عالم الحياة الزوجية - منتدى

نواااره2009 · 14-04-2009, 23:06

السلام عليكم
أنا قبل فتره كتبت مشكلتي والله يجزاكم كل خير على الردود والمشوره
ورغم إني عارفه ان الحل هوالطلاق والإبتعاد عنه لكن طول الفتره اللي راحت افكر بحياتي معه أبحث عن اي شي جميل يشفع له لكن ماوجدت وهو إلى الآن لاحس ولا خبر...
وبصراحه قررت الطلاق وانا مقتنعه بقراري..
لكن والله إني حزييينه جدا رغم اني احاول أتماسك طبعا موعشانه ..عشان بذوق الطلاق مره ثانيه... أنا كل اللي حلمت فيه إستقرار زوج محترم.. طفل...لكن حسبي الله ونعم الوكيل في كل لعاب ...
والله إني من كرهي لطلاق وخوفي من المواقف والناس اللي تجرح وعارفه إني بمر باللي مريت فيه سابقا أحس حزن وضيقه على صدري رغم إني ادعي استغفر انسانه عارفه إن هذا اللي الله كتبه لي وإختارني لهذ البلاء...لكن مدري ليش أحس إني إنتهيت وماعندي رغبه لشي...وطول الوقت أفكر وانا عارفه إن تفكيري ماراح يخفف ضيقتي..
وامس كنت تعبانه وكان عندنا خالي قال لأمي انا بوديكم للمستوصف (لأن اخواني والوالد موموجودين) رحت انا والماما ....ويوم دخلت المختبر لقيت رجال مع طفله وطلعت بنادي أمي إلا وأشوف خالي..وبسرعه جاء ودخل معي طبعا الرجال طلع ..والممرضه بتاخذ مني عينه دم...وانا اخاف من الأبر ..قلت لوسمحتي على خفيف ترى انا خوافه قالت أنتي سمسم بيبي وانا بسوي إبره خفيف <<<<وتقوم تطبطب علي وتمسح على راسي وتكلمني وكأني نونو..وخالي شاق الضحكه ويعدل شماغه(شاف بنات داخلين يبغون الممرضه وجالسين يتفرجون علي)
وفجأه تلتفت له الممرضه وتقول إذا الحلوه هذي فيه رجال يبغا زواج لازم فيه علم إنه كتتتيييير خوف
وخالي ماصدق تصير له فرصه يتكلم وتزيد ضحكته ويناظر في البنات ويناظر في الممرضه..أي زواج ههههه هذا فيه زواج ثنين ههههه وان شاء الله فيه نمبر 3ههههههه....والممرضه صرخت وااااو باااابا هذا صغير كم عمر.......خالي والضحكه مافارقته 23 بعدين هذا خلاص عمر25يصير زوج 4 بعدين يصير عمر 30 زوج 8 والممرضه ههههههه....خالي انتي فيه أخو هندي جيب زواج هذا بنت ههههه نواااره ترى مامدلعك غير الهندي انتي اصلا مثلهم الله له حكمه بتصيرين ملكة جمال الهند هههههه وش قلتي وانا خالك...وخالي مبسوط يقاااله لفت الإنتباه..
أنا رجعت معصبه وبكيت من قلب وأمي تسالني وش السالفه ؟؟؟....وخالي إنقلب وجهه أسود...ويشري لي عشا....على باله بيرقع اللي قاله....
كلامه خلاني أنهار أكثر انا ادري إنه يمزح وادري انه وقت الجد معي وقالها لي قبل نطلع للمستوصف إذا مانتي مرتاحه معه وانا خالك سكري الباب اللي يجي منه والرجال واجد وهذا مايسوى مواطي رجولك... بس كلامه في المستوصف يذكرني بكلام الناس

وانا متضايقه مررره......وندمانه اني فكرت اتزوج من الأساس...
احس ماراح يطيب خاطري إلا شهادة التخرج

بس حتى المذاكره ماني قادره أذاكر.....كيف اخفف من حزني وتفكيري وعدم رغبتي بالحياه ومقابلة الناس

نـــــــــوســــه · 14-04-2009, 23:13

السلا م عليكم

تحية معطره بالورد لكي

يشرفني اني اول وحده ترد على مشكلتك

اختي الغاليه لا تشيلي هم احد ولا كلا م الناس الناس حتتكلم وتتعب من الكلام وتسكت

اهم شي راحتك انتي

الا تشوفي يريحك اختاري ومالك في الناس

ارضاء الناس غايه لاتدرك

الله يوفقك ويختارلك الا في الخير يارب

Hector Ferrer · 14-04-2009, 23:18

أختي الغالية...لا تزعلي ولا يكون خاطرك الا طيب...وخالك اخو امك حسبة الوالد سامحيه...حب الاخ يسوي
خفبف الدم المرح قدام البنات...معلي كلنا نمشي لعماننا وخوالنا بحكم السن والعادات والتقاليد...
أختي صلي الاستخارة قبل ما تقرري الطلاق بشكل نهائي...ولا تشيلي هم ان شاء الله ينصلح حالك ومب
كل الرجال كذااا اولاد الحلال موجودين حتى لو كانوا عملة نادرة...الله يعوض عليك ويسعدك...

