عالم الحياة الزوجية - منتدى

Hector Ferrer · 17-04-2009, 00:38

مساكم الله بالخير...اخواني..عندي مشكلة ابي آخذ رايكم فيها وبقولها بشي من التفصيل حتى تعطوني افضل الحلول...زوجتي الله يخليها لي قبل ماتزوجها كانت المدللة في بيت اهلها بحكم انها آخر العنقود
فكل طلباتها أوامر وكلمات الثناء والمديح والدلع تنهال عليها من اهلها واقاربها...بعد الزواج اكملت مسيرة الدلع...وكانت اهم الاسباب لذلك صغر سنها في الوقت ونظريات ابوي الله يطول بعمره المناهضة للمرأة
الي اذكركم منها(ما يرفع مقام الرجال الا معاملته الطيبة لحرمته وتفانيه في ارضائها هي وعيالها)
و(الي يضرب زوجته او يهين كرامتها يتأكد انها بتنرد في خواته وبناته والدنيا سلف ودين)...و زاد عن ذلك دلال اهلي لها بسبب لباقتها واظهارها الاحترام لهم....ليست هذي المشكلة بل احد اسبابها...فبعد فترة من الزواج صارت زوجتي انانية...فبعد ان قمت بمساعدة اخوي الصغير في زواجه بحكم انه توه موظف وفي بداية حياته...قامت الدنيا ولم تقعدها وصارت تبكي وتتهمني اني افضل هلي عليها...قلت لها انا مقصر بشي قالت لا بس ابي اهتمامك لي وحدي؟؟؟؟حتى اني لما ادلع ولدي او اجيبله هدية يضيق خلقها...
وتقولي بتخرب الولد؟؟؟؟وغير كذا انا احب اجتمع مع ربعي مرة بالاسبوع..او مرتين...وكالعادة تبكي وتتهمني بالتقصير واني ماحبها...ولما اهاوشها واوقفها عند حدها دخلت اهلها ولما قلتلهم مالكم شغل وهذا بيني وبينها...اشتكتني على ابوي وتعاطف معها...وصار يقولي لو تزعلها ماتلوم الا نفسك..واخيرا غيرتها الشديدة
فكل مارحنا سوق او مطعم تراقبني وعينها علي...حتى انها تسأل عني دايم من احد قريباتها الي يشتغلون معي بنفس المستشفى (الي قالي اخوها وسمع زوجتي تكلم قريبتها بالجوال وكانت تعطيها تقرير مفصل عن تحركاتي) مسوية مباحث؟؟؟؟ جربت معها بالحوار وبالقناع سواء مني او من امها ولكن كلها يومين وترد لعادتها...اعتذر عالاطالة وانتظر ردودكم

كنارية صغيرة · 17-04-2009, 00:45

الله يعينك....

Hector Ferrer · 17-04-2009, 00:48

اقتباس:

المشاركة الأصلية كتبت بواسطة كنارية صغيرة

الله يعينك....

يعطيك العافية ومشكووورة على الدعاء

@أمير الشوٌق@ · 17-04-2009, 00:55

احمد ربك ياخوي هذه المراءه بسيط تصيطر عليها وع قلبها بس يبي منك تفتح عقلك اشوي.. وماتسوي الشي هذا الا من حبها لك

ضــي شاعـرهــا · 17-04-2009, 00:55

يااااااااااااااعيني المفروض تنبسط لانها مجنوووووووووووووونه بحبك وهيماااااااااااانه فيك وكمااان تغااااااااار عليك وش تبي اكثر

بس بيني وبينك مزودتها حبتين البنت طيب كلمها صااارحها قلها انا احبك وابيك ومااله دااعي تراقبيني ومن هالكلااااام
بين لها زعلك وبعدين اسراااركم المفروض ماتطلع لاهلهاا ولا لابووك انت !!
والله ما فيه احلى من الحوااار والمنااقشه بينكم !!
الله يديم السعاده بينكم
تحيااتي

Hector Ferrer · 17-04-2009, 01:29

اقتباس:

المشاركة الأصلية كتبت بواسطة @أمير الشوٌق@

احمد ربك ياخوي هذه المراءه بسيط تصيطر عليها وع قلبها بس يبي منك تفتح عقلك اشوي.. وماتسوي الشي هذا الا من حبها لك

معك حق اخوي...بس كل شي زاد عن حده انقلب ضده...تقبل تحياتي والله يوفقك...

