عالم الحياة الزوجية - منتدى

حنين الفؤاد · 25-03-2009, 22:00

السلام عليكم

مساء الخير

اليوم ذهبت امي لزيارة سيدة تعرفها واكيد يجب ان يفتح موضوع طلاقي فاهو فاكهة العصريه وتسليه وقالوا وقلنا وسمعنا ويقولون ومن كلام الحريم الي تعرفونه

بس الي ماتعرفونه ولا انا اعرفه انه طليقي خطب قبلي بنت من جماعته وسوت المسكينه حفله كبيره في قصر افراح وثاني يوم طلقهاااااااااااا

والمصيبه الثانيه ان بنت اخت زوجة عمي بعد خطبها ورفضته ولا جابت لنا الهانم خبر والله حرام عليها ليش مانصحتنا وحذرتنا منه ولا عشانه ولد خالها ماتبي تسوي مشكله وحطتني انا بالمصيبه

والكارثه انه قبل خطوبتي بيومين كان خاطب وحده ثالثه وراح يشوفها الشوفه الشرعيه وماعجبته وتركها وهم متكلمين معنا من قبلها بشهر

ياويلي وش هالنااااااااااااس معقوله يخطب من بيتين في نفس الوقت ويروح يشوف هذي ويرجع يشوف الثانيه فيه كذا سمعتو عن كذا

انا راسي صدع ورب البيت اول مادخلت امي البيت قلت لها استانستي قالت ايه والله وناسه قلت جبتو سيرتي قالت لا ماجبناها ليش نجيبها ماتبي تغثني بس وجها كان مليان كلام

واعرفها ماراح تصبر راح تتكلم وتركتها على راحتها

وقبل خمس دقايق ولا هي تقول تراه خطب وملك وطلق وبعدين خطب وشافها وتركها وبعدها خطب ورفضوه وصارت تقولي الكلام كانه قنابل فوق راسي الغشاشين المخادعين حسبي الله عليهم

السيده الي راحت لها امي زوجها من جماعة زوجي ومن قرايبه من بعيد

المهم قمت قلت لها وانا ماجابت سيرتي قالت تقول انه ماطلقك الا عشان ماتعرفين تسوين الشاهي هذا الي قاله للرياجيل هي بذمتكم وش رياكم مافي طفل بالابتدائي مايعرف يسوي شاهي مابالكم بحرمه طول وبعرض حقيرررررررررر وربي

الحين بتقولون خلاص انتهت السالفه ليش تعيدين وتزيدين بس انقهررررررررررت

حراااااااااااااام عليهم كلهم الي اشتركوا في هالموامره الحقيره وخلوني اخذ هالمريض نفسياً

حسبي الله عليهم كلهم

وهـــــــــــــــــــــــــــــم كل شي بهالدنيا وهـــــــــــــــــــــــــــــم

أتـــراه صحيح هذا الكلام الذي...

أسمـــعه؟؟

أتراه صحيح..
أم أنه يخيل لي...

أنه يخصني!!!

هل تحبني وتصرخ للعالم بحبي

هل أنت صادق في كلامك

أم أنها زوبعة في فنجان!!!

وثورة غاضب...

وصراخ محتاج...

ونداء محروم...

أم أنـــــــــــــه اعتـــــــــراف

منك بظلمك لي

وابتعادك عني وعن عالمي

لماذا ابتعدت عني

واليوم تناديني

تعالي
اقبلي
خذيني معك
غطيني بحنانك
ألصقيني بين أحضانك
اعتبريني بين يديك طفل رضيع
يحتاجك ويحتاج اهتمامك ,,,,

هل هذا الذي تريده مني فقط...

وبعدها اذهب ألي حيث لا أعود

كنت أمامك
كنت بجانبك

أنت من أهملني
أنت من قسا علي
أنت من لم تقدر ظروفي

تركتني... أحدث نفسي
تركتني... ابكي على حالي
تركتني... ولم تبالي

تخاطبني...
وكأني اقترفت في حقك جرماً كبير

وتحاسبني...
على شي لم ولأن يعنى لك شي

وبعدهــــــا

تبكي العذاب
تبكي الوحدة
تبكي الفراق
تبكي القسوة

وتقول...

تعالي
اقبلي
خذيني معك
غطيني بحنانك
الصقيني بين أحضانك
اعتبريني بين يديك طفل رضيع
يحتاجك ويحتاج اهتمامك ,,,,

كفــــــــــى
كفـــى
كفى

أنا لست لعبة بين يديك

تأخذني متى تشاء
وتتركني متى تشاء

آنساني... أنسى ذكرياتي معك
آنساني... أنسى ضحكاتي معك
آنساني... أنسى أحلامي معك

وسوف انسي

أني رائيتك
أني تمنيت سماع صوتك
وأني كنت في يوم من الأيام محتاجة لوجودك

اني كنت زوجتك وشريكة حياتك

حياتك المزيفه

ايها المزيف!!!

