عالم الحياة الزوجية - منتدى

سناء الفضه · 29-04-2009, 01:19

تبين تسمنيييين هههههههههههه
كلي تين على فكة الريق
اانا باقي 3 شهور بس خليني اضمن ويطيح بهمه
ابي اصرف باقي الفلوس براحتي
واخاف نورة تكنسل مشروعها والا لاسمح الله واضطر افصل بسعر اكثر بكثير
بس ياقلبي
موفقه

ورديــه · 29-04-2009, 08:20

التين صح قد قاله القحطآني

بجربه وان شآء لله يفيد

والفستآن ودك اول شي تخلصين منه

عشآن ترتآحين بشرا الأشياء الثآنيه

لا عآد قليلها لاتكنسل > خآيفه

عطيها خبر انك قلتي عنها بالنت ووزعتي رقمها يمكن تنزل لك سعر الفستآن مقآبل الأعلآن_^

انا خلآص حطيتها برآسي مراح اشتري الفستآن إلا من عندها بأذن لله

طيب حجزتي الكوافيره

سناء الفضه · 29-04-2009, 12:31

لا الكوافيرة ماحجزتها مدري وش انتظر
لاني اصلا ماحددنا موعد للزواج في حوسه صاير بدوام زوجي وماندري متى اجازتهم *_*
عشان كذا مابعد حجزت
ابي وحده تجي للبيت وسعرها كوويس ولاراح اقولها اني عرووس ادري انها بتدبل السعر ع الفااضي
في بعضهم مكياجهم بـ 300 والكثييف بـ 500 تنافس العرووس
كاني لقيت وحده حقت عرايس وسعرها حلو باخذها
وعساني القى حاجه مضبووطه
الله ييســـر ويعين

معتقله بجريمه...حب!! · 30-04-2009, 07:57

نداااااااااااااااء لكتكوته البطه اللي راح يصير زواجها بالدمام..
في مشغل عندكم بالكويت اغلب صور حليمه بولند عنده ع فكره ترى له فررررع بالخبر او الدماااااااااااام تصويرهم شي خيال ياليت بنات الخبر يفيدونا اذا عندهم معلومه عن هالمشغل ...

وبالنسبه لبنات الرياض انا ايام تغرضي رحت لاسواق الجمله عندكم والله اخذت منهم اكسسوارات شعر وغيره بااسعار خيال ب 10 15 20 وكان كل من شافها يعطيها اكثر والاسواق اللي داخل المجمعات يبعون نفس البضاعه بسعر اغلى والله قهرررررررررر

واختي في زواجها تعبت بالاكسسوار حق الشعر بس طلع تحفه سوته بالكويت يعني شافت عقد كله مشغول بالريمبو (اللي يجي لمعه كذا لون خياااااال لايفوتكم)وخلته اكسسوار شع وجابت الحلق حقه وثبته لها صاحب المحل بالعقد وطلع جناان الكل يبغاه وخلت الحلق مثل التوكه ع جنب والعقد مشته ع التسريحه ياليتكم تعرفون لها الطريقه وتعملوه جناااااااااان..

وفي محل زمزم يجنن انواع الاكسسوار عنده وانا سويت عنده اكسسوار شعري ب500 والمحل ع فكره بالرياض

ومحل الفراج يجنن بعد في اسواق العثيم اخذت منهم حلق تحفه ويناسب كل شي واشعارهم متواضعه وتستاااااااااااهل...

يالله ياعرايس اترككم تدابكون الله يعينكم واي استفسااار انا جااااااااهزه ياحلواااااااات...

