عالم الحياة الزوجية - منتدى

نواااره2009 · 30-03-2009, 01:20

[size="6"]السلام عليكم
أتمنى أسمع أرائكم ونصايحكم لي ..لعلي أرى شئ لم أكن أراه
(((بحاول أختصر)))مع العلم ان عمري 23 وزوجي 30 وكلانا مر بتجربة زواج فشلت لأسباب معينه
أنا شارطه على زوجي مطبخ مستقل وإكمال الدراسه وقبل كل هذا الإحترام والتقدير
ودق الصدر بالموافقه..وتم الزواج وكل واحد مقتنع بالثاني وراضي فيه وشفنا بعض قبل الملكه
زوجي عادي ككل البشر ليس أميرا أو وزيرا يعني تنازلت عن بعض أحلامي
وأنا عاديه ككل البشر لست أميره فزوجي تنازل عن بعض أحلامه
بعد الزواج كان مطبخي تحضيري يعني لازم أطبخ تحت مع أهله
أمه قالت يصلي وإسألوا اهل المسجد عنه(وهم يعرفون أني ملتزمه)والنتيجه مايصلي إلاالفرض اللي يناسب وقته(ونفسي لاتشتهي محادثه مالايصلي فكيف بزوج ولن يشعر بشعوري غير الذي عرف من هوالله؟)
قالت أمه عيالها الشباب ينامون تحت يعني مافيه أحد فوق غير غرفة البنات وغرفتي أنا وزوجي ولاأحد يطلع غير بنتي إذا بغت تذاكر؟؟ وصاروا كل عيالها فوق نازلين طالعين وغرفتي بجنب غرفتهم وأنا لازم أنزل لأن المطبخ تحت
قالت لها شقه غرفتين وصاله وحمام ومطبخ..وصارت غرفة نوم وبدون باب مفتوحه على صاله صغيرونه ونفس غرفة النوم فيها باب سحاب اللي هوالمطبخ(المطبخ نفسه مكان مغاسل اليدين يعني شالوها وحطو مطبخ)وجوات المطبخ باب سحاب شي بديهي اللي هو الحمام
كل شي قلت بصبر عليه والصبر الصبر الدنيا ماخلقت بيوم
عانيت كثير من الجوع أطبخ تحت يوم أنا ويوم خالتي تدخل معي أما بناتها فمايساعدوني عندنا وحده متهاوشه مع زوجها ولا تقوم هي وبزارينها وخواتها إلا العصر والغدا جاهز وياليت على كذا فأنا لاحظت بخل أمه وماتطبخ إلا القليل وكثيييير هي اللي تغرف غداي انا وزوجي ولاتحط إلاشوي أما إذا كنت مصلحه سلطه او مرق او..او..فماتحط إلاصحن واحد
كل شهر يدخلني جيان ونشري نواشف بس أنا ياناااااس أبي أرتاح بأكلي مودايم نواشف؟؟؟
في أول شهر من زواجنا وانا أصلا خجوووووووووله يقول إنزلي تغدي تحت(وعندهم ضيوف جالسين عندهم شهر كامل) أحيانا أنزل أتغدا وأحيانا لا وإذا نزلت أكل شوي وأقوم تعبت من الجوع ومره قلت مابي غدا ويوم دخل علي المغرب شافني أكل خبزه وجبنه وبأعلى صوته يقول اللي ماينزلون تحت يتغدون ياكلون جبنه مثل الفيران
تكلمت معه بموضوع الطبخ فوق قلت يارجال انا شارطه عليك ويماطل ماعندي فلوس أشري لك فرن غاز وثلاجه تكفي اغراضنا وعطيته فلوس شي ..
هذا غير إن زوجي مومعي دايم فاتح اللاب توب من الصباحيه فاتحه..
إنسان يحب التغييير بكل شي يمل بسرعه
ينتقد كل شي
حتى يقول من شفتك تتابعين القناه الأولى غسلت يدي منك
عباتي ماتعجبه
يبي وحده متفتحه
إنقلبت الدنيا عشاني قلت مره ابي استقل بمطبخي وقال إذا موعاجبك إجمعي عفشك وروحي لأهلك وبيت أهلك فاتح لك وانتي شارطه مطبخ وانا وافقت ولاني حاط لك إعتبريها لعانيه نصب عناااد ؟؟ قلت(وياليتني ماقلت) :أنتم قلتم أشياء كثيره وسكت بس المطبخ ماسكت عنه لأني محتاجته ؟؟قال:مثل إيش قلت:خالتي تقول العيال ينامون تحت وصارت غرفهم فوق؟؟قال:يعني امي كذابه ؟؟قلت:لا..وبعده وهزأني قدام أمه قال"أزعجتني أمك كذبت علينا أمك إكذبت علينا و الحيوانه تبي تطبخ فوق وبكره بتقول ابي بيت لحالي بنت شيوخ ومادري إيش؟؟؟ وقال سكري الباب باب غرفتنا(بعدماهزئني وراحت أمه) وطنشته ورمى علي الريموت وكان ماسك خيزرانه وراح وتركني
وجلست أصيح ودخلت أمه(قلت شكلها سمعت ضربة الريموت وبتخفف عني)
إلا وأشوف قدامي إنسانه ثانيه(عصبت مثل ولدها)وتهزئني ليش تقولين أمك كذبت علينا ماتستحين قلت ياخاله ماقلت كذا وياخاله السالفه موسالفه غرف العيال..العيال هذا بيتهم هم الداخلين وانا الطالعه والله ماااااااااعليها مني أكلتني بالهواش وقالت أنتي عايفته دقي على ابوك يجي ياخذك وفيها ترجيع مهر(الله من المهر)وأنتي تبين كل 6شهور مع واحد وولدي كلن تمناه قلت لأنهم ماعاشروه قالت لاوالله مالقا أحد يفهمه وروحي شوفي الله وش بيسوي بحالك دام الشيطان راكب راسك....وطلعت تركتني
