عالم الحياة الزوجية - منتدى

مناير21 · 17-04-2009, 04:05

سلام علاكم
انا مشكلتي مع ابوي
ابوي فيه لقافه غريبه يدخل غرفتي ويفتش فيها وياخذ مذكراتي المشكله مايعرف يقرى

ياخذها ويعطيها عمي الله لايفضحنا ويقرى مشاكلي وذكرياتي كلها

يقرونها هالشيبان كل يوم
اذا رحت الجامعه ورجعت القى هالشايب الظهر حايس قشي
ومره دخلت غرفتي لقيته جالس يحاول يرفع سريري
قلتله يبه وش تدور تبي اساعدك
قال ايه تعالي ارفعي معي السرير شفت دفتر ابعطيه عمك يقراها

انا بغيت انجنننننننننننن
قلتله يبه الله يهديك هذا للجامعه
مدري وش اسوي فيه ويقطع مجلاتي وينادي اخواني الصغار يقول تعالو افتحو النت
وشوفو وش تسوي ووش تدخل عليه
وحتى جوالي

معه اذا جاني اتصال جابه لي او رساله ويقعد عندي لما اخلص وياخذه مني
يمه مجنني هالشايب مدري وش اسوي فيه

وامي الله يهديها ابكي عندها اقولها يمه تكفين اذا رحت للجامعه لايدخل غرفتي
تقول وش اسوي انتي قوليله انا مالي دخل
ولا اقدر احط مفتاح لغرفتي رافض
حتى مكياجي يحوس فيه

يمممممممممممممممممممممممه مدري وش اسوي فيه
اذا مااعجبه شي من مكياجي احذفه
يمه الصدمه اذا دخلت من الجامعه تعبانه وابي انام القاه بغرفتي واخواني الصغار يناقزون
على سريري وهو يفتش
منظرهم ودي اشب فيهم
يقهرون لا وبعد مرات القاه يتغدى بغرفتي

ويحوس ويكب البن على فراشي هو واخواني ااااااااااااااااااااااااااه محد حاس فيني
يمه متى اتزوج وافتك منهم
ابوي شكله فصل سلك بمخه اااااااااااااه منقرد بس يمشي وراي بالبيت وش تسوين
وش تشوفين بالنت وش تسوين بالمطرسه <<يقصد الجامعه

تكفوووون عطوني حل وش اسوي

تعبت وزهقت من البيت منه هو واخواني الصغار اااااااااااااااااااااااااااااه
ولا عندي خوات ولا احد بالبيت اسولف معه بس انا وهالشايب وهالورعين الي معه
بس يمشون وراي بالبيت مقدر اخذ راحتي بااي شي
وامي الله يخليها
لي كافه خيرها وشرها
حتى الحين وانا اكتب

فيه ورع لازق فيني اعيونه طايره بشاشه بس مايعرف يقرى

تكفون لاتطنشوني عطوني حل وش اسووووووووووووووووووووووووووي يمه احسه رافع ضغطي
مدري وش اسوي فيه

صفحات لم تقرأ · 17-04-2009, 04:09

أنتي قلتيها شايب لكن شايبكم غير

والله أسلوبك يضحك

الله يعينكـ ويصبركـ ,,

בبيـ__ـبـة زوجـ__ـهـآ · 17-04-2009, 04:33

هههههههههههههههه والله انك نكته انتي وابوك
بس يالغلا هذا ابوك لازم تستحملينه صحيح حركاته زاايده عن حدها بس ايش تسوين تحملي
تدرين الزمن اللي احنا عايشين فيه كيف صاير
وهو ما يسوي هالشي الا لانه خايف عليكي ويحبك ويهتم فيكي
ياما نسمع عن بنات ابوهم ما يسال عنهم ولا يهتم فيهم ويتمنون ابو مثل ابوكي
انتي بس اصبري يالغلا بكره تتزوجين وتروحين بيتك وتتذكرين هالايام وتضحكين عليها
بس حاولي تكلمينه قوليلو انك تربيته وتخافين الله في تصرفاتك وانك ما تسوين شي غلط
واذا لازم يفتش في اغراضك يفتش عادي بس اكل بالغرفه واخوانك يناقزون عالسرير لاء
انتي تجين من الجامعه تعبانه وودك ترتاحين فلازم يراعون هالشي
والله يهديه عليكي ويرزقك بولد الحلال عااااجلا ليس اجلا يارب وترتاحين وتريحينه هو بعد المسكين

em tala · 17-04-2009, 04:36

الله يكون بعونك

خجل انثى^_^ · 17-04-2009, 04:38

ياحبيبتى هونيها تهون هذا مهما كان ابوك سبحان الله كيف ترضين تقولين عليه كذا ..!!
فى بنت تقول ع ابوها ((هالشايب))..!!ادرى انك متضايقه ..
بس مشكلتك ارحم 100 مره عن غيرك..
والله لو الدنيا كلها تضيق فيك مالك الاابوك فهمتى ..
هو بس يسمع عن بلاوى الجامعه وخايف عليك ولعلمك كل الاباء يخافون ع بناتهم ولكل اب طريقته ..!!
اعرف بنات كثير انحرموا من دراستهم ومن حياتهم ..
وتأكدى ابوك احسن الف مره عن غيره ..وحاولى تكسبين ثقته ببساطه لان من كلامك ابوك شخص طيب قلب ...والا ماكان خاف عليك ..ادرى ان طريقته مبالغ فيهاوتجرح الاحساس ..بس عاد هذى طريقته..

