عالم الحياة الزوجية - منتدى

بيييسو · 16-04-2009, 04:36

أنا مخطوبة "مكتوب كتابي " من ست شهور..
بعد كتب الكتاب بفتره صارحني خطيبي انو كان متعرف على بنات ويحكي معهم..
وقلي انو غير ارقام جوالاتو وخطب ناوي الستره والحلال وعشان يبعد عن الحرام
وانا زعلت بدون شك بس بما انو تاب تغاضيت عن الامر كل منا يخطئ ويتوب..
ومن كم يوم شكالي انو في وحده عم تتصل كتير على جواله قرابة اسبوعين..وصار قلي انو لا يكون انتي مسلطتيها علي مشان تختبريني قلتلو لا مو انا .. وطلب مني اني احكي معها واطلب منها تبطل تتصل وتزعجو لانو متل ما ذكر قلها انو متزوج وقالتلو مو مشكله مانك اول واحد بيخون مرتو..
انا رفضت احكي معها لانو قلت بتزيدها معي وممكن تسلط علي شباب يدايقوني على خطي وما بدي هالشي
وقلتلو انو لايرد عليها لانو حضرتو كان يرد ويقول انا عم طفشها وبهدلها مشان ما تعود تتصل ..
وللاسف ذكرلي انو حاولت تتصل عليه من رقم بيت , والرقم من القصيم !!!!!!!!!!!!!!!!!!
وهو البنات الي كان يعرفهم قصيميات

دايقني هاد الشي كتير .. وقلتلو .. هدول سوابقك !! قال انا هاي البنت ما بعرفها
قلتلو طيب انتا من شهرين تقريبا قلتلي انو كان في وحده عم تتصل عليك "على رقم غير المذكور فوق" يعني من الاخر هو عندو 3 ارقام.. المهم قلي لا ما عاد اتصلت انا قفلت جوالي هداك مشان ما تتصل عليه .. من هون لهون وسحبتو منو حكي اكتشفت انو البنت هديك الي من فتره كانت تتصل عليه هي الي كان يحبها قبل ما يخطبني "باعترافو " انا استنتجت انو ما غير ارقامه وسألتو رقمك هاد "المقفول حاليا"كم صرلو معك قلي اررررررربع سنيييييييييين

انا انصدمت كتير

ليش كزب علي !!!!!!! يعني لا غير رقمو ولاشي
قلتلو شو حكيت معها لهديك قلي قلتلها انو انا خطبت روحي الله يستر عليكي ومن هالحكي
قلتلو شو ردت ...... قلي ..........: صارت تبكي >> لا بتحزن يا حرام
وانا ما عدت قادره اسدقو ... هاي مو اول مره بيكزب فيها ولا اول مره بكتشف انو هيك هو عندو لف ودوران كتير

بكل شي حتى بالامور العاديه !
غير انو بيحب لعب الورق والمباريات والسهر مع الرفاق ..وبالنسبه الي هاد الشي بيهدد حياتي بالتعاسه لاني بحب النظااام
هو حلفلي كتير انو هوي ما بدو يحكي معهن وانو هوي بيحبني كتير
انا بالنسبه لي .. عادي خطيبي مو اكتر بس لست مغرمه فيه ..مشاعري عاديه أو غير متعلقه فيه
المهم صرت خايفه انو يكون كزاب .. او يرجع بصفة ان " الطبع يغلب التطبع" او البنات ما تتركو بحالو ويرجع لهاد الشي بعد ما نتزوج ....... وانا حائره وماني عارفه شو اخد قرار اتركو .. ولا لاء
ارجو من اصحاب الخبره والحكمه مساعدتي

