عالم الحياة الزوجية - منتدى

ابتسـ دمعه ــامه · 17-04-2009, 12:36

السلام عليكم ورحمه الله
انا جديده توني مسجله ضاااااااااقت بي الدنيا
ماادري وش اسوي لكن طلبتكم الي يدخل ويقرا لايبخل علي بالراي والنصيحه بالموضوع انا ماعرضت مشكلتي للقراءه فقط
ولو مو محتاجه مساعده ماكتبتها هنا
بدخل بالموضوع على طول .. انا لي ست سنوات متزوجه
انا وبصراحه انسانه رومنسيه حيل بعكس زوجي تمام ماكان يحب الرومنسيه رغم انه يحبني بس مايعرف
بحركات الرومنسيه وهالسوالف قلت اوكي يمكن هو مايعرف للدلع والرومنسيه انا اعلمه وبطريقه غير مباشره
سوت له الي ماتسويه اي وحده كل شي سويته له اشياء ماتتخيلونها دلعته كل يوم والثاني حركه جديده وليله حالمه وينبسط عليها حيييييييييل
بس انا بيني وبين نفسي اقول يارب يوم يفاجئني بحركه يحسسني انه يحبني رغم انه والشهاده لله مايقصر علي بشي وكل شي اطلبه يجيبه لي
لكن خاطري يفاجئني برساله حلوه منه باقه ورد ليله بفندق وطبعا انا زي كل انسانه جاني احباط لاني حسيت كل انا اسويه وهو ينبسط مني بس مااشوف منه مبادره
وكأي زوجين صارت بينا مشكله قمت قلت له اني ابي منك رومنسيه انت زوجي اعطيني الشي الي اتمناه
قال لي انا كذا عاجبك عاجبك مو عاجبك بكيفك
قلت يابنت مالك الا انك تنسين كل هالرومنسيه وهالحركات الي طلب مني مااسوييها حكمت عقلي وعشان ابعد عن المشاكل تنازلت وعشت معه بكل احترام وتقدير ومااقصر عليه بشي بس انه الحركات الي كنت اسويها خفيت منها بالتددريج لين تقريبا اصبحت شبه معدومه وحسيت انه الوضع اعجبه
مااقصر بشكلي لبس ودلع واهتمام مو عشانه بس عشان ارضى على نفسي يوم اطالع بالمرايه وعشاني انا احب الدلع والكشخه
مرت السنوات واحنا على هالحال حياه عاديه وهاديه زي كل زوجين بس انا داخلي كنت اتعذب لاني ماقدرت انسى الحياه الرومنسيه الي كنت احلم بها قلت بعيشها باحلامي بخيالي .. قبل ماانام اتخيل اني انا وياه بمكان حلو وانه سوا وسوا وجاب لي ورد وووووو وبالاخير تنزل دموعي واضحك على نفسي واتعوذ من الشيطان وانام
كل الي قلته خلاص راضيه فيه وتعودت عليه
لكن المصيبه والي كسرتني انه اكتشفت بالفتره الاخيره من شهر تقريبا انه متعرف على وحده
واجهته وانا بحاله هستيريه زعل مني وعصب ومااخذت منه نتيجه بدل ماازعل انا هو زعل وجلست يومين مااكلمه ولا حاول يعتذر او يبرر موقفه كان يطلع برا البيت ويرجع ينام بالمجلس
رحت له انا بعد يومين قلت يمكن نلقى حل سالته اذا مايبيني يترركني احسن له ولي قال ابيك ومااتخلى عنك قلت والبنت الي تعرفها حلف انه خرب العلاقه معها وماعاد يكلمها
سالته انا مقصره معك بشي شكلي مو عاجبك قال لا والله انا ماالقى مثلك قلت ليه تسوي فيني كذا قال الشيطان
حلف وحلف وبعد محاولات منه اني اصدقه صدقته من طيبه قلبي وحناني الزايد وقمت بست راسه ونسنى الموضوع
بس طلبت منه يغير جواله ويلغي الايميل حقه ويبطل الشات الي يدخله قال اوعدك
مر يومين ماغير جواله جيت له وباسلوب وبدلع قلت له حبيبي ماغيرت جوالك وانا والله اغار عليك جيت له باسلوب عشان مايعصب قال لي ابشري بس ترا والله والله اني تركتها وطردتها بعد قلت خلاص
ماحبيت اجبره عشان اعطيه الثقه وابين له انه واثقه بكلمته عشان يستحي على دمه ويترك الي هو فيه
وفعلا جلسنا ثلاث اسابيع زي العسل ومالاحظت عليه شي كان طيب وحنون معي بس من يومين اصحى من النوم القاه جالس عالشات اول مره سكت وعديتها قلت يمكن يستحي
ثاني مره صحيت من النوم لقيته بنفس الشات وانا احترق من جوا
ثالث مره اليوم الصباح لقيته جيت جلست جنبه وقلت له هذا الي وعدتني فيه
قفل وقال لي انتي شكاكه انتي ماتثقين فيني
اسئلكم بالله
لو صحيت/ي من النوم ولقيت زوجك/ي يصحى الفجر ويجلس على الشات واول ماتصحى/ين يقفله ماتحس/ي انه فيه شي بالموضوع حتى لو كانت نيته سليمه
زعل مني واتهمني اني شكاكه وقام للمجلس ونام
وهذا انا محتاره
الي اسويه صح ولا خطا ؟؟؟؟ اترركه يجلس عالنت بنصاص الليالي وانا نايمه ولا وش الحل تكفوووووون؟؟
هل انا شكاكه مثل ماقال؟؟؟؟؟
رغم انه يصحى الفجر عشان النت والشات واذا صحيت يقفله ويسوي نفسه ماسوى شي بعدين يقول انا نعسان ابي انام
واذا قلت له باسلوب طبعا لاتصحى الفجر وش يصحيك يقول انا مايجيني نوم
وينام واجلس انا بهمي وحزني وحيرتي شلون اتعامل معه
هو الحين نايم بالمجلس لانه من الفجر صاحي على الزفت الشات
انصحوني محتاجه لائيكم
مابي احد يقولي الله يعينك ويسكت ابي نصيحه من قلب
وش اسوي فيه النقاش مانفع معه التطنيش مانفع احس اني بموووووووووووووووووووووووت
ومااقدر اقول لاي احد من اهلي لانه مابي المشكله تكبر وابيها بينا
ابي منكم تقولون لي وش اسوي وش الحل اروح اصحيه واراضيه ولا ازعل ومااكلمه
انتظر رايكم باحر من الجمر

