عالم الحياة الزوجية - منتدى

عيون ملائكية · 27-03-2009, 13:35

السلام عليكم ورحمه الله وبركاته ..

انا انقطعت عنكم الاسبوع اللي فات بسب وفاه ولد اختي ( الله يرحمه ويسكنه فسيح جناته ) بسب حادث اصطدم بجمل ..
كانت صدمه لنا .. بس الحمد لله الكل صابر .. لان كانت وفاته بيوم الجمعه وصلوا عليه بالحرم صلاه الجمعه ودفنوه بمكه ..

بس انا نفسيتي مره تعبانه لان ..
طبعا انا المفروض زواجي بشهر 7 بس ماتحدد لكن حاولت مع زوجي يأجله بسب الظروف ..
وقال باقي على الزواج 4 شهور ومافي احد حاد وتأخير الزواج لايقدم ولايأخر .. قلت ابي اسويه مختصر وبعد كان رافض حتى اهلي قالوا ياتسوي زواج وتفرحي او تأجلي لبعد العيد ..
حتى اختي الي ولدها توفى سمعت اني ابي اجل الزواج وقالتلي لا .. سوي زواجك وكلنا بنفرح وانا من جد مره محتاره
اخاف اسوي الزواج واكون مااحترمت لمشاعرها
وتأجيل الزواج مو من صالحي لان انا لي سنتين ونص متملكه ولما جاني المهر الشهر اللي فات جهزت اشياء كثيره ..
وانا بصراحه تحطمت من كثر التأجيل ..
صحيح ان كل تأخيره فيها خيره بس من جد نفسيتي تعبانه ..
والمشكله زوجي يلاقي حجز بيوم 1/ 8
وهذا التاريخ فيه زواج اخت بنات اختي من ابوهم هي بتسوي زواجها وهم بيحضرون الزواج وزواجها بالديره .. ومره بعيده ..
وصعب اسوي زواجي بهالتاريخ واختي وبناتها مايحضرون يكفي اني بسوي زواج ..
وقلت هذا الكلام لزوجي مااقتنع وزعل مني وله 3 ايام ماعاد اتصل فيني مع انه المفروض يكون معي بهالظروف ..
من جد ماني عارفه وش اسوي .. تكفون ردوا علي ..

crâzy яoмâитic · 27-03-2009, 13:53

الله يعينك يارب

واحسن الله عزاكي واله يجعلها اخر الاحزان يارب

ان التوقع ان التفاهم هو الحل يعني اذا حابة تأجلي العرس لازم يكون زوجك راضي

واذا هو مو راضي اتوقع زواجك بعيد شوي في شهر 7 واحنى في 3 ولا تأجلية

والحي ابقى من الميت

حنون الجبيل · 27-03-2009, 14:24

عيون ملائكيه

وعليكم السلام ورحمة الله وبركاته

تحد الزوجه على زوجها ثلاثة أشهر هذا في الإسلام أما ماسواه فلا يوجد لاحداد ولاغيره .

نصيحتي لك

أن ترمي كل هذه المخاوف وراء ظهرك ورحم الله ميتكم ولكن جميع أقاربك بحاجة إلى أن يفرحوا بعد هذا الحزن قدر الله وماشاء فعل ..

أتمي الزواج ولاتحاولي أن تبيني لزوجك أن حدادك على إبن إختك أهم من الإرتباط به فالزوج حساس في هذه المرحله وأختك تحتاج لمن يدخل الفرحه في قلبها بعد هذا المصاب الجلل

توكلي على الله وصدقيني كل شي بيتغير بس حاولي تصالحين زوجك وقولي له أنت عندي بهالكون كلها والميت الله يرحمه ويجعله شفيع لأهله بإذن الله ..
إن شاءالله نكون وضحنا هالنقاط لك وألف مبروك مقدما

زعيم المحللين · 27-03-2009, 14:32

عظم الله اجركم .... واحسن الله عزائكم ...