وحبيت انبهكم اني عندي مسكات للعرايس حلوات وحركتهم غريبه للي حاب يشوف يرسل لي ع الخاص انا بالشرقيه

@..فراوله..@ · 30-04-2009, 19:04

اقتباس:

المشاركة الأصلية كتبت بواسطة نبـ الروح ـض

\\
السلام عليكم
ياحبيلكم ياعرايس هالسنه
مشتطين واشتطيت معكم وانا ماحولي شئ خخخ
ربي يهنيكم ويوفقكم ويسهل اموركم
\\
نصيحه لاوحده تلعب بوجها قبل العرس مباشره
يعني تاخذ فتره اقل شئ شهرين
يعني اللي تبي تنفخ تبي تقشر وجهها تبي ليزر اقل شئ شهرين عشان تكون طبيعيه وحلوه بيوم الزواج
\\
ونصيحه ثانيه من الحين اللي عندها وقت وفلوس تشيل ليزر كل جسمها او على حسب
وترتاااااااااااااااااااااااااااااااااااح
والوجه افضل شئ له الضوئي لانه يفتح البشره
ونصيحه ثانيه الكريستالي لحد يسويه مافيه منه اي فرق او اي فايده
\\
اش كمان
فوفو فانتيل قد مر علي بس خبرك ما ادل شئ
طريق الملك عبد العزيز وينه فيه ههههههههههههههه
ودي بفستان ناعم وسعره زين
لاني سويت فستان زواج اخوي بالشئ الفلاني عند مصممه وظربتني بالسعر
بس الحمد لله طلع وااااااااااااااااو << تقول لي بتنخطبين من وراه قلت ايه هين خخخ

ههههههههههههههههههههههههههههههههههههههههه طيب نشووووف ياعطيات هانووووم هههههههههههههههههه

بصراحه انتي كذاااااااااااااا
كلام كويس مررررررررررررررررررررهـ جدددددن جددددددددددن
بنات ولاوحدهـ تلعب بخشتها وتجيب العيد فيها
لانه ماعندكم فرصه تصلحون اي نتيجه غير مرضيه

سلوودهـ روووحي وربي مااعرف اوصف
بس تلاقينه بطريق الملك عبدالعزيز وانتي رايحه باتجاهـ مستشفى العسكري "القوات المسلحه"
تعدين وكالة بورش حقت السيارات ومحل الحلاَب للحلويات وبيجيك بعدها بنتفه على يدك اليمين..

وبسسس فديتك

//

~ حنيــــن ~ · 01-05-2009, 15:33

السلام عليكم

مرحبا يا أحلى عروسات

كنت متابعة سوالفكم وحبيت أشارككم

لأن بصراحه حبيتكم وتونست على سوالفكم

أنا زواجي في شهر ثمانيه يوافق 3 / 8 / 2009

12 / 8 / 1430 هـ

والحمد لله أقدر أقول تقريباً انتهيت من 90 % من تجهيزات الزواج والحجوزات

وأنا من الشرقية وكل جهازي كان منها

وإن شاء الله راح أتزوج وأسافر برا

الله يوفقكم جميعاً ويوفقني معاكم في حياتنا الجديدة

عروسهـ 2009 · 02-05-2009, 04:41

هلا بكـ حنوو بيننا .. واللهـ يوفقكـ يارب ..

ويوفقنا و كل العرايس يارب ..

انا برضو تحدد زواجي بـ 8\8\1430 هـ

ويوافق 30\7\2009

وتقريبا خلصت من نص تجهيزاتي ..

بس باقي لي فستان الزواج وحجز الميكـ أب والتسريحهـ << وش خلصتي باللهي

وبما ان زواجي تأخر الى شهر 8 قررت استنى موسم التخفيضات على آخر شهر 5 لأغلب محلات الماركات ..

حجزت مصورهـ اسمها ديانا من الدمام وصورت بزواج اختي قبل سنتين وكان تصويرها مرهـ روعهـ ..

بس لازم اروح لها يوم عشان أختار الالبوم..

وحجزت للأفس هدى حمادهـ ( كوافيرهـ بحرينيهـ ) بس كآآنت مشغوولهـ وتقول مقفلهـ حجوزات شهر 7(يوليو)..

وانا احبها هالكوافيرهـ ومتفائلهـ فيها وهي اللي مكيجت كل خوياتي بزواجاتهم .. وحتى اللي ماتزوجو للحين ناوين يتمكيجون عندها ..