ابتسـ دمعه ــامه · 17-04-2009, 12:50

هذي صلاه الجمعه نام وماراح لها

احيانا احس انه يحبني واحيانا لا صار كل تصرفاته اشك فيها

بس الي مساعدني اني واثقه من نفسي والحمد لله حتى شكلي والله والله انه دايما يقول لي احسد نفسي عليك
حتى البنات دايم يقولون يابخت زوجك من اهتمامك بنفسك وشكلك الي كله براءه مااقول كل هذا مدح بنفسي لا والله انا انقل لكم كلامه وكلام صحباتي بس عشان يكون الموضوع من وجه نظركم كامل وتعرفوا تحكموا عليه

بس ليه يسوي كذا ماادري وانا انا لي حق ابيه ابي حب ابي شوق ابي وله بس وينه يعطيه لغيري اااااااه ياقلبي

مالي حيله غير الدموع لو شينه قلت معه حق لو مهمله قلت معه حق

بس الثقه الزايده فيه وطيبتي هي الي ضيعتني

عيناء · 17-04-2009, 13:01

السلام عليكم اختي
الله يصبرك بس مثل ما طلبتي و لو انا مكانك
لا احترق و لا شي ، خليه يعمل الذي يريد
و إذا هو يفيق الفجر ، انا افيق الثالثة صباحا على النت و اعمل شات مع بنات طبعا بس اخليه يشك و اموتــــــــــــــه من الغيظ ، و إذا جاني يبغى يشوف اقفل و اقول اريد ان انام
ترى العين بالعين و السن بالسن و البادي اظلم
خليه يحس للي انا احسه إلى ان اين ستصل الامور ،إذا كان الكلام لا ينفع معه
هذه وجهة نظري و اسمعي اراء الاعضاء يمكن يكونو احسن
الله الموفق