قسوتك... قتلتني
قسوتك... أحرقتني
قسوتك... زلزلتني
قسوتك... عذبتني

آآآآآآآآآآآآآآه يا قلبي

ورغم كل هذا...

فانا الان كرهتك

نعم كرهتك وكرهة الساعه التي عرفتك بها

اتراك انسان تمتلك نخوة الرجال

اتراك انسان تمتلك كرامة الرجال

ماهذا الذي فعلته

وماهذه الحياة التي تعيشها

اتراك سفاح ام مصاص دماء

الى هذه الدرجه تحب ان تعبث بقلوب النساء

تعشق تحطيم قلوبهم ومشاعرهم

اتراك مصاب بنفصام بالشخصيه

لماذا لم تمت قبل معرفتي بك

ليتك مت قبل ان اعرفك

ليتك مت وارتحت منك ومن معرفتك

ليتك مت ليتك مت ليتك مت

انت تستحق الموت

تستحق الحكم عليك بالاعدام

اتراني اخر الضحايا ام هناك ضحايا قادمات

اكــــــــرهك اكرهــــــــــك اكرهـــــــــــك

ليت لي سلطه والله لا ابقي لك يوم اخر تعيشه في هذه الدنيا

ايها المخداع الغشاش الخاين الغدار المنافق

ااااااااااااااااااااااااااااه انا حنين اقع في يد واحد مثلك

ياخسارة الايام وياسخرية القدر ياااااااااااا عذاباااااااااات الاحلاااااااااااااااااام

الحمدلله الذي نجاني منك ومن وجودي معك

الحمدلله اني خرجت منتصره نظيفه

غير متسخه بقذارتك

ربي معي ويحبني

وكل يوم يثبت لي انها خيره طلاقي منك

اللهم لك الشكر والحمد اليوم

وكل يوم وكل يوم وكل يوم

الحـــــــــــــمد لله لك يارب

تحياتي الممزوجه بدموعي:*_*:

المررتفع · 25-03-2009, 22:07

ولا يهمك يا حنين انتي رافعة الراس

يكفي انك طلعتي بمعزتك

وهذه الاشياء اللي سواها صدقيني ماراح تضرك باي شي بالعكس هو اللي راح يتضرر لانه فقد بها رجولته وشهامته

احتسبي الله عليه

واعلمي ان الله اذا احب عبدا ابتلاه

اعانك الله

@ملك روحي@ · 25-03-2009, 22:19

لاتزعلي ياقلبي هاذه شخص
حقيررروغبي
بيفتكر بنات الناس لعبه
الله ينتقم منه وياخذ حقق
من هاذه الا انسان عن قريب
وقولي الحمدلله انك افتكيتي منه
هو هاذه رجل علشان تفتكريه
خلاص انسي لاتفكرى فيه ثاني
وان شاء الله تتزوجين عن قريب
احسن منه الله يعوضك يارب
والله يسعدك

حنين الفؤاد · 25-03-2009, 22:19

اقتباس:

المشاركة الأصلية كتبت بواسطة المررتفع

ولا يهمك يا حنين انتي رافعة الراس
يكفي انك طلعتي بمعزتك
وهذه الاشياء اللي سواها صدقيني ماراح تضرك باي شي بالعكس هو اللي راح يتضرر لانه فقد بها رجولته وشهامته
احتسبي الله عليه
واعلمي ان الله اذا احب عبدا ابتلاه
اعانك الله

والله العظيم احس راسي يطبخ بنفجررررررررررر

الا الخداع والغش

والمصيبه شايف عمره ونافخ صدره

ياربي معقوله بنت خاله ماتحذرنا ماتنصحنا

يعني مو حرام عليهم اتطلق واخذ لقب مطلقه وانا ماعشت معه الا عشر ايام

يعني الناس مانسيو حنين وبعدهم يتكلمون عنهااااااااااااا

ياربي الفرج من عندك

يارب انصرني على الظالمين

تحياتي

كــ السجايا ــريم · 25-03-2009, 22:26

أمك ضعيفة ولا كان خذت دلة القهوة وكسرتها على رأسها
توها تتكلم ليش ما سكتت مثل ما سكتت قبل
ليش تتكلم الحين ولا تكلمت قبل

