عالم الحياة الزوجية - منتدى

لـــمـــى · 31-03-2009, 03:42

وربي أكتب لكم وانا قلبي يتقطع عليها .. بنتي عمرها 7 أشهر .. في يوم لقيتها تنزف دم من فتحة الشرج .. ويوم وديتها الدكتور قال شرخ شرجي .. مشيت على العلاجات اللي وصفها الدكتور وسويت لها النظام الغذائي اللي قال عليه ..
بدل لي الحليب اللي اعطيه لها بنوع ثاني
و اعطاني لها تحاميل + كريم داخلي + كريم خارجي + شراب
قال لي ماأعطيها أي نوع من الأرز والقمح ومشتقاتهم ولا مانجو ولا موز ولا عسل ........... الخ
مشيت على كل هالكلام .. بس بنتي هالحين لها 3 اسابيع على نفس الحاله باستثناء مافيه دم .. بعدها تتألم ومعها امساك شديد .. ماتتبرز الا اذا اعطيتها الشراب والعلاجات هذي .. أما من غيرهم تظل تتألم ..
وربي قلبي يتقطع عليها وماصحاني هالوقت غيرها ..
الله يخليكم وش الحل ..؟؟؟
ومعقوله بتظل على هالحاله ..؟؟؟
وهل بيأثر عليها هالشي يوم تكبر ..؟؟؟
وهل ممكن تتطور حالتها لأسوأ من كذا ..؟؟؟
وسمعت انه فيه شي اسمه لصق الشرخ .. وشهو ..؟؟؟
ساعدوني جزاكم الله خير

د.سوسنة · 31-03-2009, 11:40

مرحبااختي لمى
سلامت بنتك
سؤال
هل الحالة معها مند تولدت ام لا.

غلطة عمري اني خليتك · 31-03-2009, 18:48

احب افيدك اتوقع ان بنتك معاها امسك شديد دهني المنطقه الشرجيه من الخارج ومن الداخل بزبت زبتون
وشربيها ملعقة زيت زيتون و خروع .......
ونصيحه لاتعطيها التحاميل لان ممكن تتعود عليها ماتتبرز الا بالتحاميل واعطيها تفاح وخضار وشربيها مويه كثير
ونقعيلها تمر في مويه وبعدين صفيه وشربيها على الريق وعلى فترات اعطيها....وان شاءالله ماتشوف شر
امانه رديلي بعدين تحسنت والا لا .........
اتمنى اني افدك .....

(السفيرة) · 31-03-2009, 23:45

اقتباس:

المشاركة الأصلية كتبت بواسطة لـــمـــى

وربي أكتب لكم وانا قلبي يتقطع عليها .. بنتي عمرها 7 أشهر .. في يوم لقيتها تنزف دم من فتحة الشرج .. ويوم وديتها الدكتور قال شرخ شرجي .. مشيت على العلاجات اللي وصفها الدكتور وسويت لها النظام الغذائي اللي قال عليه ..
بدل لي الحليب اللي اعطيه لها بنوع ثاني
و اعطاني لها تحاميل + كريم داخلي + كريم خارجي + شراب
قال لي ماأعطيها أي نوع من الأرز والقمح ومشتقاتهم ولا مانجو ولا موز ولا عسل ........... الخ
مشيت على كل هالكلام .. بس بنتي هالحين لها 3 اسابيع على نفس الحاله باستثناء مافيه دم .. بعدها تتألم ومعها امساك شديد .. ماتتبرز الا اذا اعطيتها الشراب والعلاجات هذي .. أما من غيرهم تظل تتألم ..
وربي قلبي يتقطع عليها وماصحاني هالوقت غيرها ..
الله يخليكم وش الحل ..؟؟؟
ومعقوله بتظل على هالحاله ..؟؟؟
وهل بيأثر عليها هالشي يوم تكبر ..؟؟؟
وهل ممكن تتطور حالتها لأسوأ من كذا ..؟؟؟
وسمعت انه فيه شي اسمه لصق الشرخ .. وشهو ..؟؟؟

ساعدوني جزاكم الله خير

هلا اختي... عشان تتضح الصورة لك..
الشرخ بالاطفال سببه دائما الامساك.. يعني المشكلة ابتدأت امساك ثم تطورت الى شرخ... ولابد نعالج
1- الشرخ الحاصل كمضاعفات...
ثم
2- الامساك والا راح يتكرر حصول الشرخ..

