عالم الحياة الزوجية - منتدى

NaWaF99 · 19-04-2009, 13:57

بسم الله الرحمن الرحيم

انا صار لي فترة اتابع هذا المنتدى الرائع وبصراحه جدا مفيييييد الله يعطيكم العافية ويكتب لكم الأجر
قلت البنات لان تفكيرهم يختلف عنا

انا خاطب وحده تقرب لي بس خطبه مو ملكه وماحددت متى راح اتزوج بس بيكون بعد اقل شي سنه ونص واحتمال سنتين والا ثلاث بعد

بالرغم اني اقدر اتزوج قبل بس احس اني توني صغير والزواج ارتباط المهم او المشكله ان هذي البنت انا احبها قووووة وافكر فيها وقتي كله وهذا الشي احيانا يكون جدا مممممل خلاص صرت ابدا اذاكر(انا طالب جامعي) وكل شوي تطلع لي وانواع الهواااجيس افكر وش راح اقولها وانواااع القصص أألفها فالتركيز قل كثير والمشكله الاساسية اللي شاغله مخخخي

هي هل البنت تبادلني نفس الشعور وكيف اعرف ؟ علما انها ما قد لمحت لي ابد لا من قريب ولا من بعيد! عادي والا انا موسوس

؟ علما اني صرت اغني هل رأى الحب سكارا

(ترا امزح الاغاني حرام)

والنقطة ثانية: انا اقدر المح لها عن شعوري عن طريق خواتي بس احس انه افضل اني اكون ثقيل عشان ما تتغلا علي او تشوف نفسها ما ادري بس احس الثقل احسن وش رايكم؟ علما ان خواتي مستحيل يقولون لي شي عن البنت

ومستحيل اقول شي انا سواء عن البنت او أي موضوع الا يقولون لها

طبعا مايدرون اني ادري انهم ينقلون كلامي

اتمنى مساعدتكم تكفون اكتبوا اللي في بالكم أي نصيحه!

اسف على الاطالة

عيناء · 19-04-2009, 15:08

انت خاطب تزوجها و ارتاح وللي صغير لا يعرف نفسه انه صغير
إذا كنت تستطيع ان تعمل العقد و تؤخر العرس إلى 10 سنوات فافعل و خد راحتك مع البنت .
انت لا تعرف كم يعانين البنات بدون ملكة اسال المجرب
اصلا خطوبة بدون ملكة تظل البنت معلقة و هذا الإحساس للي انا عايشاه حاليا

عندما تملك تتصل بها و تصارحها بحبك و التقالة للبنت ليست للشباب
سترتاح و تركز و تطلع الاول بالجامعة

ادعيلي
اختك عيناء

ريما المجنونا · 19-04-2009, 15:59

اذا انت تقووووووول ان المووووضوع مجرد خطبه
صح
طيب ليه ماتملك وتكلمها جوال وتعرف كل شى عنها وهي تعرف كل شى عنك وبالعكس رااااح تحبك حييييييييييييييييييل مو زي ماقلت ان الثقل صنعه
صح الثقل صنعه هع هع هع الحين تطلع لنا احلام تغني يقولون الثقل صنعه
خخخخخخ
صح الثقل حلووووو بس مو بكل الاحيان في مواقف محدده حلو الثقل فيهاااا
وهاذا رايي
والله يووووووفقكم

NaWaF99 · 19-04-2009, 17:49

اقتباس:

المشاركة الأصلية كتبت بواسطة عيناء

انت خاطب تزوجها و ارتاح وللي صغير لا يعرف نفسه انه صغير
إذا كنت تستطيع ان تعمل العقد و تؤخر العرس إلى 10 سنوات فافعل و خد راحتك مع البنت .
انت لا تعرف كم يعانين البنات بدون ملكة اسال المجرب
اصلا خطوبة بدون ملكة تظل البنت معلقة و هذا الإحساس للي انا عايشاه حاليا
عندما تملك تتصل بها و تصارحها بحبك و التقالة للبنت ليست للشباب
سترتاح و تركز و تطلع الاول بالجامعة

يقولون موب حلو انك تطول فترة الملكة عشان ما تملون من بعض!؟ والله محتاار شكرا على مرورك عيناء الله يوفقك وكان ودي انك تعلقين عن انو كيف اعرف شعورها

