عالم الحياة الزوجية - منتدى

أسير نظرة عيونك · 06-04-2009, 13:47

بسم الله الرحمن الرحيم
أسعد الله أوقاتكم بكل خير ومحبه أعزائي أعضاء هذا المنتدى الشامخ تطيب لي الفرصه بمشاركتكم للرقي بالحياة الزوجيه إلى المستوى المطلوب .....
أنا شاب عمري 24 متوظف في وظيفة مرموقه ولله الحمد لي أكثر من ثلاث سنوات وانا متوظف !!!
وكأي شاب فكرت في الزواج ولكن ................
وجدت مشكلة كبيرة جداً في اختيار شريكة حياتي أقسم بالله العظيم لي أكثر من سنه ونصف وانا أفكر أدور الانسانه اللي تناسبني واناسبها لكن عجزت!!
الوالدة والاخوات ما قصروا كل يوم وش رايك في فلانه وفلانه
بس انا حاس أني مو مرتاح وأجد صعوبة كبيرة جدا في عملية اختيار شريكة حياتي
أتمنى منكم مساعدتي وش أسوي ؟ بالرغم اني قادر على كل شي ولله الحمد من ناحية الوظيفة والمنزل وكل شي متوفر وهذا من فضل ربي
اجد صعوبة وخوف في اختيار شريكة حياتي ما هو الحل ؟

حوريه*** · 06-04-2009, 14:23

الله يوفقك ويتمم لك على خير
اهم شيئ لاختيار اي فتاه هم اهلها واخلاقهم وتربيتهم لانهم بيصيرون اخوال عيالك وكمان تكون زوجتك اخلاق وذووق
الشيئ الثاني التوا فق العلمي تلاقي انسانه مثقفه فاهمه مو شرط الشهاده لكن الثقافه في النقاش في الحوار
التوافق في العمر احلى شيئ بالنسبه لك بالعشرين اهم شيئ اصغر منك بسنتين واكثر عشان ماتصير ند لك بالبيت
انها تكون من نفس منطقتك مو كل شهرين ثلاثه وانت مسافر
وكمان عشان ماتمل وتتعب نفسيتها من فراق اهلها

ثم الشكل انا من وجهة نظري كل البنات حلوات لان لكل منا نظرته في اي شخص
وانا انصحك بالرؤيه الشرعيه
والله يوفقك
واهم شيئ الاستخاره قبل كل خطبه

من جنبها · 06-04-2009, 14:39

مانى عارف انت ارتاح ولاتفكر بالزواج وحاول تطور نفسك في العمل

وصدقنى كل شى راح يجيك وانت مرتاح

ضيم السنين · 06-04-2009, 14:44

24 ؟ توك بدري على الزواج

عيش حياتك

وواصل لمستقبلك

ثمين تزوج يمكن لما تصك 30 وقتها يكون اختيارك صح وعن اقتناع

من جنبها · 06-04-2009, 15:26

اقتباس:

المشاركة الأصلية كتبت بواسطة ضيم السنين

24 ؟ توك بدري على الزواج
عيش حياتك
وواصل لمستقبلك
ثمين تزوج يمكن لما تصك 30 وقتها يكون اختيارك صح وعن اقتناع

بصراحه اسمع كلام ضيم ترا عندها خلفيه ممتازه بالامور الزوجيه وانا اخوك

حتى لو تشوف عدد مشاركاتها كثيررر

وانا من ناحيتى باسمع كلامها لان العمر اللى حاطتها وقت ممتاز جداا لبلوغ العقل في المستوى المطلوب

روانـ · 06-04-2009, 15:36

اقتباس:

المشاركة الأصلية كتبت بواسطة من جنبها

بصراحه اسمع كلام ضيم ترا عندها خلفيه ممتازه بالامور الزوجيه وانا اخوك
حتى لو تشوف عدد مشاركاتها كثيررر
وانا من ناحيتى باسمع كلامها لان العمر اللى حاطتها وقت ممتاز جداا لبلوغ العقل في المستوى المطلوب

معليش لك ولها

الرجال يبي يكمل نص دينه

والا تبونه ينحرف

بالعكس سن مناسب للزواج

الله يوفقك
في كل صلاه ادع ان الله ييسر لك بنت الحلال

قال 30 قال

روعة قصيد · 06-04-2009, 16:32

هذا اتوقع عادي
بس انت اجلس لوحدك واكتب مواصفاتك على ورقه
وخلي اهلك يدورونلك وشوفها يون النظره
واذا ملكت قلها الاشياء اللي تحبها واللي تبي تسويهالك
عشان ماتتعب بعد الزواج لان شكلك متردد كثير

دبدوب ويبي ينحف هههه · 06-04-2009, 17:11

السلام عليكم
اخوي توكل على الله واكثر من الدعاء وان شاء الله تتيسر امورك وتحصل لك بنت الحلال
وانا بعد خخخ
تراك بنفس عمري وانا مثلك محيوس مع حسن الاختيار
حنا ياخيي ماعلينا الا فعل السبب والدعاء الى الله يسخر لنا بنت الحلال الصالحه ..