ماهو خطاي · 17-04-2009, 04:48

اقول احمدي ربك بس .
وحرام الي تقولينه عن ابوك و احسك تبالغين شوي كل شي بالتفاهم يصير كلمي ابوك وفهميه يمكن ابوك مهو فاهم شي عن الكمبيوتر وسمع انه فيه خرابيط بالنت ويحسب اي واحد يدخل النت يدخل شي مهو مضبوط بعض كبار السن كذا مهو فاهم النت .

راقي الرياض · 17-04-2009, 05:08

ههههههههههههههههه

والله انك نكتة انتي وبوك يصير ماعنده شغل الا الحوسه ويتدخل بكل شئ عنديلك حل ونا اخوك اقترحي على ابوك بفتح مكتب عقار يسلي نفسه ويقطع الوقت ويجون عنده شيبان مثله يوسعون صدره ويقطعون وقتهم يتبطحون بالمحل ويحسون مع بعض بدال مايحوس بغرك والله يكون بعونك والله اني حاس بمعانتك

اروجه حبيبة زوجها · 17-04-2009, 05:17

ههههههههههههه انا اكثر شي ضحكني لما رفع السرير ويقول لك ايه فيه دفتر جيبيه...

ربي يصبرك وهذا ابوك والله انا فاقده ابوي ولو انه عايش والله اتمنى يسوي اللي يبي ويمون عسل على قلبي

الواحد مايحس بالشي الا اذا فقده وصدقيني كل اللي يسويه خوف عليك بس قولي له غرفتي مو للاكل كل شي ولا ياكل

بغرفتك وتصير ريحتها مو حلوه ربي يكون بعونك ويصبرك بس عيوني حاولي تصبرين ولما تتزوجي صدقيني راح تضحكين على

كل شي كان يسويه ابوك معك ربي يوفقك في حياتك وتتزوجين الرجل اللي يسعدك بها الدنيا ...

تحياتي...

Njo0oud · 17-04-2009, 05:59

ههههههههههههههههههه الورع اللي لازق فييك بخي عليه فليييت خليه يبعد عنك

ياحبنيلك ع الاقل انتي ابوك انا اخوي وربي اني تعبت بس الفرق ان اخوي مايدخل غرفتي لييش <لانها مقفله اربع وعشرينه ساااعه امي ماتتدخلها بعد <مشخصه عليهم
انا اخوي اصغر مني يعني مابيني وبينه شي توه دااخل 20 وانا 21<خلصينا اويلاه
تخيلي يفتش جوااااااالي بس اذا شافه فوق الكنب ولا عالطااوله اما اذاكنت موجوده يخسي ياااخذه واليوم تهاااااوشت معااااه بسااالفت الابتوب يبي يشوووف لابتوبي طبعا انا لاقلت لا يعني لا لو يشتكي عند ابوي وابوي طبعا يقوله شي خااص لها وش تبي فيه <يعجبني ابوي <الله يخليه لي
بس وربي تعبت
<جااايه بتواااسيك وجلست اشكيلك <الله يخلف علي بس

تحملي وش نسوي نحتري فارس الاحلام مدري متى يجي يلبق الحصااان عند باب بيوتنا وه بس مدري وش مخلييه مايتحرك اهيب <حاقده علييه قبل ماتشووف خشته

والله يخلي لك ابوووووووووك يابعدي انتي بس

ضيم السنين · 17-04-2009, 06:23

الشايب.. المطرسه .. مايعرف يقرا

انتي متأكده انتس تسولفين عن ابوتس ولا عن السواق؟

وين الاحترام والتقدير

في احد يقول عن ابوه شايب؟

الظاهر انتس تسمعين العيال يقولونها تقلدينهم تحسبين معهم علم

اذا انتي يابنته ماحترمتيه اجل من بيحترمه انا هالكلمه بذات اعتبرها من العقوق

كنتس جايه ومتحمسه عشان تضحكين خلق الله على ابوتس بااسلوب جداً ماصل ومبالغه

اجل يفتش ويرفع السرير ويعطي عمومتس يقرون له؟

مادري ليش طرالي المثل اللي يقول ( شدراك انها كذبه قال من كبرها )