حياتي أليمه · 17-04-2009, 01:37

اقتباس:

المشاركة الأصلية كتبت بواسطة محتاجه دفاااك

يااااااااااااااعيني المفروض تنبسط لانها مجنوووووووووووووونه بحبك وهيماااااااااااانه فيك وكمااان تغااااااااار عليك وش تبي اكثر
بس بيني وبينك مزودتها حبتين البنت طيب كلمها صااارحها قلها انا احبك وابيك ومااله دااعي تراقبيني ومن هالكلااااام
بين لها زعلك وبعدين اسراااركم المفروض ماتطلع لاهلهاا ولا لابووك انت !!
والله ما فيه احلى من الحوااار والمنااقشه بينكم !!
الله يديم السعاده بينكم
تحيااتي

لكن اذا زاد الشي عن حده انقلب ضده ... الغيره احساااااااااااااااااااس الغييييره تفااااااااااااهم الغيرره مو صياح ومشاااااكل... وبعدين اللي مافيه خير لأهله مافيه خير لبنت الناس ... انا انقهر من البنات اللي يغارون من اهل الزوج من انتي علشان تاخذين ولدهم وتملكينه وتسكرين عليه ؟؟؟؟ اوكي زوجك لكن يبقا ولدهم وحبيبهم مو تحرمينه من خدمة اهله بالعكس المفروض تفرح اذا شافته يخدم اهله بشرط انه مايكون مقصر معاها ... المفروض تصارحها وتقول الغيره والشك يدمر بيتنا ..... والله يوفقكـــــــــــــــــم ... تحياتي لك

ضيم السنين · 17-04-2009, 01:46

دلع سامج

غالي ومكانه عالي · 17-04-2009, 01:48

السلام عليكم
اخي الفاضل انت برايك الي هي تسويه دلع ؟؟

لاوربي انها قمة الاناااانيه بالله كيف اصلآ تسمح لها بالنقاااش معك في اهلك ومساعدتهم
اخوي اول شيئ بلغها ان الزوجه تعين زوجها على اكرام اهله والي مافيه خير لااهله استحالة ينفعها
وبعدين انت بصراحه متساهل كثييير انت ماقصرت اجل ايش تبي وهي ماخذه حقوقها ؟؟
عاملها بالحسنى وقولها تتخلص من انانيتها وحبها لك يجعلها تحترق من اجلك ومن اجل راحتك ومن اجل ان تكون انسانا يفكر بغيره قبل مايفكر بنفسه وبعدين قولها المفروض تشجعيني على المعروف وهذا خير ونلاقيه في اطفالنا وربي يحننهم على بعض لو جعلتيني اعاون اهلي وانه عند الله ماراح يضيع ...
وصارحها ووقفها عند حدها الي مالها تدخل فيه احس لها تتركه والله يعينك ياخي ذي ماتعينك على البر والعطف والصله
استغفر الله وربي رافعه ضغطي ياااخوي الرجاء عدم الزعل بس من جد تقهرررر

حزينة المشاعر · 17-04-2009, 03:29

هددها اذا ما بطلت غيرة ومشاكل انك تتزوج عليها ...........الحريم ما يخافون الا من الحريم..............

(من جديد ) · 17-04-2009, 03:35

بل بل تهديد بالزواج عليها مرة واحدة

حشا اش سوت

هي اسلوبها غلط لكن تحتاج توجيه ورفق وان شاء الله الامور بترجع لنصابها
ولولا انها جيدة ما حبوها اهلك

هي مسئلة غيرة
وعالجها بعلاج الغيرة
واوله ان تتجاهل مشاعرها وتقو ل لها بصراحة ان هالشي يضايقك وانها اذا تبي تحافظ على حبك ودلالك لها ففيه خطوط حمراء تضايقك جدا وهي علاقتك باسرتك وهكذا

مافيه شي يصعب بين الزوجين اذا بينهم تفاهم
والكلمة الي تستح منها بدها

والمراة جيدة بل ممتازة حتى الانانية فهي من حبها لك

to0ota · 17-04-2009, 04:15

ليه يهددها .؟؟؟؟؟؟؟؟؟؟؟؟ البنت ماتستاهل هذا جزاتها تحبه ...........

اتقو الله في ردودكم

المهم خيوو

احلى نقطه انك عارف انها تسوي هذا كله لانها تمووووت عليك .. قل لها انك تتضايق من هالشي وانه بياثر على حبكم .. حاورها باسلوووب حلو ووصللها كل الي بخاطرك .. فهمها مشاكلكم ماتعدي عتبه الغرفه ..

الله يوفقكم ويديم هالمحبه

مووفق

المصدوم · 17-04-2009, 04:26

الله يكون بعونك

لسعة شقآوه بدلع · 17-04-2009, 04:45

بالتفاهم والكلمه الطيبه كل شيء يمشي..لكن إنت حاول معها...أو أستخدم أي أسلوب ثاني ممكن يجيب معها نتيجه
بالتوووفيييييييييييييييييق

متعلقه بددسن · 17-04-2009, 04:55

وه بس..والله نفس حالتي مع رجلي احبو واغار وابيه بس لي انا لحالي؟؟؟

ولا ساعد اهله يجن جنوني..مدري ليش...؟؟؟

امنتك بالله لالقت زوجتك حل خبرني فيه.....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجتي ومسيرة الدلــــــــع