عالم الحياة الزوجية - منتدى

..the queen.. · 16-04-2009, 00:32

السلام عليكم بنوتاات اخبااركم ..؟؟
والله ودنا نثبت كل اللي تبوون لو هو على كيفنــــآ بس قواعد لازم نمشي عليهاا ..
ربي يوفقكـــــــــــــــم ..

أنااا أنااا · 16-04-2009, 15:09

قلبي قلبه

الله يحييك معنا في الديوانيه..

ألف مبروك، الله يتمم لك على خير ويسعدك..

حبيبتي الفساتين الايجار تحصليها في أسواق مكه أو مجمع الموسى << سمعت عنه كثييير وحلو

ورديــه · 17-04-2009, 13:46

السلآم عليكم
كيفكم صبايا
لكم وحشه

( قلبي قلبه )

اقتباس:

السلام عليكم ورحمة الله وبركاته......,,

وعليكم السلآم ورحمة الله وبركآته

اقتباس:

مساء الخير جمييييييعا.....,,

مسآء النور

اقتباس:

والف مبروك والله يوفقكم ويسعدكم ويسخر لكم جميعا..,,

يبآرك فيك
ويوفقك

اقتباس:

حبيباتي انا عضوه جديده معكم وعروس...,,

حيآك الله
والف مبروووك
أن شآء الله تستفيدي وتفيدي

اقتباس:

ان شاء الله زواجي 7-8 الله يوفق.,,

وهذآء اهدآء لك

التوقيت بالميلآدي

اقتباس:

بس محتاره إلا ألآن في فستان الزواج ودي القا ايجار بس مالقيت ابدا.....,,

كم مقآسك
وانتي من وين
ان شآء الله اقدر اسآعدك

اقتباس:

ولا مصممة مضمونه وحلو تفصالها...,,

المصممات انا اتمنى احصل وحده سعرها معقول من الف لـ 3 الآف

اقتباس:

واي شيء تبونه امروني انا جاهزه وان شاء الله افييييدكم.....,,

مآيامر عليك عدو
كلك ذوووق

اقتباس:

أطالب بالتثبيييت لديوانيتنا<<<على طول خشت ماعندها وقت

ههههههههههههه فديتك رآعية فزعه
هذي قوآنين مثل مآقالت الأخت كوين
المهم مآتروح للصفحه الثآنيه

قلبي قلبه · 17-04-2009, 15:12

اقتباس:

المشاركة الأصلية كتبت بواسطة أنااا أنااا

قلبي قلبه

الله يحييك معنا في الديوانيه..
ألف مبروك، الله يتمم لك على خير ويسعدك..
حبيبتي الفساتين الايجار تحصليها في أسواق مكه أو مجمع الموسى << سمعت عنه كثييير وحلو

الله يحيك ويبقيك...,,

الله يبارك بعمرك.....,,

انا رحت لمكه ما اعجبني فيه شيء..,,اما الموسى مارحت له احاول اروح...,,

انا ودي بمشاغل تأجر احسن...,,

قلبي قلبه · 17-04-2009, 15:20

اقتباس:

المشاركة الأصلية كتبت بواسطة ورديــه

السلآم عليكم
كيفكم صبايا
لكم وحشه
( قلبي قلبه )
وعليكم السلآم ورحمة الله وبركآته
مسآء النور
يبآرك فيك
ويوفقك
حيآك الله
والف مبروووك
أن شآء الله تستفيدي وتفيدي
وهذآء اهدآء لك

التوقيت بالميلآدي
كم مقآسك
وانتي من وين
ان شآء الله اقدر اسآعدك
المصممات انا اتمنى احصل وحده سعرها معقول من الف لـ 3 الآف
مآيامر عليك عدو
كلك ذوووق
ههههههههههههه فديتك رآعية فزعه
هذي قوآنين مثل مآقالت الأخت كوين
المهم مآتروح للصفحه الثآنيه

الله يبارك في حياتك.,,

مشكوووورة ياقلبي على الإهداء......,,

مقاسي سمول.,,
من الرياض....,,

انا عندي مصممات اسعارهم اقل من 3ألاف بس مو فستان الزواج....,,

طيب بنوتات وش سويتوا وش شريتوا؟..
انا امس رحت لسوق شريت شوية بلايز وتنانير برجع بعضها لأن ما ادري وش اللي قردني وخلاني اشتري كلها رماااادي...,,

بحاول اروح لستي بلازا اشتري شنط العفش وبعض القرابيع..,,

عروسهـ 2009 · 17-04-2009, 18:05

أهلين .. كيفكم ياعرايس ؟اللهـ يوفقكم كلكم ..ويتمم لكم على خير..

