عالم الحياة الزوجية - منتدى

بنت رزة · 09-04-2009, 12:25

احس بختنق وبموت من الهم اكتب لكم وانا ابكي من الهم واحس الدنيا تخنقني ووالله

مشكلتي اني

اكذب كثير اي اكذب اكذب

وكذبي كثير مررررررررررررررررررررررررررررررررة

احساسي بالنقص يذبحني احس اني اقل من اي بنت اضطر اكذب عشان ابين اني احسن بنت وانا لا وكمان

واحساسي بان الكذب هو سلاحي بهروبي من مشاكل وكمان هرووبي من اني اخسر احد

واليوم مع كل اسفي خسرت انسان كان حلم بالنسبه لي بسبب كذبي ووغبائي

ولا ادري وش اسوي سكر السماعه بوجهي وانتي كذابه ومشكلتي بعد احلف بعد ياربي لا تعاقبني

وقالي الي هذي اولها ينعاف تاليها

ياربي انـا احس بختناق كبير واحس اني ابكي دم وانا اكتب لكم

اوجودلي حل لمشكلتي
وكيف ارجع لشخص الي عزيز علي مع اني ارسلت رسايل كثيرة كثيرة اعتذر وزي كذا

ودقيت كثير مايرد علي

ساعدوني بليز الله يخليكم

دلوعه بوظبي · 09-04-2009, 13:44

ماعرف شقول لج بس الحل بيدج بطلي جذب بتسترجعين هالشخص وبتعيشين مرتاااحه

بنت رزة · 09-04-2009, 13:57

مشكورة قلبي

سندريلا حارتنا · 09-04-2009, 14:59

ليش تلجئي للكذب اساسا خليك واثقه من نفسك لا تحسين بالنقص لانه بمجرد الاحساس فيه راح تفقدين الثقه بنفسك وهذا اكبر غلط حاولي انك تبينين له ولنفسك انك ما راح تكذبين بحياتك صدقيني ياقلبي الكذب لابد وينكشف

دلــ دبي ــوعة · 09-04-2009, 15:13

اكيد يل غالية بتجذبين دامج حاسة بنقص و موب حامدة ربج على الي انتي في حتى لو موب حاسة نفسج شرات ربعج حمدي الله على الي انتي في على عافيتج على اهلج

يل غالية ما عليج غي انج اتوبين و تستغفرين اللهو لازم يكون في عزم بينج و بين نفسج انك ما راح تكذبين و يوم ها بتحسين انج بتكذبين استغفري الله و لو انتي كنتي مقتنعة بلي انتي فية و الي الله عاطنج اياة ما كنتي اذطريتي للكذب المشكلة ممكن تحلينها انتي

الماليزي · 09-04-2009, 15:16

لانك ماكنتي صادقةمعاه هو مسكين انصدم

وتستاهلين الصراحة

ما ادري ايش الحل

الله يعينك

بحر وغروب · 09-04-2009, 15:41

حبــــــــــــــــل الكذب قصير ,,,,
لابد ويجي اليوم وينقطع هالحبل ,,,
وتباني قدام الناس على حقيقتك ,,, فليش تخسرين الناس اللي حولك
وتسمحي لنفسك انك تطيحي من عيونهم ...
استغفري ربك ,,,, وابدأي مع نفسك ,,,
افتحي صفحه جديده بحياتك ,,,, بيضاء ,,,
ومكتوب فيها بالخط العريض (( في الكذب هلاكي ,, وفي الصدق نجاتي ))
ومراحل الصدق اولا ,, تكوني صادقه مع ربك ,,,
بعدين مع نفسك ,,,
وبعدين مع الناس ,,,
وقبلها ثقي تماما برب العالمين ,, واتمدي ثقتك وقوتك منه ,,
وراح تسعدي بحياتك ,,,
ماراح اقولك الكذب حراااام لانك حافضه هالجمله ,,
لكن راح اقولك :
خليك صفحه نقيه طاهره مغلفه بالصدق عشان ربي يوفقك بحياتك
وبتسعدي باذن الله

صقرالرحمن · 09-04-2009, 15:41

الله يهدي سركم

رايـق · 09-04-2009, 15:46

الله يصلحك ويهديك

فيه حديث عن الرسول اللهم صلي وسلم عليه من مفهومه ان المؤمن يبتلى ويفتن ويرتكب بعض الذنوب وله

توبه الا الكذب لأن لو ركزنا على الكذب ماوراه فائدة مكتسبة

مثـلا السارق يسرق لحاجته للمال ... الخ ماودي استطرد بالكلام هذا لعدم تبرير بعض الذنوب

ولكن الكذب ماوراه حاجة او فائدة عشان كذا ذنبه عظيم جدآ

بالتدريج تقدرين تسيطرين على نفسك ولو تحاولين إلتزام الصمت ...لأني احس ان كلامك كثير .

