عالم الحياة الزوجية - منتدى

يطري علي · 03-04-2009, 19:23

بسم الله الرحمن الرحيم

9
9
9
9
بعد ساعتين راح اسافر عن طريق البر .. لعمل ,, وباذن الله راح اوصل بعد 9ساعات تقريبا ,,المسافه بعيده..
اقسم بالله ذبحني فرقاها ياناس .. الله يصبرني بس عليها ..
تدرون شنو افكر فيه ؟؟ الله يستر بس .. قاعد افكر اني لازم اقول هالكلام لكم واتوكل على الله عل وعسى
تتذكر او تدخل او يوصل لها كلامي ؛؛ اني احبها واموت فيها اذا صار فيني شي ..
الله المستعان ..
طبعا الكل مو وفاهم الموضوع @@ انا زوجتي طالعه من بيتي زعلانه ,, وانا ما زعلتها ..
الموهم صارلها مده قصيره عندكم لكن قسم بالله طويله عندي ..
طلبت الطلاق @@ وانا كنت منصدم تعوذت من الشيطان وقلت خلني اسافر سافرت غيرت جو وياليت اني ما سافرت ؟؟ اقسم بالله كل مكان اشووفها ؟؟ حتى بالصلاة اتذكرها ؟؟
ياقو قلبك على الصّـده ويـا صُــــــبـرك
وياوسع صدري على صدك ويا صُبري
وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري
رديت ؟؟ وماسمعت شي جديد من اهلها ولا اهلي .. تركت الموضوع ؟؟ ابي اعرف النهايه والخلاصه ..
طبعا حصلت احداث لكن ما لها داعي اذكرها ..
طبعا عندي بنت منها @@
دزيت الوالده قبل مده ؟؟
تبي تاخذ العلم لاني مليت تعبت قلت ابي اسمع هالكلمه من زوجتي .. اذا كان في خاطرها شي ..لان الموضوع طال ...
راحت الوالده طول الله بعمرها .. وسالفه تجيب سالفه يعني طوولت الموضوع وهو قصير ..
الموهم ؟؟
قالت يا ولدي زوجتك تقووووووووووووول لازم يجي يراضيني ولا والله ما ارجع ؟؟ وهو ياخذني من بيت اهلي ؟؟
ماكو طاري للطلاق والحين راضني ؟؟
طيب على شنو اراضيك ؟؟ ضربتك ؟ سبيتك ؟ شنو سوووووووووويت عشان تقولين كذا ؟؟
راح تقولون شنو مزعلها ((( كنت معصب دخلت البيت,,, زعلان شووي .. وكنت اعتبها ,, عتاب اكيد ما ينزعل عليه ؟؟ والبنت ترفع ضغطي وانا معصب ؟؟من باب المزح ؟؟
واهني اللي وسيع الصدر صدره وسع فله ... غلطة الصاحب تجي وتروح ماهيب محسوبه

وانا اقول لها ليه تسوين هذا ؟؟؟؟؟ تقول عادي ؟؟؟؟؟ اهني تعبت شووي وصارخت وعصبت وووووو وطلعت من البيت زعلان .. رديت بالليل للبيت مالقيت زوجتي ؟؟؟؟؟؟؟؟؟ )))))))
عرفت انها زعلانه وراحت حق اهلها ؟؟؟؟؟؟؟
والروحه هي الروحه ...
كتبت الموضوع بس ودي افضفض لان ضاايق خلقي شوي ولله ولا احب اشكي حق احد ,,, الا لرب العباد سبحانه وتعالى ,,
الموهم كتبت الموضوع وكل ما ذكر اعلاه عندي مو مهم ؟؟
اللي ابي اوصله ؟؟
بتاريخ 3\4\2009
حبيت اقولك قبل كل العالم كل عام وانتي بخير ياقلبي يالغاليه .. قبل ....
راح اكون على وعدي واحبك واموت فيك يالغاليه .. يا نور عيني ,, يا يــبـــا
وعمري ما استغنى عنك ,, واتمنى اللي حصل مو منك ,, وهذه فتره وتعدي
لا استانس الخافق ذكر من يحبّـهـ
ورجع يراجع فالوناسات ما فات
ونرجع مثل ما كنا يا رب وترجع لي بنوتي الحلوه