انا برضو عروس هالسنهـ زواجي ان شاء اللهـ بيكون بشهر 7

انا من الشرقيهـ ..ومابديت تجهيز الا الاسبوع اللي فات ..

لكن الاسبوع الجاي ناوين نروح للرياض بالاجازهـ.. وبكمل تجهيز منها ان شاء اللهـ ..

لأن أهل المعرس بالشرقيهـ برضو وماودي يشوفون اللي علي بالسوق ..

بس ما أدري وين ألقى الأسواق المميزهـ بالرياض .. ياليت اللي تعرف ماتبخل علي بالاجابهـ ..

وراح أكون لها شاكرهـ

بس لا تجيبون لي طاري الماركات لأنها موجودهـ بكل مكان ..

ابي مكان للفساتين والتيورات الكشخهـ والمميزهـ ..

وياليت بنفس الوقت تكون رخيصهـ << ماكأنكـ مصختيها خخخخخخخ

عروسهـ 2009 · 17-04-2009, 18:09

.

@..فراوله..@ · 17-04-2009, 19:15

لبا خششكم خشه خشه

من غير تثبيت الموضوع طاير فوووق فديتكم

بس تدللوا نحاول نعدل القوانين لعنونكم

بنوتات بالرياض

فيه محل صغنووون بس جنااااااااااااااااان

تلاقون عنده فساتين عرايس جاهزه جنااااااااااااااااااااااان

فساتين ملكه - اشياء غريبه للمناسبات

كله بصراحه روووعه

وفيه محلات تصوير <<ماجربتها بصراحه

فيه محل كوش ومسكات عرايس

اممممممممم

فيه كل شي يتعلق بالعروس

بس دايما محد ملاحظه

وهذا احسن شي

لانه بيكون مميز مرررررررررررررره

طلوا عليه يابنوتات الرياض

فــانـتــيل

بطريق الملك عبدالعزيز

رووووووووووعه

//

%كلي أنوثه% · 18-04-2009, 00:12

بنات ألحقوني اليوم عرفت من اخت خطيبي ان الأخ بيكمل دراسته برا

وما ادري كيف بأبدا تقضي ووش اخذ معاي وخصوصا بنجلس سنوات برا

كتكوته البطه · 18-04-2009, 01:15

انا عرسى بشهر 7 ممكن اتخدميني باسماء مصوره حلوه بس محتاره بالصالونات (مشاغل) خايفه منهم رحت حق شعاع وشارمن ابي تنصحيني بوحده منهم ممكن

أنااا أنااا · 18-04-2009, 16:37

عروسه 2009..

ألف مبروك والله يتمم لك على خير..

الأسواق بالرياض أنصحك في غرناطه، والرياض غاليري فيه ماركات غريبه بس غاااااليه..

أنااا أنااا · 18-04-2009, 16:39

فراولتنا بلييييييز حددي المكان بالضبط، لأن الاخوان ماعندهم استعداد يمترون طريق الملك عبدالعزيز..

أنااا أنااا · 18-04-2009, 16:44

كلي أنوثه..

أنا نفسك راح أتزوج و أسافر برا، ماراح أتكلف في جهازي، لأني بسافر ع طول بعد الزواج باسبوعين وبطول برا..

ماراح أكثر في الفساتين أو التنانير، في الغالب بتكون بناطيل وملابس للبيت وقمصان النوم..

الذهب ماراح أشتري أكثر من طقمين مع أشياء خفيفه..

نصيحه يا أختي..

لا تلعبي في مهرك خلي في حسابك مبلغ ينفعك في الغربه يعني 10000 ريال تقريبا، صدقيني راح يجي اليوم اللي تحتاجيه فيها..

