عالم الحياة الزوجية - منتدى

@ريم الغلا@ · 19-04-2009, 20:55

السلام عليكم

انا متزوجه من زمان وعندي اطفال الحمد لله وزوجي طيب وكريم وكل امورنا الحمد لله طيبه ..

لكن عندي مشكله انا خجوله في طلب المال من زوجي وهذا من يوم عند اهلي ما احرص على المال كثير وما اطلب من ابوي الا لضرورة وطبعي قنوع ..

لكن تعرفون المتزوجه غير اخجل من طلب المال من زوجي واهو ما يقصر لكن ما يكفيني واخجل اقوله واذا لمحت له يقول ما عندي كله صرفته في البيت وسددت فيه بعض الديون وماعاد عندي الى مصروف اسبوع
ودي اعرف كيف المتزوجه تاخذ مصروفه من زوجها اذا كان مثل زوجي ؟؟
طيب انا وش ذنبي والديون كل مالها تزيد وما احصل منها مصروفي ابي مصروف شهري لي يخصني غير اطفالي كيف اوصل صوتي لزوجي واطلب منه منغير ما اجرح مشاعرة ؟؟

ابوعشاير · 19-04-2009, 21:02

اصبري وانشاء الله بتنفرج

وهذي نصيحة مني لك واذا فعلتيها بيرزقك الله

وهي ان تتصدقي ولو بريال ولامانع اذا شفتي مكان للتبرع تصدقي ولو بريال او خمسة

وراح تتعوضين بشكل كبير

@ريم الغلا@ · 19-04-2009, 21:51

اقتباس:

المشاركة الأصلية كتبت بواسطة ابوعشاير

اصبري وانشاء الله بتنفرج
وهذي نصيحة مني لك واذا فعلتيها بيرزقك الله
وهي ان تتصدقي ولو بريال ولامانع اذا شفتي مكان للتبرع تصدقي ولو بريال او خمسة
وراح تتعوضين بشكل كبير

شكرا يا اخي لردك الطيب وجزاك الله كل خير ..
والحمد لله الله العالم اني ما ابخل و اتصدق با الي اقدر .

حلاوه قطن · 19-04-2009, 21:53

اذاتستحي تقوليلو اكتبي في ورقه انك محتاجه زياده

ظايع بدونك · 19-04-2009, 21:53

مصروفك من زوجك واجب عليه لاكن ياختي لو زوجك مديون اوعنده ظائقه ماليه من الافضل ان لا تحرجيه اصبري عليه وخصوصا اذاكان زوجك محب لك اصبري وكوني مشجعه له الي ان يتعدا ازمته ولا تنسي ان مع العسر يسر واذا شفتي حال زوجك تعدل حاولي تلمحين له من بعيد حتي لو بمصروف اسبوعي والله يرزقكم من واسع فضله

(من جديد ) · 19-04-2009, 22:03

اطلبي منه مباشرة
الرجل الطبيعي يسعد بصرفه على زوجته ويحسسه بالمسؤولية تجاهها

Hector Ferrer · 19-04-2009, 22:29

بقولك اسلوب زوجتي اذا بغت شي...يمكن ينفع معاك...تقولي حبيبي يرضيك حبيبتك وأم عيالك محتاجة شي؟؟؟اقولها لا

يرضيك أشيل بخاطري؟؟؟اقولها اكيد لاااا ...قولي وش تبي؟؟؟ تقولي لاا لا لاالااااااا اخاف تردني....اقولها يابنت الحلال

قولي والله ماردك....تقولي لا لا لا لا مابي اكلف عليك.....اقولها مافي كلفة ولا شي والله تقولي....تقول دام انك حلفت

ابي كذاااوكذااااا وكذاااااا وكذاااااااا وترى هاااااااا انت وعدت انك ماتردني..........

maya_belkhadem · 19-04-2009, 22:30

حبيبتي هاذ زوجك ليش الخجل بس اذا ما عنده لاتضايقينه واصبري عليه
احتك مايا

كحلها سايل · 19-04-2009, 22:30

مايبي لها لا ورقه ولا قلم .
صارحيه بوجهه ..
يابو فلان .. المصروف ماعاد يكفيني ..
اهو راح يفهمها و بيزيد مصروفك ..
موفقه ..

