عالم الحياة الزوجية - منتدى

ورديــه · 25-04-2009, 00:40

سلآم

كيفكو

اخبآركو

ابي اسألكو يآصبآيا الريآضو عن الكوافيرو _^

مدحولي مركز فاطمه

يقولوا انها اخصآئية تجميل

واللي بمركزها شغلهم روعه

قد شفتو شغلها

ميبي احجزهآ

//

عبوووقه

الله يسلمك

الموقع مغلق اول مايفتح بسوي لك بطآقه

ورديــه · 25-04-2009, 00:51

دموع

هلآ بك

والف مبرووووك

فيه محل اسمه تولآي للعبآيات قد فصلت اختي عنده بس مآادري بأي مول

بسألها واقولك

@..فراوله..@ · 25-04-2009, 01:05

بنوتات محلات العبايات المعروفه أسعارها هبل

أرخص عبايه 1000

مدري بالنسبه لي أشوف هالسعر ماله داعي

خصوصا اذا بتاخذين 3 عبايات

لانه اكيد بتحتاجون

دمووعه قلبي كتبت عدة محلات بموضوعي الثاني

ولعنونك بنسخ الرد

<<متعيجزه الحين هههههههههههههههههههههههه

بس راجعه لك ياعسل

//

ورديــه · 25-04-2009, 01:34

آهلين فوفو

صدقتي

اختي فصلت عبآيتين اسعارهم غاااااااااااااااليه

بس الشغل تمآم من خآمه وتصميم

دموع z · 25-04-2009, 01:44

هلا حبيباتي شاكرة تفاعلكم وردية وفراولة

الله يسعدكم يارب

والله اما الغالي كثير مافيني خاصة ابي 4عبايات تقريبا

بانتظار ردش فوفو

بنات وش رايكم بفكرة دورة مكياج قبل الزواج؟؟ او سيدي على الاقل

؟؟؟؟؟؟؟؟

ورديــه · 25-04-2009, 01:59

العفو ويسعدك

ادخلي اليوتيوب فيه دروس تعلم المكيآج

او اشتري سي دي

انا عن نفسي اشوف مايحتآج

اهم شي تعرفين تسوين شغل نعوم

والله يوفقك

KhooKheTa · 25-04-2009, 03:13

السلام عليكم..

دموع ياعسل..إذا ودك بعبايات للإستهلاك وحقت سفر..أنصحك روحي أسواق طيبه..شارع العليا العام تحديدا من طريق الملك فهد"شمال" بعد الجريسي..

في محلات عبايات طبي وأختاري..في الراقي وفي الذوق وفي الرخيص وفي المعقول ..

بس بالنسبه لي أحب محل هناك ومتعامله معه صارلي فترة من الزمن..أسمه"اللوتس" شغلهم نظيف وتقريبا العبايه مع طرحتها بشغل وترتيب بحدود 300 ريال

وموفقه ياقلبي والله يساعدك وأي شي بالرياض كل قماري الرياض على استعداد انتي امري بس

دموع z · 25-04-2009, 13:30

KhooKheTa

ياعسوووووووووووول انت انا فعلا جيت طيبة بس مرور سريع واعجبني محل بس ماادري وش اسمه

برجع ثاني اشوف الليلة بمشي الرياض

انا بعمل جلسات ليزر عند مركز ايما وش رايكم فيه؟؟

طيب تعرفي اسواق اسعارها معقولة بلقى فيها تايورات حلوة ومشاغل حلوة ودي اسوي قصة حلوة وصبغة

قبل الزواج وزيارتي للرياض محدودة

وردية ياقلبو معاك حق مالها داعي دورة مكياج بس وين القى السيدهات حق المكياج ؟؟

بنات انا هاليومين استعمل خلطة ليمون وجلسرين سايل وزيت لوز مرومسك ابيض لجسمي

وملاحظة انها فتحت مع اني ماصار لي مرتين مجربتها

قلبي قلبه · 25-04-2009, 13:40

قلب دحومي....,,

ودي اساعدك بس ماعندنا زواجات هالفتره غلا زواجي وهو عائلي يعني ماشفت شيء...

بس إذا تبين تعرفين الموضه روحي لمحلات الزفات الكبيره أو اللي يعدون الحفلات ولو هي غاااااليه بس تفرجي على الجديد وسأليهم وهم يعطونك.....,,

أو ابحثي في النت واتوقع تلقين.....,,

عبق أنثى..,,
العفو ياقلبي ولو حنا جتمعين نساعد بعض.....,,

صراحه السوق هاأيام حلو فلا يفوتك...,,
وخلي ملابس النوم والبيت اذا خفضوا.....,,

قلبي قلبه · 25-04-2009, 13:44

دموع.,,
حياك الله يالغلا..,,
ونحن بخير مدامك بخير..,,

العبايات اتوقع البنات قالوا ردوا عليك.,,
وفيه محل توايلا مررره حلو بس ما اذكر اسعاره.....,,

طيب كيف الليزر ؟حلو..,,
وين سويتيه؟..

والمكياج على قولتهم مايحتاج دورة..,,
أنا في البدايه فكرت بدورة بعدين هونت....,,

والله ما أعرف مشاغل اظمنها لك..,,

طيب الأسواق فيه الماركات الي هي الفيصليه ورياض قلري وغرناطه وحياة...,,
وانتي براحتك؟..

