عالم الحياة الزوجية - منتدى

ثلاثيني ومنفصل · 29-03-2009, 10:09

قبل البدء :

ماكتبت هنا موجه لفئه معينه من النساء المهملات وليس للعموم فمن هي قايمه ببيتها ومهتمه بزوجها نقولها بيض الله وجهتس وكثر الله من امثالك ومن قصدنا هنا غيرك وليس انتي سيدتي .. في موضوعي السابق ( تم .. تك تك .. فنيله علاق ) وجهت النقد لفئه من الرجال وكعاده الرجال ( فديتهم ) لم ياخذو الموضوع بحساسيه فهم على علم ان المقصود هم فئه محدده وليست كل الرجال

*********

لكل مجتمع عادات وتقاليد وملابس تقليديه وكلام وشفرات خاصه فيه وانعكست هالصور الذهنيه في مخيلتنا ورسخت وترسخت واتوقع صعب ازالتها بسهوله ولو بتفجير ديناميت ...

فمثلا مما رسخ في بالنا عن المجتمع المصـــري ( انه شعب وسيع صدر وكلهم يبون يعرسون ويدورون ومجتهدين في سبيل اتمام الزواج ومتطلباته ) .. ولو انهم من تالي يحاولون ابراز وجه اخر للأسر المترفه الهاي كلاس .. وان الشنب عندهم ماله ذيك الاهميه عشان كذا طايحين الجماعه هناك بجلط الشنبات وقد لاتميز الرجل من المرأه الا بالصدور ..

واما المجتمع السوري فمما ينقل لنا من مسلسلات ماقضبنا لهم جاده فالصوره عيت تثبت على شي مره تاريخيه ومره حداثيه ومره اجتماعيه .. ولو اني انظر ان الفرق بين الدراما السوريه والمصريه ان الدراما المصريه تشخص مشكلات المجتمع بينما الدراما السوريه تحاول تلميع صوره المجتمع .. وشوفونا ترانا رياجيل اشناب وحريمنا مطيعات وبناتنا مزايين ( على طاري المزايين من يعرف ايميل حميده بنت ابو حاتم اللي بباب الحاره يسعفني فيه ابيها بموضوع عائلي شوي ) .. ولكن المتفحص للمجتمع هناك يدري ان الاشناب قد ولى زمنها وكذلك النساء المطيعات .. وحتى البنات المزايين نشوفهن في المسلسلات ولانشوفهن في الواقع ( تحس كان هاللي بالمسلسلات محطوطات في مخازن ولايطلعن الا اذا جاء تصوير مسلسل ) ..

وعن المجتمع المغربي بسلامتهم ماحنا باللي شفنا لهم شي لتطوير الصوره النمطيه عندنا وكل اللي رسخ في بالنا .. ان من جاه مره ماعاد فكر يوطوط عند غيره .. ونتذكر الابيات اللي تقول

مشتاق للمغرب ولي قلب حساس *** الله يصبرني على نار شوقي

*********************

اما مجتمعنا السعودي .. فالصراع بين الرجل والمرأه لاينتهي وان كنت اشد على يد الرجال في مجتمعنا ( فديتهم ) ،، وقد تسألني ملقوفتن مـــا وتقولي ( ماهوب على كيفك ياثلاثيني وش هالحتسي )

هنا سانحني لارفع اقدامي واتربع على كرسيي الوثير وامخمخ وانا اكتب لان للرجل السعودي ( يالبى والله عينه ) فيه من الحسنات ماتغطي سلبياته .. ساعدد بعض هالايجابيات ( السلبيات حالات شاذه عشان كذا لاتنقز لي وحده تقول اعرف وحده زوجها سوى والا فعل وترك ) ..

المهم نرجع لايجابيات ربعنا ونسدح بعضا منها هنا كود نصحي قلوبا كانت غافله وعشان تعرف كل مهمله ان هالذيب اللي عندها عباره عن جوهره تمشي على الارض بفنيله علاق وسروال .. وقد اخترت هالوقت لكتابه هالموضوع عشان يستغلن الفرصه مع وقت خروج ازواجهن من الدوام لتصحيح ومعالجه ماكان من تقصيـــر ..