المهم زوجي وداني لأهلي وطنشني وقال لأبوي ماراح احط لبنتك مطبخ..قال حنا شرطنا عليك قال أنا حلفت(الله من الدين)
بعد أسابيع رحت لبيتي أجيب أغراض ناقصتني وكتب...إلا وهي داخله هاجمه علي وسلمت وحبيت راسها
قالت وش عندك قلت باخذ لي أغراض
وتصارخ علي أنتي تبينه وإلا ماتبينه إذا ماتبينه قولي عايفته وإذا تبينه قولي شروطك(الحين إلا تحطني عايفته ليه؟؟؟ماتخاف الله؟؟؟عشاني قلت ابي اطبخ في جناحي ..عشاني طلبت حق من حقوقي خلاص حطوني مابيه..أنا مارضيت فيه أمس وبعافه اليوم..)قلت ياخاله شروطي زوجي عارفهم...وتضحك بسخريه وتهز راسها قالت ثلاجه وفرن شروطك ماتوقعتها منك يالمثقفه؟؟؟
ولا رديت
بعدين بدت بالصراخ انتي ماتبينا؟؟؟(قلت مومعناها مابيكم)
قلت ياخاله انا بعتذر منك ترى والله ماقلت امك تكذب علينا ...وتجلس تصارخ ..قلت ياخاله انا حزت بخاطري يوم قلتي تبين كل6شهور مع واحد وتصارخ وتمسك راسها يالكذااااابه وااااااااو جيبي القرآن إحلفي.....قلت ياخاله ماله داعي وحاولت أهديها ؟قلت ياخاله خلاص يمكن قلتيه وانتي معصبه قالت وااااااو ليه أنا فاقده عقلي....ومافيه فايده(وانا خوافه ماتعودت على المشاكل إنسانه مسالمه) ومن الرعب مسكت شنطتي وتجييييييييييي وتدفني وتصارخ بتطلعين وبكره تقولين ماخلتني آخذ أغراضي ...وتصارخ اقولك جيبيييي القرآن يالكذابه وانا لاشعوريا (أبي أنهي السالفه)طلعت القرآن إلا وتفتحه وتحط يدها قالت يارب ان كانت بنت فلان(نواااره)صادقه إنك تاخذ عمري اليوم قبل بكره وأن كانت هي الكذابه إنك تاخذ عمرها اليوم قبل بكره..
وتنزل من عندي طيرااان على سيارة أخوي وتبكبك أختك حلفتني(شفتم المصيبه)
المهم رجعت لزوجي وقال تطبخين فوق وبدفع كفاره على حلفي بس ثلاجه ماني شاريلك إلا عقب 6 شهور(شفتم حركات البزران)وانا رضيت أسايس الحياه وأتنازل والله لايضيق علينا الثلاجه صغيره والفرن كهرب وحالتي حاله لكن بنيت لنفسي سعاده يكفي إني أكل اللي يكفيني..
ومن رجعت جلست 10أيام مانزلت أسلم على أهله خوف من مواجهت أمه وبعدين كلمتها أعتذر عن كل شي(ويشهد الله إني أغليها غلا ماتصدقونه ومن عرفتها ماصار بينا إلا السالفه اللي قلتلكم عليها) طبعا زعل مني لأني مانزلت 10 أيام وكمان إعتذرت منه ...
لكن الرجال تغير كل أربعا ينقلب علي ومايرجع كويس إلاالسبت,,دايم جالس تحت ماأدري هويفرد عضلاته ويوري أخته إنه موكلني التراب وماعلي منها وإلا وش السالفه ولاياكل إلاتحت وانا والله ماعلي منه ياكل وين مايبغى لكن نفسه شينه ويدور اي شي يهاوش عنده ..والجمعه شافني زعلانه قال بتغدا اليوم معك(طبعا زعلانه موعشانه ياكل تحت زعلانه من حركاته واسلوبه كأني ذابحت له أحد)المهم جهزت الغدا إلا وأخته الكبيره (اللي إذا جاتنا يتغير)تصارخ تنادي زوجي إنزل تغد(وكأنه أصغر عيالها)هي أكبر منه بسنه او سنتين ...وترجع تنادي وانا في المطبخ المهم قلت له تبي أحط مع السلطه بصل اخضر قال إيوه... ويقوم أخيكم في الله وينزل بسرعه حتى مالبس نعاله ويتغدا تحت ويجي ولاعليه مني
السبت وإحنا جالسين نتغدا قال والله مشاق لغدا امي..أنا بكل هدؤ قلت :توك متغدي امس وقبله تحت ويصارخ علي سدي فمك إنطمي و...و..و....
ويسفهني طول اليوم ويوم جينا ننام حزت بخاطري ينام وهوزعلان قلت يافلان أنا اليوم مااقصد شي بكلامي وأنا فكرت قلت يمكنك تبي تتغدا دايم تحت ومنحرج مني ترى عادي سو اللي يريحك...ويصارخ علي انا لوابي اتغدا تحت ماشاورتك وسدي فمك و...و...
وبرد عليه إلا وتجيني ذيك الضربه على راسي وأنهار وأصيح ويجلس يدعي علي وانا اصيح من قلب ورحت توضأت وصليت ركعتين وتحسبت عليه قلت يارب انت تشهد إني ادور رضاه وقايمه بواجبه وهو يجيب لي ولنفسه الهم بدون سبب يارب عطه هم يشغله عني ويعرف ان حياتنا كذا حلوه وهويدور الهموم والمشاكل
وبعد اسبوع ضاقت فيه الدنيا قال انا حللت وعندي مشكله في الإنجاب بسوي عمليه وعندي غدد
