عالم الحياة الزوجية - منتدى

airbus-pilot · 09-04-2009, 03:49

السلام عليكم جميع
اخواني واخواتي اخوكم طيار بالكويتيه عمري 28 صارلي 7 سنين اعمل بالشركه والحمدلله ترقيت لدرجه كابتن او قائد طائره 320 قبل سنه
المشكه اخواني انه الاهل وبالاخص الوالده الله يطول بعمرها تحن علي بالزواج وانا ما ادري يا جماعه متردد بدرجه كبيره وظيفتي الحمدلله ممتعه اذا كنت عزابي اما الزواج فيها فهو صعب لظروف العمل
هذا امر
الامر الثاني انني بكل صراحه حريص اي والله ما ودي ادفع مهر وتكاليف على الرغم من ان معاشي ولله الخمد 3700 كويتي حاليا من غير الاوفر يا جماعه مو بخيل على نفسي حمدلله لبس وسياره مرتاح بس بخيل اذا جات بالامور هذي اليي احس انها مبالغ فيها

وبعدين احس ان الزواج راح يقيدني جدا وخوف كذلك من ان يرفضوني اذا تقدمت بسبب عملي
فهل انتظر بعد ولا توكل على الله وتزوج مظيفه واريخ مخي خخخخخ

يستاهل البرد من ضيعك · 09-04-2009, 04:31

ياخي والله انى حاس فيك

مشكلتك نفس مشكلتى وهى ان العمل هو الي منع الواحد من الزواج والسبب انه صعبه تزوج وتخلى بنت

الناس كذا مع ان عملى انا ع الاقل احسن شوى ما فيه سفر واترك البيت بالايام مثلك

بس اغلب وقتى انا عارفه انه راح يكون برا البيت
مع انه الحمد لله مقتدر مادينا وكل شي ومو ناقص الواحد شى بس وين تلقى بنت ها الايام بتتحمل ضروف عملك
واغلب زملائى الى من نفس عملى يا عازب يا مطلق

لا كن ما اقول الا الله يفرجها من عنده

0جنى0 · 09-04-2009, 04:37

فيه بنات يتحملون وانا أعرف بنات يبون ازوجهم وظايفهم كذا عشان لين جاوو البيت يكونوا مشتاقين أكثر بس لازم اذا جاء البت بعد الدوام يعطي البيت حقه موبس يجي تعبان ولا يعطي المسكينه اللي تنتظره حقها
بس معقوله كل اللي يشتغلون معك إخوي يستاهل البرد من ضيعك مطلقين اوعزابيه مافي احد متزوج

يستاهل البرد من ضيعك · 09-04-2009, 04:49

اقتباس:

فيه بنات يتحملون وانا أعرف بنات يبون ازوجهم وظايفهم كذا عشان لين جاوو البيت يكونوا مشتاقين أكثر بس لازم اذا جاء البت بعد الدوام يعطي البيت حقه موبس يجي تعبان ولا يعطي المسكينه اللي تنتظره حقها
بس معقوله كل اللي يشتغلون معك إخوي يستاهل البرد من ضيعك مطلقين اوعزابيه مافي احد متزوج

جنى انا اتكلم عن الاغلبيه نادر تلقى بنت تتحمل واذا بتصبر الى متى بس بيجى لها فتره وتقول لك طفشت
لانها ممكن تتحمل سنه سنتين ولا كن بعدها بتجيك المشاكل
ونا اتكلم عن زملاء لي وعن تجربه لهم

0جنى0 · 09-04-2009, 04:59

شوف المشاكل في الحياة الزوجية لابد منها مو شرط يكون سببها العمل
بالعكس يكون سببها عدم العطاء لاخر هذا السبب صدقني لان اللي يرجعون من الشغل متاخر يرجعون تعبانين ويبون ينامون ومايحسون ان في أحد ينتظرهم

angel_re85 · 09-04-2009, 05:39

لو فكرت بهذه الطريقه عمرك ماتفكر تتزوج لان ظروف عملك ماتتغير
المهم الانسانه الى ترتبط فيها تكون مقدره ظروف عملك
توكل على الله ولاتخاف من تقيد ولاغيره كل مرحله ولها جمالها وللبيت والاستقرار والاسره طعم اخر وانت لم تعد ضغير سنك مناسب جدا
اما موضوع التكاليف شو فيك يعنى تبغى العروس هى الى تكلف ههههههههههه
بلاش بخل التكالف الى بتدفعها هذى بتكون على زوجتك وبيتك
وخير الامور الوسط لاتبزر ولا تضيقها
الله يوفقك

مسمس12 · 09-04-2009, 12:50

بالعكس الشغل ماله علاقة اهم شي اتكونون متفاهمين وهي اتكون مقدرة ظروفك

وبالعكس احس حلاته شوي تشتاقون لبعض مو على طول 24 ساعه مع بعض بعدين يصير روتين وملل

والله يوفقك ان شاء الله

"زياد" · 09-04-2009, 19:16

اقص يدي اذا انت طيار

بس تبي تروي الناس انك كابتن..!

ولا لو صدق ماكان عمرك كذا !! الظاهر ماتعرف كيف دراستها

اقل طيار عمره يكون 35

باين انك تبي تتفشخر

من جنبها · 09-04-2009, 19:33

الاقى وظيفه عندك
<< خارج الخدمه مؤقتاا

يارجال فلها ووسع صدرك والزواج خله بعدين مو لازم

الا اذا كنت ماتتحمل شى راجعلك

مع السلامه

airbus-pilot · 10-04-2009, 00:55

اقتباس:

المشاركة الأصلية كتبت بواسطة "زياد"

اقص يدي اذا انت طيار
بس تبي تروي الناس انك كابتن..!
ولا لو صدق ماكان عمرك كذا !! الظاهر ماتعرف كيف دراستها
اقل طيار عمره يكون 35
باين انك تبي تتفشخر

ههههه
حبيبي االطيران تخلص دراسته بسنتين
pprune.org
وبعدين من مساعد لي كابتن 5000 ساعه عالتيب
لا تقعد تالف على راسي وانا من حقي استانس بسمي اليي انسا تحصله يالعسكري

to0ota · 10-04-2009, 01:39

اذا كذا تفكيرك بحياتك ماراح تتزوج ..

تزوج وحده تتحمل ظروفك وفاهمه ظرووف عملك ..

تزوج وفرح امك ..

مووفق

نسرين احمد · 10-04-2009, 01:46

لا تتزوج الا اذا كنت مستعد نفسيا اما اذا كنت حاسس انو بدري مافي داعي تصربع عمرك وتطفش بنت الناس معاك
ومن ناحية انو ظروف العمل تاثر على الزواج صادق اخوي انا وزوجي كل مشاكلنا بسبب عمله ومهما كانت البنت تتحمل في البداية مصيرها اذا خلفت وكبرت المسؤؤلية عليها بتمل
ومن ناحية ثانية اشترط في عروس المستقبل انها تكون موظفة على اساس تشغل نفسها وتتسلى بوظيفتها عشان لا تحس بانها فاضية طول الوقت
الله يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كابتن طيار بس .....