للرجل السعودي شجاعه ومرجله قلما تشاهد عند غيره .. برغم الجلافه اللي قد يصفه الكثيرات بها الا انه وقت الصدق خذ ولد .. فزوجته مصونه محافظ عليها .. ملبى جميع طلباتها .. ولو كانت مرهقه له .. قدر الامكان يسعى ان يعف نفسه عن اموال زوجته ان كانت موظفه او ذات دخل مادي .. فهو من يعول اسرته ولايطلب من زوجته اي مقابل لعلمه الموكد ان القوامه له هو وهي واجب شرعي عليه .. ( وهذا يندر ان نشوف مثله في باقي المجتمعات )

ايضاً فزعة الرجل السعودي لايضاهيها فزعه في كل شي سواء في العمل الخيري او الجهادي او حتى في التعامل اليومي .. وان الله احياكم وشفتوا الحريم يسوقن عندنا شوفوا لابنشرت بنت ولا تعطلت سيارتها وش راح يصير .. شرط لتسكر شوارع بسبب ان الشباب مسكرين الخط يصلحون كفر لاحد البنات .. او يحلفون على بعض من يوديها لبيتها لان سيارتها متعطله .. وعلى حسب المخلوقه تكون الفزعه .. فاللعوامل العمريه والتضاريسيه لها دور كبير في تحديد نوع الفزعه .. ولك ان تتخيل لو صار قدامك بنشر لفرفوره عمرها 19 والا 20 سنه فمن الطبيعي انك تبي تبي تحرق البريك حرق عشان توقف وتفزع لها ( والله يلوم اللي يلومك على هالشي ) ..

والرجل السعودي هو اللي يصرف دم قلبه عشان زوجته تكشخ لكل الناس الا له هو .. فراتبه يطير عند فستان لحضور زواج فلانه ولحفلة خطوبه فلانه ولهديه مولود فلانه ولشراء عطر ولا روج ولا عباه .. وتشوفها وهي طالعه لمناسبه او عزومه ( ضاربتن عمرها بالشيطان الرجيم من مكياج وعطورات تشق الجبهه ) واذا دخلت بيتها طقمت ببجامه القطن ونفشت الشوشه اللي ماحلاها ربي ..<<<<< فارقني هالزول اللي ماحلاه الله ..

وان تزوج يدور الوناسه وسعه الصدر والاهتمام عند غيرها راحت لاهلها تصيح ( تقول وش فيني عذروب انا يوم يتزوج علي ) ..

تقول احداهن مابي اقوله كلام حلو عشان مايتعود ( نعنبوا بليسك وهو كيس رز ولا سكر يبي يخلص ان قمتي تقولينه لزوجك كل يوم )

والثانيه تفخر انها ماتحط من راتبها في بيتها ريال واحد وان زوجها يتحمل الدين ويضطر للسلف عشان يوفر متطلبات البيت ولايطلب منها ..

وسالفه اخرى سمعتها من زميل توه معرس جديد يقول القهر إذا جلست تتدور بالأنترنت وتحاول تتثقف عاطفيا وجنسياً وتشوف وتتعلم وتسأل وش افضل الطرق وش اخر االحركات ـ

المهم يقول انك اذا جيت تسوي حركه جديده مع زوجتك ثم تقلب عليك وتتطالعك كذا بنص عين

وتقول لك

ووييييين عسى ماشر انهبلنااا <<<<<<<< هذا والله التحطيم

أيها الرجل السعودي برغم مانتعرض له من حملات شرسه داخليه وخارجيه فعلينا التكاتف لكي تحقق مطالبنا في العيش كباقي البشر ننعم بالرومنسه ونقضي على تعدد الزوجات نهائيا ( لان كلن لاقي راحته عند زوجته ) ولكي ايضا نقضي على العنوسه لأننا سنبادر للزواج مبكرين ومن يطق الورع 15 وحنا مزوجينه فرفوره بعمره بنطرب معها باول حياته .. فعلينا تشكيل حمله وطنيه زوجيه تحت شعار ( بيجامه قطن ) وهي اشبه ماتكون بحمله ( كفايه ) في مصر وحمله ( لكي ماتنضربش على قفاك ) .. لكي يتعدل واقعنا الحالي لما هو اجمل .. هذا الموضوع ليس هجوما على المرأه بقدر ماهو محفز لها للاهتمام باهم رجل في حياتها فهو حبيبها وولي امرها وابو عيالها ..