فديتها ,,
هيهات ينسى القلب شخص ٍ لعبّهـ
وهيات يدلهـ خاطري منك هيهااااات
7
7
7
7
حبي ,, انا رجال وصعبه علي اني اراضيك قدام اهلك وانا ماغلطت عليكِ ,, ولله لو كنت حاس اني في زله ارتكبتها كان مراضيك بدون ماتقولين طلبك ..
لما ترجعين لدارك يالغاليه حاضر بالي تامرينه .. انتي هلي وناسي وعمري وقلبي وروحي وعيوني .. راح نتافهم على كل مشاكلنا بيني وبينك .. وحضني بحضنك .. وما بين الحبايب حساب .. كلن يتنازل لثاني ..
بس رجاءاً يالغاليه .. حدودك لا تتعدينها .. مهما كنتي غاليه على قلبي .. عندي كرامتي فوق كل شي وما ينحني راسي الا لربي .. لان طلبك فيه ذل واهانه لي ..
لا تتعديييييييييين حدودك .. يا حبيبتي ..
للحين حبي ما تغير وللحين احبك ومشتاق لك يالغاليه .. لللللللا تبيعين اللي حبك ولا تبيع اللي باع الدنيا عشانك ,, صدقيني لو بتروح عني حبك بقلبي .. لكن دور على اللي يحبك مثلي .. الله يسامح اللي كان السبب ..
...

وانت شكلك تحسبنـي فـي نعيـم ..
.. لنـي اخبـي صوابـي واستـره
لايغـرك حلـم رجــال حلـيـم ..
.. مهون اللي مـن سكوتـه فجـره
ولاتحسب الجفن من دمعه عقيـم ..
.. يستحي منك والى اقفيـت انثـره
ولايغرك وان بدا جسمـي سليـم ..
.. والله ان جسمي سـوار المقبـره
والله ان امر من ضحـك الغريـم ..
.. شوف حقي بين اياديـه اشكـره
والله ان احر مـن دمـع اليتيـم ..
.. دمعة الرجـال مـن فرقـا مـره
انا ادري ان لها صديقه تدخل المنتدى ,, ولكن لا اعرف عضويتها .. والله يستر عليها .. ولكن اذا سمعت هذا الكلام اتمنى يوصل لها ..
f

قحطاااني ماااركه · 03-04-2009, 19:30

...........

قحطاااني ماااركه · 03-04-2009, 19:35

من كلامك حسيت إنك طيب زياده ومالك كلام على زوجتك !!
لا بد تصير حكيم وتمسك العصى من النص لا تظلم زوجتك ولا تهضم حقك

أن شاء الله تنحل مشكلتك وترجع المياه لمجاريها

تحيااااااااااااااتي

غلوويا · 03-04-2009, 19:36

الله يردها لك يا رب

و يديم المحبه بينك و بينها

ربي يحفظك

عنادي عيناوي · 03-04-2009, 19:38

انشالله تروح وترد بسلامه

ربي يحفظك لهلك وزوجتك وبنوتك ربي يرجعلك حرمتك ويجمع شمل اسرتك مره ثانيه

وانشالله قبل ما تسافر او يوم ترجع تسمع بردتها البيت وبفرحتها بسماعه معزتك ومحبتك لهااا انشالله

مادري مستغربه في وحده تخلي ريال جي شراتك انته ذهب ونااادر ما تحصل شي ثمين جي هل الزمن

ومهما صار خلاف مفروض تتفاهمون يوم تهدى اوضاع ما يحتاي تروح بيت اهلهااااا الله يجمعكم على خير

