتجهز و يوم تبي تطلع يقول منت برايحة لانها والله حركة بايخة...........
لكن في بعض الازواج و بعض الزوجات عليهم طريقة تفكير غريبة و الله يهديهم و ........

moontear

بنت الرجال · 03-07-2005, 16:14

صراحه كلهم يبي من يكفخهم وكل واحد غلط بشي الله يصلحهم بس

يعطيك العافيه مستر على هالقصه ونتظر منك المزيد

تحيتي

دمت بخير

Mr Philosoph · 14-07-2005, 10:55

شكرا لمروركم الكريم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع زوجتي