عالم الحياة الزوجية - منتدى

وميض الأمل · 29-03-2009, 12:47

مراحب امهات....

ودي أسأل من خلال خبرتكم أي أفضل أنواع الحليب الصناعي اللي يحل محل حليب الأم.....

أنا طفلي رافض يرضع من صدري من البداية وتعود يرضع من الرضاعة....يعني هو يشرب حليبي اذا كان في المرضعة بس اقصد عملية المص من صدري ...حاولت وبدون فايدة وقمت اشفط..طبعا تعرفون الحليب بالشفط ينشف وأنا يا دوب ينزل مني فقط قطرات قليلة لان عمره ما شرب من صدري...يعني ولدي اعتماده الكلي على الحليب الصناعي منذ الولادة...انا استخدم له حليب بيبيلاك لأن هو نفس الحليب اللي كانوا يعطونه اياه في المستشفى بس من كم يوم كنت اقرأ على علب الحليب في السوبر ماركت مثل حليب اس 26 انه بديل لحليب الأم في حال تعطل الرضاعة الطبيعية..ونفس الشي بالنسبة لحليب ابتاميل..انزين انتوا اش رايكم؟؟؟ بليز قولوا لي ..امبي حليب زين لولدي

شادن قطر · 29-03-2009, 12:51

وميض مافي شي اسمه احسن نوع ..انتي شوفي ايش اللي يرتاح عليه ولدج..يعني في نوع حليب الكل يمدحه بس ماارتاحت عليه بنتي يسبب لها اسهال ...انا عن نفسي استخدم حليب كيكوز وناسبها جدا
عندج نان يمدحونه بعد واتمنى الخوات ذوات الخبر يساعدونج

سيدة جديدة · 30-03-2009, 07:22

صباح الخير
يا ستي أنا نصحوني بابتاميل بس حسيته ثقيل جربت ببيلاك وبيوميل ونيرسي واس 26 وهو اللي كان يعطونه للطفلة بالمستشفى أحسنها اس 26 ونيرسي مع أن بنتي لسا تتبرز بصعوبة .

ام بسملة · 30-03-2009, 07:59

حسب معلوماتي اس 26 بس انا ما جربته لانو بتي بترضع طبيعي بس

لكن انا دخلت عشان ابارك ليك لاني كنت منقطعة عن المنتدى فترة طويييييييييلة وما عرفت انك ولدتي الا من الموضوع دا
الف مبرووووووووووووووووووووووووووووووووووووووووك وربنا يحفظلك ابنك من كل شر

a woman · 30-03-2009, 08:39

انا ابني استخدمت له سيميلااااك وهو حلو لكن طلع عيوننا بالامساااااااك

لكن معظم اللي اعرفهم استخدموا اس 26 واحس اطفالهم كانوا مرتاااحين معاه

وصحتهم حلوووه والله اعلم

خوخه1950 · 30-03-2009, 12:38

والله يا بنات انا بستعمل لابنى ابتاميل كمفورت ... والحمد لله ابنى ماشى عليه وما بيعمل معاه امساك ولاشىء ... بس الاحسن انك تسالى الطبيب هو اللى يقولك على اللبن المناسب .

amona_el9fra · 30-03-2009, 16:42

آنه استخدم لولدي سيميلاك ,, لان كانو يعطونه بالمستشفى .. والحمدلله مايسبب له امساك ..

M&H&R · 30-03-2009, 20:48

و أنا بستخدم لبنتي السيميلاك ومنيح ما سببلها الامساك بس كنت بتمنى ترضع طبيعي

معتقله بجريمه...حب!! · 31-03-2009, 05:03

سيميلاك حلو وبرضو بيبيلاك بس شوفي بعضعهم يكبرون عليه والبعض مايستقبلونه ويبقى جسمهم صغير مو كل الاطفال يناسبهم و واحسن شي للاطفال اللي معهم امساك ياخذون رضعت تمر كل يوم ويمشي بطنهم عادي او رضعة برتقال طازج<<<<مجربته

ام هباوي · 31-03-2009, 06:46

وميض الامل

حبيبتي هلا وغلا وينك افتقدناك بعد الولادة

حبيبتي الافظل تروحي تسألي طبيب اطفال

وبالنسبة لنوع الحليب انا ما لي خبرة بالحليب الصناعي

الحمد لله....وان شاء الله البنات ما يقصروا معك

وميض الأمل · 31-03-2009, 09:29

مشكورين على الردود بنات....بيبيلاك احس اوكي مع ولدي بس قصدي الحليب الأفضل من ناحية المكونات اللي تعوض عن حليب الأم لأن بيبلاك مو مكتوب عليه شي...بينما ابتاميل و اس 26 مكتوب انه يعوض عن حليب الأم....عشان جذي اسأل اخاف اعطيه شي ما يستفيد منه بينما في حليب ثاني اقوى من ناحية العناصر الغذائية...وعلى سالفة الغازات متأدية معاه مسكين يتألم بس اوكي مافي امساك.....