الشرخ بعمر صغيرتك يتعالج كما يلي وبالترتيب المذكور

- ملينات للبراز تستخدم بشكل مؤقت فقط واؤكد على هالنقطة ماتستمر على الملينات بعد ما يلتئم الشرخ والا حيستاء وضع الامساك على المدى البعيد..
- بنج موضعي على شكل جل وهو الي وصفتيه مرهم خارجي..
- مرهم TGN مخفف او مركز لتوسيع صمام الشرج لو ما استجاب الشرخ للعلاج.. بوصفة طبية فقط لأنه ممكن يسبب هبوط بالدورة الدموية
- رابع علاج مرهم غير مرخص به للاطفال رسميا لكن نضطر لاعطائه احيانا لو الشرخ ما التأم بكل العلاجات الاخرى وكاخر محاولة للحل دون جراحة...
مع هذي العلاجات الشرخ يلتئم تدريجيا خلال عدة اسابيع واذا ما صار ..فالخيار الباقي هو
- الجراحة ونادرا يلجأ لها لو فشلت الحلول الاخرى وهي بسيطة ماتخوف..

من كلامك الدم توقف يعني الشرخ بدأ يستجيب للعلاج الدوائي وهي مسألة وقت لا اكثر حتى يلتئم كليا... وحافظي على نظافة المنطقة وتنشيفها جيدا لأنها تكون معرضة للالتهابات والعدوى بسبب الشرخ...

نجي للنقطة الثانية وهي الامساك... الي سبب الشرخ من الاساس... واذا مانعالجه راح تتكرر الشروخ وشفت بنفسك شلون تعاني الطفلة فماودك تتكرر الحالة..لا بد معرفة سبب حالة الامساك وعلاجها..
اغلب الحالات الي نشوفها السبب نوع التغذية (قلة شرب الماء وكثرة السكريات وقلة الخضار)... الحل هو العكس طبعا...
اذا تغير نمط غذائها وما تحسنت نبدأ نفكر في الاسباب العضوية الاقل شيوعا... ومهم معرفة :
- متى بدأت معها الامساك بأي عمر؟
- تذكرين اول براز اخضر طلعته بعد ولادتها كان اول يوم او تأخرت الى ثاني يوم؟؟ هذي المعلومة مهمة جدا...وحتى لو ماتذكرين اكيد مكتوبة بملفها مكان ولادتها...
- نوع البراز درجة خشونته ولونه وكميته؟

ولو استدعى الوضع تنعمل لها اشعة خاصة للقولون او منظار لتشخيص السبب بدقة والسيطرة عليه...
نادرا جدا يكون الامساك المزمن عرض مصاحب لامراض عامة مثل امراض بالاعصاب لهذا لو ما استجابت للتغذية مهم تتابعين معها بعيادة اطفال متخصصة وحبذا نفس الطبيب يشوفها كل مرة.. وان كنت اتوقع انها مثل اغلب الحالات تستجيب ان شاء الله لزيادة شرب الماء والالياف...
ابدا لا تستخدمي الملينات لعلاج الامساك بدون سبب مقنع مثل الشرخ حاليا ولمدة قصيرة.. العلاج لابد يكون جذري مو مؤقت لما يتوقف تستاء الحالة..

بالنسبة لاسئلتك الاخيرة..

اقتباس:

وهل بيأثر عليها هالشي يوم تكبر ..؟؟؟
وهل ممكن تتطور حالتها لأسوأ من كذا ..؟؟؟

.. باذن الله لو انحلت مشكلة الامساك خلاص تطيب وما يؤثر عليها.. لكن بشكل عام نحاول نتجنب اي تجربة مؤلمة للطفل خاصة البنت في المنطقة التناسلية لأنها قد تتركب رواسب بعيدة مستقبلا.. لكن بنتك صغيرة جدا وراح تنسى.. لكن مستقبلا لا تخلي الامساك يتفاقم لدرجة الشرخ والالم والنزف..

اقتباس:

وسمعت انه فيه شي اسمه لصق الشرخ .. وشهو ..؟؟؟

.. قصدك العملية الجراحية لعلاج الشرخ؟؟ او الزائدة الجلدية الي ممكن تتكون بعد الشرخ؟؟ او التليف؟؟ او ايش بالضبط؟؟

الله يعافيها لك ويريح قلبك عليها..