حنين الفؤاد · 25-03-2009, 22:28

اقتباس:

المشاركة الأصلية كتبت بواسطة @ملك روحي@

لاتزعلي ياقلبي هاذه شخص
حقيررروغبي
بيفتكر بنات الناس لعبه
الله ينتقم منه وياخذ حقق
من هاذه الا انسان عن قريب
وقولي الحمدلله انك افتكيتي منه
هو هاذه رجل علشان تفتكريه
خلاص انسي لاتفكرى فيه ثاني
وان شاء الله تتزوجين عن قريب
احسن منه الله يعوضك يارب
والله يسعدك

انا كل مانسيت جاني خبر يفجر دماغي

كل ماقلت خلاص رجعت لي السالفه

كل ماقلت خلاص عيا هو يقول خلااااااااص

وش اسوي للناس امسك افاومهم عشان لايتكلمون فيني

وحاط الشاهي عذره الله يفشله هذا عذر يقوله للرجال

عروس ماكملت شهر معاه يشتكي انها ماعرفت تسوي شاهي

حسبي الله عليه حسبي الله عليهم كلهم

شمعه الدنيا · 25-03-2009, 22:32

حنين انتي
سامعه
بالخلطه السريه للبهارات
مو اي بهارات
بهارات
سوالف الحريم
يعني الواحد اذا طلق وتطلقت
طلعو كلام فاضي وثلاث اربعه
كذب
بكذب
بعد انتي يمكن يطلعون عليك اشاعات
تصدقين
ولا ماتصدقين

لاتصدقين الحريم وقولي لمك
لاتلقي وجه لاحد بموضوع طليقك نهائي
واذا جت وحده
تبي تفتح الموضوع
سكريه
الله يذكره بالخير
وبس

حنين الفؤاد · 25-03-2009, 22:33

اقتباس:

المشاركة الأصلية كتبت بواسطة شغموم الشغاميم

أمك ضعيفة ولا كان خذت دلة القهوة وكسرتها على رأسها
توها تتكلم ليش ما سكتت مثل ما سكتت قبل
ليش تتكلم الحين ولا تكلمت قبل

امي ماهي ضعيفه ياشغموم

امي انسانه حكيمه وتعالج الامور بصمت وبهدوء مشاءالله عليها

اعرف ان قلبها يحترق وبتموت قهررررررررررررررر

بس ماعطت الحرمه فرصه وتكلمت عشان لا تنقل كلام على لسان امي

لان كل شي انتهى خلااااااااااااااااااااااص

بس هم بعدهم ماشبعو من الي سواه معي

لسى حب الانتقام مصيطر عليهم

ماكفاهم الي سواه في حنين

بعده وده يدوس على خشمها لكن معصي

حسبي الله عليه وعلى كل من وقف معه

kooko · 25-03-2009, 22:33

حسبي الله ونعم الوكيل بس

حنين الفؤاد · 25-03-2009, 22:38

اقتباس:

المشاركة الأصلية كتبت بواسطة شمعه الدنيا

حنين انتي
سامعه
بالخلطه السريه للبهارات
مو اي بهارات
بهارات
سوالف الحريم
يعني الواحد اذا طلق وتطلقت
طلعو كلام فاضي وثلاث اربعه
كذب
بكذب
بعد انتي يمكن يطلعون عليك اشاعات
تصدقين
ولا ماتصدقين
لاتصدقين الحريم وقولي لمك
لاتلقي وجه لاحد بموضوع طليقك نهائي
واذا جت وحده
تبي تفتح الموضوع
سكريه
الله يذكره بالخير
وبس

الله اعلم اذا صدق ولا كذب

بس اكيد انه صدق

لانهم ناس لاعندهم دين ولا ذمه ولا ناموس

وامي مسكينه والله ماتفتح سيرته في البيت بتفتحها عند الناس

واكيد انحرجت ياحبيبتي يامي

بس تقول الله يذكره بالخير مشاءالله ياشمعه

الله لايذكره بالخيررررررررررر الغشاش هذا

**الملـــــكـــــة** · 25-03-2009, 22:39

بالله ماعشتي معاه غير عشرة أيام أمداه يعرف انك ماتعرفين تسوين شاهي ؟؟

ياقلبي أنا عاذرتك وعاذره تحسرك على أيام الشوق واللهفة اللي عشتيها قبل زواجك على امل انك تعيشين مع رجل يسعدك وعيشك أحلى حياة ... أختي ألحين مخطوبة وقاعدة تجهز ومبسوووطه على الآخر وأنا أطالع فيها وأدعي لها .. وأتخيل كيف المطلقة كانت عايشة هذي السعادة قبل زواجها ويجي الحقير يكسر فرحتها ويصحيها من حلمها الجميل على كارثة ...

