عالم الحياة الزوجية - منتدى

من جنبها · 09-04-2009, 19:43

كيف الحال ؟

شباب عندى اخوى صغير 24 ساعه يكلم بقاله جب عصير جب جلكسي جب بطاطس

لا والمشكله على حسابي الخاص وغير كذا من جوالى انا وبدون علمى يعنى عايش على كيفه

هو 24 ساعه على النت وبطريقة ما يسرق جوالى واتبدا فلوسى تتناقص

والله تعبت في اليووم يطلب عشر مرات كل مره الحساب يكون مابين 4 ريال والـ 5 ريال

حتى الهندى صار يعرف الطلبات بمجرد نبرة صوته

ياشباب ساعدونى وش السالفه ؟؟؟؟

ما ابي اهاوشه او اضربه لان ماسك على اشياء واخاف يعلم وينكبنى قدام اهلى

ساعدونى

قلبي كله حنان · 09-04-2009, 20:13

اخوي الله يصلحك ويصلح اخوك الموضوع مايوصل لضرب ولا للمهاوشه

انت اجلس معه وقول له الحين انته لما تاخذ جوالي وتتصل على صاحب البقاله وتطلب طلبات وانا مدري هل هذا الشي صح ولا غلط

بس تكلم معه باسلوب هادي بدون عصبيه ولا رفع صوت عشان الاحترام يكون ساير مابينكم وقتها فهمه انو هذا الشي غلط

وانو استخدامه لجوالك بدون علمك مو من حقه

وفي نفس الوقت روح لصاحب البقاله وقول له لما احد اتصل ويقول لك جيب بيسي وجيب بطاطس تسالي وحلاوه مصاص

وايس كريم وكتكات لاتجيب على حسابي وفهم الهندي وخلاص

الضرب من اسوء الاساليب في التعليم وانا اخوك

تقبل مروري اخوك قلبي كله حنان

اميره على نفسها · 09-04-2009, 20:14

اختى حاولى ان تتكلمى مع اخوك وقولى اه اذا بغيت شى قلى بعدين لا زم تتعلم ان كل شى بحساب ولازم الانسان يعرف وش يبى مو ع طول طلبان بعدين ازرعى الثقة فيه وقولى انا اكلم رجال ما اكلم بزر وانت سندى ف المستقبل عشان كذا لازم اشوف تصرفاتك عشان ابنى ثقتى فيك من خلالها

من جنبها · 09-04-2009, 21:27

تسلم والله

ان شالله افهم الهندى

لهيب الحرف · 09-04-2009, 21:47

مايستاهل هالموضوع كل هذ1

مدام الطلب 5 ريال باليوم الدعوة بسيطة

انت خاف انه يسحبك للمجمعات الكبيرة بس هههههههههههه

الله يوفقك موضوع بسيط جداً

ماهو خطاي · 09-04-2009, 21:58

طيب خير يا طير خل اخوك يطلب فلوسك و فلوس اخوك واحد ههههههههههههههه

من جنبها · 09-04-2009, 22:05

اقتباس:

المشاركة الأصلية كتبت بواسطة ماهو خطاي

طيب خير يا طير خل اخوك يطلب فلوسك و فلوس اخوك واحد ههههههههههههههه

وين يابوو وش شايفنى صرافه الراجحى كل من هب ودب من اخوانى زرف البووك وجالس يطلب

لا ولله صعبه وانا اخوك

الا اذا ارسلتلى بوكك وجوالك اعطيه اخوى الصغير وتعرف ان لله حق

وبعدين فواتير جوالى كلها

بقاله

بقاله

بقاله

بقاله

ابو حمد << جاي بلغلط

بقاله

بقاله

بقاله

خخخ طفشت ولله

غلاااوي · 09-04-2009, 22:19

ياحليلك والله أنك كريييييم واجد

عادي وأنا اختك فهمه بالمعروف وانت بعد دور شي تمسكه عليه وحده بوحده هههه

كلي ملح ودمي سكر · 09-04-2009, 23:22

هههههههههههه ياحليل اخوك الصغير مبين شخصيتة قوية

ماهو خطاي · 10-04-2009, 01:23

اقتباس:

المشاركة الأصلية كتبت بواسطة من جنبها

وين يابوو وش شايفنى صرافه الراجحى كل من هب ودب من اخوانى زرف البووك وجالس يطلب
لا ولله صعبه وانا اخوك
الا اذا ارسلتلى بوكك وجوالك اعطيه اخوى الصغير وتعرف ان لله حق
وبعدين فواتير جوالى كلها
بقاله
بقاله
بقاله
بقاله
ابو حمد << جاي بلغلط
بقاله
بقاله
بقاله
خخخ طفشت ولله

هههههههههههههههههه الله يعينك طيب خله ياخذ من اهلك الفلوس لا ياخذ منك والجوال حط له قفل وانتهى الموضوع علشان ما يتصل منه .

من جنبها · 10-04-2009, 01:54

اقتباس:

المشاركة الأصلية كتبت بواسطة نانسي بنت مطلق

هههههههههههه ياحليل اخوك الصغير مبين شخصيتة قوية

اي شخصيه والله لا اعلقه بالمرووحه واحطها ع نمرره 1 واعلمك مين الشخصيه القويه

بس المسأله عطف لا اكثر

دفى همسه · 10-04-2009, 02:11

هههههههههههههههههههههههه ياولد تطنز علينا

والله انك من جنبها

~ تَـــــــــرَف ~ · 10-04-2009, 02:22

ههههههههههههههههه اهم شي الفاتوره خخخخخخخخخخخ

يااخي قووله لاياخذ منك دس جوالك وفلووسك تحت وساادتك <<<طريقتي الخااصه والله محد يتجرأأ ييقبل عليك

لا جد دخله معهد او ناادي والله بتنفعه وبيستفيد ,,,,الله يصلحه ويصلح هالبزراان اللي اشغلونا بهالبقاله

ضــي شاعـرهــا · 10-04-2009, 02:38

من جنبها خل البزر يستااانس وش وراااه

لا تضغط عليه ولا تحرمه اذا ما اخذ منك وانت اخوه الكبير من مين يطلب

يشحذ من الجيراااان وراسك هلي هذا كبره موجود)))))) امزح

خخخخخخخخخخخ

to0ota · 10-04-2009, 03:17

ههههههههههههههههههه ههههههههههههههههههههههههه ههههههههههههههههههههههه ههههههههههههههههههههههههههههههههههه هههههههههههههههههههههههههههههههه هههههههههههههههههههههههههههههه والله بطني اجعني من الضحك يالبى قلب البراااءه ههههههههههههههههههههههههههههههههه لا ويهددك بعد والله ذكرتني باخوي 7 سنين حافظ رقم البقاله ويطلب الي يبغاه الله والطلبيه بيبسي وتسالي هههههههه يوم تعبنا منه قلنا لراعي البقاله (( انت تعرف صوته لو جبت له يويلك لاعاد تجيب الا اذا سمعت صوت كبار))

طبعا رواعي البقاله مبسووطين على البزران مربحينهم كل يوم 4 ريال

اربعه ضرب 30= 120 حلوين لراعي البقاله هههههههه

الله يخليلك اخوك الفله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اخى وراعى البقاله ؟؟؟ مشكلة بسيطه