عالم الحياة الزوجية - منتدى

ثلاثيني ومنفصل · 04-04-2009, 14:29

لاحد يقول وش فيه ثلاثيني انهبل ترا ماحطت المنتديات الا عن عشان نفضفض ونكتب مايجول في خواطرنا

السالفه اني يومني كنت صغيــــــــر ماكانت أحلامي مثل أحلام " خلق الله " !!

ويوم يسألنا الكبار ذلك السؤال المعروف ــ وهو : وش ودك تصير اذا كبرت كنت تشعر وأنت تستمع لبعض اجابات العيال انك تجلس في مجلس الوزراء !!

ولأني كنت متميزاً منذ صغري ـ حفظني الله ورعاني ـ فقد نقل لي بعض الرواة من أهلي أني كنت أجاوب : أنا ودي أصيــــر اكبر ((داشــــر)) في العالم

يمكن ماتوفقت لكي أصبح " عالمياً " وقد يعود ذلك لأنني أعيش في دولة من دول العالم الثالث التي لا تعطي الموهوبين حقهم من الرعاية والاهتمام !

ويمكن الحظ الردي له دور :

حظي واعرفه دايم الدوم منحوس *** مدري قرادة حظ ولا وراثه

<<<< جامع الثنتين

لكنني مع هذا كله استطعت أن أحقق نجاحات ممتازة على المستوى المحلي ( في الدشاره طبعاً )

ورغم أن سنين الإبداع في الدشرة قد ولّت وراحت إلا أني أفتقد أحيانا لبعض أحلامي في تلك المرحلة ..!!

كنت مثلاً احلم أن أسافر الصين عشان أكتب على سور الصين (( مخالف ويزال من قبل البلدية )) ..
ثم أرجع في نفس اليوم ، وأسافر لإيطاليا وأكتب نفس العبارة على برج بيزا المائل مع عباره ( تالف )

ولا انكر أن هالشي بغيت اسويه جد في زيارتي لإيطاليا قبل عامين ( بس ماش دايم عنده ناس مايخلى )

ولا زلت احن لان يكون بخاخي ( تحت المرتبه ) وامحط بالخواطر قدام دريشة الزين ( اللي يفز قلبي لاشفتها فاتحتن طرفها ) ولا نمحط بحرف اسمها على جدار المدرسه ( واذا طلعن البنات من المدرسه كل وحده يبدأ اسمها بنفس الحرف تهك على صديقاتها تقول ترا هالعاشق المجهول يقصدني من كثر العشق والرومنسيه اللي كنا ننثرها على تلك الجدران .. )

ولازلت احلم بأن تعود تلك الأيام وأصدقاء الطفوله

أذكر أن أحد هؤلاء الأصدقاء كان تاجراً يبيع الدجاج , وآخر كان نصاباً يروج لسلعة التاجر ...
وفي أحد الصفقات التجاريه جاء التاجر يبي يبيع ديك ولكنه ماكان نظيف وشكله مبهدل , فاقترح عليه النصاب " مسؤول التسويق " أن يغسله ... ومن زود النظافة حطه في غسالة الملابس وصب عليه من الكلوركس والصابون مالله به عليم !!
الى هنا والأمر طبيعي ،، لكن ما تسبب للديك في إعاقة دائمة استمرت حتى وفاته رحمه الله ( انت يالديك ) وهو أن النصاب اقترح على صاحب الديك ان يضعه في " نشافة الملابس " وطلع الديك منها عظامه متحطمه وفقد الذاكره فمعــــــاد يذكر هو كان يؤذن وإلا يغني "

الغريبه انهم باعوه
وكبرنا وكبرت احلامنا وطموحاتنا صح اننا متحطمين باغلبها ( العن من تحطم الديك بالنشافه ) ولكن هي احلام وهي نعمه بنفس الوقت عسى مايجي من يحرمنا منها ولا يحط عليها ضريبه ..

تخيلوا بكره يجينا فاتوره احلام وفيها عدد الاحلام ونوعها ومدتها وفيه احلام خاصه ( يمال فرقي العين )

المهم ولا اطول عليكم مؤخرا بديت اشطح باحلامي

لعل آخرها وأكثرها هو تخيلي

أني الملك!

كذا بدون مقدمات ودفعة واحدة ، وبدون تدرج وبدون شي لم أصدر أي قرار أثناء فترات حكمي المباركة والمتقطعة ، والتي بالعاده تكون وقت رجعتي من الدوام للبيت ، ومدري للحين وش الاسباب اللي تمنعني من الحكم الصبح وأنا أمشي في نفس الطريق متجه للدوام !

المهم ..

أنا ماصدر أي قرارات ، بس اتخيل شعبي قدامي وانا أخطب فيهم بكل حماسة واتخيلهم وهم يدعون لي بطول العمر .. واني كل اسبوع معرس ، وسبحان الله طريق الرجعه من الدوام يمر بسرعه عجيبه

والزين مايكمل فلا تخلو تلك السعادة من منغصات ، فأنا أتضايق جداً من الأخوة الملوك والرؤساء وزعماء الدول الذين يقفون بجانبي عند إشارات المرور ويناظرون فيني باستغراب وأنا متحمس في كلامي مع شعبي !!