صدقيني حاسه فيك وحاسه في حزنك .. بس ياقلبي الين متى تظلين تعيدين فتح الأوراق القديمة ... حاولي تنسين .. حاولي تتغاضين .. حاولي تقفلين أي موضوع يتكلم عن هالرجل اللي مو قد المسؤولية ... تفكرينه ماندم انه طلقك ...؟؟ أنا متأكدة انه يتحسر في اليوم ألف مره ...وبعدين صدقيني هو اللي تفشل بعد ما طلقك والدليل ماحد راضي فيه ...ولا حد راح يرضى فيه ...

عيشي حياتك بسعادة وأنا متأكدة انك سعيدة بس ذكراه ترجع لك الأحزان ..

الله يوفقك يارب ويرزقك بالزوج الصالح الحنون اللي يعوضك كل أيام الحزن اللي عشتيها ..

حنين الفؤاد · 25-03-2009, 22:43

اقتباس:

المشاركة الأصلية كتبت بواسطة kooko

حسبي الله ونعم الوكيل بس

اي والله حسبي الله ونعم الوكيل

امانه ادعولي ان ربي يسهل دربي ويبعد عني كل مكروه وشر

احتاج داعاكم لي

kooko · 25-03-2009, 22:46

الله يسعدك ويعوضك ياحنوووو
وامك تصرفها صحيح ماعليك من احد

توتو2009 · 25-03-2009, 22:53

وسعي خاطرك حتى أنا انخدعت بطليقي رغم اني كنت مملكة سنتين وبعدماتزوجت وبان المستخبي الكل بدأ يلوم ابويه ليش ما استشارهم... وهم عارفين من أول ان زوجي أخلاقه سيئة....

ومازال حتى هذه اللحظه يشوه في سمعتي رغم انه تزوج وانبسط على قولته وآخر كلام قاله ان ابويه اللي طلقني منه والا أنا متقطعه عليه وابغاه مع اني انا اللي اصريت على طلبي للطلاق بعد حسبة طويلة عريضة لأخرج من هذه التجربة بأقل الخسائر...
حاولي تصيرين ريلاكس عشان صحتك....

حنين الفؤاد · 25-03-2009, 22:59

اقتباس:

المشاركة الأصلية كتبت بواسطة **الملـــــكـــــة**

بالله ماعشتي معاه غير عشرة أيام أمداه يعرف انك ماتعرفين تسوين شاهي ؟؟
ياقلبي أنا عاذرتك وعاذره تحسرك على أيام الشوق واللهفة اللي عشتيها قبل زواجك على امل انك تعيشين مع رجل يسعدك وعيشك أحلى حياة ... أختي ألحين مخطوبة وقاعدة تجهز ومبسوووطه على الآخر وأنا أطالع فيها وأدعي لها .. وأتخيل كيف المطلقة كانت عايشة هذي السعادة قبل زواجها ويجي الحقير يكسر فرحتها ويصحيها من حلمها الجميل على كارثة ...
صدقيني حاسه فيك وحاسه في حزنك .. بس ياقلبي الين متى تظلين تعيدين فتح الأوراق القديمة ... حاولي تنسين .. حاولي تتغاضين .. حاولي تقفلين أي موضوع يتكلم عن هالرجل اللي مو قد المسؤولية ... تفكرينه ماندم انه طلقك ...؟؟ أنا متأكدة انه يتحسر في اليوم ألف مره ...وبعدين صدقيني هو اللي تفشل بعد ما طلقك والدليل ماحد راضي فيه ...ولا حد راح يرضى فيه ...
عيشي حياتك بسعادة وأنا متأكدة انك سعيدة بس ذكراه ترجع لك الأحزان ..
الله يوفقك يارب ويرزقك بالزوج الصالح الحنون اللي يعوضك كل أيام الحزن اللي عشتيها ..

والله انا قفلت هالباب وتحسنت نفسيتي وبدات صحتي ترجعلي

وخلاص مبسوطه وراضيه بنصيبي بس الناس مايخلونك ترتاحين

لابد تجيك كلمه تغثك وترجعك على طير يالي على قولهم

انا ماذكرته هو انا مقهوره انا انخدعنا وانه جاء من يضحك علينا

سبحان الله فضحهم قدام الكل الله لايفشلنا

اسعدني مرورك

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

آآآآآآآآآآآآآه يالقهررررررررررررر!!!!