ان شاء الله اذا بديت أجهز راح أكتب لك شي أول بأول..

ورديــه · 18-04-2009, 18:06

مسآء الخير

اقتباس:

المشاركة الأصلية كتبت بواسطة قلبي قلبه

الله يبارك في حياتك.,,
مشكوووورة ياقلبي على الإهداء......,,
مقاسي سمول.,,
من الرياض....,,
انا عندي مصممات اسعارهم اقل من 3ألاف بس مو فستان الزواج....,,
طيب بنوتات وش سويتوا وش شريتوا؟..
انا امس رحت لسوق شريت شوية بلايز وتنانير برجع بعضها لأن ما ادري وش اللي قردني وخلاني اشتري كلها رماااادي...,,
بحاول اروح لستي بلازا اشتري شنط العفش وبعض القرابيع..,,

العفو

انا اعرف وحده فستآنهآ تبي تأجره

إذا صورته ارسلته لك يمكن يعجبك

طيب ارسيلي اسمآء المصممآت وارقآمهم

وبالنسبه لي توني مآبعد جهزت

لأن الزوآج ان شآء الله بالعيد

اما الرمآدي مثلي الآحظ اني اختآره مآدري ليه يمكن لأنه هآدي

هذي مشكلتي احط شي برآسي وإذا دخلت المحل طلعت بأشيآ نصها ماستفيد منهآ

بالتجهيز بحاااول امسك نفسي

ورديــه · 18-04-2009, 18:27

اقتباس:

المشاركة الأصلية كتبت بواسطة عروسهـ 2009

أهلين .. كيفكم ياعرايس ؟اللهـ يوفقكم كلكم ..ويتمم لكم على خير..
انا برضو عروس هالسنهـ زواجي ان شاء اللهـ بيكون بشهر 7
انا من الشرقيهـ ..ومابديت تجهيز الا الاسبوع اللي فات ..
لكن الاسبوع الجاي ناوين نروح للرياض بالاجازهـ.. وبكمل تجهيز منها ان شاء اللهـ ..
لأن أهل المعرس بالشرقيهـ برضو وماودي يشوفون اللي علي بالسوق ..
بس ما أدري وين ألقى الأسواق المميزهـ بالرياض .. ياليت اللي تعرف ماتبخل علي بالاجابهـ ..
وراح أكون لها شاكرهـ

بس لا تجيبون لي طاري الماركات لأنها موجودهـ بكل مكان ..
ابي مكان للفساتين والتيورات الكشخهـ والمميزهـ ..
وياليت بنفس الوقت تكون رخيصهـ << ماكأنكـ مصختيها خخخخخخخ

هلآ بعروسة آلفين وتسعه

حيآآآآآآك الله

البيت بيتك

والله يوفقك ويهنيك

انا اسوآق الريآض إذا رحت مآادخل إلا خريص وصحآرى والعثيم والعليا مول والأندلس والحيآه وسلآم والموسى لووووول مآخليت شي

انا مو من الرياض بس اغلب مشتريآتي منهآ والتجهيز برضو لأني حولها مو بعيد

فعشآن كذا اروح دايركت لهآمولآت واطيح في الغآلي

بس فرآوله فديتهآ ماتقصر استفدت منهآ ذكرت محلآت عآديه بس بضآعتهم روعه مثل المعيقليه والديره

لملآبس البيت واسعارهم معقوله وبعدني مآرحت لهآ

اما إذا تبين فسآتين كشخه

انصحك بالموسى انا قد اشتريت من محل لينوفر > هيك اسمه مآخاب ضني

في الدور الأرضي الأسعآر 3 الآف و 4 الآف

أكثر محل اعجبني فسآتينه للزواجآت

والحين معلقه في الدولآب منظر _^

عالعموم محلآته كلهآ فسآتين والأسعار متفآوته على حسب الذوق

واشهر المصممين لهم محلآت بأسآميهم

طيب يآعسل مآذكرتي بأي يوم زوآجك

عشآن اسوي لك بطآقه كـ توقيع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

˚° ღஓ ديــــوانية عرآيس شـــ6ـــ7ـــ 8ـــهر والعيـــد بـ عيدين _^ حيآآآآآآكم ஓღ˚°