والا يجيك اتصال يقطع الخطبة إتصال هاتفي أو رسالة مفادها " جب معك خبز وبسرعه" !!

ما علينا ..

فكثير هم " اللي يجيبون الخبز وبسرعه وملــــوك بعد وقفت على ثلاثيني يعني

ياترى اخواني واخواتي الاعضاء والمتزوجين خصوصاً تجيكم مثل هالاحلام ولا انا ماني بصاحي

مكحله عيني بزوجي · 04-04-2009, 14:59

ههههههههههههه خخخخخخخخخخخخخخخخ بموت من الضحك يمكن صاحي ويمكن منت صاحي مدري رح الدكتورحتى انا بغيت اكتب على برج العرب في دبي وعلى قصر نور في تركياولا سوريا مافيها شي اكتب عليه تجيب الهم بس زوجي رفض مسوي متحضر ولا يرى الكتابات مسوي جنتل مان فديته انا
ثلاثي انت تحفه بعدين سئلتك سؤال حقت كتب الجدران وطنشتني ماعليه قلبي ابيض

قطوف دانيه · 04-04-2009, 15:01

وأنا صغيرررره كنت نفسي أتزوج واحد زي سيلفــــر ( اللي بجزيرة الكنز ) بكل شي فيه والى الان نفسي أتزوووج واحد زي سيلفر بس أبيه

برجلين مو رجل وحده ..

ثلاثيني ومنفصل · 04-04-2009, 15:11

اقتباس:

المشاركة الأصلية كتبت بواسطة مكحله عيني بزوجي

ههههههههههههه خخخخخخخخخخخخخخخخ بموت من الضحك يمكن صاحي ويمكن منت صاحي مدري رح الدكتورحتى انا بغيت اكتب على برج العرب في دبي وعلى قصر نور في تركياولا سوريا مافيها شي اكتب عليه تجيب الهم بس زوجي رفض مسوي متحضر ولا يرى الكتابات مسوي جنتل مان فديته انا
ثلاثي انت تحفه بعدين سئلتك سؤال حقت كتب الجدران وطنشتني ماعليه قلبي ابيض

اجل طلعت ماني بصاحي ..

طلعت من دوامي من شوي وكنت بالمخازن وامر قسم المنظفات الا اشوف الكلوركس واطقها ضحكه لين بغيت اطيح في سلتي اللي قدامي

عسى ماني ديك عندتس يامكحله وبعدين وش سؤالك ترا ماشفته والله او شكلك داعسته بين السطور ..

المهم لاتحطموني حتى لو ماني بصاحي سووا انه الامر طبيعي وتصير مع كل الناس تراني قايلكم من قبل اني حساس وزعول

ألماس يبرق · 04-04-2009, 16:28

ابشرك

صاحي رخصه واستماره

انا عن نفسي كنت احلم اني اكون دفتر ابوستين

لوعة الخاطر · 04-04-2009, 17:06

اذا عالاحلام يوووووووه عجزنا واحنا نحلم باحلام اليقظه اني اكون مثلا بهالمكان وكيف الناس بتكون ردة فعلها لما
يتعاملون معاي ودايما احلم اني مثلا لو كنت اميره

واقول بغرارة نفسي اني ماراح اخلي ولا انسااان يحتاج مادام انا اميرة وعندي خيير ليش ما اساعد المحتاجين ومرة كنت اتخيل نفسي واقول جانزين اروح اجاهد بفلسطين

واحررها ههههههه الي ماقدروا الرجال يعملوه انا نفسي اجرب واشوف الانتصار ونتايجه بعد ما احررها من اليهود >>>>>اذا حررتها اكيد بكون ميته

كيف بشوف النتايج ههههههه دزولي مسجات بقبري

وانا راح اقول بوصيتي حطوا جوال معاه بطاقه هههههه>>>>>اقووووول لك الاحلام يابلاش !!

ساعات اقول يمكن اكون مجنونه لكن الخياااال وحب الاستطلاع يلعب دور بتفكيري والظاهر اني مثلك خخخخخ

وردمدني · 04-04-2009, 17:24

صاحي وستين صاحي دامك ماحلمت تصير دفتر اذن لاتزال بخير مع اعتذاري لابو ستين بس ليش ابو ستين ليش مو ابو اربعين؟

ذكرتني ياثلاثيني وانا في المتوسط اول ما بدأت احلم احلام اليقظه صار لي موقف ماانساه الى اليوم

اناماكنت اعرف ان الواحد اذابدأ يتخيل ويحلم تبين انفعالاته بوجهه ومرة وانا بالفصل وعندنا معلمه قشرررراااااااااا وابدا اتخيل وابتسم وطوال الحصة اتبسم بلحالي(يمكن مرت عليكم الحاله) المهم صادتني المعلمة وهات ياتهزيييييييييء على الملأ وطلعتني برا الفصل ولما انتهى الشرح خرجت لتجهز علي

