عالم الحياة الزوجية - منتدى

مشتاقه لأبي · 02-04-2009, 01:37

[size="2"]اختي في الله قوت القلوب..
انا برأي ان الوحده تطنش ما ترد لا على الرساله ولا على الجوال لو دق عليها لين ما يمل عاد ويبطل يدق او يرسل.. لكن المشكله انه فيه البعض يتركوكي فتره >> شهر او اثنين<< بعدين يرجعون ثاني في الحاله هذي الافضل اخبار الزوج او الاخ لحل الموضوع .. في موقف صار ليا قبل فتره .. دق رقم غريب على جوالي وانا عادي ارد على ارقام غريبه لانه ممكن صديقاتي يكلموني من جوال الاهل.. ورديت قلت الو .. قال الو.. لمن سمعت صوت رجال قفلت الخط .. وصار طول الوقت يدق عليا.. وبعد كمان يرسل رسايل(( من يوم ما سمعت صوتك ما قدرت انام )) طبعا انا طنشته لين ما مل .. لكن للاسف تركني فتره ورجع بعد كم شهر .. بعدها خبرت زوجي بالموضوع ودق عليه زوجي طبعآ الرجال انكر لا وقال انه انا الاحقه وارسل رسايل بعد له .. الحمد لله انه زوجي واثق في ويعرف اني اخاف ربي كثير .. بعدها بطل يدق.. لكن حسيت انه تجيني اتصالات كثيره من ارقام غريبه وكأنه نشر رقمي.. في النهايه غيرت رقم جوالي .. الله يكفينا شر هؤلاء الناس . [/SIZE]

بْقَاٌيَاٌ҉ذِكْرَيَاٌتِ · 02-04-2009, 13:33

اقتباس:

المشاركة الأصلية كتبت بواسطة قــ القلوب ــوت

هلا وغلا بعودتك نوسة ..
وموقف لا تحسدين عليه ..
لكن الحمد لله عدى على خير ..
ولكن ترى نسيتي الموقف الثاني !!!
شاكرة مروك العطر ..
ودمتِ بخير

هلا بك زووووود .. ايه والله صح نسيت الموقف الثاني ..
هو بصراحه كان تهديد لي وهالمره غير كانت بنت ( ان ماتأسفت راح تنشر رقمي بالنت .. وراح اقولكم التفاصيل ..)

مره كنت مروقه لوحدي في البيت وجالسه اتابع التلفزيون جاني اتصال من رقم غريب ماعرفته
طنشت المره الأولى والثانيه اما الثالثه رديت .. طلعت بنت قالت هذا جوال رنــــــــــــا .. قلت لا يااختي غلطانه
قالت طيب شكرا ... وقفلت الخط
المره الثانيه رسلت رساله قالت والله انا حاسه انك أخت رنـــــــــــا .. بس تكفين ابغى رقم رنــــا

طنشتها .. بعدين تتصل وتفصل تتصل وتفصل وبعدها ارسلت كاتبه ( اذا انتي رنا تراك وحشتيني ..)

رسلت لها رساله قلت: يا ذي النشبه يا بنت الناس هذا لا جوال رنا ولا زوليخه ولا يحزنون انتي غلطانه ولاتزعجيني رجاءا

بعدين قامت تتصل رديت قلت : نعم يااختي تراك اذيتيني .. ذبحتيني برنا رنا رنا قلت لك غلطانه

تفهمين من خشمك ولا من وين بالضبط << عصبت بقوه ..

قالت اعصابك ياماما طيب هذا جوال مين وانتي مين قلت : لا والله هذا الي ناقص غلطانه وتتفلسفي

قالت: عن الغلط

قلت : وعن الهذره الزايده ولاعاد اشوفك تتصلين

قالت : أنا اوريك يابنت الـــــــــ ...........

والله غير انشر رقمك بالنت وانا بنت ابوي ..