حتى الابو اللي مايرحم عياله بالمعامله مايسوي اللي قلتيه

بس مالوم ابوتس وان سوا هالشي الواضح انتس مهمشته ومعاملتس معاه مو شي

اول شي غيري من طريقة تفكيرتس واسلوبتس واحترمي ابوتس وحطيه تاج على راستس وتذكري ان لولاه ماجيتي لدنيا وان شاء الله بينعدل حالتس

لبيه · 17-04-2009, 06:58

قال تعالى:
(( وقضى ربك ألا تعبدو إلا إياه وبالوالدين إحسانا إما يبلغن عندك الكبر احدهما او كلاهما فلا

تقل لهما اف ولا تنهرهما وقل لهما قولا كريما* واخفض لهما جناح الذل من الرحمة وقل ربي إرحمهما كما

ربياني صغيرا ))

عيب عليتس والله شلووووووون لتس قلب تتكلمين عن ابوتس كذا ...

مخليته مضحكه ...

ربنا لاتؤاخذنا بما فعل السفهاء منا ..

حنين الفؤاد · 17-04-2009, 08:12

[B]

مهما كان ياعزيزتي هذا ابوك الغالي وواضح انه خايف عليك من الهواء الطاير

من حبه لك وخوفه عليك يبي احد يطمنه انك طيبه وامورك طيبه

هالزمن يخوف وشكله يسمع قصص واجد هي الي خلته كذا يسوي معك

ودامك ماشيه عدل تقبلي كل الي يسويه وان شفتيه بغرفتك رحبي فيه وحبيه على راسه وقول تو مانورت الغرفه

دامك تتأففين وتبينين انك ماتبينه راح تتعبين واجد وراح يجلس لك

ان شافك منك الادب والذرابه بيثق فيك اكثر وبيخليك على راحتك

هذا ابوك انتبهي زين

ابـــــــــــــــــوك!!!

انا لو ابوي يكسر راسي ويجلدني لليل ونهار ماراح افضحه برى عند العالم

لا قالو فلان بن فلان

قلت ونعـــــــــــــم هذا ابـــــــــــــــوي!!!

اتمنى تكوني فهمتي,,,,,

[/B

المرااام · 17-04-2009, 08:25

عزيزتي .. انتي بالجامعه يعني ما شاء الله واعية ومثقفة

قبل كل شي الله يهديك مهما صار من أبوك يظل أبوك أولا واخيرا .. وما تتكلمين عنه بهالأسلوب المضحك (ابوي شكله فصل سلك بمخه اااااااااااااه منقرد )
والشايب ..وهالشايب مجنني

قال تعالى (( وقضى ربك ألا تعبدو إلا إياه وبالوالدين إحسانا إما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما* واخفض لهما جناح الذل من الرحمة وقل ربي إرحمهما كما ربياني صغيرا ))

الوالدين نعمه من الله لا يشعر بقيمتها إلا من حرم منها فاحمدي الله ولا تقولي متى اتزوج وافتك منهم .... هذا من خوفه عليك اكيد وتاكدي مثل ما تكلمتي بأسلوب مضحك عن أبوك اليوم ...بكره بنتك او ولدك يستخدم معك نفس الأسلوب

اسمحيلي اختي الوالد ليه يشك فيك ابحثي عن الأسباب وعالجيها ...

هو ما يقرأ ولا تعلم ... لكن وصلك للجامعه وهذا ما يخليك تتحملين منه أي شي حتى لو امر يزعجك ويضايقك
والله والله لو حس أبوك إنك راضيه يفتش أغراضك وتقبلتيها برضا ما يكررها معاك ... لكن الخطأ فيك انتي مو في الوالد

لا تقولين هاجمتوني ومدري وشو ؟؟ لكن اسلوبك من بدايته خطأ وكلامك بهالصورة عن أبوك اكبر دليل على إنك مقصرة جدا جدا في حقه ... اكسبي رضاه واحمدي ربك على النعمة ... غيرك ينضرب وينهان وينحرم من كل شي وصابرين لأن الوالدين رضاهم بعد رضا الله عز وجل..

قال تعالى: (واعبدوا الله ولا تشركوا به شيئاً وبالوالدين إحساناً).

يكفي تملل وشكاوي من الوالدين ...الحل هو طاعتهم وبرهم والرضا والصبر ..

ودمتي بخير

روانـ · 17-04-2009, 08:30

اصبري وتحملي
وادعي الله ان يفرج همك

حاولي انك ترضين الوالد بأي طريقه كانت يعني مثلا تتقربين منه اكثر تحسسينه بحبك له اعطيه الثقه ليثق فيك
استغفري الله كثير واحسني النيه في كل امورك

انت حياة الروح · 17-04-2009, 11:14

انا اؤيد الاخوات بكلامهم هذا ابوك المفروض ماتقولين عنه كذا وتحترمينه ومن خوفه عليك يسوي كذا والواحد مايعرف قدر والديه الا اذا فقدهم وتحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع ابوي ؟؟؟!!