لـــمـــى · 01-04-2009, 03:01

يعطيكم العافيه على التفاعل
دكتوره سوسنه /
يسلمك ربي على الرد
بنتي الامساك يجيها من فتره لفتره
بس مو من الولاده
تقريبا الشهرين الأخيرات بس
واستخدمت العلاجات وصارت بنتي ماتتبرز الا اذا اخذتها
وهالشي خوفني وسبب لي قلق
حتى اني احيانا اجلس طول الليل اسوي لها عصير اورانج واشربها مويه
وبصراحه صرت انتظرها تتبرز
وشسوي وربي صرت خايفه بالحيل
والدكتور يوم رجعت له قال استمري على العلاجات

غلطة عمري اني خليتك /
يعطيك ألف عافيه على المساعده وراح اطبق اللي قلته لي بإذن الله
(السفيرة) /
ألف ألف ألف شكر على هالشرح الوافي وماقصرتي
بصراحه انا سمعت عن لصق الشرخ من البنات يتكلمون فيه يوم درو عن حالة بنتي
اكثر من كذا مااعرف

دلع بدلع · 02-04-2009, 11:01

الله يشفيها ويعافيها

د.سوسنة · 03-04-2009, 15:20

اختي لمى لي صاير لبنت ليس مرض لانو صار معها منذ شهرين
واضح انو تغير عندها نمط العداء
انا اقول لك لاتقلقي
الطفلة بدها الغداء هو لي راح يساعدها وكما قال الطبيب
ممنوع تعطيها الارز والجزر والبطاطس كل هده تسب الامساك
نصيحتي ان تعطيها الخضر
الفاصوليا الخضراء
والشوك الارضي
والسبانخ والخص
كل مرة خضرلي لها هالخضر ونوعيها منشان تقدر تاكلها
شرط الخضر تطهى كثير منشان ما تعمل لها غازات وتعطيها ياها
لاتعطيها الموز بيسب الامساك
خودي تفاحة او اجاصة
واسلقيها كثير في ماي واهرسيها جيدا وطعميها ياها من غير سكر
تابعي لها الدواء
ونظام العذاء
الدواء راح تنقصيه لها بالتدريج مو مرة وحدة توقفي الدواء راح ياخد معكي وقت لكن بالتدريح انشاء الله تشفى
ننتظر لمدة سنتين حتى نحكم هل مرض ام حالة عادية
بالنسبة الرشخ مافي داعي لعملية التلصيق هي طفلةوراح يتلاؤم لوحده وسلامت بنتك
صدقني لو تباعتي لها نظام غدائي غني بالالياف راح تخف
ممكن اعرف اسم الحليب لي بتعطيها

بوح السعادة · 03-04-2009, 15:51

الله يشافيها لك يارب
انا بنتي كان عندها امساك بس عمرها اكبر من كذا واعطيتها دواء للامساك اسمه ( دوفيلاك ) والحمدلله تحسنت كثير ويقال ان هذا الدواء ما يسبب تعود اسالي الطبيب او الصيدلي هل يناسب بنتك او لا وانصحك فيه بقوة اذا ناسب عمر بنتك .

لـــمـــى · 04-04-2009, 02:49

يسلمووو دلع بدلع و بوح السعاده على الرد والتفاعل .... ومشكورين على دعواتكم ...
أتوقع يابوح ان الحليب اللي أستخدمه لطفلتي فيه شبه في مكوناته من مكونات حليب دوفلاك ... كلهم مخصصين للأطفال اللي يعانون من الإمساك ...

د.سوسنه / تسلم يدك على النصايح القيمه ..
اسم الحليب نوفالاك ...

لمتوهقه · 04-04-2009, 03:12

الله يشفي بنتك ويخليها لك

ولا تغفلين يالغلا عن الرقيه الشرعيه

العين حق

عالجيها بالقرآن

الله يحفظها لك

لـــمـــى · 04-04-2009, 04:31

مشكوووره لمتوهقه على الرد والنصيحه ...
ماقصرتي ياقلبي

د.سوسنة · 04-04-2009, 11:55

العفو اختي لمى
لمااني عرفت نوع الحليب لي بتاخد بنتك

ياليت تراجعي الطبيب او تطلبي من الصيدلي نفس الحليب
اسمه

novalac transit
هدا النوع مفيد كثير في مثل حالت بنتك
وادا كانت علبة الحليب مكتوب عليها مثل هالاسم لي اعطيتك تابعي لها هالحليب لانو مخصص للاطفال لي بيعانون من الامساك

لـــمـــى · 04-04-2009, 15:54

مشكووووره يادكتوره وماقصرتي .... بطبق اللي قلتيه ان شاااءالله ....
يعطيك العافيه ....