بالنسبة للتاجيل .... بسبب حالة الوفاة ....

لا اراه مناسبا .... واختك ريحتك .... ورفضت التاجيل ....

اما عدم مناسبة اليوم .... للظروف الي ذكرتيها ...

هنا عليكي المحاولة مع زوجك ... بالتفاهم ... والكلمة الطيبة ....

اذا تجاوب .... خير وبركة ...

واذا رفض ... عليكي ان لا تغضبي .... فالمهم ....

اجتماعكما ... في بيت الزوجية .... ان شاء الله ....

وكل الي ذكرتيه .... امور بسيطة ... تحل بهدوء ....

والله ينولك الي في بالك .... ويتمم عليك بخير .....

دمـــــــــــــــــــتــــــــــــــــــــــــم

الـقـيـصـر · 27-03-2009, 14:37

عظم الله اجرك والله يرحمه ويسكنه فسيح جناته

انا لا اؤيد التاجيل ابداً

الميت الله يرحمه وشهر 8 باقي مده عليه

اما توافق الزواج مع اقاربك ممكن تتفاهمين مع زوجك بهدوء
والله يكتب اللي فيه الخير

اهم شي
تصالحي مع زوجك ولا تخلي هالسبب يبعدكم عن بعض
الله يوفقكم ويجمع بينكم بخير

عذبة الروح1 · 27-03-2009, 14:40

عليج السلام ورحمة الله وبركاته

واحسن الله عزاكم اختي

اربع شهور لين الزواج فتره طويله اعتقد

والله يصبرر اختج ويعوضها ان شاء الله

براي لاتاجلين الزواج كافي كثر ماتاجل

عالاقل شوي ادخلين الفرحه بقلوب الاهل

وهم يزفونج لبيتج

وعسى الله يهنيج

وتطلعين قمر بيوم عرسج

لاتحسين بتانيب الضمير لان اختج بنفسها قالت لا تاجلين

رقةمشاعر2008 · 27-03-2009, 14:59

عظم الله اجرك والله يرحمه ويسكنه فسيح جناته

انا لا اؤيد التاجيل ابداً

الميت الله يرحمه وشهر 8 باقي مده عليه

اما توافق الزواج مع اقاربك ممكن تتفاهمين مع زوجك بهدوء
والله يكتب اللي فيه الخير

اهم شي
تصالحي مع زوجك ولا تخلي هالسبب يبعدكم عن بعض

عيون ملائكية · 27-03-2009, 15:31

اشكركم ..
وجزاكم الله الف خير على التعزيه .
انا ماابي ازعل زوجي ورضيت ان يتم الزواج بس قلت ماابي يكون يوم 1/8
بعد ماقفل مني ارسلت له ( انا ماابي احملك شي فوق طاقتك بس اذا كان لي تقدير واحترام عندك بيوم
1/8 لاتحجز وانت وضميرك وانا اللي فيني يكفيني )
وبعدها ولا كلف على خاطره واتصل ..
هو المفروض يراعي ضروفي وضروف اهلي .. هو لاقى حجز بيوم 3/8 وسعرها مره مناسب ب12 الف وعلى اساس يشوف القاعه اليوم الثاني وبعدها ماعاد اتصل
وانا بالعكس ودي اتصل عليه واشوف وش صار بس هو اللي اخر مره اتصل علي وقالي 10 دقائق ولا عاد اتصل لان هذه عاده فيه من يوم ماتملكنا وانا اعاني منها..
وبعدين هو المفروض يتصل علي لاني انا نفسيتي تعبانه يوقف معي بشدتي .. ومايحاول يضغط علي .
واذا انا اتصلت بيكون ضعف مني ..

