عالم الحياة الزوجية - منتدى

حطام قلب · 06-11-2009, 21:32

لااا وش أعرف المستقبل الله يهديك ههههههه .. الله وحده عالم الغيب والشهاده الكبير المتعال ..
بس لأني حطيت نفسي بهالوضع وحطاني هالمخلوق بهالوضع وانحكم علي اني أتزوجه هههههههه
<<<-- أخجل إني أقول السبب ..

على العموم هو شي لازم يصير عاد رضيت بوضعي ولا مارضيت مالي غيره .. وربك معين

ههه وانت ان شاء الله بتاخذك وحده جميلة خَلقاً وخُلقاً مؤمنه صالحة تشرح قلبك وتسر خاطرك وحتى لو تزعل كثير بس ترضى على طول <- طبيعة الحريم ..
وتحبك وتحطك تاج فوق راسها وتعيشو في سبات ونبات وتخلف لك صبيان وبنات بس انتبه من الإنفجارات ههههه .. الله يوفقك يارب ويوفق الجميع

أم رشود · 07-11-2009, 18:52

السلام عليكم والرحمه

يامرحبا وهلا وغلا بالمنورين للصفحات و اللي سادين المكان في غيبتي ماشاء الله عليكم ما ينخاف على المجلس دامنكم موجودين قايمين بالواجب واترحبون بالمنضمين الجداد عيني عليكم باردة , اعذروني ما لحقت اطالع كل المشاركات كثيييييييييير ةماشاء الله

الدنيا حلوة فرحني تواجدج من بعد غيبه

لج وحشة يالغاليه منورة المجلس حبيبتي

kade 2009 and gegege .ward-500 and student ,كايتوكيد ام الهواشم حطام قلب عاشق جزاكم الله الف خير على المتابعة والحضور الدائم انا وايد مستانسة بتواجدكم يالغوالي

بارونة الرياض هلا وسهلا بج اختي بينا لكن ليش قبلتي تتزوجين زواج مسيار؟ ما تدرين انه بهذا الشكل راح تضيع حقوقج وحقوق عيالج؟

كلي ملح ودمي سكر · 08-11-2009, 02:26

ام رشود وحشتيني ياعسل

من زمان ماشفتك بالمنتدى

سلامي لك

حطام قلب · 08-11-2009, 08:01

صباح الخييييييييير ..
هلا بأم رشوود الغالية وينك كل هالغيبه اشتقنا لك والله ..
تدرين عاد أتذكر أول ماطرحتي الموضوع كنت متحمسه أشوف الردود وأشوف وجهات نظر الناس وكيف مشاعر الزوجة الأولى والثانية والثالثة والرابعه وأجوبتهم على اسألتك
بس ماشاء الله تبارك الرحمن الإقبال صار عليه كثير وقدرتي تستميلين قلوبهم وفيهم المؤيد وفيهم المعارض بشدهـ ...
قبل كنت أدور شخص واحد يوقف معاي على هالزواج ههههه والحمد لله لقيتكم انتو حبيباتي ...
كيف صرتي ألحين ووش أخبارك قلبي ؟؟
...//...
باركو لي تم رفض المتقدم الجديد هههههه الحمد لله خلصت من هالسالفة أحس اني ارتحت
ادعو لي حبيباتي مايجي لي حد ألحين .. وادعو لي ان الله يوفقني ويفرج عني ..

عثل وبث وه فديتني · 08-11-2009, 08:05

متابعه ...

بارونة الرياض · 08-11-2009, 10:17

هلا وغلا خواتي الغاليات سلامتك ام رشود وما تشوفين شر
السبب بقبولي للمسيار مدري والله كل يوم افكر كيف قبلت بس هو ما قالي انو مسيار ولا جاب ها الاسم قال انو بيكون ما في بيت ولا مبيت لمدة كم شهر وحدد انو شهرين او اقل وهو شكلوة مبيت النية
انا والله تعبت بقوةةةةةةةةةة حتى المصروف ما يهتم والمواصلات اتعب فيها اذا بغيت المستشفى والله يفرجها
افكر اطلب الطلاق بس خايفة ابوي يعصب لانو الوالد يقول خلي عندك صبر بس المكتوب واضح من عنوانة
بدون زواج تعبت ومع الزواج تعبت دعواتكم

أم رشود · 08-11-2009, 17:51

اقتباس:

المشاركة الأصلية كتبت بواسطة كلي ملح ودمي سكر

ام رشود وحشتيني ياعسل

من زمان ماشفتك بالمنتدى

سلامي لك

مساء الخير يا كلي ملح ودمي سكر

توحشج العافيه حبيبتي
ايه والله صار لي فترة انقطعت عن المنتدى مشاغل الدنيا والله لكن صدقوني انكم دايما على البال
اللهي يسعدج دنيا واخره

أم رشود · 08-11-2009, 17:57

اقتباس:

المشاركة الأصلية كتبت بواسطة حطام قلب

صباح الخييييييييير ..

هلا بأم رشوود الغالية وينك كل هالغيبه اشتقنا لك والله ..
تدرين عاد أتذكر أول ماطرحتي الموضوع كنت متحمسه أشوف الردود وأشوف وجهات نظر الناس وكيف مشاعر الزوجة الأولى والثانية والثالثة والرابعه وأجوبتهم على اسألتك
بس ماشاء الله تبارك الرحمن الإقبال صار عليه كثير وقدرتي تستميلين قلوبهم وفيهم المؤيد وفيهم المعارض بشدهـ ...
قبل كنت أدور شخص واحد يوقف معاي على هالزواج ههههه والحمد لله لقيتكم انتو حبيباتي ...
كيف صرتي ألحين ووش أخبارك قلبي ؟؟
...//...
باركو لي تم رفض المتقدم الجديد هههههه الحمد لله خلصت من هالسالفة أحس اني ارتحت

ادعو لي حبيباتي مايجي لي حد ألحين .. وادعو لي ان الله يوفقني ويفرج عني ..