قلت انشريه ياروح ماما وأعلى مابـــ خيلك اركبيه انشري وشوفي وش يجيك .. << أوخص يالقويه بنكهة خرطي

قالت طيب راح تشوفين

( وبيني وبينك وربي خفت منها وسويت نفسي ماهمني وانا من جنبها هههههههههههههههه )

الا نص ساعه وتهل الارقام اشكال وألوان .. قلت جابت لي العيد ويلي ويلاااااااااااااااه

الا ارسلت قالت هااااااااا بتتأسفين لي ولالا

قلت اشربي من مويه البحر .. والي براسك سويه وشوفي وش يجيك بكره .... << مصره عالقوه

جلست افكر وش اسوي بالأرقام الي هلت زي المطر .. فكرت بخــالي اتصل عليه يتصرف مع الارقام

وسويت تحويل لرقمه .......... لكن لارد علي ولا على الأرقام

بس ساعتين بالضبط

الا أكتشف أنها
7
7
7
7
7
7
7
7
7
7
7
7
7
7
7
7

خالتي وخالي مسوي فيني مقلب لاصار ولا استواء وبتخطيين من الطرفين
بعد ماجات تنزل دمعتي من الخوف مااغير ابلع ريقي من الموقف ...
اما الصوت ابدا ابدا ماعرفته وربي ماعرفتها مجرمه غيرت صوتها ...

يعني فكرت اقووووووول لخالي عالموقف اربع خمس ارقام صعبه اتصرف معهم لوحدي ..
وصعبه اقول لزوجي وتكبر السالفه معهم ويضطر يغير رقمي واخسره تهئ تهئ ... لكن الحمدلله طلع مقلب وهين مردوده ياخالووووو

قوت سوري سوري ماكأني كثرت الهذره خخخخخخخخخخخخخ وطلعت عن الموزوع

سامحيني قلبووووو ...............

ملكة الأنوثه · 02-04-2009, 20:35

موضوع حلوو شدني للمشاركه

أنا عن نفسي مستحيل أرد سواء على اتصال أو مسج إذا كان من رقم ما أعرفه

كذا أريح لي خاصة إنه كل يوم طالعين بطريقه جديده للتعرف

صار لي موقفين الأول نفس موقفك تقريبا

بس وربي طير النوم من عيوني اتصال أكثر من مره ورقم ما أعرفه ومن عادتي ما أرد

على رقم ما أعرفه بس مع كثرة الإتصال رديت ومن سمعت صوته قفلت وأستلمني

بعدها اتصال ومسج إلين طفشني بعمري ورحت أصلي الفجر بالحرم ولما طلعت فتحت

جوالي أستلمت حوالي 5 مسجات كلها حب وغرام وإنه يتمناني زوجه له جلست أضحك

وقلت عن جد طريقه غريبه هالأيام وطنشته وبعد الفطور أتصل وأعطيته الوالد ورد عليه

وأعطاه كم كلمه على راسه وما أتصل من بعدها

والثاني أنا أتصرفت فيه اتصالات ومسجات وواحد عارف اسمي وشوية معلومات عني أستغربت

لكن لأنه شريحتي باسمي قلت يمكن مطلع المعلومات عن طريقها وجلس حوالي أسبوعين

وهو يوميا يرسل ويتصل بس لما ما شاف نتيجه مل وما رجع اتصل مره ثانيه

يعني بصفه عامه الشاب هالفتره يبحث عن طرق جديده والبنت لما تكون عايشه بفراغ عاطفي

بتنتظر هالإشاره منه وكل يوم بتطلع لنا طريقه جديده وأسلوب غير ,,

يسلموو قوت على الطرح الرائع ويعطيك ألف عافيه

mlok · 02-04-2009, 20:57

تسجيل حضور ..
لي عودة بإذن الله ..

.¸¸.ღ روح ღ.¸¸. · 03-04-2009, 03:36

اقتباس:

أختي .. لو وصلتكِ رسالة مثل هذه الرسالة من رجل وأبدى اعجابه الشديد بك ورغبته في الارتباط بك .. كيف ستتصرفين ؟؟

اطنشه وماارد عليه ومباشره ابلغ ابوي او اخوي وخليهم يتصرفون معاه ..

بصراحة قوت انا قبل اسبوعين تقريبا صار لي موقف مشابه

بس الاختلاف ان المرسل شخص اعرفه يعني مو شخص مجهول
لا واحد من المعارف وكاتب اسمه بالكامل بعد ..!!

بجد قهرني كيف يتجرأ وبكل بساطة يرسل ع جوالي

طبعا انا مباشره قلت لأخوي وعطيته الرقم وهو تصرف معاه ..