قلت انا معك وهذا الله كاتبه لنا
قال لازم تنتبهين لكل شي ولكل حركه ترى نفسيتي تعبانه وبحط الحره فيك
وسمعت كلام كثير من قريباته(زوجي قاله لأخته وأخته تتكلم عند الحريم) واشد ألم إن الزوجه تكتشف إنها عايشه مع زوجها في غرفه بدون شبابيك وأبواب)
واجهته وقلت إني سمعتك قال إيه تكلمت وانا واثق بأختي وأختي أقرب الناس لي وكل شي بقوله حتى لو القهوه ماتعجبني بنزل بقول قهوتها موزينه؟؟؟
وبعد فتره سألني:إلا أنتي كيف عرفتي إني تكلمت فيك ترى ماخشت براسي إنك سامعتنا"" ويجلس يصارخ علي بتقولين وإلا لا وإذا ماقلتي ترى مايجي الفجر إلا وانتي عند باب أهلك
(وأنا مااقدر اقول مين اللي قالت مابي المشاكل) قلت حسيت من سوالف أختك إنك تعلمها..قال إيه أكيد بتنصحك(والله من الدلاخه إلاتمشي وتحكي فيني وتزيد بهارات)""المهم قال قومي جيبي القرآن إحلفي قلت عندي عذر شرعي قال قومي إنقلعي ورحت نومت
اليوم الثاني جا عطاني مية ريال(وإحنا متفقين على 5 ميه)قال تقضي فيهم للكليه ميه بس ودبري عمرك...أخذتها بكل هدؤ قلت طيب
أرسل رساله على جوالي إجمعي عفشك بوديك أهلك ...هنا أنا إنهرت بكيت وجمعت عفشي قال
بنفتح صفحه جديده وجلس يصيح يضيق صدري لوتروحين يومين عني
وبعد يومين نزلت صلحت عشا تحت لأن خالتي موفيه وزوجي بيتعشا برا
وتعشيت مع البنات وحطيت لأخوانه عشا
ويوم طلعت فوق قال وينك قلت عشيت البنات خالتي موفيه
قال من وين نزلت الرحمه؟؟؟؟
وانا في ذاك اليوم شفته مسجل بإسمه الحقيقي في موقع زواج مسيار طبعا غرضه موالزواج يتعرف ويكون علاقات ولفت براسي كل حركاته واسلوب حياته...تعلقه الشديد في اللاب توب وياويلي إذا مريت من عنده وشفت وش فاتح عليه..جوالاته دايم قفل مفتاح ...دايم تجيه رسايل ويكتب يرد.. مع إن أصدقائه يتصلون عليه يعني وش ذا الرسايل..جوال مطلعه جديد ويتعذر للشغل ومدري إيش..عدم إهتمامه فيني كأنثى في حياته دايم يردد إحمدي ربك أوديك لأهلك ومخليك تكملين دراستك وأجيب لك مقاضي مطبخك(ليه هوماخذني من اهلي جوعانه وعريانه...كان الحين بيشبع ويلبس سواء متزوج وإلا لا)..مايعرفني إلا إذا بغا حاجته وإلا غيييره فلااااا....جالس بس مع اللاب توب عمره مامسكني وقالي كلمه حلوه..اوجلس معي بدون ماينشغل بشي مايصدق يوديني عند أهلي وانا اللي أسأل عنه
هذا غير إنه قبل فتره يقول شوفي طلعات مافيه لوتموتين وطول ماأنتي على ذمتي ماتشوفين المطعم ولا تذوقينه واهلك ماعاد تروحين لهم إلا يوم واحد<<<يقاله يعاقبني تدرون ليش؟؟؟ لأني قلت له حنا ليش مانطلع مع بعض(من تزوجنا مره وحده تعشينا في مطعم ومره طلعنا للبر بس)
المهم ذيك الليله حطينا روسنا بنام وأخذ حاجته بطريقه زادت ضيقتي مع سالفة الخيانه حسيت مالي وجود عنده انا مالي مشاعر مالي احاسيس كنت متضايقه ابيه بس يضمني لو دقايق
قمت ورحت بكيت
رجعت بنام قال وش فيك قولي لي ابي اعرف الصياح وش سببه قلت أنا احتاجك احتاج انك تضمني قال انا اليوم العصر خميتك يالنصابه يالكذابه بتبلين علي؟؟؟؟؟(ليه حنا في محكمه)وانا اصلا مومرتاح في شغلي ومع اصدقائي واهلي وحياتي كلها تدرين ليش؟؟؟لأني اصلا مومرتاح معك
قلت ليش انا وش مقصره فيه قول فيك كذا وكذا
وطنشني وراح ينام في الصاله
انا بكيت وقلت له خلاص طاقتي خلصت ودني لأهلي
ويصارخ علي سدي فمك وقال كلام موزين
قلت انت ترضى احد يقولك كذا
قال لا...وانتي......
قلت ليش تقول لي كذا انا بنت شوارع
قال انتي بنت حيوان بنت ......
قلت استح على وجهك إلاابوي وقام ضربني
وداني لأهلي اليوم الثاني زياره وانا ساكته
وبعد شوي دق علي قال بجيب امي واختي تقولين قدامهم من اللي علمك إني تكلمت فيك(شين وقوة عين...سواليفه سوالف حريم)قلت اجل حتى انا بواجهك بأوي انك قلت بنت كذا وكذا...و ارسل رساله انتي طالق
وبعد اسبوع جانا وهويصارخ ولاسلم على ابوي... واخوي قاله لاترفع صوتك على الوالد(وطلع إشاعه إنا تهجمنا عليه)
وقال عند أبوي ليش هي تحلف امي؟؟؟ وتراني رجعتك على ذمتي وإنطقي عند اهلك