بيييسو · 16-04-2009, 04:50

وين الردود بدي ارتاح ساعدوني

دفى همسه · 16-04-2009, 04:55

اصبري نقرا وتعوذي من ابليس

دفى همسه · 16-04-2009, 05:03

حياتك تنهدم لاجل انه يسهر
ياشيخه اتقي الله
اتصور من كلامك ان عمرك مابين 18 الى 23
اذا صحيح توقعي فتطمني لان هالسن مرتبك شوي
بعد الزواج اكثير امور بتختلف
المهم والاهم هو هل زوجك يمنعك من فتح جهازة الان
لو ايه فأختي اكيد انه صادق
وعلى فرض لا
الان هو بعيد عنك مانصحك تخربين بيتك لاجل بنات شوارع
هو اختارك لانه يبيك انتي
لو يبغي وحده فيهم مكان خطبك من الاساس
المرأة الصالحة تستطيع تغيير خلق زوجها ان شاء الله
ادعي ربي دائما يهديه ويصلحه ويغمض عينه وسمه ولسانه عن الحرام
وثقي بالله عزوجل انه لايرد من دعاة
لاتبينين للزوجك ابدا الشك فيه
قولي انا لو اشك واحد بالمية بانه تخالف الله عزوجل وتكلم بنات ماعيش معك يوم واحد
خليه يثق في نفسه اولا ثم فيك ويخشى اكتشافك يوم للخيانته لو كان يفعلها
لكن ان تبين له انك تشكين وعادي الامر زعلة وصلحة مع الايام راح تصير امور ادهى
راقبيه بدون مايعرف وان عرفتي انصحك ماتبين له
لاتزوجتي اطلبي منه يغير كل الارقام لانه الان ممكن يكلم من باب الملل والطفش بس بكرى راح يتغير ان شاء الله بالحياة والمسؤليه وربي يهديكم ويصلح حالكم

بيييسو · 16-04-2009, 05:09

والله يا دفا هوي بمنطقه وانا بمنطقه وما بشوفو الا كل شهر واحيانا اكتر .. تانيا لمن بشوفو بشوفو يوم واحد وبيعطيني جوالو عادي يعني مو سهل يكون منضفو وماسح كلشي يعني مالو حل اني افتش بجوالو يوم واحد
وبالنسبه لعمري 20

دفى همسه · 16-04-2009, 05:22

مو مهم الجوال ياست الكل

لان الرجال لانوى الشينه في الف طرييقه والثانيه

يعني صعب يكون في شريحه مخبيها عنك

المهم انتي ادخلي بكيانه وخليك ماليه عليه حياته

لو ضروفك الماديه تسمح خليك انتي الي جنبه طول اليوم لو على الاقل بمسجات

مو اقول لك تلصقين فيه الرجل مايحب الروتين ويحب الثقل ولكن اذا هو متعطش عاطفيا انتي ملي عليه عطشه

خليك ذكيه وحافظي على زوجك

انتي حاسه بكركبه اهدئي شوي واكثري من الاستعاذة من الشيطان اللعين ولاتخربين حياتك قبل تبتدئ

Njo0oud · 16-04-2009, 06:19

اللله يسهل امرك ويسخرلك زوووجك

ALmaw3o0od · 16-04-2009, 07:33

من تصرفاته مبين إنه يبي يثير غيرتك لكن طريقته غير مناسبه
وللا وش يخليه يقول لك انه كان يكلم بنات و يعرف بنات !!!

عموما ً طريقته غير صحيحه في محاولة اثارة غيرتك بهالطريقة

أميرة الورد1986 · 16-04-2009, 09:49

حبيبتي انتي مكتوب كتابك يعني الموضوع مش سهل!!الشغلة فيها طلاق
وبنفس الوقت اذا فعلا هو هيك الانفصال من هلأ احسن
لكن
لازم قبل أي خطوة تقدمي عليها تتأكدي مليون بالمية منها يعني
لازم تتاكدي انه بحكي معها هلأ ولا لأ؟ شو طبيعة الحكي؟ يمكن هو بحكي معها لأنه حس إنه ظلمها أو ضحك عليها وما تزوجها..يمكن هو بيتسلى معها..أنا بعطيك احتمالات وانتي لازم تتاكدي
أنا برأيي تقعدي جلسة مصارحة_مو على التلفون_ تلتقي انتي وياه وتفتحوا هالموضوع بكل صرااااااااااااحة
وبدك تشغلي مخك منيح وتعرفي كيف تحققي معه وتكتشفي منه كل المعلومات
بعدها احكيلنا شو بصير معك
( انا صار معي اشي زي هيك... بس انا كنت بالعكس..كان في بيننا حب واختلفنا وتركني..وانا اتدمرت بعدها صار يحكي معي بشكل متقطع واكتشفت انه كان خطب وما خبرني..ولما واجهته قال انه ما بده يصدمني بده يفهمني بالتدريج!! وهلا انا تركته لا برن عليه ولا شي وربنا عالظالم)
أمنياتي لك بالتوفيق
وربنا يسهلها عليك