وانا بالرغم من كوني رجلا سبق لي الزواج وقد جاوزت الثلاثين لازلت افضل ان اعيش بين ملصقات صور شاديه وليلي طاهر ( ايام عزها ) وشمس البارودي اللي ماليه جدارن غرفتي وان اعيش الرومنسيه واحلم بها من خلال متابعتي ( لسنوات الضياع وغيرها ) على ان اقتل الحس الرومنسي لدي على يد مخلوقه مـــا تصبحني بتكشيره وتمسيني بتكشيره وهات هات ( عملت استفتاء بين زملائي واصدقائي عشان نشوف اسامي زوجاتهم بالجوال لقيناهم مسمين زوجاتهم بالجوال كالتالي _ هات _ عطني _ الزعوله _ نوره مشاكل _ المباحث العامه _ غلطه عمري _ توهيقه _ حصان ابليس ) .. هذه التسميات من المؤكد انه تعكس واقع يومي تعيس .. والشخص يتزوج ليستقر ويبني حياته المستقبليه مع شريكه تقدر اخنياره لها وتكون قدها وقدود ..

فلنشرع في هذه الحمله وللنساء اقول مره اخرى هذا الموضوع ليس هجوما بقدر ماهو محفز لتحسين الاداء والسعي للأفضل

*** بعد البدء

لو خيرت بين نساء الارض جميعا فلن اختار غير المرأه السعوديه

..

غزالة_ماتصاد · 29-03-2009, 10:54

والله الموضوع شكره حلو مررررررررررره

ويسلمووووو
بس والله الخط صغير و مووو وااظح بالمره

يالليت تعيده بخط اكبر بلييييييييييييييييز

وشكرا مرة ثانية

ثلاثيني ومنفصل · 29-03-2009, 11:00

اقتباس:

المشاركة الأصلية كتبت بواسطة غزالة_ماتصاد

والله الموضوع شكره حلو مررررررررررره
ويسلمووووو
بس والله الخط صغير و مووو وااظح بالمره
يالليت تعيده بخط اكبر بلييييييييييييييييز
وشكرا مرة ثانية

بالعكس مبين قدامي الخط وش كبره يمكن المشكله بجهازك ولا شي ؟؟

عموما ان كانت المشكله من عندي فارجو من المشرفين التكرم بتكبير الخط مع الحفاظ على تنيسق الموضوع .. ترا متعوب عليه وجايبن لي شركه افراح وزينه تركب وتفك وتنزل

حنونه ورومنسيه · 29-03-2009, 11:12

اشكرك يعطيك العافيه

ضيم السنين · 29-03-2009, 11:19

لبى السعودين كلهم

بخرج عن النص

انا مطبقه نظام السعوده ماشوف غيرهم رجال ( وجهة نظري وحره فيها

مهما سبينا وسخطنا فيهم الا ان مانشوف غيرهم

مقال رائع

ولو اني اغمض وافتح من صغر الخط

يعطيك العافيه

ثلاثيني ومنفصل · 29-03-2009, 11:29

اقتباس:

المشاركة الأصلية كتبت بواسطة ضيم السنين

لبى السعودين كلهم
بخرج عن النص
انا مطبقه نظام السعوده ماشوف غيرهم رجال ( وجهة نظري وحره فيها
مهما سبينا وسخطنا فيهم الا ان مانشوف غيرهم
مقال رائع
ولو اني اغمض وافتح من صغر الخط
يعطيك العافيه

ياليت ياضيم تراسلين الاداره عاجلا ( لاني مقدر ارسل من عندي ) عشان يعدلون الخط ويكبرونه ، مدري وش السالفه رغم انه طالع بجهازي بالمكتب وش كبره .. مدري وش منه العله

حلاوه قطن · 29-03-2009, 11:30

يسلمووووووووووووو

قحطاااني ماااركه · 29-03-2009, 11:35

ههههههههههههه والله انك خطير

تحيااااااااااااااااتي

ضيم السنين · 29-03-2009, 11:48

اقتباس:

