عالم الحياة الزوجية - منتدى

مدري وش اسمي نفسي · 07-04-2009, 22:58

السلام عليكم ورحمة الله وبركاته

كيفكم عساكم بخير

حبيت اطرح لكم سالفتي >>> اخلصي خخخ

انا لي اسبوعين مملكه بس لسى باقي على حفلة الملكه كمان اسبوعين

وزوجي مره مره يستحي خجول لدرجه كبيره

يعني كلمني اول يوم بعد العقد وبعدها ماكلمني يستحي

بس يرسللي كل مساء يمسي علي ^_^

مدري وش رايكم كيف اغير هالحياء الي فيه

واذا انا بادرت وارسلت له رسايل تتوقعون يقول هذي ماتستحي

مع اني انا استحي اكثر منه خخخخ

بس ماادري ودي ارسل له ومتردده حدي اذا مساء علي مسيت كلمه ورد غطاها

بس للحين ماتجرأت وارسلت له رسايل

وش رايكم ابي شوركم بعد الله

وابي وجهة نظر كل من البنات والاهم الشباب

ولكم احترامي ..

اسيير · 07-04-2009, 23:04

انا اشوف ان كل شي طبيعي

طيب جربي تسولفون بالرسائل يعني موقف صارلك اليوم او اي شي وحاولي تدخلين كم حلوة مع كلام الرسائل وصدقيني الكلام الي طالع من القلب اجمل من الرسائل الي تتناقلها الناس من غير ما تكون نابعة من القلب وصدق المشاعر

مدري وش اسمي نفسي · 07-04-2009, 23:16

اسير الله يعطيك العافيه

وهذا الي اسويه احاول اذا مسيت ادخل كلمه حلوه وهو كمان

يعني تشوف كذا احسن ؟

يلا الله يتمم على خير

واتمنى اشوف اراء ثانيه

أنااا أنااا · 08-04-2009, 08:14

أولا مبروك حبيبتي و الله يوفقك..

ثانيا أفضل انك ماتبدي أنتي بالرسائل، وهو مع الوقت راح يتجرأ، بس لا تكون بدايتها منك، لأنك أنت مو عارفه طريقة تفكير الرجل..

أنا كنت نفس حالتك و كانت رسائل زوجي كأنها لأحد من الشباب ولا كأني زوجته، ولا كان يكلمني وطولت ماسمعت صوته، ويالأخير هو اللي صار يتصل و يرسل رسائل كثيييييير..

تقبلي النصيحه من فتاه مازالت في فترة الملكه ومرت بكل اللي كتبته لك..

موفقه حبيبتي

AHM22 · 08-04-2009, 08:26

لسى ماملكت ادعو لي احصل الزوجه الصالحه

بس من رأيي الرجال يحب البنت اللي تدلعه وتهتم فيه وتحسسه بحبها له

مدري وش اسمي نفسي · 08-04-2009, 21:03

اقتباس:

المشاركة الأصلية كتبت بواسطة أنااا أنااا

أولا مبروك حبيبتي و الله يوفقك..
ثانيا أفضل انك ماتبدي أنتي بالرسائل، وهو مع الوقت راح يتجرأ، بس لا تكون بدايتها منك، لأنك أنت مو عارفه طريقة تفكير الرجل..
أنا كنت نفس حالتك و كانت رسائل زوجي كأنها لأحد من الشباب ولا كأني زوجته، ولا كان يكلمني وطولت ماسمعت صوته، ويالأخير هو اللي صار يتصل و يرسل رسائل كثيييييير..
تقبلي النصيحه من فتاه مازالت في فترة الملكه ومرت بكل اللي كتبته لك..
موفقه حبيبتي

وانا هذا الي اسويه اذا ارسل رديت كلمه ورد غطاها

وان شالله راح اسوي مثلك

والله يتمم على خير

مشكووووره يالغلا

مدري وش اسمي نفسي · 08-04-2009, 21:06

اقتباس:

المشاركة الأصلية كتبت بواسطة AHM22

لسى ماملكت ادعو لي احصل الزوجه الصالحه
بس من رأيي الرجال يحب البنت اللي تدلعه وتهتم فيه وتحسسه بحبها له

الله ييسرلك ويرزقك بالزوجه الصالحه يارب

انا عارفه بس وجهات نظر الرجال تختلف من شخص لشخص

وهذا الي مخوفني

الله يعطيك العافيه عالمرور

امواااج511 · 17-05-2009, 02:51

هلا ياقمر

لاماعليك مع الوقت بيتجرأ وبتقولين لو قعد ع حياه ابرك هههههههه

بس دامه خجول احسن من واحد ملكع يعني بتصيرين ع راحتك لحد ماتتعودون ع بعض وربي الحياء نعمه

بعض الشباب بعد الملكه يجيبون العيد بسوالفهم وتصرفاتهم لدرجة انك تكرهين تكلمينه من كثر مايحرجك

اما بالنسبه لي للحين مسوي ثقيل حتى مسج ماشفته طيب والله لاطلع عنونه قاهرني

حتى مايعني لي شي واسمه يمر عندي عاااااااااااااااااااادي بس الرسايل لاتفكين حيل معه

عيوني حزينهـ · 17-05-2009, 04:27

يااااااااعسل ،، بجد موضوعك حلوو ،،
شي طبيعي جداً ،،

ربي يوفقكم ويسعدكم ويخليكم لبعض يارب ،،
يوبعد عنكم الحرااام يار ب العالمين ،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن تسمعون لي يااهل الخير ؟؟