عالم الحياة الزوجية - منتدى

nz-aziz · 06-04-2009, 04:18

السلام عليكم ورحمة الله وبركاته

كيف الحال ان شاء الله طيبين

هذي اول مشاركة لي معاكم وانا متابع للقسم هذا يوميا وعندي مشكله ان شاء الله تلقون لي حل

قصتي بدأت من يوم قرر الوالد الله يطول عمره يخطب لاخوي الكبير وكلنا فرحنا لاخوي انه بيتزوج لكن ما كنى نعرف من بيخطب له وانا واخوي بينى مشاكل ولا ننتفق ابدا وتكلمة مع الوالد مين بيخطب فرد علي الوالد بانه بيخطب له بنت عمي اللي احبها وهي تحبني وانا رفضت قلت لا انا ابيها وفرق العمر بينهم كبير وبنات اعمامي كثير قال الوالد انتهى الموضوع وبخطبها له سكت حاولت في الوالده ونفس الرد كلمت اجدادي بانهم يكلمون الوالد وجدي عارف اني ابيها كلم جدي الوالد وابوي مصر على رأيه فاقترح جدي اقتراح ان البنت تختار بين الاثنين وابوي مصر على رايه ورحنا لهم واخوي الاوسط كان في صفي ضد اخوي الكبير وتكلم جدي وعمي ما يبي اخوي الكبير بسبب مشاكله وبعدها مشينا بعد الزياره بعدها بثلاث ايام جمعنا جدي وخلى البنت هي اللي تختار واختارتني وبعدها كثرت المشكله بيني وبين اخوي اكثر من اول

وصار اخوي يتصيد علي الاخطاء ويروح يقول لعمي سوا كذا وكذا عشان يفسخ الخطوبه بس عمي مطنشه

وانا الحين برى السعودية للدراسه وكان مخطط لزواجي بعد عيد الفطر لكن اخوووي يهددني والوالد قال لاتجي لين نحل الموضوع مع اخوك وافقت بعد مكالمة الوالد باسبوع الوالده كلمتني اخوك مصر انه ما يتم زواجك على بنت عمي وما بقى احد ماكلمه كلمته وحاولت اوصل معاه لاتفاق يرضيني ويرضيه وباقي مصر اني اترك له البنت وهذا اللي ما بيصير لو يموت

على فكره عندنا الملكه والزواج بيوم واحد

ابي حل معه والله تعبت منه

واسف على الاطاله

بيـ مسافات ـننا · 06-04-2009, 04:49

اهـــلاً اخـــوي ..

بما انهـ انت تبغى العروسه وهي تبغاك وأهلكـ وأهلها موافقين ..

يعني جميع الأطراف راضيين ماعدا أخوك فكمّل موضوعكـ ولاتتراجع ..

وتمسّك بالبنت بعد ..

وانت ماقصرت حاولت ترضي أخوك وتصالحهـ واستمر بالمحاوله وادخال أطراف ثانيه عشان يصالحونكم لانه

مهما كان أخوك ..

لكن لاتتنازل عن بنت عمك وماله أي حق انه يضغط عليك عشان تتركها لهـ وانت منت غلطان وخلّك واثق من نفسكـ .. وهي بنفسها

اختارتك انت .. وحاول انك تملّك قبل واذا ماقدرت مو مشكله بس قد ماتقدر خلّي زواجك قريب ..

وهو انشالله ربي يرزقه ..

star2009 · 06-04-2009, 05:07

الله يوفقك وخلك على موقفك وتزوج البنت الي تحبها وتحبك لوتركتها لاخوك بتتحطم انت وهي يعني الاثنين لكن لو تزوجتها انت بتسعد انت وهي وطز في اخوك المتخلف والف الف مبرووووووووووووووك على الخطبه وعقبال الزواج

nz-aziz · 06-04-2009, 05:39

اقتباس:

المشاركة الأصلية كتبت بواسطة بيـ مسافات ـننا

اهـــلاً اخـــوي ..
بما انهـ انت تبغى العروسه وهي تبغاك وأهلكـ وأهلها موافقين ..
يعني جميع الأطراف راضيين ماعدا أخوك فكمّل موضوعكـ ولاتتراجع ..
وتمسّك بالبنت بعد ..
وانت ماقصرت حاولت ترضي أخوك وتصالحهـ واستمر بالمحاوله وادخال أطراف ثانيه عشان يصالحونكم لانه
مهما كان أخوك ..
لكن لاتتنازل عن بنت عمك وماله أي حق انه يضغط عليك عشان تتركها لهـ وانت منت غلطان وخلّك واثق من نفسكـ .. وهي بنفسها
اختارتك انت .. وحاول انك تملّك قبل واذا ماقدرت مو مشكله بس قد ماتقدر خلّي زواجك قريب ..
وهو انشالله ربي يرزقه ..