وطلعت محجوزهـ ل 3 عرايس بنفس يومي .. وقلت لها تحطني ع الانتظار .. وللحين ماحجزت غيرها << مافقدت الأمل

وانتي حنونهـ علميني وين حجزتي؟ .. ومن وين اخذتي فستانكـ ؟

سناء الفضه · 02-05-2009, 06:58

موفقين ياعرووسااات

حنو حياك الله منوررتنا ياقلبي

انا زيكم في شهر 8

يمكن 3-8-1430

عرووسه2009 ايش المحلات اللي بتخفض نهايه خمسه

كنت انتظر تخفيض الماركات جوتشي وشنيل وبيربري بس قالوا لي انها بدايه كل سنه بس

شهر 1

ولاادري عنهم

علميني اي ماركات (ملابس والا شنط وجزم الله يكرمك)

ابي رقم كوافيرة في الريااض : ( مابعد حجزت ولامصورة

اللي عندها ارقامهم تسدحها هنا الله لايهينها ^_^

♥روز♥ · 02-05-2009, 21:26

بنات هل فيه تخفيضات قريبه ...؟

دموع z · 02-05-2009, 23:17

هاي اناجيت من الرياض

اشتقت لكم كيفكم ؟

تقريبا خذت لبسي كامل من اسواق الخرج والله حلوة تسوقت من هناك لان اخوي ساكن هناك

والعبايات من مجمع طيبة 4واحدة راس والباقي كتف كلفتني 1500

صرفت تقريبا6000 بس تفاجات اني اسرفت في البناطيل؟؟

باقي لي الجزم والعطور والمكياج والفستان وووووووووو

والله شغلة اجالتها للسفرية الجاية

بصراحة الفستان محتارة مدري من وين آخذه؟ انا ابغى تاجير مارح افصل ولااشري

مدري وين اكسسوار العروس الحلو خق الفستان ووو مادليت بالرياض

وباقي لي جلستين ليزر بس للان مااحس وجهي تحسن

للي كانت تسال انا عندمركز ايما مدري حد راح له منكم

الدكتور عادل مصري وطلبته كريم للاكواع والركب كتب لي الدوكين فورت

ومرهم ثاني للابط والمناطق الحساسة اسمه ديبي وايت علبته وردية ب145

مدري منه فايدة والا خساير على الفاضي

كان اسبوع حافل

هذي اخباري وزواجي يقال في 3/8/1430 لكن لسا ماجا شي رسمي

وسلااااااااااااااااام

~ حنيــــن ~ · 03-05-2009, 01:37

هلا بيكم بنات

الله يوفقك يا عروسه

اقتباس:

وانتي حنونهـ علميني وين حجزتي؟ .. ومن وين اخذتي فستانكـ ؟

أنا حجزت كوافيره ومكياج عند مشاعل الكويتيه شغلها جداً جميل

وفستاني أستأجرته من محل إلهام اليوسف , محلها على طريق جامعة الملك فيصل بالحسا

أغلب فساتينها فخمه كثير وداخل فيها لون ذهبي

أنا فستاني ناعم نوعاً ما وجاي على أخف درجات السكري لكنه شي رهيب , رايحه لها بعد كم أسبوع أعمل بروفا

و أنا ما حجزت استيديو لأن أخوي مصور محترف راح يصورني

سبق وصورني في الخطوبة والصور طلعو جنان

الزفة خطيبي راح يتكفل فيها على ذوقه

حبيت مجمع المارينا مول في الدمام ومجمع الظهران فيهم أشياء حلوة

سناء الله يحييك , النور نوركم يا قلبي

دموع الله يوفقك وتكون نتائج الجلسات مثل ما تحبين

روز الآن في تخفيضات لكن أنتِ من وين ؟

إذا كنتِ من الشرقية بعض المجمعات فيها تخفيضات الآن

سناء الفضه · 03-05-2009, 02:19

اقتباس:

المشاركة الأصلية كتبت بواسطة دموع z

ومرهم ثاني للابط والمناطق الحساسة اسمه ديبي وايت علبته وردية ب145
مدري منه فايدة والا خساير على الفاضي