لكن بالتدريج اعتقد تقدرين تسيطرين على نفسك

وشكرآ.

بنت رزة · 09-04-2009, 18:42

مشكوورين كلامكم مرة حلوو وخاصه بحر وغروب كلامك مرة ذووق وعسل وربي انا مصدومه من نفسي ودي اتغير الى الافضل ولا ابي اكذب ثانيه يارب ساعدني اني ارجع الغالي علي بقرب وقت يارب يارب ولا اكذب ابد

ضــي شاعـرهــا · 09-04-2009, 18:49

اقتباس:

المشاركة الأصلية كتبت بواسطة بنت رزة

مشكوورين كلامكم مرة حلوو وخاصه بحر وغروب كلامك مرة ذووق وعسل وربي انا مصدومه من نفسي ودي اتغير الى الافضل ولا ابي اكذب ثانيه يارب ساعدني اني ارجع الغالي علي بقرب وقت يارب يارب ولا اكذب ابد

ممكن سؤاال ياالغاليه !!

من الغالي الي تبين ترجعينه !!

وحده من زميلاااتك والا ........................ !!

اذا كاان الكلمه الي بالفراااغ

يمكن ربي حاابك عشاان تتركين الطريق الي انتي عليه !!

قلبي كله حنان · 09-04-2009, 20:23

الكذب ليس من صفات المؤمن

الكذب ليس من صفات الانسان السوي

الكذب ليس له علاج سوى الخلع زي الظرس اللي يالم وليس له علاج سوى الخلع

يجب ترك الكذب وباقرب وقت ممكن

نايف الحسن · 09-04-2009, 20:39

اختي الغلبانه ,,
اعترافك بالذنب دليل على صدقك مع نفسك
وهو اول ا العلاج
كثير من الناس تكذب بس مايعترفون بخطأهم
اول شي
وقفي اتصالاتك بحبيبك
بعد كم يوم ارسلي له رساله تطلبين فيها انهاء العلاقه
وابدي بعلاقه جديده شرعية
عشان ربي يبارك لك في وقتك ونفسك
دمتي بود ,,

alfatina · 09-04-2009, 20:42

الله يهديكي يا رب
استغفري ربك كثيرآ لعلّ الله يهديكي
و إذا إنتي اكتشفتي كذبك بعد ما تركك هلإنسان يعني ربي عما يفيقك حتى تنتبهي لحالك و تبطلي كذب
الله يهديكي و يصلح شانك بين الناس

دموع كيوبيد ! · 09-04-2009, 20:57

أنسي الشخص اللي تركك وراح ..
دامه اكتشف هالشي فيكِ حتى لو رجع لك راح تبقى صورتك في باله بإنك شخص كذاب ..
صعب الواحد ينسى : )

فـ هذا انسي موضوعه وأكيد انها خيره من ربي ..
ربي يعوضك الأحسن والأفضل ..
وبالنسبه لموضوع الكذب .. خليكِ واثقه من نفسك وماعليكِ من أحد
لأنك لو تتبعي كلام الناس وتشيلي همهم راح تتعبي وماراح ترسي ع بر أبد ..
أحياناً انا والله اتعرض لمواقف ويكذبوني الناس فيها مع اني أكون صادقه ..
يعني لا إن كذبتي استفدتي ولا إن كنتي صادقه وقلتي لهم سملتي منهم ...
فـ خليكِ ع طبيعتك وحقيقة حياتك واللي ربي خلقك عليه ..
وحاولي تبعدي عن الكذب كثر ماتقدري ..
ولاتحلفي بربك وإنتي كذابه ... ترى الذنب عظيم ولاتستهوني فيه

والله ييسر أمورك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي كبيرة ساعدوووني ,,