الدنياحلوووة · 19-04-2009, 23:32

قسما بالله الرجال بدهن يجيبولنا الجلطة لا حووووول ولالالالالا قوووة الا بالله

على انفسهم ما بيبخلو وبس الزوجة تطالب بمصروفها صار عليه ديون ومصالح ومسؤولية انانية لابعد حد

ولا انصحك بالخجل وبنفس الوقت كوني حكيمة نفسك وخدي اللي بدك ياه باسلوبك

بس شيلي الخجل على طرف مو نافعك هههههههههههههههههههههههههههه

موفقة

المعانق · 20-04-2009, 00:20

انتي اكيد تعرفين وش اللي لزوجك وش اللي عليه من ديون..

والله يووفي دينه يارب

لكن مافيها شي قولي له او بأسلوب حلو مثل ما قال الاخوان في الردود او بوجهه مافيها شي.. ولو تقولينها مع دمعتين بيرحمك ومو رااادك...

والله يرزقكم من خيره

صفحات لم تقرأ · 20-04-2009, 00:29

وعليكم السلام

أطلبيه وإن شاء الله مايردكـ

وأنتي أدرى بظروف زوجكـ

والله يرزقكم ويخليكم لبعض

بي روعه · 20-04-2009, 01:20

والله انا جلست سنه كامله احاول فيه وبشتى الطرق

ومره كان بضائقه ماليه واتفقت معه انه ياخذ ذهبي ويبيعه وبشرط انه يحط لي مصروف شهري

والحين ماشي على مصروفي الرجال على ماتعودينه صح انه باع ذهبي واخذ يمكن مبلغ بسيط بس الي عطاني الحين اكثر

ولا تصدقين الي فوق لاقالو تدلعي ترا ماعندهم سالفه لو هم مكان زوجك كان مااهتمو لدلعك

لانه زوجك وخلاص شبعان من دلعك يبي لك تضغطين عليه لين تطلعينها من عيونه

متنا وحنا نتدلع ولا شفنا شي

وجربي تدلعين كان مانفع جربي كل الطرق كل فرصة استغليها لصالحك

الحين ابي مصروف لعيالي والله يعني عليه يبي له جهد وتعب موب صاحي شوفي مشكلتي الله يفرجها لي ولك

ام جينار · 20-04-2009, 08:35

الله يعيننا على الرجال وبخلهم زوجي دايما يقول احرم نفسي واعطيك سكت اول مره بعدين انفجرت قلت وش اللي حرمت نفسك منه عندك اكشخ سياره واكشخ لاب توب ولاحارم نفسه من شي يذلني عشان خمسميه وراتبه عالي

قلبي كله حنان · 20-04-2009, 08:48

الزوج مكلف لزوجته اربع اشياء الشرع كلفه بيها

1- السكن

2- المعاشره بالمعروف

3- كسوتها

4- النفقه

وهل النفقه محصوره على المصروف الشهري

انا من رى انك لو محتاجه شي تقولي يايبو فلان ترى محتاجه كدى وكدى وكدى اما حكاية مصروف شهري

وزوجك عنده ظروف ماديه وديون انا اشوف هذي قلة ذوق من الزوجه وخاصه لما ماتوقف مع زوجها وقت الضيقه

اما مصروف كل اسبوع عشان تشتري كتكات او اندومي او كنبري مشكل او علبة بطاطس عشان تتفرج على mbc4

هذا في نظري كلام فاضي

ينساء حسو بأزواجكم

والله والله الرجل العاقل السوي لو وضعه المادي تمام والله ماراح يقصر مع زوجته خاصه لو هي ام عياله وجايب منها اطفال

اما الرجل البخيل الشحيح هذا يقصر مع نفسه بعد مو مع زوجته واطفاله مع نفسه لان البخل مرض والعياذ بالله

والمراءه تحب في الرجل خصلتين مهمتين

1- الشجاعه

2- الكرم

وتقبلي كلامي بصدر رحب ولو عندك تعليق صدقيني اتقبله بكل سعه ورحب

اخوكي في الله قلبي كله حنان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)