انتهى..

وحبيت اضيف في مداخلتي اعتراض على كلام الاخت ضيم
والاخ من جنبها
حبايبي احب اقولكم انه في هالوقت بالذات اذا الشخص قادر على الزواج مايتردد ولالحظه
وش تبون مننا تبوننا نتأخرفي الزواج بحكم صغر سننا
لا وبين هالمشاكل اللي قاعده تصير اللهم ياكافي
فتن في كل مكان
الواجب على كل شخص قادر عالزواج يلحق على عمره ويكمل نص دينه ويستر على نفسه
في هالوقت والله الواحد يدور الستر والحلال...

انتهى.....

بيبــg · 06-04-2009, 19:21

يوووووووووووووه
ذكرتني في أخوي نفسك ونفس سنك ويبي يتزوج
وكل مالقينا وحده يا اما تكون مخطوبه ولا ماتناسب وطبعا بعد ايييييييش نلقى
والله عادي الكل يمر بهالصعوبه
هذا زواج وانا أختك لازم له تتعب عشان يكون اختيارك ماتندم عليه طول عمرك
المهم قبل كلل شي الإستخااااره ثم الإستخااره
قبل لايروحون يشوفون أهلك البنت أو يخطبونها أنت استخير قبل ثم سوو هالخطوه ...
............
اضافه ...
صدقني يمكن تاخذ وحده أنت ماتتوقعها
مثلي انا مثلا ^ ^ كنت أبغى من نفس العايله (أقصد اسم العايله)
وجاني كم واحد وسبحان الله ماارتحت ... حتى الكل صار يسألني وشفيك وليش ( عاد تعرفون حريم ^ * )
سبحان الله يوم جاني واحد من برى العايله استخرت وسبحان الله كل شي تم وهذا حنا متملكين والحمدلله ...
والله حتى الكل لما يكلمني يقولون وين اللي مارح تاخذ الا من عايلة ......
ووين اللي مارح تتزوج لما تخلص دراسه ..

.......
سبحان الله ربك اللي يدبر الأمور
في أشياء تصير تخصك .. أنت ماكنت تتوقع انها تصير ...
لكن ربك كاتبها ...

أخوي
عليك بالدعاء ترى ماخاب من رجى ربه ...
....
اسفه عالإطاله بس ان شاءالله أكون أفدتك أو ريحتك بشي

...........
تقبل كلامي
أختك : بيبــg

ام توتو الحلو · 06-04-2009, 19:31

والله الرجال ادري ما عندي اجابه

فداك العين · 06-04-2009, 19:42

لاعمرك تماااااااام
اماااااا ثلاثين بيكون في فرق بين عمره وعمر عياله هوا 31 وولده عمره سنه طب وبعدين لما ولده يكبر شوي يكون ابوه بالخمسين ؟

احس حلو الواحد يتزوج صغير وبالنسبه لك عمرك متوسط ومره مناااااسب للزواج

اما بالنسبه لشريكه حياتك انا بعد اعتقد انهاافضل تكون اصغر منك بسنتين ثلاثه

وبالنسبه للشكل هذا مقاييس وميوول شوف انت ش تفضل
ولا تنسا ان صلاه الاستخاره بتسهلها عليك ان شاء الله
والنظره الشرعيه .. بعد لها تاثيرها

وربي يوفقك يارب

nada layam · 06-04-2009, 19:51

امين

~~دنـــ القوووي فيها حكم ـــيا~~ · 06-04-2009, 19:57

[SIZE="5"] الله يعينك[/SIZE

أبو فيصل · 06-04-2009, 20:07

السلام عليكم اخوي
الله يوفقك وماقصرو الاعضاء بصراحة وانا ضد كلام الاخت ضيم السين والأخ من جنبها
انت أحسن النية وان شاءالله ربي بيوفقك ويعطيك على قد نيتك ومادري ليش إحساسي يقول انك تبحث عن جميلة إعترف هع
وصدقني المسألة يبي لها صبر شوي وزي ماقالت لك الاخت أكتب المواصفات بورقة وعطها أهلك ولاتنسى الشوفة مهمة جدا للأثنين
والله يوفقك

أسير نظرة عيونك · 07-04-2009, 02:25

أشكر كل من شارك في هذا الموضوع وجعلها في موازين حسناتكم

بجد استفدت من ردود الاعضاء يالبى قلوبكم

شاكر لكم مرة أخرى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أبي أتزوووج بس !!!!! <<< سآعدوني