يعطيك العافيه بس عنيد وبالغصب يبيها والزواج قريب بس تاجل بسببه باقي على العيد ان شاء الله نلقى معه حل

nz-aziz · 06-04-2009, 05:44

اقتباس:

المشاركة الأصلية كتبت بواسطة star2009

الله يوفقك وخلك على موقفك وتزوج البنت الي تحبها وتحبك لوتركتها لاخوك بتتحطم انت وهي يعني الاثنين لكن لو تزوجتها انت بتسعد انت وهي وطز في اخوك المتخلف والف الف مبرووووووووووووووك على الخطبه وعقبال الزواج

يعطيك العافيه المشكله البنت رافضته ولازال مصر عليها

AHM22 · 06-04-2009, 09:43

الزواج مو غصب ولا يقدر يسوي شي

اه على الزمن اللي الاخوان قاموا يتخالفون اعوذ بالله منك ياابليس

ربي يسعدك ويتمم عليك زواجك انت وبنت عمك ويارب يهدي اخوك الكبير ادعو له انه ربك يهديه

يا أغلى من روحي علي · 06-04-2009, 11:08

أخوك هذا مشكله

وبعدين البنت اذا قررت أنها تاخذك خلاص ماله علاقة بالموضوع كله.

الله يوفقك ويرجعك بالسلامة

فداك العين · 06-04-2009, 13:58

الله يوفقكم يارب

حاول معاه مره واتنين وتلاته بس لانه اخوك الكبير وتحترمه اما غير كدا ماااااله اي دخل
يعني ش يبي؟ ليه يسوي كذا الله يهديه بس

وانتو ربي يوفقكم يارب

طمنا عليك

nz-aziz · 06-04-2009, 13:59

اقتباس:

المشاركة الأصلية كتبت بواسطة ahm22

الزواج مو غصب ولا يقدر يسوي شي
اه على الزمن اللي الاخوان قاموا يتخالفون اعوذ بالله منك ياابليس
ربي يسعدك ويتمم عليك زواجك انت وبنت عمك ويارب يهدي اخوك الكبير ادعو له انه ربك يهديه

يعطيك العافيه

وان شاء الله الله يهديه ويفكني شره

nz-aziz · 06-04-2009, 14:02

اقتباس:

المشاركة الأصلية كتبت بواسطة يا أغلى من روحي علي

أخوك هذا مشكله
وبعدين البنت اذا قررت أنها تاخذك خلاص ماله علاقة بالموضوع كله.
الله يوفقك ويرجعك بالسلامة

يعطيك العافيه والله انه مشكله كبيره مدري ليش مصر شكل السالفه عناد ومالقيت معه اي حل

nz-aziz · 06-04-2009, 14:07

اقتباس:

المشاركة الأصلية كتبت بواسطة فداك العين

الله يوفقكم يارب
حاول معاه مره واتنين وتلاته بس لانه اخوك الكبير وتحترمه اما غير كدا ماااااله اي دخل
يعني ش يبي؟ ليه يسوي كذا الله يهديه بس
وانتو ربي يوفقكم يارب
طمنا عليك

الجميع والله يعطيك العافيه

وحاولنى معه كثير مابقى احد ما كلمه وللحين محترمه ومقدره مو عشانه عشان شيباني والا هو مايستاهل

وشكله يعاند بس يبي يخرب حياتي بسبب المشاكل اللي بيني وبينه

ان شاء الله ربي يهديه

قحطاااني ماااركه · 06-04-2009, 14:25

الله يتمم لك على خير
ويبعد عنك شر أخوووك

...........

تدري الغلطه من البدايه مفروض
خليته يخطبها وبما أنها تحبك
ما راح توافق لكن موضوع الاختيار

هو اللي خلق بينك وبين اخوك عداوه

قحطاااني ماااركه · 06-04-2009, 14:26

الذين يشاهدون محتوى الموضوع الآن : 7 ( الأعضاء 5 والزوار 2)
‏قحطاااني ماااركه, ‏لجيــــن, ‏اسلام محمد احمد, ‏حنون الى درجة الجنون, ‏nz-aziz

nz-aziz · 06-04-2009, 14:39

اقتباس:

المشاركة الأصلية كتبت بواسطة قحطاااني ماااركه

الله يتمم لك على خير
ويبعد عنك شر أخوووك
...........
تدري الغلطه من البدايه مفروض
خليته يخطبها وبما أنها تحبك
ما راح توافق لكن موضوع الاختيار
هو اللي خلق بينك وبين اخوك عداوه

امين

............

عاد اللي صار والاختيار زاد سبب المشاكل وماعاد لقيت حل

ساعدوني عطوني حل يقنعه ويفك فيني من شره واتزوج خلاص تعبت

يعطيك العافيه قحطاني ماركه

من جنبها · 06-04-2009, 14:44

اللهم لك الحمد

تتهاوشوون انت واخوك علشان بنت

اخوى على كذا خربت على اخووك

اشوف موقفك ماله داعى نهائياا والله لايحدنى على الاشياء هذى

مهما صار كان خليت الوضع عادى ويمكن توافق البنت او لا

اذا وافقت الله يوفقهم واذا ماوافقت يجيك الدور وانا اخوك

كل شى الا اخووك بس انت الله يهديك خربت كل شي

وبنات الناس كثااار

وبتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معناتي واريد حل تكفون