Gror ontha · 17-04-2009, 13:03

والله صراحه صرت اتعجب من كثر ما أقرأ مليون مشكله بالمنتدى كلهم البنات يشتكون من ازواجهم وخيانتهم

وش يعني ما صار فيه رجال مخلصه ووفية وتقدر الحياة الزوجية ؟؟؟

مشكلة الرجال اول ما يخون مره خلاص مستحيل يمسك نفسه ويخون الف مره بعدها

بس بغيت اعرف صار لج كم متزوجة ؟؟ وعندج اولاد او لا

عيناء · 17-04-2009, 13:05

كلميه كان شيء لم يحدث و لا تراضينه ، انت لم تخطإي في حقه

لحظة عشق · 17-04-2009, 13:09

الله يكون في عونك بس حاولي ماتواجهينه علشان مايكون فيه تجريح ويمكن يكون هو فعلا تاب وبكذاتكونين ظالمته.. وبالنسبه لكونك تحبين الرومنسيه وهو لا هذا شئ طبيعي بس لا تطلبينها مباشره لانها بتكون بدون طعم اكتبي الاشياء اللي تحبين يسويها لك وكيف راح تكون سعادتك لمايسويها لك في دفتر خاص خليه يشوفه بطريقه غير مباشرة.

ابتسـ دمعه ــامه · 17-04-2009, 13:15

اقتباس:

المشاركة الأصلية كتبت بواسطة عيناء

السلام عليكم اختي
الله يصبرك بس مثل ما طلبتي و لو انا مكانك
لا احترق و لا شي ، خليه يعمل الذي يريد
و إذا هو يفيق الفجر ، انا افيق الثالثة صباحا على النت و اعمل شات مع بنات طبعا بس اخليه يشك و اموتــــــــــــــه من الغيظ ، و إذا جاني يبغى يشوف اقفل و اقول اريد ان انام
ترى العين بالعين و السن بالسن و البادي اظلم
خليه يحس للي انا احسه إلى ان اين ستصل الامور ،إذا كان الكلام لا ينفع معه
هذه وجهة نظري و اسمعي اراء الاعضاء يمكن يكونو احسن
الله الموفق

والله شكل هذا الحل الي ينفع معه عشان يحس بالنار الي تحرقني يارب تسعدك ياقلبي عالرد والمساعده

ابتسـ دمعه ــامه · 17-04-2009, 13:17

اقتباس:

المشاركة الأصلية كتبت بواسطة Gror ontha

والله صراحه صرت اتعجب من كثر ما أقرأ مليون مشكله بالمنتدى كلهم البنات يشتكون من ازواجهم وخيانتهم
وش يعني ما صار فيه رجال مخلصه ووفية وتقدر الحياة الزوجية ؟؟؟

مشكلة الرجال اول ما يخون مره خلاص مستحيل يمسك نفسه ويخون الف مره بعدها
بس بغيت اعرف صار لج كم متزوجة ؟؟ وعندج اولاد او لا

صدقتي والله انا صار لي 6 سنوات وعندي طفلين

ابتسـ دمعه ــامه · 17-04-2009, 13:18

عيناء هذا مو حل طيب واذا استمر بالسهر والشات وش الحل اذا رجع للبنت او كلم غيرها ؟؟؟

ابتسـ دمعه ــامه · 17-04-2009, 13:22

اقتباس:

المشاركة الأصلية كتبت بواسطة لحظة عشق

الله يكون في عونك بس حاولي ماتواجهينه علشان مايكون فيه تجريح ويمكن يكون هو فعلا تاب وبكذاتكونين ظالمته.. وبالنسبه لكونك تحبين الرومنسيه وهو لا هذا شئ طبيعي بس لا تطلبينها مباشره لانها بتكون بدون طعم اكتبي الاشياء اللي تحبين يسويها لك وكيف راح تكون سعادتك لمايسويها لك في دفتر خاص خليه يشوفه بطريقه غير مباشرة.