وعن الثقل قصدك عادي المح لها؟؟
الله يوفقك ويستر عليك يا عيناء

NaWaF99 · 19-04-2009, 17:58

اقتباس:

المشاركة الأصلية كتبت بواسطة ريما المجنونا

اذا انت تقووووووول ان المووووضوع مجرد خطبه
صح
طيب ليه ماتملك وتكلمها جوال وتعرف كل شى عنها وهي تعرف كل شى عنك وبالعكس رااااح تحبك حييييييييييييييييييل مو زي ماقلت ان الثقل صنعه
صح الثقل صنعه هع هع هع الحين تطلع لنا احلام تغني يقولون الثقل صنعه
خخخخخخ
صح الثقل حلووووو بس مو بكل الاحيان في مواقف محدده حلو الثقل فيهاااا
وهاذا رايي
والله يووووووفقكم

شكرا على مرورك يا ريما الله يخليك
ما علقتي اشلون اعرف شعورها

هذا اكثر شي شاغل مخي والملكة يقولون موب احسن تكون فترة طويلة وش رايك انتي؟ وقصدك احاول اووصل لها شعوري لو كنتي مكانها كيف بيكون شعورك؟

من جد شكراااا

عيناء · 19-04-2009, 18:01

اقتباس:

المشاركة الأصلية كتبت بواسطة NaWaF99

يقولون موب حلو انك تطول فترة الملكة عشان ما تملون من بعض!؟ والله محتاار شكرا على مرورك عيناء الله يوفقك وكان ودي انك تعلقين عن انو كيف اعرف شعورها

وعن الثقل قصدك عادي المح لها؟؟
الله يوفقك ويستر عليك يا عيناء

للي يملون من بعض يكونون ممللين اصل
و لا تحب ظل حاجر البنت لسنة لا تكلمها ولا تكلمك كانكم مخاصمين
اسمع الكلام اخوي الله يرضى عليك و استخر الله و استشر اهلك
اما كيف تعرف شعورها و انت لا تكلمها ، فهذا إن لم يكن صعب فهو مستحيل

إذا كنت تتجرأ تخلي اخواتك او امك يسالوها
إذا لا ... ما عليك إلا الملكة و توفر عليك الفضول و عذاب الضمير
موفق إن شاء الله و إن شاء الله تقرر القرار الصواب بعد استخارة اكيد

مدري احبه ؟؟ · 19-04-2009, 18:03

مبروووووك الله يوفقك

ماقلت كم عمرك عشان نقول باقي بدري او لا ؟؟

وثانيا الثقل انا اكره هالكلمه من قلبي <<وجهة نظري.....الثقل يكون بحدود ...

المهم طبيعي تفكر فيها لانك ماتعرف وش مشاعرها ولانها بعيده عنك ""

لكن انا اشوف ان فترة الخطبه طوييييييييييله مره ومايصير تتجاهلها طول هالفتره .........

يعني لا تخلي خواتك يقولون لها انك تحبها بقوووه وانك تموت فيها

لا خلهم يوصلون لها سلام منك (فلان يسلم عليك )

يعني تدري انها في بالك لكن ماتدري عن اللي بخاطرك وشوي شوي بترسلك سلام مع خواتك ......لكن صعب تبين لك مشاعرها ""

""وتراه عادي انها مالمحت لك بشي الى الحين وهذا الطبيعي فلا تنتظر ""

اما كلام الحب وكل شي تحس فيه ناحيتها خله يجي منك افضل

ولااااتخلي احد يوصله لها اصبر الى الملكه ولما تكلمها قول لها كل اللي بقلبك""

صعب تتجاهلها الفتره هذي كلها حسسها انها تهمك واسأل عنها بشكل عام

طالما الخطبه رسميه وكل شي واضح مو عيب انك تسأل""