بيييسو · 16-04-2009, 12:33

يا عمي طلاق طلاق ..انفصل هلاء احسن قبل ما يوقع الفاس بالراس ..
غير هيك انا عندي دراستي وتخصصي صعب ومالي فاضيه اني اراقبو واملي عليه حياتو ..واحكي معو كل شويه والتانيه
غير انو الوضع متكهرب صرلو فتره والرومانسيه انقرضت شوي من كتر المشاكل ..
وانا بقلكن بيكزب كتير وبيلف وبيدور كتير..
يعني للللللللللللليش قلي انو مغير رقمو ..وطلع الرقم معو من 4 سنين
وليش كان يحكي مع هاي البنت وظلمها وهوي ليس بسعودي ويعرف انو ما رح يرتبط فيها ليش ظلمها معو؟؟؟؟؟؟
برأيكم هاي الشغلات مو كافيه يعني انو ننفصل ..معئول الموضوع عادي ..؟؟؟؟؟؟

سلطان الفنان · 16-04-2009, 15:49

في البدايه
احساسي انك غير مهتمه في خطيبك وهذا سبب كافي انه يلعب من وراك
يمكن هو رجال متعود على الاهتمام والرومنسيه وانتي منتي موفره له
انا مع ان الخيانه مالها سبب بس الاهمام سبب رئيسي للخيانه
لا تتخلين عنه وحاولي تحبيه وتزيدي من اهتمامك له واكسبيه ولا تخليه
يروح لغيرك انتي زوجته واولى فيه
حاولي تغفرين له كل اللي فات وتساعدينه بحبك

ذائبة · 16-04-2009, 16:05

ابداااا ولا في حياتك تآمنين للرجال

هو ما قالج هالشي الا عشان لو شفتي رقم او شي

يكون هو قالج ترة في وحدة تضايقني ترة كنت اعرف بنات

واذا حب احد قبل الزواج الحب يقل بعد الزواج

استغفر الله ما اقولج تطلقي او اخرب بينج وبينه

بس هذا اللي مبين حسب كلامج

والله العالم

دفى همسه · 16-04-2009, 16:19

خسارة تعبي في الكتابة لك

غلوويا · 16-04-2009, 16:27

انتي يلي تقدرين تبعدينه من هذا الشي

اهم شي انك ما تبين له شكك كثير و بيني ان انتي عاطتنه الثقه

عشان ما يأرف و يعاند بالعكس

حاولي تتقربين منه و الحمد الله ان هو يلي قالك هذا الشي و ما جت من غيره

المهم حاولي تتقربين منه و الله صدقيني و ياما شباب كانو يسهرون مع ربعهم و يكلمون بس بعد الزواج وو اهم شي تكون البنت يلي يتزوجها تعرف كيف تتصرف معه بكل حب و الله صدقيني ما راح يطلع من البيت

عمي كان كذا كان كله يسهر برع مع ربعه و يطلع رحلات و كذا بس بعد ما تزوج و الله يسألوني وينه اول ما تزوج اختفى مره اول ما تزوج

يعني ما عليه حبيبتي فتره و تعدي

و حاولي انك تقنعينه بأسلوب حلو ان يغير رقم جواله و لازم يكون برضاه عشان ما يستويها من وراك يعني مو تغصبينه على هذا الشي

و بالتوفيق حبيبتي

بيييسو · 16-04-2009, 16:49

اقتباس:

المشاركة الأصلية كتبت بواسطة دفى همسه

خسارة تعبي في الكتابة لك

انا ما بعرف انتي ليش زعلت\ي .. ما بعرف شب ولا بنت الي بكتب
انا بشكرك كتير على رأيك بس انتي عارفه انو احنا مخطوبين وهو بعيد عني مافيني املي عليه حياتو هو مشغول وانا مشغوله .. ومشكلتي ما عاد اوثق فيه
تقوليلي خساره !!!!!!!!
بكل الاحوال مشكوره ما قصرت\ي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مانمت الليل من ورا خطيبي..ردوو بليز