الشعاب المرجانية · 14-04-2009, 23:20

اختى استغفري ربك

خالك مايقصد يجرحك هو كان بيلفت الانتباة بس

و انتى ركزى بدراستك و مستقبلك دول اهم من الرجال و ربنا حيعوضك و يسعدك انشاء الله

السمو 555 · 14-04-2009, 23:29

يبدو خالك نكوتي جدا

اختي الكريمه لا تفكري في الطلاق

الخيره فيما اختارها الله اصبري وربي يفرج همك إن شاء الله

إن الله مع الصابرين

em tala · 15-04-2009, 00:02

ارضاء الناس غايه لاتدرك

راقي الرياض · 15-04-2009, 00:23

الله يكون بعونك وخالك الله يهديه مو وقت خفت دم وتريق الله يسامحه وهذي حياتك لاحد يهمك الشرع فيه لك حقوق تحفظك ومن حقك استخيري وشوفي وش يكتب الله لك واتخذي القرار اللي يريحك ولايهمك لاخالك ولا اي من كان

to0ota · 15-04-2009, 01:18

والله ذكرتيني بخوالي مره طيبيبن ودمهم خفيف بس ينكتون في الاوقات الصحوالغلط مايهمهم غير يضحكوون.. هم كذا طبيعتهم ..

الله يعينك ويفرجها يااااارب

موووفقه

الحائره (فاتن) · 15-04-2009, 01:34

نواره

والله احزني صبرك هذا كله علشان انسان مايستاهل

خساره فيه كل هالصبر

سبحان الله من اول سطورك وانا اقول هالرجال مايصلح اطلاااااقآ

لكنك مواصله الصبر ماشاءالله عليك

مايصلح لك يابنت الناس هالرجال

كل عيوب الرجال فيه

مافيه ميزه وحده تشفع له واقولك اصبر كمان

مااااااااااااااايصلح اطلااااااااقآ

المفروض تفرحين اللي الله خلاه ماينجب والا كان اضطريتي تصبرين فوق هالصبر

وش فيها اذا تطلقتي مره ومرتين

ياعمري مافيكي عيب حتى تخافين من شبح الطلاق

لاتفقدين ثقتك بنفسك لان رؤيتك لنفسك تنعكس للناس ويشوفونك زي

ماانتي شايفه نفسك

افرحي وانبسطي اللي افتكيتي منه وبكرا الخطاب يزعجونك

اهم شيء لاتخليني فشلك السابق يدفعك للتنازل عن حقوقك

لاتقبلين بالعيش مع رجل مع اهله مستقبلآ يكفيك ماجاك

خليكي واثقه بنفسك واشترطي بيت مستقل وكااامل حقوقك

المؤمن القوي احب عند الله من المؤمن الضعيف

والناس والله لو انتي بنت نبي لايتكلمون عليك

ياعزيزتي الانبياء ماسلموا من الاتهامات وهم المصطفين عند الله

والله غباء ان الواحد ينكد على نفسك ويضيق عليها والله موسعها عليه

دامك ياعزيزتي مرضيه ربك ووالدينك لاتهتمين

الله هو المهم

الان فكري بدراستك ومستقبلك وارتاحي سنه او سنتين

توك صغنطوطه ياقلبي شوفي حنا كم اعمارنا ولسا نفكر

وخالك ماغلط بشي بس انتي لان بنفسك حزن كبر الموضوع بعينك

وبكرا لما ترجعين تتذكرين الموضوع راح تضحكين على نفسك

قحطاااني ماااركه · 15-04-2009, 01:43

أخت نواره لا تفكرين كثير في كلام خالك هو حب يوسع صدرك لكن أخطأ
ولا تخلين خوفك من المجتمع وكلام الناس يثنيك عن الطلاق افضل لك تصبري
فترة بعد الطلاق ولا تصبري طول عمرك مع واحد ما يستاهلك والله سبحانه
متكفل بنصيبك ....... الله يوفقك ويعوضك خيررر

تحيااااااااااتي

ضيم السنين · 15-04-2009, 01:44

خلي الناس يولون شتبين فيهم في جميع الحالات مارح يسكتون ومو مخلين احد بحاله

اللي بيراعي كلام الناس بيتعب

انتي اللي بتعيشين الوضع الشي اللي تلقين راحتس فيه لاتتردين سويه

لا تضغطين على عمرتس عشان شي مايسوى

والله يفرج همتس ويسهل امورتس

أبو لين عبدالله · 15-04-2009, 01:57

ينقل للقسم المناسب

قلبي كله حنان · 15-04-2009, 02:06

لا تعليق

ليدي ليدي · 15-04-2009, 04:06

أيتها الرقيقة الناعمة... اللمرهفة الحسّاسه...
كل الاحترام والتقدير... لإنسانة رأيتها في سطورها ...
نوّاااااره... دراستك ثم دراستك .... ما ألذ العلم وما أطيب الكتب ...
لاتستغربي ان قلت لك أكملي حياتك مع كتابك ... وبما أنك خضت تجربتين فقد اكتسبت خبرة ومعرفة وأصبحتي ماهرة في رؤيتك للحياه.. فلم تعد عدسة المنظار صغيرة .. ولم تعد زاويتك محدوده..
وظفي تلك التجارب في مستقبلك وما زلت صغيرة ومن هن بعمرك لم يتزوجن بعد ...
أكملي دراستك وثم انظري لمستقبلك الذي سيبنى عليها ....
أسعدك الله في حياتك وعوضك خيرا...

Eagle Man · 15-04-2009, 10:34

والله خالك ما همني الحين

اللي همني انت تحتاجين بصراحه اعادة نظر في اختيار الزوج
من هو الزوج المناسب لك
الظاهر انك اول خاطب توافقين
وهذا مو صحيح
تحتاجين إلى تفكير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خاااااالي جرحني