طيب ياقلبي وش الخلطه بالضبط...,,

قلبي قلبه · 25-04-2009, 13:51

ورديه..,,
ياقلبي اخبارك؟..
نحن بخير....,,

بالنسبه للكوفير هذاني الحين احوس الا الآن مالقيت وحده حلوه وسعرها حلو...,,

ومركز فاطمه اول مره اسمع عنه؟...

قلبي قلبه · 25-04-2009, 13:54

حبايبي...,,
رحت امس للفيصلة صراحه في أشياء كثيييره حلوه..,,
خاصه المشجرات....,,

وانا ا درته كامل بس والله فيه.,,
ويمدحون غرناطه وشكلي بروح له.....,,

بس افكر اخلص المكياج والعطور ودهن العود عشان العب باقي الفلوس على كيفي....,,

أنااا أنااا · 25-04-2009, 16:42

اولا: مبروووووك على التثبيت

يا حلوكم ياعرائس..

الله يوفقكم و يسعدكم يارب..

شوقتوني على الجهاز و أنا لسى مهري ماوصلني، مدري وش عنده أبو عيالي تأخر علي ماجابه << ماعندها وقت ع طول أبو عيالي

أنا بديت أعالج بشرتي في مركز الصبحي و أفكر أسوي ليزر بس ما أدري اذا يمدي أو لا لأن زواجي بثمانيه..!!!!!

(اللهم اجعله قرة عين لي و اجعلني قرة عين له، اللهم اجعله لي سكنا واجعلني له سكنا)

نبـ الروح ـض · 25-04-2009, 18:38

\\
السلام عليكم
ياحبيلكم ياعرايس هالسنه
مشتطين واشتطيت معكم وانا ماحولي شئ خخخ
ربي يهنيكم ويوفقكم ويسهل اموركم
\\
نصيحه لاوحده تلعب بوجها قبل العرس مباشره
يعني تاخذ فتره اقل شئ شهرين
يعني اللي تبي تنفخ تبي تقشر وجهها تبي ليزر اقل شئ شهرين عشان تكون طبيعيه وحلوه بيوم الزواج
\\
ونصيحه ثانيه من الحين اللي عندها وقت وفلوس تشيل ليزر كل جسمها او على حسب
وترتاااااااااااااااااااااااااااااااااااح
والوجه افضل شئ له الضوئي لانه يفتح البشره
ونصيحه ثانيه الكريستالي لحد يسويه مافيه منه اي فرق او اي فايده
\\
اش كمان
فوفو فانتيل قد مر علي بس خبرك ما ادل شئ
طريق الملك عبد العزيز وينه فيه ههههههههههههههه
ودي بفستان ناعم وسعره زين
لاني سويت فستان زواج اخوي بالشئ الفلاني عند مصممه وظربتني بالسعر
بس الحمد لله طلع وااااااااااااااااو << تقول لي بتنخطبين من وراه قلت ايه هين خخخ

KhooKheTa · 25-04-2009, 23:59

عدنـــــــــــــــــــــــــــــــا

دمـــــــــــــــــــــــــوع ياعسوله..بما ان الوقت محدود بالرياض فروحي "صحارى مول" و "حياة مول"..فيها كل شي وراح توفر عليكي وقت كثير..طبعا في دعافيس اذا ودك تروحين لهم اصير لك كروكي واوصفلك ياقموره..

أما بالنسبه للمشاغل أنا أحب "لمسة المخملي " و"أرابيل" بعماير السيركون على طريق العليا العام"شمال" تجيكي الاشاره الي عندها العقارية الاولى ومجمع النمر لفي يمين تجيكي المشاغل يمين..بس للأمانه أنا ماعمري صبغت شعري عندهم..

بس في بنات من معارفي تقريبا كل كم شهر يصبغون بس شي مره مرتب ويجننننننننننننننننن ماشاء الله..يسوونه عند "دار الجمال" الصغنون الي بطريق الملك عبدالله "شرق" كأنك رايحه لطريق الدائري ومركز الأمير سلمان فيجيكي على يدك اليمين..

أما بالنسبه للخلطات وماادراك مالخلطات..أختكم شاطره تجمع بس ولااستخدم شييييييييييييييييي
نفسي نتشجع ونتحمس وننجز شي..بس لي أسبوع بعد التهزئ من أختي الجميله بديت بخلطة: الجلسوليد+زيت الزيتون+مويه ورد+فكس+فازلين..طبعا مره عجبتني الحمدلله لانها تحسسك بنعومه بس اختي تقولي انها فتحت شويه عاد انا مايفرق عندي شي ياحبيلي..

خاطري بشي نتايجه سريعه وفوريه

وخاطري بفستان أنيق ورايق وماهو زحمه

وخاطري اني اخلص العطور والمكياج وهالخربطه

وخاطري أنجز كل شي

وكل شي بخاطري أحسه اني بأتذكره بعد الزواج ..ياحبيلي بس

مـــــــــــــــــــــــــوفقين ياعروسات ياجميلات والله ييسر لكم ولي ولجميع البنوتات يارب ياكريم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

˚° ღஓ ديــــوانية عرآيس شـــ6ـــ7ـــ 8ـــهر والعيـــد بـ عيدين _^ حيآآآآآآكم ஓღ˚°