فلسفة مشاعر · 30-03-2009, 01:58

مدري اعذريني احس زوجك فيه حاله نفسيه

deema84 · 30-03-2009, 02:03

الله يكون بعونك يا الله شو تاثرت من قصتك الله يصبرك حبيبة قلبي انتي شكلك عاقلة و بتخافي الله خلص ما ترجعيلو بما انو لسه ما عندك اولاد والله يعوضك بالخير اللي بتستاهليه

قحطاااني ماااركه · 30-03-2009, 02:05

[size="6"]السلام عليكم
أتمنى أسمع أرائكم ونصايحكم لي ..لعلي أرى شئ لم أكن أراه
(((بحاول أختصر)))مع العلم ان عمري 23 وزوجي 30 وكلانا مر بتجربة زواج فشلت لأسباب معينه
أنا شارطه على زوجي مطبخ مستقل وإكمال الدراسه وقبل كل هذا الإحترام والتقدير
ودق الصدر بالموافقه..وتم الزواج وكل واحد مقتنع بالثاني وراضي فيه وشفنا بعض قبل الملكه
زوجي عادي ككل البشر ليس أميرا أو وزيرا يعني تنازلت عن بعض أحلامي
وأنا عاديه ككل البشر لست أميره فزوجي تنازل عن بعض أحلامه
بعد الزواج كان مطبخي تحضيري يعني لازم أطبخ تحت مع أهله
أمه قالت يصلي وإسألوا اهل المسجد عنه(وهم يعرفون أني ملتزمه)والنتيجه مايصلي إلاالفرض اللي يناسب وقته(ونفسي لاتشتهي محادثه مالايصلي فكيف بزوج ولن يشعر بشعوري غير الذي عرف من هوالله؟)
قالت أمه عيالها الشباب ينامون تحت يعني مافيه أحد فوق غير غرفة البنات وغرفتي أنا وزوجي ولاأحد يطلع غير بنتي إذا بغت تذاكر؟؟ وصاروا كل عيالها فوق نازلين طالعين وغرفتي بجنب غرفتهم وأنا لازم أنزل لأن المطبخ تحت
قالت لها شقه غرفتين وصاله وحمام ومطبخ..وصارت غرفة نوم وبدون باب مفتوحه على صاله صغيرونه ونفس غرفة النوم فيها باب سحاب اللي هوالمطبخ(المطبخ نفسه مكان مغاسل اليدين يعني شالوها وحطو مطبخ)وجوات المطبخ باب سحاب شي بديهي اللي هو الحمام
كل شي قلت بصبر عليه والصبر الصبر الدنيا ماخلقت بيوم
عانيت كثير من الجوع أطبخ تحت يوم أنا ويوم خالتي تدخل معي أما بناتها فمايساعدوني عندنا وحده متهاوشه مع زوجها ولا تقوم هي وبزارينها وخواتها إلا العصر والغدا جاهز وياليت على كذا فأنا لاحظت بخل أمه وماتطبخ إلا القليل وكثيييير هي اللي تغرف غداي انا وزوجي ولاتحط إلاشوي أما إذا كنت مصلحه سلطه او مرق او..او..فماتحط إلاصحن واحد
كل شهر يدخلني جيان ونشري نواشف بس أنا ياناااااس أبي أرتاح بأكلي مودايم نواشف؟؟؟
في أول شهر من زواجنا وانا أصلا خجوووووووووله يقول إنزلي تغدي تحت(وعندهم ضيوف جالسين عندهم شهر كامل) أحيانا أنزل أتغدا وأحيانا لا وإذا نزلت أكل شوي وأقوم تعبت من الجوع ومره قلت مابي غدا ويوم دخل علي المغرب شافني أكل خبزه وجبنه وبأعلى صوته يقول اللي ماينزلون تحت يتغدون ياكلون جبنه مثل الفيران
تكلمت معه بموضوع الطبخ فوق قلت يارجال انا شارطه عليك ويماطل ماعندي فلوس أشري لك فرن غاز وثلاجه تكفي اغراضنا وعطيته فلوس شي ..
هذا غير إن زوجي مومعي دايم فاتح اللاب توب من الصباحيه فاتحه..
إنسان يحب التغييير بكل شي يمل بسرعه
ينتقد كل شي
حتى يقول من شفتك تتابعين القناه الأولى غسلت يدي منك
عباتي ماتعجبه
يبي وحده متفتحه
إنقلبت الدنيا عشاني قلت مره ابي استقل بمطبخي وقال إذا موعاجبك إجمعي عفشك وروحي لأهلك وبيت أهلك فاتح لك وانتي شارطه مطبخ وانا وافقت ولاني حاط لك إعتبريها لعانيه نصب عناااد ؟؟ قلت(وياليتني ماقلت) :أنتم قلتم أشياء كثيره وسكت بس المطبخ ماسكت عنه لأني محتاجته ؟؟قال:مثل إيش قلت:خالتي تقول العيال ينامون تحت وصارت غرفهم فوق؟؟قال:يعني امي كذابه ؟؟قلت:لا..وبعده وهزأني قدام أمه قال"أزعجتني أمك كذبت علينا أمك إكذبت علينا و الحيوانه تبي تطبخ فوق وبكره بتقول ابي بيت لحالي بنت شيوخ ومادري إيش؟؟؟ وقال سكري الباب باب غرفتنا(بعدماهزئني وراحت أمه) وطنشته ورمى علي الريموت وكان ماسك خيزرانه وراح وتركني
وجلست أصيح ودخلت أمه(قلت شكلها سمعت ضربة الريموت وبتخفف عني)