نفس المرهم صرف لياه الصيدلي
بس للحين ماشفت شي

>> شوكولا ~ · 03-05-2009, 07:53

سلآآم ،،
صبآآح الخيرآت لأحلى عروسات .. في الديوانية (:
لي خمس أيام أوطوط حول الموضوع
بالأخيرقلت أسجل معكم
مشروع نورة << صارت تمون خخخ
عجبني مرة وقلت لأخواتي عنه قالوا ليه ماتروحين تشوفين الفستان عادي
بعدين من وين بتتأكدين من الشغل والخياط وانه نفس اللي اخترتي
أنا برضو لحد الآن في الللألف :]
بس عارفة ظروفي كيف بتكون بعدين واني احتمال تروح علي شهور مارح أعرف اجهز فيها إلا على خفييف

معتقلة بجريمة..حب!! إذا كنتي تقصدين الزمزمي خطييير مرة
بس تصدقين ما قد خطر فبالي آخذ من عنده اكسسوار شعر أكثر شي كلف وورود واكسسوارات ملابس وزراير وتركيبات القماش من إلى
وعنده بعد شرايط الكريستال الأصلي >> بس جداً متخصص
له فرع في الديرة وفرع ثاني حول أسواق العويس وطيبة

ودي أسألكم بنات عن الكساوي ؟ هدايا العروس لعماتها وخالاتها المقربين
مو من عادتنا العروس ضروري تكسي بس أنا ودي ولاعندي فكرة ش يقدمون
ونفس الوقت ماأبغى كلفة يعني أفكر بشي بسيط وتقديم حلو ومرتب >> مجمل العدد حوالي 10 أشخاص
اللي عندها فكرة تفيديني الله يسعد أيامها ويبعد الكدر عنها (:
>> أنا اللي أعرفه بين جلابيات - قماش مع كرت وكيس هدايا حلو
يكفي ؟ وكم ممكن يكلفني ؟

سناء الفضه · 03-05-2009, 08:06

هلا وغلا شووكولا منوووورة الموضووع والمتندى بكبرة
مشرووع نورة لايفووتك مرة حلو
انا متحمسه اخاف تهون والا تقطع التعامل مع مشغلهم في امريكا
وسعرهم حلو وهم بيتكفلون بالقماش يعني ماراح تتعبين ولاشي
وااذا حابه تجين معي نشوفه ماعندي مانع ^_^
اما بخصوص الهدايا ماعليك منهم ذالعجايز هههههههههههههههههههههههههههههههههه
المفرووض هم يهدونك ويساعدووونك
أمـــزح ههههههه الله يطول بأعمارهم
والله انا مافكرت اهدي احد بس زوجي وهو اهم في هالفتره هههههههههههههههه
خالاتي عارفين اني احبهم بلا هدايا ههههههههههههههههههههه
ياحبيلك ياشوكولا والله يوفقك

>> شوكولا ~ · 03-05-2009, 11:42

تسلمين ياقلبي سناء على هالتراااحيب >> الله يجبر بخاطرك
فيس محمرة خديداته ههههه

المشروع بالعكس خطير مرة لازم تصبر عليه شوي مو كل مشروع ينجح من البداية
بالعكس بعض المشاريع تخسر أول السنوات بعدين توقف ويرتفع الربح كثييير
<< تفرجت على بعض دراسات جدوى مشاريع غرفة جدة (:
تدرين فكرتها غير مسبوقة وأسعارها خيال بس باقي تنـعرف ،،
والموديلات طبعاً تكون حلوة خخخ
أنا ما كنت أفكر أشتري أو أفصل بس يوم شفت ردودك صرت أفكر وبعد ما شوف فستانك
ان شاء الله بقرر الله يهنيك ويجهل أيامك كلها عسل بعسل

اما ع الهدايا محد بيلومك انتي في مرحلة متقدمة عني
أنا للحين ما أفكر فيه بس بنفسي وخواتي وخالاتي هههههههههههه
لا حرام الكذب بس للآن زي ما قلت لك في الألف
ارتباطي معه ما بعد صار شرعي للآن
على فكرة قريت ردك بموضوع ثاني وعجبتني هديتك بالمرة
لأن يقولون فعلا جنس الرجال الهدايا عندهم بقيمتها المادية سبحان الله مو مثلنا أهم شي المعنى ياحبي لنا (:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

˚° ღஓ ديــــوانية عرآيس شـــ6ـــ7ـــ 8ـــهر والعيـــد بـ عيدين _^ حيآآآآآآكم ஓღ˚°