كل الشكر لك قوت ع الطرح الرائع
موضوع يستحق النقاش بالفعل ..

الله يعطيك العافية

..

ابو سلمى · 04-04-2009, 23:38

السلام عليكم
وشلونك اختي قوت
موضوع رائع جدا للطرح
متابع فقط للموضوع وشكرا

قــ القلوب ــوت · 04-04-2009, 23:50

أخواني وأخواتي الكرام .. أعتذر عن تأخري بالرد عليكم ..
ولكني مريضة هذه الأيام .. ومشوشة التفكير ..
ولي عودة للرد عليكم جميعاً ..
دمتم بخير

.¸¸.ღ روح ღ.¸¸. · 04-04-2009, 23:56

سلامتك قوت
ماتشوفين شر ياالغالية

الله يشفيك ويريح بالك يارب : )

سندريلا زماني · 05-04-2009, 01:35

موقف صعب جدا ياقوووت

بس ماني فاكره موقف الان

لكن لو وصلتي هالرساله راح اخبر اقرب رجال بجنبي يسلم عليه ويبارك له ههههههههههههههههههههههههههه

ويعزمه على مفطح

واذا خلص متعشي يتوطااه ببطنه

شادن مون · 05-04-2009, 07:22

ان شاء الله ماتشوفين شر يالغلا وطهور ان شاء الله

.¸¸.ღ نور عيونيღ.¸¸. · 05-04-2009, 09:30

قوت القلوب,,,
أسال الله رب العرش العظيم ان يشفيك من كل داء اللهم آآآآمين
نجي الحين لموضوعك غاليتي بالنسبة ليا صارلي موقف تقريبا متل هيك وهي مرة قبل كم شهر اهلي كانوا
معزومين في زواج ولاني كنت مريضة لم استطع الذهاب معهم وبطبعي دائما الجوال يكون مغلق لما ادخل
البيت لكن ابوي اصر عليا تلك الليلة ان افتحه لكي يطمئن من وقت لااخر ورن المنحوس وتوقعته ياابوي ولااخوي لكن فوجئت بصوت مختلف لكنته تشبه اهل نجد وهي فقط كلمة الو الي قلتها وبعدها سكيت الخط في وجهه وحطيت الجوال علي الصامت وكملت نومي لكن عند الفجر لما صحاني اخوي صدمت من كثرة
الاتصال والرسائل وصلت حد 25 رسالة ,,, والصراحة الكلام الي فيها سببلي قشعريرة وعلي طول اعطيت
اخوي الجوال وريته جميع الموجود فيه وذلك لمصارحتي الشديدة له بكل مايحصل معي لكن الي ماتوقعته هو تصرف اخي عندما اتصل باالمغفل بدل مايشتمو قله ياخي مو حرام عليك تاذي الناس وهما نايمين يعني يرضيك انك طول الليل تاذي في جدتي وتري هي صوتها كذا من ربنا مااحد يتوقع انها عجوز وصار الغبي يتاسف ويقوله سامحني والله حسبتها بنت ,, وبعد أنتهاء المكالمة خبطت اخي لكلامه عني اني عزوزة لكن بجد ريحني منه واحسن شي تتصرفه المراة عموما تعطيه يااخوها او ابوها او زوجها بيكون احسن من وجع الراس والقلب لان الي مثل هذول احس انهم مثل الحيوانات بيحبوا ينقوا طول الوقت,,,
فدمتي بكل حب عزيزتي وابعد الله بنات المسلمين عن هاي الأشكال

قــ القلوب ــوت · 05-04-2009, 19:22

اقتباس:

المشاركة الأصلية كتبت بواسطة شادن مون

احييك اختي على هذا الطرح قرأت ماحدث لك وحبيت اقول الموقف اللي صار لي قبل 3سنوات
جتني رسالة من شخص كلها اعجاب وثناء قلت اكيد غلطان ماعطيتها بال بعدها توالت الرسائل وكل وحده
فيها تفصيل عني هنا بديت انجن يعني كأنه يقول انتي المقصودة وانا اعرفك وشوي شوي اسمي واسم عائلتي
واسم زوجي واطفالي ولا يتغزل الاخ ياسلام انا بصراحة خفت شوي قلت بنفسي شنو يبي والهدف وهذا كله علشان شنو المصيبه قالي ادري انك متزوجه وادري منو زوجك انا قلت خلاص وراويت زوجي الرسايل
كلهم وطلعت شريحه جديدة وبرضوا رجع انهبلت رقمي خاص ماعطيته احد الا اقاربي المقربين جدا اهلي
خواتي عماتي وخالاتي مافيه احد غريب انا عاد هنا تجاهلت الموضوع وعلمت اخوي الله يذكره بالخير ياحليله قبل لايتزوج هههههههههه المهم سجله عنده بأسم مزعج ومر الوقت وانا كل فتره وفتره يرسل مسج وبالاعياد بعد ماينساني يعايد واصل والله خخخخخخخخخخخخخ ثاني يوم العيد اتصل علي اخوي قالي
شوفي الشريحه بأسم واحد هندي مانعرفه قلت طيب قال بس اليوم ثاني ايام العيد قلت طيب قال فجأة مزعج يتصل بك يقول انا ضحكت يقول جيت وجابك الله طبعا مع العلم اخوي ماتصل عليه نهائيا
بس حاول يجيب الاسم فقط واتصل عليه من رقم ثاني وياه ومارد المهم توهتكم وياي طلع مين ياحزركم
طلع ولد عمتي كبير بالعمر تقريبا عمره41سنه مو متزوج وكان متقدم لي في يوم من الايام ونرفض ومتصل يبي يعايد اخوي ههههههههه كان ياخذ الرقم من موبايل عمتي واهي ماتدري سبحان الله بعد ماعايده اخوي قاله السالفه وقال احنا عارفينك من زمان بس والله علشان عمتي سكتنا وكان العيد بالنسبة لي عيدين لان والله لو درى زوجي عنه وداه ورا الشمس
طولت عليكم ادري بس حبيت اشارككم الموضوع لانه مر علي شخصيا
انا برأي التطنيش من البدايه واخبار الزوج اول بأول علشان مايتفاقم الوضع

مرحباً بمرورك أختي .. شادن مون
بصراحة موقفك صعب جداً ( ولد عمتك ) سبحان الله ..
زمان كانت المرأة تشد أزرها بأولاد عمومتها إذا لم يكن عندها أخوان .. والآن تأتي المصائب منهم ..
حسبي الله ونعم الوكيل .. تصرفك حكيم وسليم ..
والحمد لله أن الله سلم وانحل الموضوع قبل أن يصل لزوجك ..
شاكرة مرورك العطر
دمتِ بخير

قــ القلوب ــوت · 06-04-2009, 00:09

اقتباس:

المشاركة الأصلية كتبت بواسطة ســحايب

بقوله طيب ادخل البيت من الباب مو من الجوال ههههههه
رسالة مثل هالرسالة اتوقع بعطي الرقم لأخوي يتصرف معه
ولا حفكر اني احلها معه بنفسي ... ماتدرين بهالزمن كل شي ينخاف منه

مرحبا بمرورك أختي الغالية سحايب
صحيح ما ذكرتي أننا بحاجة لرجل لحل المسألة .. ولكن رجل عاقل وحكيم حتى لا يزيد الأمر سوء ..
شاكرة مرورك العطر
دمتِ بخير

قــ القلوب ــوت · 06-04-2009, 00:12

** مكرر

قــ القلوب ــوت · 06-04-2009, 00:16

اقتباس:

المشاركة الأصلية كتبت بواسطة حظي حلو

مساء الخير قوت
من زمان ما شفت لك مشاركات او مواضيع

صراحة ما صار لي موقف مثل كذا
بس ضحكت يتصل اخر الليل ويقول بتزوجك ههههههههههههههههههههه

شخصيا لو اتعرض لموقف مثل كذا على طول بعطي جوالي اخوي واخليه يرد عليه

مرحباً بك غاليتي .. حظو
مسائك أنوار .. ودوم الضحكة يارب .. لا وأزيدك من الشعر بيت ..
يقول : ( تكفين ردي بقلبي شي ما تشيله جبال ) ههههههههه
وتصرفك سليم 100% .. وأسأل الله أن لا تتعرضي لمثل هذا الموقف ..
شاكرة مرورك العطر
دمتِ بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تم استلام 1 رسالة جديدة ..