إلا وأشوف قدامي إنسانه ثانيه(عصبت مثل ولدها)وتهزئني ليش تقولين أمك كذبت علينا ماتستحين قلت ياخاله ماقلت كذا وياخاله السالفه موسالفه غرف العيال..العيال هذا بيتهم هم الداخلين وانا الطالعه والله ماااااااااعليها مني أكلتني بالهواش وقالت أنتي عايفته دقي على ابوك يجي ياخذك وفيها ترجيع مهر(الله من المهر)وأنتي تبين كل 6شهور مع واحد وولدي كلن تمناه قلت لأنهم ماعاشروه قالت لاوالله مالقا أحد يفهمه وروحي شوفي الله وش بيسوي بحالك دام الشيطان راكب راسك....وطلعت تركتني
المهم زوجي وداني لأهلي وطنشني وقال لأبوي ماراح احط لبنتك مطبخ..قال حنا شرطنا عليك قال أنا حلفت(الله من الدين)
بعد أسابيع رحت لبيتي أجيب أغراض ناقصتني وكتب...إلا وهي داخله هاجمه علي وسلمت وحبيت راسها
قالت وش عندك قلت باخذ لي أغراض
وتصارخ علي أنتي تبينه وإلا ماتبينه إذا ماتبينه قولي عايفته وإذا تبينه قولي شروطك(الحين إلا تحطني عايفته ليه؟؟؟ماتخاف الله؟؟؟عشاني قلت ابي اطبخ في جناحي ..عشاني طلبت حق من حقوقي خلاص حطوني مابيه..أنا مارضيت فيه أمس وبعافه اليوم..)قلت ياخاله شروطي زوجي عارفهم...وتضحك بسخريه وتهز راسها قالت ثلاجه وفرن شروطك ماتوقعتها منك يالمثقفه؟؟؟
ولا رديت
بعدين بدت بالصراخ انتي ماتبينا؟؟؟(قلت مومعناها مابيكم)
قلت ياخاله انا بعتذر منك ترى والله ماقلت امك تكذب علينا ...وتجلس تصارخ ..قلت ياخاله انا حزت بخاطري يوم قلتي تبين كل6شهور مع واحد وتصارخ وتمسك راسها يالكذااااابه وااااااااو جيبي القرآن إحلفي.....قلت ياخاله ماله داعي وحاولت أهديها ؟قلت ياخاله خلاص يمكن قلتيه وانتي معصبه قالت وااااااو ليه أنا فاقده عقلي....ومافيه فايده(وانا خوافه ماتعودت على المشاكل إنسانه مسالمه) ومن الرعب مسكت شنطتي وتجييييييييييي وتدفني وتصارخ بتطلعين وبكره تقولين ماخلتني آخذ أغراضي ...وتصارخ اقولك جيبيييي القرآن يالكذابه وانا لاشعوريا (أبي أنهي السالفه)طلعت القرآن إلا وتفتحه وتحط يدها قالت يارب ان كانت بنت فلان(نواااره)صادقه إنك تاخذ عمري اليوم قبل بكره وأن كانت هي الكذابه إنك تاخذ عمرها اليوم قبل بكره..
وتنزل من عندي طيرااان على سيارة أخوي وتبكبك أختك حلفتني(شفتم المصيبه)
المهم رجعت لزوجي وقال تطبخين فوق وبدفع كفاره على حلفي بس ثلاجه ماني شاريلك إلا عقب 6 شهور(شفتم حركات البزران)وانا رضيت أسايس الحياه وأتنازل والله لايضيق علينا الثلاجه صغيره والفرن كهرب وحالتي حاله لكن بنيت لنفسي سعاده يكفي إني أكل اللي يكفيني..
ومن رجعت جلست 10أيام مانزلت أسلم على أهله خوف من مواجهت أمه وبعدين كلمتها أعتذر عن كل شي(ويشهد الله إني أغليها غلا ماتصدقونه ومن عرفتها ماصار بينا إلا السالفه اللي قلتلكم عليها) طبعا زعل مني لأني مانزلت 10 أيام وكمان إعتذرت منه ...
لكن الرجال تغير كل أربعا ينقلب علي ومايرجع كويس إلاالسبت,,دايم جالس تحت ماأدري هويفرد عضلاته ويوري أخته إنه موكلني التراب وماعلي منها وإلا وش السالفه ولاياكل إلاتحت وانا والله ماعلي منه ياكل وين مايبغى لكن نفسه شينه ويدور اي شي يهاوش عنده ..والجمعه شافني زعلانه قال بتغدا اليوم معك(طبعا زعلانه موعشانه ياكل تحت زعلانه من حركاته واسلوبه كأني ذابحت له أحد)المهم جهزت الغدا إلا وأخته الكبيره (اللي إذا جاتنا يتغير)تصارخ تنادي زوجي إنزل تغد(وكأنه أصغر عيالها)هي أكبر منه بسنه او سنتين ...وترجع تنادي وانا في المطبخ المهم قلت له تبي أحط مع السلطه بصل اخضر قال إيوه... ويقوم أخيكم في الله وينزل بسرعه حتى مالبس نعاله ويتغدا تحت ويجي ولاعليه مني
السبت وإحنا جالسين نتغدا قال والله مشاق لغدا امي..أنا بكل هدؤ قلت :توك متغدي امس وقبله تحت ويصارخ علي سدي فمك إنطمي و...و..و....
ويسفهني طول اليوم ويوم جينا ننام حزت بخاطري ينام وهوزعلان قلت يافلان أنا اليوم مااقصد شي بكلامي وأنا فكرت قلت يمكنك تبي تتغدا دايم تحت ومنحرج مني ترى عادي سو اللي يريحك...ويصارخ علي انا لوابي اتغدا تحت ماشاورتك وسدي فمك و...و...
وبرد عليه إلا وتجيني ذيك الضربه على راسي وأنهار وأصيح ويجلس يدعي علي وانا اصيح من قلب ورحت توضأت وصليت ركعتين وتحسبت عليه قلت يارب انت تشهد إني ادور رضاه وقايمه بواجبه وهو يجيب لي ولنفسه الهم بدون سبب يارب عطه هم يشغله عني ويعرف ان حياتنا كذا حلوه وهويدور الهموم والمشاكل