والله هيديكم ويسعدكم انشالله وربي يحقق مناك انشالله اقولك استغفر وانته في درب حاول قدر ما تقدر تستغفر وكثر منه وخل نيتك انك تبه ترد حرمتك وانشالله ربي يحقق مناك ومنى كل انسان

ذكرآه · 03-04-2009, 19:41

ياخي تنازل وبس

وشو انا رجال وصعبه ما صعبه ... ما بين الزوجين صعبه

اذا راضيتها وجبتها البيت بعد كم يوم قلها ترى كيت كيت انا ما يعجبني ولا تعودينها يا الغاليه

اما انك تقول ما اقدر على فرقاها ولا اقدر ابعد وانا اتعذب وانا افكر وانا تعبت وانت مكانك سر

طبيعي كل شي ما يتغير

رح راضها واترك الكرامه على جنب ما بين الازواج كرامه الا في الإهانات وتعدي الخطوط الحمرا "ضرب ما ضرب وسب وشتم واللذي منو"

تذكر ان الرسول عليه الصلاة والسلام قال

((خيركم الذي يبدأ بالسلام))

ما قال الغلطان ولا قال الحرمه ولا قال الرجال ولا الصغير

اللي يبدى هو الخيّر فيكم ..

طيح الحطب ورح راضها ... ولو انك موب غلطان او ما سويت شي ..هي تبي تشوف غلاتها

ترى كلها هديه ورح ضمها وانا اشتقت لك

تلقاها ضافه عفشها

الله يهديك ويهديها

والله يجمع ما بينكم على خير ...

*pain* · 03-04-2009, 19:41

دامك تحبها هالقد ليش تزعلها وتكدر ها وتعصب..حاول لتتحكن في انفعالاتك ياخي هي شريكة دربك وزوجتك وام بنتك ليس تخربونها وبعدين تبون تصحولنها حتى بدون اعتذار..واهي ما عندها كرامة يعني هي بعد يعز عليها اهانتها ...
الله يصلح بينكم انت تنازل اذا تحبها وروح صالحها وخذها بيتها اذا لهادرجة في حب يعني كل شي يهون ياخوي...
مافي كرامة وكبرياء وخرابيط بين الزوجين...هي زوجتك تتدل عليك صالحها وينتهي الموضوع..الله يهداك بس...
الله يصلح بينكم ...
اختك الم

أبو فيصل · 03-04-2009, 20:13

الله يستر عليك اخوي ويحفظك ويرد لك زوجتك ان شاءالله
وصدقني حاس فيك جدا جدا

والله يهدي زوجتك وترجع لك لأنها مالها بعد الله إلا أنت
ويحفظ لك بنتك ويخليها لكم

ضــي شاعـرهــا · 03-04-2009, 20:22

الي اعرفه ان الي يحب من قلب يتناااازل لو مهماااا صاااااار

بعدين ياعزيزي مافيه شي اسمه تنهان كرامتي وما ادري شنو

كرامتك ع الناااس تحافظ عليها مو ع زوجتك وام بنتك !!

عزيزي

تغااافل وتنااازل عشاان تقدر تعيش !!

الله يهنيكم ويااابعض

تحيااتي

دموع كيوبيد ! · 03-04-2009, 20:37

الله يردها لك عاجلاً غير آجل ..
ويجمعكم ع خـيـر وحب ...

: )

][*الحياة حلوة*][ · 03-04-2009, 20:40

,وش السالفه

نفس اللي صار بيني وبي زوجي لايكون انت ههههههه والله ماستبعد!!

لا بس احنا ماطولناها يمكن الموضوع قديم

والمصيبه يقول زميلتها <<منهي اكتمممممممممممممممملت هههههه

خلني مكان زوجتك وافهمك !!!