ياحبيبتي انتي ماقريتي الموضوع زين انا مااجرحه وبالعكس اجي باسلوب حلو يوم اكتشفت انه يكلم بعد يومين جيت وناقشته وبست راسه بدل ماهو الي يبوس راسي

وبالنسبه للرومنسيه انا ماطلبت منه بشكل مباشر انا اسوي له بطيب خاطر وكنت اتوقع اذا شاف مني هالحركات يتعلم ويسوي زيها بس لاحياه لمن تنادي

بالنسبه للدفتر كتبت فيه وحطيته عالتسريحه بس مافتحه ولا قراه

روانـ · 17-04-2009, 13:26

خليك واثقه من حالك اشغلي نفسك بالقرآه وثقفي حالك اكثر اشتري كتب واقريها
وقت مايكون عالشات راح يطالعك ويعرف وش الصح وش الغلط

ربي يسعدك

عيناء · 17-04-2009, 13:27

اقتباس:

المشاركة الأصلية كتبت بواسطة ابتسـ دمعه ــامه

عيناء هذا مو حل طيب واذا استمر بالسهر والشات وش الحل اذا رجع للبنت او كلم غيرها ؟؟؟

لن يستطيع السكوت عنك ، لان غيرة الرجال اكثر من غيرة المرأة
و انا اقصد انك تحجزي اللابتوب قبله و ما تتركي له مجال و ايضا يحس ف للي انت تحسيه

او لما يكون جالس تجي وراه و دلكي له ظهره دون ان تحسي انك تراقبيه
و نصيحة انك ترجعي لرومانسيتك و ان لا تتركي له وقت للكمبيوتر
سهريـــــــه تعبيه
و ان تكفي عن النقاش في الموضوع و ان لا تلعبي دور المظلومة طول اليوم

ابتسـ دمعه ــامه · 17-04-2009, 13:36

اقتباس:

المشاركة الأصلية كتبت بواسطة احبك بس وينكـ

خليك واثقه من حالك اشغلي نفسك بالقرآه وثقفي حالك اكثر اشتري كتب واقريها
وقت مايكون عالشات راح يطالعك ويعرف وش الصح وش الغلط
ربي يسعدك

اذا كل الي سويته وتغاضيت عن سواته ومانفع معه تبينه يحس وانا قرا كتاب او غيره ماينفع

بس بسوي الي قلتيه يمكن يكون الحل بكلامك

ابتسـ دمعه ــامه · 17-04-2009, 13:38

اقتباس:

المشاركة الأصلية كتبت بواسطة عيناء

لن يستطيع السكوت عنك ، لان غيرة الرجال اكثر من غيرة المرأة
و انا اقصد انك تحجزي اللابتوب قبله و ما تتركي له مجال و ايضا يحس ف للي انت تحسيه

او لما يكون جالس تجي وراه و دلكي له ظهره دون ان تحسي انك تراقبيه
و نصيحة انك ترجعي لرومانسيتك و ان لا تتركي له وقت للكمبيوتر
سهريـــــــه تعبيه
و ان تكفي عن النقاش في الموضوع و ان لا تلعبي دور المظلومة طول اليوم

تهقين هالحل ينفع والله يبغاله عشان يحس على دمه

لمراة الوحيدة · 17-04-2009, 13:45

اختي الفاضلة اما بلنسبة للرومانسية اغلب الازواج لايعرفونها خاصة الرجل الشرقي فاستغني عنها ومشي حياتك بدونها عادي بتستمرين انشاء اللة ام انه يعرف فتاة غيرك وعلى الشات من نصاص الليالي ومن صباح اللة خير هذة غير مقبولة حاوريه وناقشيه اكثر من مرة ان ما يفعله خطا وضحي له ان يقضي وقته معك وحاولي ولا تياسي انك تقربيه لك اكثر واخيرا ولا تنصدمين يا اختي بعض الرجال ما يرتدعون ابد شو ما كان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني اول مشاركه لي تكفون