وبعد اسبوع ضاقت فيه الدنيا قال انا حللت وعندي مشكله في الإنجاب بسوي عمليه وعندي غدد
قلت انا معك وهذا الله كاتبه لنا
قال لازم تنتبهين لكل شي ولكل حركه ترى نفسيتي تعبانه وبحط الحره فيك
وسمعت كلام كثير من قريباته(زوجي قاله لأخته وأخته تتكلم عند الحريم) واشد ألم إن الزوجه تكتشف إنها عايشه مع زوجها في غرفه بدون شبابيك وأبواب)
واجهته وقلت إني سمعتك قال إيه تكلمت وانا واثق بأختي وأختي أقرب الناس لي وكل شي بقوله حتى لو القهوه ماتعجبني بنزل بقول قهوتها موزينه؟؟؟
وبعد فتره سألني:إلا أنتي كيف عرفتي إني تكلمت فيك ترى ماخشت براسي إنك سامعتنا"" ويجلس يصارخ علي بتقولين وإلا لا وإذا ماقلتي ترى مايجي الفجر إلا وانتي عند باب أهلك
(وأنا مااقدر اقول مين اللي قالت مابي المشاكل) قلت حسيت من سوالف أختك إنك تعلمها..قال إيه أكيد بتنصحك(والله من الدلاخه إلاتمشي وتحكي فيني وتزيد بهارات)""المهم قال قومي جيبي القرآن إحلفي قلت عندي عذر شرعي قال قومي إنقلعي ورحت نومت
اليوم الثاني جا عطاني مية ريال(وإحنا متفقين على 5 ميه)قال تقضي فيهم للكليه ميه بس ودبري عمرك...أخذتها بكل هدؤ قلت طيب
أرسل رساله على جوالي إجمعي عفشك بوديك أهلك ...هنا أنا إنهرت بكيت وجمعت عفشي قال
بنفتح صفحه جديده وجلس يصيح يضيق صدري لوتروحين يومين عني
وبعد يومين نزلت صلحت عشا تحت لأن خالتي موفيه وزوجي بيتعشا برا
وتعشيت مع البنات وحطيت لأخوانه عشا
ويوم طلعت فوق قال وينك قلت عشيت البنات خالتي موفيه
قال من وين نزلت الرحمه؟؟؟؟
وانا في ذاك اليوم شفته مسجل بإسمه الحقيقي في موقع زواج مسيار طبعا غرضه موالزواج يتعرف ويكون علاقات ولفت براسي كل حركاته واسلوب حياته...تعلقه الشديد في اللاب توب وياويلي إذا مريت من عنده وشفت وش فاتح عليه..جوالاته دايم قفل مفتاح ...دايم تجيه رسايل ويكتب يرد.. مع إن أصدقائه يتصلون عليه يعني وش ذا الرسايل..جوال مطلعه جديد ويتعذر للشغل ومدري إيش..عدم إهتمامه فيني كأنثى في حياته دايم يردد إحمدي ربك أوديك لأهلك ومخليك تكملين دراستك وأجيب لك مقاضي مطبخك(ليه هوماخذني من اهلي جوعانه وعريانه...كان الحين بيشبع ويلبس سواء متزوج وإلا لا)..مايعرفني إلا إذا بغا حاجته وإلا غيييره فلااااا....جالس بس مع اللاب توب عمره مامسكني وقالي كلمه حلوه..اوجلس معي بدون ماينشغل بشي مايصدق يوديني عند أهلي وانا اللي أسأل عنه
هذا غير إنه قبل فتره يقول شوفي طلعات مافيه لوتموتين وطول ماأنتي على ذمتي ماتشوفين المطعم ولا تذوقينه واهلك ماعاد تروحين لهم إلا يوم واحد<<<يقاله يعاقبني تدرون ليش؟؟؟ لأني قلت له حنا ليش مانطلع مع بعض(من تزوجنا مره وحده تعشينا في مطعم ومره طلعنا للبر بس)
المهم ذيك الليله حطينا روسنا بنام وأخذ حاجته بطريقه زادت ضيقتي مع سالفة الخيانه حسيت مالي وجود عنده انا مالي مشاعر مالي احاسيس كنت متضايقه ابيه بس يضمني لو دقايق
قمت ورحت بكيت
رجعت بنام قال وش فيك قولي لي ابي اعرف الصياح وش سببه قلت أنا احتاجك احتاج انك تضمني قال انا اليوم العصر خميتك يالنصابه يالكذابه بتبلين علي؟؟؟؟؟(ليه حنا في محكمه)وانا اصلا مومرتاح في شغلي ومع اصدقائي واهلي وحياتي كلها تدرين ليش؟؟؟لأني اصلا مومرتاح معك
قلت ليش انا وش مقصره فيه قول فيك كذا وكذا
وطنشني وراح ينام في الصاله
انا بكيت وقلت له خلاص طاقتي خلصت ودني لأهلي
ويصارخ علي سدي فمك وقال كلام موزين
قلت انت ترضى احد يقولك كذا
قال لا...وانتي......
قلت ليش تقول لي كذا انا بنت شوارع
قال انتي بنت حيوان بنت زق
قلت استح على وجهك إلاابوي وقام ضربني
وداني لأهلي اليوم الثاني زياره وانا ساكته
وبعد شوي دق علي قال بجيب امي واختي تقولين قدامهم من اللي علمك إني تكلمت فيك(شين وقوة عين...سواليفه سوالف حريم)قلت اجل حتى انا بواجهك بأوي انك قلت بنت كذا وكذا...و ارسل رساله انتي طالق
وبعد اسبوع جانا وهويصارخ ولاسلم على ابوي... واخوي قاله لاترفع صوتك على الوالد(وطلع إشاعه إنا تهجمنا عليه)
وقال عند أبوي ليش هي تحلف امي؟؟؟ وتراني رجعتك على ذمتي وإنطقي عند اهلك