جزاتها تمزح معك تقوم تثقل دمك <<انتم دايم كذا !! دفاشة وطعوووووووس

بعدين انا وقتها ماطلعت زعلانه لانك انت كنت طفشان اتصل اخوي يبنو يتمشووون قلت بروح

وردا على على دفاشتك طلعت من غير اذن

يوم شفتك ميت وخايف من ردة فعل اهلي عجبتني سالفة الزعل وطبقتها,,,,,,,,,,,,,

وبس

<<مو انت طبعا بس انا هذا اللي فهمته زوجي ,,,

يمكن زوجتك كذا

غريبه والله العظيم

بدق جوال اذا دق عندك معناه انت

يعني مو بس الاشخاص يتشاااابهون يمكن حتى القصص تتشاااااابه

ههههههه اسسسسسسستغفر الله

يطري علي · 03-04-2009, 21:42

بسم الله الرحمن الرحيم ..

هذا اخر رد ..

اشكر كل من رد .. وهذه كلها وجهت نظر احترمها .. بارك الله فيكم اخواني ..

بس ابي ارد .. على بعض الاخوان ..

اولاُ .. من ناحية الكرامة او اني اتنازل ,, انا ادري انها زوجتي ,, وتستاهل كل احترام وتقدير .. بس انا مو لعبة مثل ما انتي لك مشاعر واحسيس انا مثلك ,,؟؟؟ انا اكثر من مرة تنازلت لاتفه الاسباب ,, وكله عشان خاطر زوجتي ,, ووبنتي ,, لكن هالمرة ؟؟ صعبه اني اراضيك على شي انا مسويته ؟؟ !! واهي تدري في هالشي ؟؟

ثانياً ,, اخوي يقول خلك حكيم ؟؟ انا لو مو محكم عقلي كان طلقتها من اول ما سمعت الخبر انها تبي الطلاق ..

ثالثاً .. ولله يا اخوان ماتدرون شكثر احبها واموت فيها والمشكله اهلها يدرون في هالشي واهي نفسها تدري في هالشي وانا ادري انها اهي نفس الشعور تجاهي تحبني وتخاف علي ,,

كلمتنا اللي تعودنا عليها ( عسى الله لا يفرقنا + ما نستغنى عن بعض )

الله يردها ويصلحها ويصلح اهلها ويسود الحب والموده بيننا يا رب ,,

الله يجزاكم خير يالغوالي ماقصروت نبي بس دعواتكم لي ,,

ملاحظه ياناس ,,

ياجماعه في منتديات خاصه بالمشاكل الزوجيه ,, كثيييره ؟ ولكن الخلل في بعض الاعضاء الله يصلحهم ,, يخرب الزوج وزوجته ,, تجد الاخ الحبيب للسائل ومتضايق ؟؟ والحبيب يقووله طلق لا ترد لالالالا يا اخوان الله عرفناه بالعقل ,, حاول تهدي الامور وكل شي بالتفاهم ,, وتذكر كل كلمة راح تحاسب عليها يوم القيامه عند رب العباد ,, في ناس تمششي على كلام الناس , ما يحكم عقله ولا يفكر ؟؟ والشيطان شااطر الله يبعدنا عنه

وتسلمو حبايبي ,,

اشوفكم على خيـر

ضيم السنين · 03-04-2009, 22:09

؟

نو كومنت

تناقض عواطف

قلبي كله حنان · 03-04-2009, 22:40

لاتعليق

ماهو خطاي · 03-04-2009, 23:21

هلابك خيوو.
يرجال هذا دلع بنات هم يتدلعون ما عليك ما فيه طلاق لا تخاف بس يمكن هي متعوده منك الطيبه والحنيه على قولتهم علشان كذا ، تبي نصيحتي خيو سو نفسك ما كانك سويت شي واذا جت تفتح موضوع الطلاق سو نفسك ما سمعت كمل سالفتك . و اذا رجعت من السفر دق عليها قل يله تجهزي ابي اخذك انا جاي ولا تعذر ولا شي سوى كانه ما فيه شي .

الله يوفقكم ويسعدكم.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

قسم بالله ذبحني فرقاك ..........!!!