د نبيل · 04-04-2009, 23:53

السلام عليكم اختي الفاضلة
مشكلة ابنتك هي دائرة مفرغة تدور فيها و يتسبب كل شيىء في الشيىء الذي يلية فتبدأ بالامساك الذي يؤدي الي الشرخ و النزف و يؤدي الي الالتهاب في الشرخ فمزيد من الامساك و هكذا
اولا لابد من كسر الدائرة و علاج الامساك بملين ولكن يفضل شيىء غير التحاميل و الافضل ان يكون دواء بالفم مثل دوفيلاك 5 مل مرة واحده يوميا او مرتين حسب الاستجابة ثم العلاج الموضوعي للشرخ و كذا تغيير نظام التغذية بعد عمل فحص للبراز و علاج سوء الهضم ان وجد او اي بكتريا تلوث الجرح
استعمال احد المراهم المخدرة موضعيا لتخفيف الالم حتي لا يحدث الامساك كرد فعل علي خوف الطفل من الالم عند التبرز
شرب كثير من الماء و عصير البرتقال و اكل اي نوع من الخضار يناسب سن الطفلة و التقليل من النشويات و التفاح والجزر و الموز لان كل هذه الاطعمة تزيد الامساك
اضافة علاج لسوء الهضم ان تبين وجود سوء الهضم مثل دايجستين شراب 2مل3 مرات يوميا لمدة اسبوعين بعد الرضاعة
اضافة مضاد حيوي ان تبين وجود صديد بالبراز او وجود التهاب و احمرار بالشرج و افضل الانواع هو سبراكس شراب يعطي مرة واحده يوميا 6 ايام بجرعة 8 مجم للكيلو فمثلا وزن ابنتك الان حوالي 7 كيلو ان كان نموها طبيعي فتكون الجرعة هي 3 مل مرة واحدة يوميا
المشكلة مؤقتة و تحدث كثيرا نتيجة طريقة التغذية للاطفال
لا تقلقي و لكن فقط اهتمي بالعلاج بالطريقة الصحيحة
شفاها الله لكي
د نبيل
استشاري الاطفال و حديثي الولادة

لـــمـــى · 05-04-2009, 03:10

مشكور د.نبيل ... بس لفت انتباهي شي بكلامك ....
قلت (ان كان نموها طبيعي) ... بنتي هالحين عمرها 8 شهور ... يوم كانت 7 شهور قال الدكتو ان وزنها وزن طفل عمره 9 شهور .... وأذكر قال 10 كيلو ....
يعني هالشي مو طبيعي ..؟؟؟؟
مع العلم انها مثلها مثل أي طفل عمره 8 أشهر مافيه شي غريب فيها ....
وللمعلوميه ... بنتي جميله جدا وكل ماأروح مكان يطالعونها ويلعبونها اللي اعرفهم واللي مااعرفهم .... فهل من الممكن ان تعبها يكون سببه عين او حسد او شي من هذا القبيل ؟؟؟؟
يعني انا بصراحه شكيت يوم ذكرت اختي( المتوهقه) الرقيه الشرعيه ...
هل من الممكن ان العين تسبب هالشي ؟؟؟؟؟؟؟؟؟
اعذروني على كثرة الأسئله ... بس والله أحس اني مثل الغريق اللي يتعلق بقشه ....
كل همي أعالجها وارتاح ....
مع العلم اني ماشيه على أغلب النصايح اللي نصحتوني فيها .... ومالاحظت شي جديد .... بس اللي مريحني اني احس صحتها ماساءت مع الامساك ....
امس بس بديت بتطبيق كلام ( د.سوسنه ) الله يجزاها خير ... وبنتظر كم يوم واشوف النتيجه ....
وبالنسبه للعلاجات اللي قلت لي عليها .... هل عادي أطلبها من الصيدليه بدون وصفه ؟؟؟
يعني ماراح يكون لها تأثير سلبي على بنتي اذا اعطيتها لها بدون وصفه ؟؟؟ ولا لازم يوصفها لي دكتور ؟؟؟
وبصراحه انا اخاف من كثرة الأدويه على طفله بهالعمر .... هل ممكن تأثر عليها مستقبلا من أي ناحيه ؟؟؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

---مشكلتي بنتي--ساعدوني بليز---