المعذره كبرت الخط عشان يكون واضح

أبو لين عبدالله · 30-03-2009, 02:22

اختي الفاضلة

اصبري واحتسبي على الله
واكثري من الاستغفار والدعاء
وخاصتن في الثلث الاخير من الليل

في وضعك هذا يتوجب عليك الانعزال
التام عنه اقفلي جوالك..
وخلي الكلام بين الرجال..
قولي لأبوك اذا كان حكيم
عن كل شيء ولاتخلين شيء ابد..
واذا يبغاك خليه يجلس مع ابوك
ويتفاهم معه..ولاترجعين حتى
يوافق على شروطك كاملة..

اسال الله ان يعينك ويرزقك الصبر ويأجرك

قحطاااني ماااركه · 30-03-2009, 02:29

لا حول ولا قوة إلا بالله العلي العظيم

والله يا اخت نواره 2009 خنقتني دموعي ... حرام وش سويتي له عشان يعاملك كذا على كلامك ما صدر منك إلا كل خير بس بصراحه انتي طيبه زياده عن اللازم وهذا لئيم لأن اللئيم يتمرد مع الطيبه ..

أنتي لازم توقفيه عند حده وبلاش تنازلات دامه مستهتر وما يخاف الله

خليك في بيت أهلك وأشترطي عليه شقه منفصله وأشتري راحتك وخليك مستقله عن اهله دام هذي علومهم !!

ولابد يتعهد أنه يعاملك معامله طيبه ترضي الله وترضي رسوله .. غير كذا أنفصلي دام ما فيه بينكم أطفال وربك كريم ما يخيب من رجاه واللي خلقه خلق أطيب منه ...

أسأل الله تعالى أن يفتح عليك ويفرج كربتك

قحطاااني مااركـــــــــــه

ملاك والله معي · 30-03-2009, 02:38

الله يعينك عليكي بالصبر والاستغفار هما مفتاح الفرج

**الملـــــكـــــة** · 30-03-2009, 02:40

هذا مستحيل أحد يقدر يعيش معه ...

ماشاء الله عليك واضح انك حكيمة وعاقلة وبنت أصل وخسارة وحده مثلك تعيش مع رجل مثله ...

صدقيني راح يجيب لك كل الأمراض .. أهم ماعليك صحتك النفسيه ياقلبي ...

حبيبتي الخبيثون للخبيثات والطيبون للطيبات ) وانتي انسانة طيبة وماراح تتفقين مهما حاولتي مع هذا الخبيث وأهله ...

أنصحك أن تنفذين بجلدك وصدقيني كل شي صار لك ماهو الا كفارة ..

ولا تقولين أنا تطلقت مره ما أبغى اتطلق مره ثانيه .. صدقيني ماحد درى عنك والناس ماحد يقدر يضرك ولا ينفعك لا تفكرين في كلامهم وتخافين من نظراتهم .. ربي بأذنه تعالى راح يعوضك بالزوج الطيب اللي يناسبك ...

صدقيني فرحت مره لما قلتي انه طلقتك قلت الحمد لله انها ماعاشت معاه أكثر من كذا وكانت الخساير أكبر بكثير ...

الله يوفقك يارب ويرزقك الزوج الصالح الطيب اللي يعرف قدرك ..

غفرانك ياالله · 30-03-2009, 02:47

السلام عليكم ورحمة الله
لاحولة ولاقوة الا بالله حسبي الله ونعم الوكيل فيه الله يصبرك اختي والله انا حسيت بيك لما قريت مشكلة وياليتها مشكلة واحد قولي مشاكل ومافي احد يساندك او يخفف عليك الحمل والله مادري ايش اقول لك او انصحك انا اصغر بكتير بئن اقول لك ما يجب فعله لاكن بدعيلك من كل قلبي ربي يلهمك الصبر ويلين قلب زوجك عليك يارب ويسعدك ويفرج همك لك اجمل تحية

ابوالشوق@نت · 30-03-2009, 03:00

الله يعينك والله رجال اخر زمن

خيركم لأهله · 30-03-2009, 03:33

هذا حلاته ... تجيبنين اخوك .. وتخلينه يأدبه

وبعدها ممكن يتأدب ...