الله يوفقك لما يحب ويرضى

مديره · 19-04-2009, 18:04

ماتقدر تعرف شعورها الا عن طريق الخوات

خلك فري مع وحده منهن علشان تنقل لك كل اخبارها

NaWaF99 · 19-04-2009, 18:12

عيناء شكككككرا على تفاعلك الله يحفظك كلامك صح بس محتاااار

كحلها سايل · 19-04-2009, 18:14

البنت عادتا تفكر بشريك حيااتهاااا .. و كيف راح تكون حياتهم المقبله مع بعض ..
اكثر من الولد نفسه .. و تشيل همهااا من بدري ..
دامك تحووبهااا .. و تحوب تعرف اخبارها ..
مافيها شيء .. بلغ خواتك ان بين فتره و فتره و يوصلون لها سلامك ..
ع الاقل تحس بأهتمامك فيهااا ..
يمكن البنت ماا تحوب توصل عتابهاا بتقصيرك قد يكون خجلا منهااا او او او ..
فأنت قدر وضعهااا ايضاااا .. و باادر بالسؤال ..
و صدقني .. سؤالك عنهاا بأستمرار .. راح تكبر بعينهااا .. و تدعي لك بكل يوم انه يجمعكم مع بعض عاجل غير آجل
وهذا اقل شيء ممكن تقدمه لها بحال ان الملكة تأخرت اكثير .. لأجل دراستك ..
الله يسهل امورك ..
مووفق

عيناء · 19-04-2009, 18:15

لا تحتار ، اعقل و توكل و دعواتنا لك بالسعادة معها و ان تقر عينك و تكون زوجتك دنيا و اخرة
افرش سجادتك في اخر الليل و استخر الله تعالى و لن يردك
ادعيلي بالفرج إن شاء الله

رانيا العبدلله · 19-04-2009, 18:30

يااخي العزيز ملك عليها
وراح تعرف شعورها
انا مثلك كنت مخطوبه سنه ونص وخطيبي يحبني مووووووووت وكان يوصل حبه لي عن طريق خواته
وانا كنت ثقيله ماابين لهم شي لان مابيننا شي غير الخطبه
لمن ملكت حبيته من اول اسبوع
لاتحتار ولا تتاخر بادر بلملكه وصدقني بعدها راح تتزوج على طول وتقول ياليتني ملكت من زمان
الله يوفقك

حواااء · 19-04-2009, 18:37

أأأألف مبروك اخوووي الخطبه وعقبال الملكه والزواج انشاءالله أنا من رأيي تصبر اشويه الى ما تخلص الدراسه لانو لاحق على الملكه ولانو مو حلو فترة الملكه تطول لاني انا مجربه فترة ملكتي طولت و صارت ممله في ايامها الاخيره , ويمكنك نقل شعورك اليها بارسال السلام لها عن طريق احد اخوتك وهذا يكفي وبتحس انك مهتم فيها وقلبك معاها على طوول, وحاول تركز في دروسك وتتحمل اشويه

NaWaF99 · 19-04-2009, 18:42

اقتباس:

المشاركة الأصلية كتبت بواسطة مدري احبه ؟؟

مبروووووك الله يوفقك
ماقلت كم عمرك عشان نقول باقي بدري او لا ؟؟

الله يبارك فيك اختي عمري 21

اقتباس:

المهم طبيعي تفكر فيها لانك ماتعرف وش مشاعرها ولانها بعيده عنك ""
لكن انا اشوف ان فترة الخطبه طوييييييييييله مره ومايصير تتجاهلها طول هالفتره .........
يعني لا تخلي خواتك يقولون لها انك تحبها بقوووه وانك تموت فيها
لا خلهم يوصلون لها سلام منك (فلان يسلم عليك )
يعني تدري انها في بالك لكن ماتدري عن اللي بخاطرك وشوي شوي بترسلك سلام مع خواتك ......لكن صعب تبين لك مشاعرها ""
""وتراه عادي انها مالمحت لك بشي الى الحين وهذا الطبيعي فلا تنتظر ""
اما كلام الحب وكل شي تحس فيه ناحيتها خله يجي منك افضل
ولااااتخلي احد يوصله لها اصبر الى الملكه ولما تكلمها قول لها كل اللي بقلبك""

شكرا الله يوفقك وكلامك مرره منطقي بس ما قلتي كيف اعرف شعورها؟؟؟؟ عشان ما احس اني مضيع وقتي واذا حسستها باهميتها وما كان فيه ردة فعل

بيظيق صدري شوي
شكرا الله يخليك ويحفظك

NaWaF99 · 19-04-2009, 18:52

اقتباس:

المشاركة الأصلية كتبت بواسطة مديره

ماتقدر تعرف شعورها الا عن طريق الخوات
خلك فري مع وحده منهن علشان تنقل لك كل اخبارها

لو خليت الوضع فري وسالت وحده منهم على طول بيقولون لها وهذا الشي اللي ما ابغاه وشككرا على مرورك اختي مديرة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

للبنات فقط: ابي رايكم لو سمحتو