ضيم السنين · 27-03-2009, 15:38

احسن الله عزاكم

والله يرحم ميتكم ويغفرله ويسكنه فسيح جناته

اما عن تأجيل الزواج

مارح يفيد بشي هالدنيا محد يدري وش يصير فيها كل للحظه تصدمنا بشي يعني محد يضمن لو اجلتيه لاسمح الله وش بيصير بعد

اختس الله يجبر مصابها ويربط على قلبها ويصبرهااا ويجعله اخر احزانكم يارب

تحضر معاكم وتوسع صدرها شوي

يعني ماله داعي التأجيل والحزن مو زين هذا قضاء وقدر

سوي عرستس وانبسطي وحاولي باختس تحضر واللي في القلب خلوه بالقلب

مدري احبه ؟؟ · 27-03-2009, 16:00

عظم الله اجركم حبيبتي الله يصبرك ويهون عليكم مصيبتكم ""

يالغاليه تأجيل الزواج ما بيرد اللي مات والفتره 4 شهور مو قليله وما يجوز الحداد على الميت اكثر من

3 ايام توكلي على الله واتميه دام اختك راضيه انك ماتأجليه خلاص ""صدقيني اجلتيه او ماأجلتيه حزنها نفسه لا بيكثر ولا

يقل بسبب تاجيل او غيره ""

اما الموعد اللي اختاره خطيبك وما راعى ظروفك حاولي معاه ارسلي له مسج ثاني

""قولي حبيبي لا تقسى علي واجبر بخاطري ولا تخلي حزني يزيد يكفي ان ولد اختي مات وانا كنت اتمنى يحضر زواجي لكن القدر اقوى مني

فلا تخليني انحرم حضور اختي ""يمكن يحن قلبه شوي لا تاخذين الامر انك تترجينه لا انتي تحاولين تكسبيه بالكلمه الطيبه ""

........الله يصبركم ويتمم زواجك مثل ماتبين ويحنن قلبه عليك .....

حنون الجبيل · 27-03-2009, 16:09

القضيه الآن أصبحت في الإختلاف في يومين فقط بينك وبينه !!!

وأصبحت المسأله مسأله كرامه وضعف !!!

نصيحه لكل الأخوات والله ثم والله ثم والله مافي شي اسمه كرامه بين الزوجين والزوجه اللي تبي تفكر بهالتفكير كرامه وماكرامه راح تشوف الويل بحياتها نصيحه من أخ حاولي تنسين وترمين شي اسمه كرامه بينك انتي وزوجك كرامتك محفوظه في بيت الزوجيه إلى في ماحرم الله هنا تأتي الكرامه أما ماسواها من أمور ثانويه تجردي من هذه الكلمه الهادمه لبيت الزوجيه ..

قومي بالإتصال به فالزوج له ضروفه أيضا قد يكون من جهة عمله أو من جهة الترتيبات الماليه أو من الناحيه النفسيه دعي الزوج يرتب كل شيء وهنيئا لك فهو يريد الإستعجال بالزواج فهذه بشارة خير لك

فكري زين ونصيحه حاولي تصالحينه وقولي له انا طوع أمرك وشورك وآسفه ع اللي صار ..

تحياتي والف مبروك

jewaher · 27-03-2009, 17:18

احسن الله عزاكي والله يهنيكي

عيون ملائكية · 27-03-2009, 19:27

اشكركم حبايبي على وقفتكم معي ..
الله يجعلها في ميزان حسناتكم ..
الحمد لله اتصل علي اليوم زوجي وكان مقتنع انه مايأخذ بموعد 1/8
وهو جالس اللحين يدور على القاعات ..
ادعوا لنا ان ربي يعوض صبرنا خير .. ويفتحها بوجهه ..

%انسه زحلطه% · 27-03-2009, 19:39

عظم الله اجركم ورخم اللع فقيدكم

انا رائي تسوين الزواج

وبالتوفيق

حنون الجبيل · 27-03-2009, 20:31

الف مبروك والله يجمع بينكم في خير ان شاءالله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون محتاجه لكم ..