ههههههههههه حطام قلب الله يوفقك ذكرتيني بالذي مضى ههههههه الفترة اللي طرحت فيها الموضوع كنت متفيقة ما كان عندي شي كنت مرتاحة بدوامي في الشركة السابقة وكان معاي فلوس وسيارة اخر موضيل لكن الله كريم الحين الأمور كلها اتغيرت لا سيارة ولا الدوام يفرح ولا الراتب يساعد ولا الصحة كمان تساعد سبحان الله وين كنا وين صرنا
لكن اتصدقين انه هذا المنتدى لي فيه ذكريات حلوة ياريت لو يثبتونه على طول
الله يسر لج امورج ويفرج همج وهم كل المسلمين

أم رشود · 08-11-2009, 17:58

اقتباس:

المشاركة الأصلية كتبت بواسطة عثل وبث وه فديتني

متابعه ...

هلا اختي الله يزاج خير على المتابعة نتمنى ان يكون موضوعنا نال اعجابك يالغاليه

أم رشود · 08-11-2009, 18:07

اقتباس:

المشاركة الأصلية كتبت بواسطة بارونة الرياض

هلا وغلا خواتي الغاليات سلامتك ام رشود وما تشوفين شر
السبب بقبولي للمسيار مدري والله كل يوم افكر كيف قبلت بس هو ما قالي انو مسيار ولا جاب ها الاسم قال انو بيكون ما في بيت ولا مبيت لمدة كم شهر وحدد انو شهرين او اقل وهو شكلوة مبيت النية
انا والله تعبت بقوةةةةةةةةةة حتى المصروف ما يهتم والمواصلات اتعب فيها اذا بغيت المستشفى والله يفرجها
افكر اطلب الطلاق بس خايفة ابوي يعصب لانو الوالد يقول خلي عندك صبر بس المكتوب واضح من عنوانة
بدون زواج تعبت ومع الزواج تعبت دعواتكم

يا قلبي سالفتج سالفة بصراحة !!!!!! انتي تدرين انا ما احب أجامل ولا اتعودت على هالشي فعلا انا ماادري كيف صار الموضوع؟ أصلا دامنه قال لج المبيت ما بيكون لمدة كم شهر مبين انه في شي غلط ما كان المفروض تقبلين

لكن الحين خلاص طاح الفاس في الراس وما عاد فيه مجال للتراجع

أبوج عنده حق لا تطلبين الطلاق لأنج انتي اللي بتخسرين اما هو ممكن يتزوج اكثر عن مرة البنات على قفى من يشيل!!! ادعي ربج انه يهديه ويسر امرج انا في نظري ممكن لو جبتي منه عيال ممكن يهدئ شوي و ينتبه لج ولعيالج ! حاولي اتجيبي منه عيال وانشالله أمورج بتتيسر
لا تلومين نفسج على شي خلاص اللي صار صار وما ينفع الندم الحين

اهتمي بنفسج و حاولي تخلي ريلج يشتاق لج وحاولي تبدلي مجهود جبار عشان يتغير للأحسن وكل شي في النهايه بيكون لصالحج
الله يوفقج ويسر امرج امين

الدنياحلوووة · 08-11-2009, 23:04

ماقلتيلي ام رشود انتي نفسها اللي كانت معنا بتجمع المتاخرااات ........؟؟؟

ويا هلا فيك قلبوووو

أم رشود · 09-11-2009, 22:25

اقتباس:

المشاركة الأصلية كتبت بواسطة الدنياحلوووة

ماقلتيلي ام رشود انتي نفسها اللي كانت معنا بتجمع المتاخرااات ........؟؟؟

ويا هلا فيك قلبوووو

هلا حبيبتي اعذريني انا شفت سؤالج لكن ما كنت فاهماه

ايوة انا ام رشود اللي في تجمع المنتظرات للحمل ما في غيري ام رشود ثانيه

هههههههه المهم دخلتي التجمع مرة ثانيه والا لا؟ ترى ام وليدو حامل ماشاء الله ما ادري اذا باركتي لها او لا

رحـيـل · 09-11-2009, 23:32

سلااااااااااااااااام لأم رشود خاصة والباقي عامة

اشتقت لكم جي جي حطومة أم الهواشم وكل ابوكم وأمكم

شحالكم فديتكم

الدنيا ماتثبت لأحد يوم أدش عليكم وأنا ودي أسولف ويوم ودي أشكي

الله يحسن خاتمتنا بس

اللي تبي الحمال تتوكل ع الكل ولاتحاتي الموضوع أبدا

وتدعي الله وتكثر من الصدقة والاستغفار والله يرزقكم يارب

ملك الصمت · 09-11-2009, 23:35

تجمعك هذا يعني تجمع الزوجة الاولى ليه ازوجاكم ناوي يتزوج عليكم ولا وش سالفتكم

رحـيـل · 09-11-2009, 23:59

ههههههههههههههه ملك روعة

محشش دخل مطعم قال شو عندكم من أكل قالوا له شطبنا !!

قال عطني 2 شطبنا وواحد بيبسي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 2 والزوار 1)
‏حبك هادي, ‏حطام قلب

عالم الحياة الزوجية - منتدى

مجلس تجمع الزوجة الأولى والثانية والثالثة والرابعة تعالوا!!!!!!!!