المشاركة الأصلية كتبت بواسطة ثلاثيني ومنفصل

ياليت ياضيم تراسلين الاداره عاجلا ( لاني مقدر ارسل من عندي ) عشان يعدلون الخط ويكبرونه ، مدري وش السالفه رغم انه طالع بجهازي بالمكتب وش كبره .. مدري وش منه العله

عاجلا بعد اراسل من؟

اخاف يقشوني انا وموضوعك

عموما دزيت لهم قبل ليهونون الزوار عن القراءه

بحر وغروب · 29-03-2009, 11:52

ههههههههههههههههههههههههههههه

اما اسامي الزوجات دمــــــــــــار ربي يهديهم ويهدينا

اخوي مقال مررررررررررررره مخمخت فيه

واعجبني ,,,

يعطيك العافيه وربي يعوضك بالزوجه الصالحه والسنعه اللي تنسيك شمس البارودي وغيرها

ثلاثيني ومنفصل · 29-03-2009, 12:42

اقتباس:

المشاركة الأصلية كتبت بواسطة ضيم السنين

عاجلا بعد اراسل من؟
اخاف يقشوني انا وموضوعك
عموما دزيت لهم قبل ليهونون الزوار عن القراءه

يابنت الحلال رحت ادخل من اجهزه بعض الزملاء بالدوام بشوف كبر الخط هو بجهازي بس ولا عام ..

والله لا يوريك كلن يطالعني بنص عين كذا بنظرات مدري وش تبي ( مثل اللي يقول وش عنده ووش ناوي عليه وتخبرين عاد كيف تكون هالنظرات خاصه انهم يدرون اني منفصل والعزوبي الوحيد حاليا بالمكتب )

الوكاد ان الخط كبير حتى بذيك الاجهزه ( وحسافه الاحراج بس من ابو سعد والله ياهو فق خشته بشكل تقولين بيبلع له بعير الحين يمديه بث الخبر بكل الادارت ) ..

ومشكوره وماقصرتي

ضيم السنين · 29-03-2009, 12:49

اقتباس:

المشاركة الأصلية كتبت بواسطة ثلاثيني ومنفصل

يابنت الحلال رحت ادخل من اجهزه بعض الزملاء بالدوام بشوف كبر الخط هو بجهازي بس ولا عام ..
والله لا يوريك كلن يطالعني بنص عين كذا بنظرات مدري وش تبي ( مثل اللي يقول وش عنده ووش ناوي عليه وتخبرين عاد كيف تكون هالنظرات خاصه انهم يدرون اني منفصل والعزوبي الوحيد حاليا بالمكتب )
الوكاد ان الخط كبير حتى بذيك الاجهزه ( وحسافه الاحراج بس من ابو سعد والله ياهو فق خشته بشكل تقولين بيبلع له بعير الحين يمديه بث الخبر بكل الادارت ) ..
ومشكوره وماقصرتي

ياشين الطفاقه بس

لا هو المقال بس مو واضح ولا ردودك الخط وش زينه واضح مره

بس شكلك مدنق على الكيبورد تكتب من الحماس ومانتبهت لحجم الخط

ثلاثيني ومنفصل · 29-03-2009, 15:03

اقتباس:

المشاركة الأصلية كتبت بواسطة 22joje

يسلمووووووووووووو

مشكوره على طلتك

ابو قحفية · 29-03-2009, 15:12

والله يا ثلاثيني منفصل انت منتاز

ما شاء الله عليك

بس عسى منتب منفصل فعليا

وبعدين من ذيك السنة اطالع بالموضوع (بجامة قطن)

اقول ييييييييه ويش يبي ذا

حنا بعالم الحياة الزوجية

ولا بعالم البجايم القطنية

بس ويش رايك بالمثل

الخيل من خيالها والمرة من رجالها

ابيك تربع على الكرسي الدوار وتمخمخ في هالمثل

هل له أي أساس من الصحة ولا ليس له اي اساس من الصحة

: )

تقبل تقديرري لروحك العذبة

~ تَـــــــــرَف ~ · 29-03-2009, 19:10

يعطيــــــــــــــــــــــــــك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بجـــــــــــــامة قطــــــن