وميض الأمل · 31-03-2009, 09:38

أم بسملة

الله ييارك فيج حبيبتي...صار لي شهرين و12 يوم والدة....ربي يسمه منج ويحفظ جميع ابنائنا ان شاء الله...

أم هباوي

هلا حبيبتي ..اكيد ماعندي وقت ادخل مثل قبل بالاضافة اني ماعندي نت بالبيت والحين داخلة من الشغل ع السريع...

الرمش الطويل · 31-03-2009, 09:53

أهلين وممممممممووووض والله أنتي نفس حالتي أنا أبني ما مسك صدري أبدأ لكن لما أشفط له يرضع من الرضاعه...
بس شي يقهر لما يكون فيج حليب ومو راضي يرضع والله أبني كثير يمرض علي مع تغير الجو غير الأكزيما اللي تطلع بين فتره وفتره ...والكل يلومني يقولون لي أنتي ما رضعتيه طبيعي وأنا أقولهم هو ما مسك صدري وإلا أنا كنت اعطيه بس ما في فايده كان كله يبكي وأنا ازهق وأقوم اعطيه صناعي لما تعود عالحلمه الصناعيه....

أما بالنسبه للصناعي أنا أستخدم نــــــــان من نستله ممتااااااز الحمدالله مشى معاه ماسبب له أمساك ولا نفخه ولا غازات...

مرة أخوي تستخدم لعيالها نفسه وصديقاتي وأخت زوجي توها مربيه جديد بدت تستخدم له والحمدالله أوكيه...

طيوبة · 31-03-2009, 17:34

السلام عليكم انتي جربي وتعرفي انا بنتي ماناسبهاغيرسيملاك اما اس ٢٦ كان ثقيل عليها وتطلعه كله
في حليب لحالات الإمساك في الصيدلية ناسيةاسمه اختي تستخدمه لولدها وانتي اسألي الطبيب

ضحكة الدنيا ^_* · 03-04-2009, 23:55

هلا وغلا ومرحيا وموووض...

اخبارج يت قلبي .. الف الف الف الحمدلله على السلامه ..

والف الف الف مليار مبروك على المولود محمد .. جعله الله من مواليد السعاده ان شااء الله ..

واسفه على التاخير وانا ادري انج زعلانه مني وحقج علي يالغاليه ...

وهم ادري اني مقصره معاج واااايد .. واااايد .. واااايد .. حتى كلمه واااايد قليله في حقج ..

السموحه والعذر منج يالغلا ..

بالنسبه للحليب .. انا مت مع بنتي الى ان اكتشفت لها الحليب المناسب..

مثل ما قالوا لج الاخوات مافي شي اسمه احسن حليب على حسب الطفل ان كان يتقبل الحليب من

غير الالم او امساك يعني خلااص خلج عليه ..

بنتي يا طويله العمر اول ما اعطيتها نان ... بس كل يوم كانت تعمل لي عرس من البكى وربي اروح

العياده مرتين باليوم من كثر ما تبكي ..

يعني طواري الاطفال بالليل والصبح عياده واليوم الثاني عياده ثانيه .. كلهم يقولون لي غازات جدعيها

ويعطوني دوى ما منه فاااااايده ابد ...

الى ان اخذتها لعياده وقالت لي يمكن عندها حساسيه من حليب البقر ..

كتبت لي ادفانس ضد التحسس من حليب البقر << من ايش مصنوع الله اعلم من حليب حمار ..

المهم ... جربته عليها اسبوع ومشى معاها وكملت معاها ال10 ايام الى ان صابها اسهال<< الله يعز السامع

وبعدها ما استساغت الحليب ما تحبه .. .

وراح زوجي الفاضل الى الصيدليه .. وبدله له الصيدلاني بحليب اسمه اس اتش 26 مخفض ضد التحسس

والحمدلله وهي الى الحين ما شيه عليه الا ان الغازات كانت ماذيتها وديتها عند دكتور معروف وشاطر

اسمه مهند وكتب لها دوى مكتب عليه مكمل غذا طبيعي بنكهه الموز طارد للغازات وقال لي استعمليه

لها الى الشهر الرابع مافي اي اضرار وراح يريحها و3 مرات باليوم ..

وماااشاء الله هو الي فاد معاها .. والحمدلله يعني موضوع الحليب موضوع طويل بالنسبه للطفل ..

وكل ما اوديها عياده .. قبل لا اغير الحليب .. الدكتور يقول لي ليه ما ترضعيها من صدرك ..

كله من حليب الاصطناعي وش دخل اساسا حيب الام يعمل مغض للطفل اكثر

من حليب الصناعي .. اليوم الي كنت ارضعها فيه تبكي على طول وماتنام ..

وريحت بالي واعطيته الصناعي بس الى وصلت للمناسب تعبت .. وربي

يالله الله يعينج ويعنا كل مرحله من مراحل عمر الطفل متعبه مافي شي اسمه راحه والحمدلله على كل

شي ..

واسفه مره ثانيه ومووض .. وربي انج اخت عزيزه وغاليه ..

وربي لا يحرمني من تواصلج ..

سي يوو .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ما هو أفضل حليب صناعي؟