عالم الحياة الزوجية - منتدى

بوفيصل481 · 06-04-2009, 04:03

السلام عليكم ورحمة الله وبركاته ..

كيف حالكم ؟؟ وش اخباركم ؟؟

انا شاب ادرس آخر سمستر بالجامعه ،، خاطب بنت عمتي من سنه ونص ،،

البنت جميله جداً خاطبها عن حب قديم ولكن للاسف ما عمري تخاطبت معها شخصياً ،، وحتى الآن كل اللي بينا مسجات بالجوال فقط ،، ..

بكره عازميني على العشاء في بيتهم ،، وراح اشوفها اول مره وجه لوجه بدون اي عوائق ،، العاده لم اشوفها يكونون الاهل ناشبين كلهم وما فيه مجال نتكلم ابد

،، وهي بعد كذا تنحرج وتنحاش ههههههه ،،

ابيكم تعلموني وش اسوي بكره ،، مابي اجيب العيد ،،، وايش الاساليب والاستراجيات عشان اخليها تخق وتذوب

..

يعطيكم العافيه الفزعه ..

روانـ · 06-04-2009, 04:11

اكشخ عالآخر

حط عطر بعــــــــــــــــــــــــيد المدى

خلك طبيعي ولا تنحرج يعني واثق من نفسك

بوفيصل481 · 06-04-2009, 04:39

أوكي ما اختلفنا ،، هذي الأشياء عارفينها ،، ..

لكن اقصد الاشياء اللي يفضل اتكلم فيها ،، وايش اتجنب اتكلم فيه ؟ ,,

افيدوني يا اصحاب الخبرات ..

Love my soulmate · 06-04-2009, 05:11

عقبال التخرج ان شاء الله والزواج

بتملكون بكره او لا ...؟؟

اذا لا ..
ما انصحك تخليها تخق وتذوب على قولتك .. خلك في حدود الشرع
حاول تناظرها طووووووووووووووول الخط ههههه
واذا كنتوا بتتعشوا على سفرة وحده .. ارسل ها مسج << انت وشطارتك شو تكتب فيه وبأي اسلوب تفضله

اما اذا نعم
فخذ رااااااااااااااحتك لكن مو للآخر
فمثل ما قالت الاخت "عليك بعطر بعيد المدى" ..<< وانت قلت انك عارف هالشي
حاول انك تمدحها وتمدح جمالها وكل شي فيها وتغزل فيها << عشان تخق حدها ههههه
وحاول انك تكون جالس قريب منها بحيث تقدر انك تمسك ايدها وتقبلها ان امكن حتى لو هي امتنعت انت حاول وحاول
ترى لمسة الايد لها معاني كثيرة .. وقبلة اليد تكسر حواجز كثيرة
تكلم عن فرحتك بلقائكم الأول براحه وبدون عوائق وعن كيف كنت تنتظرها طوووووووووول مدة خطوبتكم وشنو كانت مشاعرك
طبعا انت كل اللي تحتاجه من تعقيبي كله او من اي احد يعطيك نصائح اهي لأول عشر دقايق او ربع ساعه وبعدها الحديث يجر حديث وسالفة تجر سالفة وما بتنتبهوا على حالكم الا طلعت الشمس خخخخخخ او احد من اهلها فاتح عليكم الباب

عالعموم خلك هادىء وحاول انك ما تتوتر وأول ما تشوفها سلم عليها وقبل جبينها << مو تنسى اهم شي القبله عالراس

وربي يسهل اموركم ويحببكم في بعض اكثر واكثر ويعمي عيون الحساد عنكم

أنوثه مجروحه · 06-04-2009, 05:17

امدحها طبعا
امدح مظهرها شكلها لبسها طولها عرضها لونها شعرها ووووووكل تفاصيلها
لا لا لا لا لا تصدق
امدحها بس بدون مبالغه
وكمان اهتم بنظراتك يعني طالعها بحب واهتمام

لا تحرجها من البدايه بأي طلب
يعني اتصرف مثل النبلاء في الأفلام

بوفيصل481 · 06-04-2009, 07:34

يعطيكم العافيه افدتوني جزاكم الله خير ..

،، بخصوص اللي يسأل لا ما راح نملك بكره ،،

بوفيصل481 · 06-04-2009, 11:53

نستقبل المزيد من النصائح والتنبيهات

..

باقي 9 ساعات على اللقاء ،، انجدونا يا أخواني ويا أخواتي الكرام ..

عسل دافي · 06-04-2009, 13:10

نصيحه خلك هادي وريلاكس
ماتبالغ بتصرفاتك
بس ناظرلها وابتسم لها
صدقني هالطريقه حلوووووه وايد وهي اكيد راح تستانس
اما انك تمسك ايدها ومن هالحجي اللي ماله داعي وخاصه انكم مو متملكين يعني ماينفع
وممكن لو تصادف وسلمتوا على بعض الكلام المعروف عادة وبين هالحجي تقول لها اشتقنالكم
بس
وطمنا
وربنا يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بكرة لقائي الأول مع خطيبتي ،، ساعدوني !!