وكملت تهزيئها وتقول ليش تضحكين وانا احلف اني ماضحكت لاني ماكنت واعيه كنت احلم وهي تقول لاتحلفين وانا احلف لحد ماودتني للادارة واخذت المقسوم

ورجعت بعدها حلفت ما احلم الا بالبيت وتحت البطانيه علشان ما احد يشوفني

طبعا كل البنات كان حلمنا نصير معلمات نلبس جزم الكعوب حق خواتنا ونمسك كتاب ونسرق طباشير المدرسه(تطورنا وخلينا الفحم مايمسح من الجدار) ونمثل دور المعلمه والطالبة بنفس الوقت

ومرات كنت احلم اصير زي ديانا (لاتضحكون كل البنات كانو يحلمون كذا)
ومرات احلم بس ما اعلم احد(احلم اني عروس والبس فستان العرس ) لانه ماكان يسمح نصرح بمثل هذا الحلم عيب
وفيه حلم كنت احلم فيه وانا بالثانوي كنت احلم اتزوج امريكي مسلم علشان يكون فيه رومانسية الامريكان(تأثرت بافلامهم مع ان نصها تقطعه القناة السعوديه مشكورة) ويكون مسلم علشان ما اغضب ربي

وعلى طاري الديك اذكر اني مرة وانا بالثانوي(كبيرة وافهم بس استهبل) ويجيب لي اخوي قطوة صغيرة معفنه ومغبرة وهزيلة ملاقيها عند المسجد واخذها واغسلها بشامبو برت بلس ابي اروح ريحة القطاوة منها ( وعععععععععععععع مدري شلون كنت افكر )

المهم والقطوة شرقانه وتعاني وانا افرك ويوم صارت تلق جت امي على صوت المسكينه وهي تستغيث ميغغغغغاااااااااااوووووووووو شرقت بالشامبو وتحلف امي علينا نخرجها وننزلها الحوش ونجيب لها الاكل ويومن نشفت رجعها اخوي للمسجد وصارت كل يوم تجي عند بابنا الظاهر تبي تستحم بس ماقدرت افتح لها امي بتطقني (من تجربتي صرت امنع عيالي حتى يقربون المكان اللي فيه قطاوة او حيوانات سببت لهم فوبيا بعد الاجرام اللي كنا نسويه)

ثلاثيني كل الشكر لك احييت لدينا ذكريات جميييييييييييلة وانسيتنا همومنا واعدتنا الى عمر البراءة والطهر
بس تراك كثرت من المواضيع المتمبزة وبتحيرنا معاك اذا جينا نصوت لافضل موضوع متميز من مواضيعك

لبيه · 04-04-2009, 17:57

ابشرك انت صاحي وبكامل قواك العقليه ياطويل العمر

لبيه · 04-04-2009, 18:07

اقتباس:

المشاركة الأصلية كتبت بواسطة ألماس يبرق

ابشرك
صاحي رخصه واستماره
انا عن نفسي كنت احلم اني اكون دفتر ابوستين

ياحلوتس ياألماس للحين طموحتس موقف على دفتر ابو ستين

ألماس يبرق · 04-04-2009, 18:13

هي هي يا( ورد مدني )هذا ابو ستين

وماادراك ماابوستين

السموحه ياابوستين اللي مايعرفك

مايثمنك

ألماس يبرق · 04-04-2009, 18:16

ابشرتس يا امل ومغرز

وردمدني · 04-04-2009, 18:45

العذر والسموحه يا ابو ستين اللي مايعرف ابوستين يشويه
بس وش سالفة ابوستين؟ ممكن اعرف[COLOR="Green"][/COLOR]

*انابتبع قلبى* · 04-04-2009, 18:53

اما انا كنت احلم انى اصير زى سالى لما تلبس الفستان وتنزل من الدرج احلم واسوى زيها بدرج بيتنا وكمان كنت اعشق جون سلفر الى بجزيره الكنز

ثلاثيني ومنفصل · 04-04-2009, 23:34

أيها الاخوه والاخوات المواطنين والمواطنات ..

ترفقوا على ملكم شوي تراه من صبح الله صايرن مثل المرجم من يد نشيط ليد نشيط ..

احلامي كثيره واكذب عليكم لو ماقلت لكم ان ثلاث ارباع يومي ( رايحتن احلام في احلام )

وطبعاً ذكرت لكم جزء بسيط منها والا لو ابقول كل شي كان طلعت بلاوي ...

شلون اجل لو اني قايلكم وش حلمت فيه االاسبوع اللي راح ..

الاخوات كتاب الردود اعلاه راجعوا المكتب الخاص استلموا حقوقكم الا الماس بيرق كلبشوها واجلدوها ..

ألماس يبرق · 05-04-2009, 00:01

عسى ماشر

طيب مافيه كفاله

خلاص... خلاص.. خلاص

اطلب تدخل حقوق الأنسان

ممكن ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)

عالم الحياة الزوجية - منتدى

ذكريات يومني كنت ملك