كلي ملح ودمي سكر · 30-03-2009, 03:47

انتبهي لاتحملين

هذا مريض وكذاب

ومايستحق الطيب وانتي خسارة فية

لاززم رجال يتفاهم معاة

واصلا هو يبيلة تربية

اخلاقة عدم

يمكن حتى لو احد كلمة ماينفع فية هذي اخلاقة وهذي ترتبيتة

كان المفروض تسالون عنة زين

ولا تذلين نفسك عشانة لان هالاشكال ماتقدر الطيب

ماتجي الا بالقوة لازم رجال يكلمة من اهلك ويتفاهم معاة

رجال هذا مو رجال هذا ذكر

الله يعينك بصراحة زعلت عليك

ضيم السنين · 30-03-2009, 06:57

والله ان عيوني تناقزت من الخط رجاء خاص لكل من يكتب موضوع ارحمو عيني مالها داعي الصق بشاشه عشان بس اقرا

انا ماقريت السالفه كلها عشان الخط بس فهمت المضمون

انا اللحين ابفهم حقين نجد ورا يحشرون حريمهم مع اهلهم؟

وين الوحده تأخذ راحتها وهي بيت اهل رجلها المفروض شارطه عليه بالعقد بيت مستقل لتس

بس مافهمت يعني قصدتس انتس انتي وياه مطلقين قبل ولا شلون؟

بس زوجتس احسه يلعب حريم

بس ضحكت يوم يقولتس من تتابعين القناة الاولى غسلت يدي احس انه ماعنده ابد

خالتس مصدقها ولدها بكل كلمه وهذا هو الشيء اللي مخليها ضدتس

يعني البلا برجلتس وطريقة تعامله معاتس قبل لاتتورطين خلي ابوتس اخوتس يحطون له حد

الرجال دائما لما يحس ان في احد ورا زوجته بيخاف ويركد ويمشي على السراط المستقيم

امابالنسبه لكلامه والسب عادي كل الرجاجيل بوقت الغضب تسذا لاتنسين انه انسسان مو ملاك عشان يكون مثالي

والله يفرج همتس وهمي وهم كل مهموم ان شاء الله

ملثونه بث كلي احثااث · 30-03-2009, 08:11

لاحول ولاقوة الا بالله
يااااااكرهيي لاشباه الرجال الي يهدم حياته
ويضيع راحته عشان كلام حريم
يحشر نفسه في سوالف حريم مالها داعي
وبالاخير ماياكلها الا هو

ولا يخسر زوجته عشان مطبخ ولاشي تافهه
كلله عشان عناده وانه بين لاهله انه قوي ع زوجتة!!
واما بعض الحريم ياعليهم حسد وحقد
الله يكفينا شرهم مثل امه وخواته>>الله لايبلااااااااااانا
بدل ماينبسطون ان ولدهم متزوج ومنستر
يتحرشون فيه الى ان يهدمو حياته
والله مافي خوف من الله
الله يصبرك ياختي
ويكفيك شرهم
ويعينك ع لسان زوجك
مو رجال الي هذي الفاظه
اسوء شي
ان الزوج مايحترم زوجته ويتلفظ عليها
يازين الاحترااام بين الازواج
حتى لو مايحبها يحترمها ولا الطلاق
افضل لها
الله يعينك ع بلواك
اخوي كامل الدسم اعطاك المفيد
والله يصلح احوالك ويهدي بالك
ويسعدك

أبو لجين · 30-03-2009, 08:46

الأخت نواره ..
قريت موضوعك كاملاً .. وتأثرت والله العظيم باللي قلتيه ..

هذا ما يستاهلك .. ألعني اليوم اللي تزوجتيه فيه ..
وتطلقي منه .. هذا حتى الكلب أكرم وأشرف منه .. ولا يسوى موطى رجلك ..
واضح إنه منقاد خلف كلام الحريم ( أمه خواته إلخ ) .. وهذا فرقاه مكسب لك ..
ولا فيه خير .. وأي رجل أساساً يسمع لحرمه .. ويدخل نفسه بهالسوالف .. هذا ناقص رجولة ..

أتركيه وربي بإذن الله بيعوضك خير .. توك صغيرة ..
بس أحذري .. لا تتنازلين .. تعودي ما تتنازلين عن حقك ..

لما تتنازلين من البداية يعتبر ضعف .. ويبدأ بعدها مسلسل الإستغلال ..
كوني قوية الله يرضى عليك .. الطيبة اللحين ما توكل ولا حتى نواشف !!

.
.
.

ضيم السنين ..

ورا ما تعضين على شحمة كبر راسك وتسكتين ؟!

أهل نجد وش فيهم يوم تولجتيهم ؟ .. اتركي الملاغة وثقالة الدم وتكلمي زين ..
وإلا كرمينا بسكوتك !!

وبعدين ترى مو ضروري تقرين المواضيع .. طايحة هواش عشان بس حجم الخط ؟!
يا مال اللي ماني قايل .. ما تشوفين قحطاني كاتب رد وش كبره ؟!

وإلا بس تبين تهاوشين ؟ .. 200 مشاركة لك وكلها هواش .. وش هالفضاوة لابو الساعة اللي سجلتي فيها ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ليتك تموت اليوم وارتاح منك